ЯҢАЛЫКЛАР
“Туполев” компаниясе Россия Федерациясенең Һава-космос көчләре Ерак авиация авиапаркына чираттагы Ту-22М3 очкычын тапшырды.
2017 елның 30 ноябрендә самолет Казанның С.П. Горбунов исемендәге Казан авиация заводы – “Туполев” ГАҖ филиалының очыш-сынау станциясен ташлап китте. Предприятие цехларында Ту-22М3 буенча планлаштырылган барлык тикшерү-торгызу эшләре дә башкарылган, ә заводның очыш-сынау станциясендә белгечләр тарафыннан барлык кирәкле сынаулар да уздырылган. Шулай ук күрсәтү, кабул итү-тапшыру һәм танышу очышлары да уңышлы гамәлгә ашырылган.
Очкычны заказчыга тапшырганнан соң борт, гадәттәгечә, предприятие өстендә очыш ясап, билгеләнеш урынына юнәлде.
Innokam.pro субконтрактация Милли порталы Россия Федерациясе сәнәгать предприятиеләрендә һәм башка илләрдә авыр техника продукциясенә заказлар алу процессларын автоматлаштыру, ышанычлы товар сатучыларны сайлау, продукция һәм хезмәтләрне алга этәрү өчен "Цифрлы индустрия 4.0."не гамәлгә кертүнең әзерлек кысаларында үз эшен 2017 ел башында башлады.
Хәзерге вакытта портал дүрт тармакны берләштерә: машина төзелеше, полимер продукция җитештерү, нефть химиясе, мәгълүмати технологияләр.
Агымдагы елның III квартал ахыры мәгълүматлары буенча Innokam.pro субконтрактация Милли порталында Российской Федерациясенең 47 төбәгеннән 500гә якын катнашучы теркәлгән, шулай ук, Беларусь Республикасы, Казахстан һәм Кыргызстан Республикасы, Германия һәм Төркиядән теркәлгән предприятиеләр дә бар.
Шул исәптән, innokam.pro порталы кулланучылары арасында эре сәнәгать предприятиеләре шактый: «Северсталь» ЯАҖ, «Россия Вертолетлары» АҖ, «Энергия» АҖ, «КАМАЗ» компаниясе, «Түбән Кама нефтехим», «АВТОТОР Холдинг» АҖ, SAMSUNG, «Аксион» Корпорациясе һәм аның бүлекчәләре, «Ростех» Дәүләт Корпорациясе бүлекчәләре, «Росатом» Дәүләт Корпорациясе, «Газпром» ЯАҖ, «Россия тимер юллары», «ШВАБЕ» АҖ, «Берләшкән двигатель төзелеше Корпорациясе» АҖ, «Берләшкән судно төзелеше Корпорациясе» АҖ, «Уралвагонзавод» фәнни-җитештерү Корпорациясе» АҖ и «Тактик ракета кораллануы» Корпорациясе АҖ.
Innokam.pro субконтрактация Милли порталында көн саен авыр техникалы продукция эшләү һәм әзерләүгә заказлар урнаштырыла. Бүгенге көндә 400 дән артык заказ бастырылган, шуларның беренчеләре 2017 елның июль аенда инде үтәлде.
Россия Федерациясе сәнәгать һәм сәүдә министрлыгы материаллары буенча әзерләнде.
Экспортка товар җибәрүчеләр юлга киткән чыгымнарының бер өлешен компенсацияли алалар, бу түбәндәге маршрутлар: "Ворсино (Калуга өлкәсе) - Далянь (КХР)", "Ворсино (Калуга өлкәсе) - Шилун (КХР)" һәм "Ворсино (Калуга өлкәсе) – Чэнду (КХР)". Күрсәтелгән экспорт маршрутлары «Россия экспорт үзәге» АҖ «РЖД Логистика» АҖ белән берлектә, «ТрансКонтейнер» һәм Freight Village RU компаниясе Төркеме тарафыннан эшләнелгән.
Әлеге маршрутлар Кытай белән сәүдә мөнәсәбәтләре алып баручы клиентларга түбәндәге уникаль өстенлекләрне бирә:
• йөкне 14 көннән 16 көнгә кадәр тимер юл транспортында ташу (ә диңгез транспорты белән 40көннән 60 көнгә кадәр);
• тимер юл һәм диңгез аша ташу бәясе якынча бер үк;
• поездлар исә 2 атна саен йөри.
Поезд тимер юлның Ворсино станциясеннән (Freight Village RU терминалы) китә, Кытайга керү ноктасы Наушки (Россия) и ЗамынУудэ (Монголия) чик буе күчүләре аша, шулай ук, Забайкальск (Россия) чик буе аша уза.
