ЯҢАЛЫКЛАР

Эшче һөнәрләрнең абруен арттыру, эшче яшьләрнең алдынгы тәҗрибәсен пропагандалау максатыннан 8-9 августта Түбән Кама шәһәрендә “Үз эшенең остасы” Бөтенроссия һөнәри осталык конкурсы кысаларында «Иң яхшы эретеп ябыштыручы-2012» төбәк конкурсы үткәреләчәк. Аны Татарстан Республикасы Сәнәгать һәм сәүдә министрлыгы, "Түбән Кама нефтехим" ААҖ, республика эретеп ябыштыручылары берләшмәсе оештыра. Мәгълүмати ярдәм итү "Татмедиа" матбугат һәм массакүләм коммуникацияләр буенча республика агентлыгы тарафыннан башкарылачак.

"Россия вертолетлары" холдингына керүче «Казан вертолёт заводы» ААЖ EN 9100:2009, AS9100 Revision C/JIS Q 9100:2009 "Авиация, космик һәм оборона тармагы СМС" халыкара стандартлары буенча BUREAU VERITAS Certification Халыкара бәйсез сертификацияләү оешмасының сыйфат менеджменты сертификатына ия булды.
Әлеге стандарт нигезенә эшчәнлекне төгәл регламентацияләү, технологик һәм җитештерү операцияләрен стандартлаштыру салынган. Шуны да билгеләп үтәргә кирәк, AS 9100 Америка стандарты булып санала, Европада шуңа охшаш EN 9100, Азиядә JISQ9100 кулланыла. "КВЗ" ААҖ бу стандартларның барысы буенча да сертификат алды. Сертификат аэрокосмик индустрия OASIS (Online Aerospace Supplier Information System) товар ташучыларының халыкара электрон мәгълүмат базасына керү мөмкинлеге бирә. Сертификацияләү аудиты 2011 елның ахырында уздырылды.

Татарстан Республикасында 14 –17 август көннәрендә VI халыкара күргәзмә «АКТО-2012» уздырылачак, Күргәзмәне Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, «Казан вертолёт заводы» ААЖ, А.Н.Туполев ис. КНИТУ, «Туполев» ААҖ КФ КБ, «С.П.Горбунов ис. КАҖБ» ААҖ, "Казан ярминкәсе" ААҖ, «Вертолет-Медиа» ҖЧҖ оештыра.

3 – 5 августта Алабуга шәһәрендә V Бөтенроссия Спас ярминкәсе үткәрелә. Анда 400дән артык һөнәрче катнашачак. Ярминкәгә ювелир әйберләр, милли киемнәр, киндер кием-салым, мамык, агачтан уеп ясалган әйберләр, керамика (уенчыклар), гжель, нәфис күн, корама тегү һәм курчаклар, металлдан, кайрыдан, пыяладан ясалган әйберләре белән Россия Федерациясенең 44 шәһәреннән һәм 20 җирлегеннән халык һөнәрчеләре катнаша. Ярминкәгә шулай ук Россиянең һәм чил илләрнең күн эшкәртү осталары киләчәк, алар теләүчеләр өчен мастер-класслар үткәрәчәк.

1 августта Татарстан Республикасының сәнәгать һәм сәүдә министры урынбасары Рашат Фәттахов куллану базарының эре объектларында иминлек мәсьәләләренә багышланган киңәшмә үткәрде. Киңәшмәдә Татарстан Республикасы буенча Эчке эшләр министрлыгы, Татарстан Республикасы Гражданнар оборонасы эшләре һәм гадәттән тыш хәлләр министрлыгы вәкилләре һ.б катнашты.
Киңәшмә кысаларында иҗтимагый тәртип, янгын куркынычсызлыгы, санитария-эпидемиология һәм ветеринария иминлеге өлкәсендә гамәлдәге законнарны тайпылышсыз үтәү мәсьәләләренә аеруча зур игътибар бирү кирәклеге ассызыкланды.

