ЯҢАЛЫКЛАР
Татарстан Республикасы Сәнәгать һәм сәүдә министрлыгы башлыгы чыршыдан балаларның теләкләре белән ике шар төшерде. Ул Тукай районыннан 11 яшьлек Милана һәм Тәтештән 5 яшьлек Ярослав хыяллана торган планшетларны бүләк итәчәк. «Хыяллар чынга ашарга тиеш, ә балаларныкы – бигрәк тә!» – диде Олег Коробченко.
Татарстан Республикасы Хөкүмәте һәм шәхсән үз исемемнән сезнең төп һөнәри бәйрәмегез – Энергетиклар көне белән чын күңелдән котлыйм.
Энергетика комплексы республика һәм һәр татарстанлы тормышында мөһим роль уйный. Сезнең тармак икътисадка, сәнәгать предприятиеләре һәм социаль объектлар эшенә зур өлеш кертә. Энергетикларның хезмәте аерым хөрмәткә һәм рәхмәткә лаек.
Бу ел җиңел булмады. Әмма сезнең югары һөнәри осталыгыгыз, стандарт булмаган бурычларны хәл итә алуыгыз аркасында Татарстан бу чорны лаеклы уздырып җибәрә. Яңа технологияләр һәм иң яхшы эшләнмәләр куллану энергия системасына төгәл һәм килешеп эшләргә мөмкинлек бирә.
Бу бәйрәм көнендә тармак ветераннарына энергетика үсешенә керткән өлешләре өчен рәхмәт белдерәбез. Сез яшь белгечләр өчен үрнәк булып торасыз, ә тармактагы казанышларыгыз белән без бүген дә горурланабыз.
Сезгә энергетика комплексы объектларын үстерү, модернизацияләү проектларын уңышлы тәмамлавыгызны һәм яңа казанышлар телим! Нәтиҗәле һәм аварияләрсез эшләргә, нык сәламәтлек һәм гаилә иминлеге насыйп булсын!
ТР Премьер-министр урынбасары –
Республики Татарстан
сәнәгать һәм сәүдә министры
О.В. Коробченко
2022 елда Татарстан энергосистемасында электр энергиясе җитештерү, ТР Сәнәгать һәм сәүдә министрлыгы бәяләвенчә, сәгатенә якынча 30 млрд*кВт тәшкил итәчәк – узган ел белән чагыштырганда, 11% күбрәк. Татарстанда электр энергиясен куллану ел нәтиҗәләре буенча шулай ук 3,4 процентка диярлек күбрәк үсеш көтелә. Бу хакта 21 декабрьдә Татарстан Республикасы сәнәгать һәм сәүдә министры урынбасары Иван Колчин Казанда «Энергетика тармагын үстерү приоритетлары» Бөтенроссия гамәли конференциясендә хәбәр итте. Чара тармакта цифрлы чишелешләр кертүгә багышланган иде.
21 декабрьдә Казанда Татарстан территориясендә криогенлы автоягулык станцияләрен төзү проектын гамәлгә ашыру өлкәсендә «Газпром СПГ технологии» ҖЧҖ һәм Татарстан Республикасы Хөкүмәте арасында хезмәттәшлек турында килешүгә кул куелды. Ул ТР Инвесторлар клубы утырышы кысаларында Республика Президенты катнашында узды.
Татарстан Республикасы Сәүдә-сәнәгать палатасында 19 декабрьдә «Ел инженеры» III республика конкурсының бүләкләү тантанасы булды. Республика җитәкчелеге исеменнән конкурста җиңүчеләрне ТР Дәүләт Советы Рәисе Фәрит Мөхәммәтшин котлады.
Россия хөкүмәте химия продукциясен эшләүчеләргә һәм җитештерүчеләргә салым ташламалары бирәчәк, дип хәбәр итте Министрлар Кабинеты матбугат хезмәте.
«Хөкүмәт рәисе Михаил Мишустин салым түләүләрен киметү өчен чыгымнарны исәпкә алырга мөмкин булган фәнни тикшеренүләр һәм тәҗрибә-конструкторлык эшләре төрләре исемлеген (НИОКР) киңәйтүче карарны имзалады. Хәзер анда химик продукциянең аерым төрләрен эшләү һәм җитештерү кертелгән», – диелә хәбәрдә.
16 декабрьдә Haier индустриаль паркында Татарстан һәм Кытайның сәүдә-икътисадый хезмәттәшлеген үстерү мәсьәләләре турында фикер алыштылар. Казанда КХР Генераль консулы Сян Бо әфәнде һәм республикада урнашкан Кытай компанияләре җитәкчелеге белән очрашуны Татарстан Премьер-министры урынбасары - сәнәгать һәм сәүдә министры Олег Коробченко уздырды.
Республика «Җитештерү 360» федераль форумын кабул итәчәк.
РФ Икътисадый үсеш министрлыгы «Хезмәт җитештерүчәнлеге» илкүләм проектының лидер төбәкләрен атады. Алар арасында Татарстан һәм тагын 17 субъект бар. Проектны Россия Хөкүмәте Рәисенең беренче урынбасары Андрей Белоусов җитәкли.
Җиңүчеләрне бүләкләү тантанасы 15 декабрьдә ТР Сәүдә-сәнәгать палатасында узды. Татарстан Республикасы сәнәгать һәм сәүдә министры урынбасары Марат Миңнебаев «Җитештерү-техник билгеләнештәге продукция» номинациясендә иң яхшы дипломнар тапшырды.
Әлеге номинациядә 34 предприятиене билгеләп үттеләр: КНПП «Вертолеты-МИ», «Казаноргсинтез», Горький исемендәге Зеленодольск заводы, «Техстрой», «Татнефть-прессозит», «Хортум» ФҖП, «Казанькомпрессормаш», «Түбән Кама шин» ГАҖ, «Түбән Кама йөк шиннары заводы» ҖЧҖ һәм башкалар.
Татарстан сәнәгать һәм сәүдә министры урынбасары Марат Миңнебаев һәм «Газпром трансгаз Казань» техник шартлар хезмәте башлыгы Артем Алексеев 14 декабрьдә республика халкының өстәмә газлаштыру һәм газлаштыру турындагы сорауларына җавап бирделәр. Турыдан-туры эфирда Татарстан Республикасы Төбәк белән идарә итү үзәге мәйданчыгында татарстанлыларны борчыган төп нәрсәләр турында фикер алыштылар. Трансляция Татарстанның ЦУР төркемендә «Вконтакте» социаль челтәрендә алып барылды. Тамашачылар шулай ук үз сорауларын шәрехләрдә дә бирделәр.