КХР төп пунктлар - Далянь порты һәм Чэнду станциясе (Сычуань провинциясе) Кытайның теләсә кайсы ноктасына җиткерелә.
Товар җибәрүнең якынча бәясе:
• универсаль кырык футлы контейнер (Чэндуга кадәр) - $2700, шулай кадәр Даляньга кадәр - $2600 (компенсация исәпкә алынмый);
• рефрижераторлы контейнер (Чэндуга кадәр) - $4500, Даляньга - $5200 (заказ бирелгән контейнерларның чылбырдагы санына карап) (бәяләр компенсацияне исәпкә алмый күрсәтелгән).
Компенсациянең күләме асылдагы чыгымнарның 50% тәшкил итә (төрле типтагы контейнерлар өчен билгеләнгән лимит чикләрендә) һәм җибәрелгән авыл хуҗалыгы һәм азык-төлек продукциясе бәясенең 50% артмаска тиеш.
Компенсация күләмен исәпләү формуласы, компенсация бирелергә тиешле продукцияләрнең кодлары исемлеге һәм аны алу өчен башка шартлар турында мәгълүмат 2017 елның 15 сентябрендә Хөкүмәте Карары белән расланган 1104нче номерлы Кагыйдәдә танышырга мөмкин.
Компенсация алу өчен "Россия экспорт үзәге"нә документларны тапшыру вакыты - 2017 елның 5 декабре.
Өстәмә мәгълүматны «Россия экспорт үзәге» АҖ : +7 (495) 937-47-47 (вн. 6215, 6231) телефоны аша алырга мөмкин.
e-mail: info@exportcenteг.ru;
sharaf an@exportcenter.ru; ushakov@exportcenter.ru;
Сылтама: https://www.exportcenter.ru
Йөкләрне таможняда рәсмиләштерү, шулай ук, ветеринария һәм фитосанитар контроле процедураларын Freight Village RU (телефон: +7 (48-438) 26-055, e-mail: petrovav@tackom.ru) терминалында башкарырга мөмкин.
2017 елның 4-6 декабрендә Санкт-Петербургта «Арктика: бүгенгесе һәм киләчәге» 2017 VII Халыкара форумы узачак. Ел саен форум РФ Арктика зонасы һәм аңа кагылышлы инфраструктурасының үсеше дәүләт сәясәтен гамәли тормышка ашыру өлкәсендә җәмәгать фикеренә йомгак ясый. Форумны "Полярчылар Ассоциациясе" төбәкара иҗтимагый оешмасы оештыра.
Форумның эшлекле өлешендә Арктиканың минераль-чимал ресурсларын үзләштерү, транспорт системасын үстерү, логистика, энергетика, экология, кадрлар әзерләү һ. б сораулар күтәреләчәк. Форум экспозициясендә актуаль арктик проектлар һәм заманча технологияләр тәкъдим ителәчәк.
Форум турында тулырак мәгълүмат белән рәсми сайтта танышырга мөмкин - www.forumarctic.com/conf2017 .
Эшчәнлеге Арктиканы өйрәнүгә юнәтелгән предприятие һәм оешмаларны чарада катнашырга чакырабыз.
Бүген Чаллыда «КАМАЗ» һәм Казан милли тикшеренү технология университеты (КНИТУ-КАИ) инициативасы буенча 30нчы номерлы урта белем бирү мәктәбе базасында Инженерлар мәктәбенең рәсми ачылыш тантанасы булып узды.
Тантанада «КАМАЗ» компаниясенең генераль директоры Сергей Когогин, Яр Чаллы шәһәре мэры Наил Мәһдиев, КНИТУ-КАИ ректоры Альберт Гыйльметдинов һәм башкалар катнашты. Инженерлык мәктәбе ачылышы кысаларында балалар өчен күп кенә кызыклы мастер-класслар, интеллектуаль уеннар, спорт эстафетасы, һөнәри сынаулар һәм башка чаралар оештырылды.
Искә төшереп үтик, 2017 елның май аенда «КАМАЗ» компаниясе, КНИТУ-КАИ, 30нчы номерлы урта белем бирү мәктәбе арасында үзара Инженерлар мәктәбен ачуда уртак эшчәнлек турында килешү төзелгән иде. Аның төп максаты – 30нчы номерлы урта белем бирү мәктәбе укучыларына һөнәри юнәлеш сайлауны тәэмин итү һәм киләчәктә инженер-техник өлкәдә булачак һөнәри эшчәнлеккә әзерләү.
