ЯҢАЛЫКЛАР

2012 елның 23 июлендә Татарстан Республикасы Премьер-министры урынбасары – Татарстан Республикасы сәүдә һәм сәнәгать министры Р. Зарипов Польша Республикасы Поморск воеводалыгы Маршалы Мечислав Струк әфәнде җитәкчелегендәге делегация белән очрашты.

Агымдагы елның 14-17 август көннәрендә Татарстан Республикасында “Авиакосмос технологияләре, заманча материаллар һәм җайланмалар, Казан – 2012” VI Халыкара күргәзмәсе, «Заманча технологияләр, материаллар, җайланмалар һәм квалифицияле кадрлар потенциалын торгызу – илнең авиа- ракета төзелешен яңартуның мөһим өлеше» фәнни-гамәли конференциясе, кече авиация конференциясе, “Мин күккә гашыйк” авиация бәйрәме үткәреләчәк. Әлеге чараларны әзерләү һәм үткәрү буенча 2012 елның 20 июлендә оештыру киңәшмәсе булды, аны Татарстан Республикасы Премьер-министры урынбасары – Татарстан Республикасы сәүдә һәм сәнәгать министры Р. Зарипов үткәрде. Киңәшмәдә ведомствоара эшче төркем вәкилләре – Татарстан Республикасы Сәүдә һәм сәнәгать министрлыгы, Татарстан Республикасы Фән һәм мәгариф министрлыгы вәкилләре, “Казан ярминкәсе” ААҖ, һ.б. катнашты.

2012 елның 18 һәм 19 июль көннәрендә Татарстан Республикасына инновацияләр үсеше һәм инновация инфраструктурасы өлкәсендә Татарстан Республикасы тәҗрибәсен өйрәнү максатыннан Чиләбе өлкәсе предприятиеләре белгечләре килде. 18 июльдә Татарстан Республикасы Сәнәгать һәм сәүдә министрлыгында бу уңайдан очрашу уздырылды. Кунаклар «ИТ-парк» дәүләт автоном учреждениесендә, «КНИАТ» инновация-технология үзәгендә» булдылар, 19 июльдә ПКФ «БЕТАР» ҖЧҖ (Чистай шәһәре) һәм Чаллы шәһәре «ИТ-паркка» бару планлаштырыла.

2012 елның 14 июлендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов Мамадыш районының Җөри авылында уздырылган Питрау бәйрәмендә катнашты. Әлеге чарага Татарстан, Башкортостан, Удмуртия һәм Чиләбе өлкәсеннән күп кунаклар килгән иде.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов металлургия тармагы ветераннарын һәм хезмәткәрләрен һөнәри бәйрәмнәре – Металлурглар көне белән тәбрик итте:
“Хөрмәтле металлургия тармагы ветераннары һәм хезмәткәрләре! Бүген Татарстан һәм Россия икътисадларын металлургия продукциясеннән башка күз алдына да китереп булмый. Машина төзелеше сәнәгатенең нигезен тәшкил итә торган әлеге тармак сәнәгать үсешенең динамикасын, сыйфатын чагылдыра, республика һәм ил икътисадларын ныгытуга зур өлеш кертә.

2012 елның 12 июлендә Татарстан Республикасы Сәнәгать һәм сәүдә министрлыгында эшчәнлекләрен реструктуризацияләү һәм модернизацияләү белән шөгыльләнүче оешмаларның инвестиция проектларын һәм гаризаларын карау һәм бәяләү буенча ведомствоара эшче төркем утырышы уздырылды. Утырышта «А.М.Горький ис. Зеленодольск заводы» ААҖ, «Радиоприбор» ААҖ, «Серго ис. завод» ҖБ» ААҖ, «Кварт» ЯАҖ, «Нэфис Косметикс» ААҖ һ.б. предприятиеләрнең һәм оешмаларның инвестиция проектлар уңышлы дип табылды.

12 июльдә Майкоп шәһәрендә ( Краснодар крае) 2012 елгы "Ефәк юлы" төгәлләнде. Раллида экипажлар 3500 километрдан артыграк юл узды. Айрат Мәрдиев җитәкчелегендәге "КАМАЗ" экипажы җиңү яулады. Икенче урынга "MAN" автомобилендә Петер Верслуис экипажы чыкты. Өченче урынны – "КАМАЗ" автомобилендә Антона Шибалов экипажы алды. Чаллының "КАМАЗ-Мастер" командасы составында Эдуард Николаев, Айрата Мәрдиева, Антон Шибалов, Дмитрий Сотников, Сергей Куприянов бар иде. Казахстанның "Астана" командасы да "КАМАЗ" автомобилендә көч сынашты.

12 июльдә Екатеринбург шәһәрендә сәнәгать буенча координация советының III утырышы булды. Ул «Сәнәгать предприятиеләре эшчеләрен һәркем ала алырлык һәм уңайлы торак белән тәэмин итү проблемалары һәм аларны чишү юллары"на багышланды. Утырышны Россия Федерациясе Хөкүмәте Рәисе урынбасары Аркадий Дворкович үткәрде. Совет эшендә Торак төзелешен үстерүгә ярдәм фонды генераль директоры Александр Браверман, Россия регионнарының сәнәгать министрлары, эре банклар, инвесторлар һәм төзүчеләр вәкилләре катнашты.

5 июльдә "Сакчыл җитештерү" методикасын кертү буенча ведомствоара эшче төркемнең чираттагы утырышы булды. Әлеге төркемнең составы зурайды. Бирегә яңа әгъзалар – Татарстан Республикасы Транспорт һәм юллар хуҗалыгы министрлыгы, Татарстан Республикасы Авыл хуҗалыгы һәм азык-төлек министрлыгы, ИЭУП, Әлмәт муниципаль районы башкарма комитеты, Казан милли технология университеты, "Казан вертолет заводы"ААҖ, "Серго ис. завод" ААҖ, "Казан электротехника заводы" вәкилләре чакырылды.
Утырышта беренче яртыеллык эш йомгаклары хакында мәгълүмат, хисаплар тыңланды. Утырыш ахырында халыкара танылган Лин-оешма – Кайдзен Институты презентациясе булды. Әлеге оешманың Россиядәге бүлеге директоры Андрей Гавриченков кайдзен-менеджерлар әзерләү хакында, җитештерү системалары аудиты һәм аларны сертификацияләү мөмкинлекләре, Лин-практиклар әзерләү һәм сәнәгатьнең төрле тармакларындагы предприятиеләрдә эталон мәйданнары булдыру хакында сөйләде, эшче төркем утырышында катнашучыларның сорауларына җавап бирде.