ЯҢАЛЫКЛАР

2015 елның  27 - 30 октябрендә Мәскәүдә  «Экспоцентр» үзәк күргәзмә комплексында «Химия-2015» XVIII халыкара химия сәнәгате һәм фәне күргәзмәсе узачак. Чарада Татарстан Республикасы Сәнәгать һәм сәүдә министрлыгы вәкилләре катнаша.

Быел «Химия» күргәзмәсе үзенең 50 еллыгын һәм СССРның химия сәнәгате министры Л.А.Костандованың тууына 100 еллык юбилеен билгеләп үтә.

«Химия» проекты 1975 елда күргәзмә индустриясенең Бөтендөнья ассоциациясе Билгесен (UFI) алучы Россиядә беренче күргәзмә. Ул шулай ук Россия күргәзмәләр һәм ярминкәләр берләшмәсе тамгасы (РСВЯ) белән билгеләнде

2015 елның 28-31 октябрендә Татарстан Республикасында Мәскәү шәһәре көннәре узачак.

28 октябрьдә Мәскәү шәһәре Думасы рәисе Алексей Шапошников җитәкчелегендә Мәскәү шәһәре делегациясе киләчәк. Аның составында – Мәскәү шәһәре Департаментлары җитәкчеләре, мәдәният, фән, татар җәмәгатьчелеге эшлеклеләре. Делегация әгъзаларын Татарстан Республикасы Дәүләт Советы рәисе урынбасары Татьяна Ларионова һәм Татарстан Республикасы сәнәгать һәм сәүдә министры урынбасары Рашат Фәттахов каршы алачак.

27 октябрьдә  Татарстан Республикасы  Хөкүмәте йортында «Вверх!» алтынчы республикакүләм бәйгесенә йомгак ясалды.

Бәйгедә җиңүчеләрне һәм призерларны игълан итүгә багышланган тантаналы чарада Татарстан Республикасы Премьер-министры урынбасары Васил Шәйхразиев, Татарстан Республикасы яшьләр эшләре һәм спорт министры Владимир Леонов, “Татарстан Республикасы иҗадый яшьләр академиясе” төбәк иҗтимагый оешмасы президенты Валентин Шихоболов, Татарстан Республикасы ҮСК рәисе урынбасары Валентина Каменькова, Татарстан Республикасы сәнәгать һәм сәүдә министрлыгы вәкилләре һәм башкалар катнашты.

24 октябрьдә Татарстан Республикасы Министрлар Кабинетында Татарстан Республикасы Премьер-министры Илдар Халиков рәислегендә башкару дисциплинасы , халык тормышының сыйфат индикаторлары буенча идарә итүгә дәүләт биремен үтәү нәтиҗәләре турында Россия Федерациясе Президенты указларын гамәлгә ашыру турында 2012 елның 7 маендагы 569-601, 606 номерлы указлары һәм аларны киләчәктә гамәлгә ашыру буенча бурычлар мәсьәләләренә багышланган утырыш узды. Утырышта Татарстан Республикасы сәнәгать һәм сәүдә министры урынбасары Алмаз Хөсәенов катнашты.

25 октябрьнең төнендә “Кызыклы фән һәм техника Йорты”нда “Әйдә Космоска!” девизы астында космик төн узды.  Әлеге чара Ленинградта 80 ел элек ачылган кызыклы фән Йорты һәм «АЛГА» беренче балалар Технопаркы ачылышына багышланды.

«Авиа төзелеш», «Космик», «Робототехника» һәм «Радиоэлектроника» лабораторияләрендә уздырылган мастер-классларда 600 артык кеше катнашты. Катнашучылар Хьюстондагы космик үзәге белән элемтәгә керделәр һәм  уникаль эксперимент  - "Мир" - "Алга" һәм "Аврора"  ике беренче балалар космик станцияләр тоташуын күзәттеләр. Ә иң кечкенәләр космос турында кызыксындырган сорауларын Россия Герое, Россия очучы-космонавты Андрей Иванович Борисенкога бирә алдылар.