Параллель рәвештә төп белем бирү программасы белән ике инженер сыйныф укучылары факультатив дәресләрдә "Гамәли физика", "Математика тренингы", "Redcafe", "Kompas 3D" профиль дисциплиналардан яңа белем алачаклар. Шулай ук, алар өчен ай саен КНИТУ-КАИ укытучылары һәм профессорлары белән очрашу оештырылачак, алар укучыларга инженерия тарихы, төрле механизмнарның эш принциплары, техниканың килеп чыгышы һәм үсеше һ. б. турында сөйләячәкләр. Моннан тыш, яшь инженерлар уку елы дәвамында "Кванториум" балалар технопаркына барачаклар, "Техник модельләштерү", "Мәктәп конструкторлык бюросы" түгәрәкләренә йөриячәкләр, «КАМАЗ» җитештерү мәйданнары белән танышачаклар, Татарстанның инженерлык элитасы вәкилләре белән очрашачаклар.
«КАМАЗ» компаниясенең матбугат хезмәте материаллары буенча әзерләнде.
2017 елның 27 октябрендә Татарстан Республикасы Президенты Рөстәм Миңнеханов Россия Федерациясендә Болгария Республикасының Гадәттән тыш һәм Тулы вәкаләтле илчесе Бойко Коцев җитәкчелегендәге Болгария делегациясе һәм Дәүләт секретаре – Венгриянең милли икътисад министры урынбасары Иштван Лепшени белән очрашты. Чараларда Татарстан Республикасы сәнәгать һәм сәүдә министры урынбасары Алмаз Хөсәенов катнашты.
Беренче очрашуда Рөстәм Миңнеханов Татарстан һәм Болгарияне уртак тарих һәм мәдәният бәйләвен билгеләп үтте. ТР Президенты сүзләренә караганда, бүгенге көндә республикада тарихи-мәдәни мирасны саклау буенча киң күләмле эш алып барыла. Хәзерге көндә Татарстан территориясендә ЮНЕСКО Бөтендөнья мирасына кергән өч объект урнашкан - Казан Кремле, Болгар тарихи-архитектура комплексы һәм Свияжск утрау-шәһәрчегенең Успение соборы монастыре.
Татарстан Президенты өстәвенчә, тарихи элемтәләр ике яклы хезмәттәшлекне үстерергә тиешле. "Сезнең ил белән элемтәләр безнең өчен кызыклы. Бигрәк тә туризм өлкәсендә. Совет чорында иң яхшы курортлар нәкъ менә Болгарияда иде. Сездә иң яхшы диңгез, кирәкле булган инфраструктура һәм сервис бар, шулай ук, иң мөһиме безнең телләр тугандаш", - диде ТР Президенты.
Әңгәмә барышында очрашуда катнашучылар үзара товар әйләнеше күләмен арттыру, машина төзелеше, авыл хуҗалыгы, нефть химиясе, туризм өлкәсендә хезмәттәшлек итү мәсьәләләре буенча фикер алыштылар, шулай ук, предприятиеләр арасында кооперация үсеше мөмкинлекләрен карадылар.
Дәүләт секретаре – Венгриянең милли икътисад министры урынбасары Иштван Лепшени белән очрашуда яклар алга таба төбәкара хезмәттәшлекне үстерү, сәүдә-икътисади һәм гуманитар элемтәләрне ныгыту, уртак проектларда катнашу хакында фикерләштеләр.
«Һөнәре буенча иң оста» исемен яулау өчен «КАМАЗ»ның төрле бүлекчәләренең яшь белгечләре көрәшә. Шунысы игътибарга лаек, конкурсның концепциясе WorldSkills стандартларының «Яшәеш циклы белән идарә итү» компетенциясенә нигезләнгән. Чара җыелма проектлы командалар ярышы форматында узачак.
Конкурсанта катнашучыларга инженер-уйлап табу бурычын чишәргә, моннан тыш, аларга уйлап табылачак җайланманың асылын ачыкларга, аның функционалы, кулланучының ихтыяҗларын аңларга һәм җайланманың проектын эшләргә туры киләчәк. Проектларны компетентлы жюри бәяләячәк, аның составына чакырылган тышкы экспертлар, “КАМАЗ” бүлекчәләре вәкилләре, шулай ук, чараны оештыручылар керәчәк.
Конкурс нәтиҗәләре эшчәнлекнең һәр юнәлеше буенча иң яхшы команда һәм иң оста белгеч билгеләнәчәк. Барлык җиңүчеләргә акчалата премия һәм дипломнар биреләчәк.
Алабуга шәһәре Ford Sollers заводында хезмәтнең икенче сменасын эшләтеп җибәрү әзерлеге кысаларында 300-дән артык кеше тупланды. Заводта җитештерү күләмен ике тапкыр арттырырга мөмкинлек бирәчәк икенче смена 2017 елның ахырында эшли башлаячак. Шулай ук, компания "Ford Sollers" заводының башка җитештерү мәйданчыкларында да вакантлы эш урыннары вазыйфаларын биләү өчен хезмәткәрләр җыя. Татарстан Республикасында компаниянең гомуми штаты 700 кешегә артырга тиеш.