1 августта Татарстан Республикасы сәнәгать һәм сәүдә министрының беренче урынбасары Руслан Кәбиров Люксембург Бөек Герцоглыгының Россия Федерациясендәге Гадәттән тыш һәм Тулы вәкаләтле илчесе Пьер Ферринг әфәнде белән очрашты. Очрашуда Татарстан Республикасы Президенты Аппараты һәм Татарстан Республикасы Сәнәгать һәм сәүдә министрлыгы аппараты вәкилләре катнашты. Кунакларга республиканың сәнәгать һәм инвестиция потенциалын презентацияләү булды, Татарстан Республикасы һәм Люксембург Бөек Герцоглыгы арасында сәүдә-икътисадый мөнәсәбәтләр һәм инновацияләр өлкәсендә хезмәттәшлек итү мәсьәләләре хакында сүз барды.

Татарстан Республикасында 14 – 17 август көннәрендә «Авиакосмик технологи-яләр, заманча материаллар һәм җиһазлар. Казан-2012» VI халыкара күргәзмәсе («АКТО-2012») үткәреләчәк. Күргәзмәне оештыручылар: Татарстан Республикасы Министрлар Кабинеты, Татарстан Республикасы Сәнәгать һәм сәүдә министрлыгы, «Казан вертолет заводы» ААҖ, А.Н.Туполев ис. КНИТУ, «Туполев» ААҖ, «С.П.Горбунов ис. КАҖБ» ААҖ, «Казан ярминкәсе» ААҖ, «Вертолет-Медиа» ҖЧҖ.

25 июльдә Татарстан Республикасының сәнәгать һәм сәүдә министры урынбасары Гөлнара Әхмәдиева "Машина (судно) төзелеше кластерын үстерү – Зеленодольск муниципаль районының әһәмиятле предприятиеләрен кадрлар белән тәэмин итүне гамәлгә ашыру шарты" республика семинар-киңәшмәсендә катнашты. Әлеге чара Зеленодольск муниципаль районы администрациясе, А.Н. Туполев ис. Казан милли-тикшеренү техник университеты – КАИ, Зеленодольск шәһәренең машина төзелеше тармагы предприятиеләре белән берлектә Татарстан Республикасы Сәнәгать һәм сәүдә министрлыгы тарафыннан оештырылды.

25 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Россия Федерациясе субъектларындагы Татарстан Республикасы вәкиллекләре җитәкчеләре, Татарстан Республикасы Президенты Аппараты вәкилләре, Татарстан Республикасы Сәнәгать һәм сәүдә министрлыгы хезмәткәрләре, Бөтендөнья татар конгрессы башкарма комитеты, Татарстан Республикасының инвестиция үсеше агентлыгы, "Иделбуе сыйфат үзәге" НП вәкилләре катнашында киңәшмә үткәрде.

24 июльдә Татарстан Республикасы Премьер-министры урынбасары – Татарстан Республикасы сәүдә һәм сәнәгать министры Р. Зарипов «ТЮФ Тюринген белән уртак Интерсертифика-ТЮФ» ҖЧҖ генераль директоры Вадим Рождественский белән очрашты. Очрашуда министр урынбасары Гөлнара Әхмәдиева һ.б. катнашты
Татарстан Республикасы Премьер-министры урынбасары – Татарстан Республикасы сәүдә һәм сәнәгать министры Р. Зарипов очрашуда катнашучыларны “2012-2013 елларга Татарстан Республикасында “Сакчыл җитештерү” методикасын гамәлгә ашыру” максатчан программасын үтәү барышы, икътисадның төрле тармакларында һәм республиканың дәүләт хакимияте органнарында Лин-технологияләрне кертү тәҗрибәсе белән таныштырды, кадрлар әзерләүнең гамәлгә кергән системасы турында мәгълүмат бирде.
Очрашуда кадрлар әзерләү мәсьәләсе буенча Татарстан Республикасы Сәүдә һәм сәнәгать министрлыгы, республиканың белем бирү үзәкләре, сертификация органнары һәм «Интерсертифика» бәйсез компанияләр төркеме арасында хезмәттәшлек итү мәсьәләләре хакында да фикер алышынды.