Моннан тыш, төн дәвамында төрле экскурсияләр, фәнни шоу-программалар оештырылды.

2015 елның 22-26 октябрендә “Казан ярминкәсе” күргәзмә үзәге территориясендә  «Арт-галерея. Казан 2015» 7 махсуслаштырылган күргәзмә узачак. Күргәзмәнең танатаналы ачылышында Татарстан Республикасы Сәнәгать һәм сәүдә министрлыгы вәкилләре катнашты.

Күргәзмәдә Россиянең 32 шәһәреннән, шул исәптән, Екатеринбургтан, Казаннан, Мәскәүдән, Новосибирсктан, Пермь шәһәреннән, Самарадан, Санкт-Петербургтан, Уфадан, шулай ук 5 чит илдән - Беларусь  Республикасыннан, Дагыстаннан, Казахстаннан, Төркмәнстаннан, Үзбәкстаннан 180 иҗат кешеләре һәм коллективлары катнашачак.

2015 елның 21 октябрендә «Татнефть» САҖ (Әлмәт шәһәре) Татарстан Республикасы Президенты Рөстәм Миңнеханов рәислегендә республиканың кече нефть компанияләре белән кварталлык киңәшмәсе үтте.

Киңәшмәдә Татарстан Республикасы сәнәгать һәм сәүдә министры урынбасары Дамир Сафиуллин, "Татнефть" ГАҖ генераль директоры Наил Маганов һәм республика министрлыклары һәм ведомстволары җитәкчеләре катнашты.

2015 елның 21 октябрендә «Алабуга» махсус икътисадый зонада Татарстан Республикасы Президенты Рөстәм Миңнеханов катнашында сыек япмалар җитештерү буенча «3М Волга» заводы ачылышы узды.

Тантанада шулай ук Татарстан Республикасы сәнәгать һәм сәүдә министрының беренче урынбасары Руслан Кәбиров, 3М компаниясенең Россиядәге генераль директоры Роберт Николс, «Алабуга» СҖТ МИЗ» ААҖ генераль директоры Тимур Шаһивәлиев, 3М компаниясенең җитештерү буенча Россиядәге директоры Евгений Мараховский, Татарстан Республикасы министрлыклары һәм ведомстволары вәкилләре катнашты.

2015 елның 20 октябрендә Төмән өлкәсе торак-коммуналь департаменты директоры урынбасары А.В.Майер җитәкчелегендәге Төмән өлкәсе делегациясе Татарстан Республикасына визит белән килде.

Визит кысаларында делегация Зеленодольск муниципаль районына, Теләче муниципаль районына һәм «Иннополис» МИЗга барачак.

Моннан тыш, Татарстан Республикасы Төзелеш, архитектура һәм торак-коммуналь хуҗалыгы министрлыгы, Татарстан Республикасы Икътисад министрлыгы, Татарстан Республикасы Инвестицион үсеш агентлыгы җитәкчелеге белән эшлекле очрашулар каралган.

Гагаузия автоном территориаль берәмлеге  Башканы (Башлыгы) Ирина Влах җитәкчелегендә Гагаузии делегациясе (Молдова Республикасы) Татарстан Республикасына эш визиты белән килде. «Казан» халыкара аэропортында делегация әгъзаларын Татарстан Республикасы Премьер-министры урынбасары Алексей Песошин, Татарстан Республикасы сәнәгать һәм сәүдә министрының беренче урынбасары Руслан Кәбиров каршы алдылар. Гагаузия  делегациясе ике көнлек эш визиты кысаларында (2015 елның 19-20 октябрендә) Татарстан Республикасының икътисады, инвестицион потенциалы белән танышачаклар, Казан федераль университетының фундаменталь медицина һәм биология Институтының укыту-лабораториясе кампусына һәм «Эйдос»  медицина симуляторлары төбәк инжиниринг үзәгенә, «Казан» агро-сәнәгать паркына, «Химград» технополисына һәм башкаларга бару каралган.