Искә төшерик, Татарстанда Ford Sollers егәрлекләрендә LCV һәм SUV сегментлы Ford автомбильләре җитештерелә, кайберләренә ихтыяҗ үсеше быел 50% тан артып китә. Яңа хезмәткәрләрнең төп өлеше – эшчеләр, алар заводта җитештерүнең барлык этапларында мәшгуль булачаклар.
Персонал туплау, заводның Ford Kuga «смарт-кроссовер», 7 урынлы бөтен юлларда йөри алырлык флагман Ford Explorer, Ford Transit гаиләсеннән җиңел коммерция автомобильләренә үскән ихтыяҗны канәгатьләндерергә мөмкинлек бирәчәк. Бу модельләр Россиядә сатуның 50% тәэмин итәләр: сентябрьдә санап үткән модельләрдән 2400 автомобиль сатылган. 2017 елның гыйнвар-сентябрь айларында узган елның шул ук вакыт чоры белән чагыштырганда Ford Transit 64% арткан, Ford Explorer һәм Ford Kuga өчен бу күрсәткеч 57% һәм 55% тәшкил итә.
2018 елның 6-9 мартында Япониядә FOODEX Japan Халыкара туклану ризыклары һәм эчемлекләр күргәзмәсе узачак.
FOODEX Japan – регионда азык-төлек ризыклары өлкәсендә иң эре һәм кеше күп йөри торган чараларың берсе. Әлеге күргәзмәдә катнашу Япониядә генә түгел, ә Көнчыгыш Азиянең башка илләре базарына чыгу мөмкинлекләрен ача.
FOODEX Japan үзенә ел саен җитди сатып алучыларны җәлеп итә һәм клиентлар белән турыдан –туры элемтә урнаштыруга ярдәмче була.
Күргәзмәдә катнашучыларның якынча 90% һәм күргәзмәне караучыларның 70% 2017 ел чараны югары бәяләделәр һәм аның нәтиҗәлелеген билгеләп үттеләр. Күргәзмә кысаларында катнашучылар өчен махсус программалар үткәрелә, алар үз продукцияңне нәтиҗәле рәвештә алга этәрергә һәм сатып алучыларны җәлеп итәргә мөмкинлек бирә.
Чара буенча актуаль мәгълүмат: http://www.jma.or.jp/Foodex/en/
Чараның координаторы ТР сәүдә-сәнәгать палатасы Рәисенең Беренче урынбасары - эшкуарлыкка ярдәм күрсәтү һәм үсеш Департаменты Директоры Николаев Артур Сергеевич.
Элемтә өчен тел.: (843)236-99-00, e-mail: org@tpprt.ru, dde@tpprt.ru
2017 елның 6 октябрендә Мәскәүдә Татарстан Республикасы Президенты Рөстәм Миңнеханов Согуд Гарәбстаны Короле Сәлман Бән Әбдел Азиз Әл Сауд белән очрашты.
Согуд Гарәбстаны Корольлегеннән очрашуда барлык министрлар катнашты. Рөстәм Миңнеханов очрашуда Россиянең Согуд Гарәбстанындагы Гадәттән тыш һәм Тулы вәкаләтле Илчесе Сергей Козлов, ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов, ярдәмчесе, Президенты ярдәмчесе Радик Гыйматдинов һәм башкалар белән бергә катнашты.
Очрашу җылы кул кысышлардан белән башланып китте. Рөстәм Миңнеханов Согуд Гарәбстаны Королен сәламләде. "Сезне кабат күрергә бик шатмын, - диде ул. - Хыяллар чынга ашты - сез илебездә кунакта".
Үз чиратында, Согуд Гарәбстаны Короле Россиянең бер регионы булган Татарстанның үсешен күзәтеп баруын ассызыклады. Шулай ук, ул Россия Федерациясе Президенты Владимир Путин белән очрашудан канәгать калуынбелдерде. Россия Федерациясе белән Согуд Гарәбстаны мөнәсәбәтләре активлашуы көтелә.
Очрашу барышында дәүләтара Россия - Согуд Гарәбстаны мөнәсәбәтләре кысаларында киләчәктә хезмәттәшлек мәсьәләләре, ислам дине сораулары хакында сүз барды.
Моннан тыш, "Россия-ислам дөньясы" стратегик күзаллау Төркеме кысаларында хезмәттәшлек темасын да кузгаттылар. аны хәзерге вакытта Владимир Путин йөкләмәсе буенча Рөстәм Миңнеханов җитәкли.
ТР Президенты матбугат хезмәте материаллары буенча әзерләнде.