Татарстанның ТОП-100 эшкуары булыгыз!
Республикада «Кече һәм урта эшкуарлык» илкүләм проекты кысаларында «Минем бизнес» үзәгенең «Ел эшкуары. Алтын йөзлек – 2024» премиясенә гаризалар кабул итү дәвам итә.
Җиңүчеләр Татарстан Республикасы икътисады үсешенә зур өлеш керткән эшкуарлар арасында ун номинациядә билгеләнәчәк:
- IT проектлар һәм чишелешләр;
- Импортны алмаштыру;
- Халык тарафыннан танылу ( золотаясотня.рф сайтында ачык тавыш бирү нәтиҗәсе);
- Башлангыч эшкуар;
- Экспортлаучы предприятие;
- Җитештерү;
- Үзмәшгуль;
- Авыл хуҗалыгы;
- Төзелеш;
- Хезмәт күрсәтү өлкәсе;
100 җиңүче үз сайтында яки үз продукциясендә «Алтын йөзлек» логотибын – эксперт комиссиясе тарафыннан расланган сыйфатның аерым билгесен урнаштыра алачак. Бу билге белән оешма Татарстанның иң яхшы 100 эшкуары исемлегенә керүен раслый.
Номинацияләрнең 10 лауреаты шулай ук 100 мең сумнан артык бәягә телевидениедә игълан ителгән товарларны яки хезмәтләрне алга сөрү рәвешендә өстәмә бүләк алачак.
15 майга кадәр гариза бирергә өлгерегез. Теркәлү һәм конкурс турында тулырак мәгълүмат золотаясотня.рф сайтында урнаштырылган.