ЯҢАЛЫКЛАР

5 октябрьдә Татарстан Республикасы сәнәгать һәм сәүдә министрлыгы хезмәткәрләре "Урман атналыгы-2017" акциясендә катнаштылар. Акциядә катнашучылар Лаеш районының урман фондыннан Песчаные Ковали авылында чыршы үсентеләре утырттылар.

Акция 2017 елның 16 октябренә кадәр дәвам итәчәк. Чара республикасы буенча экологик тәрбия бирүне пропагандалау,  шәһәр һәм шәһәр яны урманнарының санитар торышын яхшырту максатында узачак. Россия Федерациясенең башка субъектларында акция "Яшә, урман!" исемен йөртә.

Татарстан Республикасы сәнәгать һәм сәүдә министрлыгы предприятиеләргә чираттагы "Татарстан Республикасы туристик сувениры - 2017" ачык конкурсы башлануын хәбәр итә.  Конкурс "ТР кәсепчелеген һәм халык сәнгате һөнәрчелеген үстерү үзәге" дәүләт бюджет учреждениесе инициативасы буенча ТР Министрлар Кабинетының 2017 елгы №1623-р карары нигезендә үткәрелә.

Әлеге вакыйга Татарстан туристик сувенир продукциясе базарын үстерү, Татарстан гореф-гадәтләрен һәм истәлекле урыннарын популярлаштыру максаты белән оештырыла.

Конкурс шартлары һәм үткәрү вакыты турында тулырак түбәндәге сайтта танышырга була: http://remeslo.tatarstan.ru

"Россия Вертолетлары" холдингы Дәүләт транспорт лизинг компаниясе (ГТЛК) белән контракт кысаларында Казан вертолет заводы җитештергән Ми-8МТВ-1 медицина вертолетларының чираттагы партиясен тапшырды.  медицина модуле белән җиһазландырылган ике машина "Алтай авиа юллары" ҖЧҖ һәм "ЧукотАВИА" авиакомпаниясенә бирелде.

Ми-8МТВ-1 "Алтай авиа юллары" ҖЧҖ вертолет техникасы паркын тулыландырачак. Яңа вертолет медицина эвакуацияләү эшен башкару һәм санитар бурычларны үтәүдә очышлар өчен кулланылачак. Якын арада вертолет ерак һәм катлаулы юллар белән бара торган районнарда яшәүчеләргә ашыгыч медицина ярдәме күрсәтә башлаячак.

Казан вертолет заводында чыккан икенче Ми-8МТВ-1 санитар вертолеты Чукотка автоном округында яшәүчеләрнең гомерләрен коткару эшенә керешәчәк. 

Моннан тыш, 2017 елда "Россия Вертолетлары" Дәүләт транспорт лизинг компаниясенә 10-Ми-8МТВ-1, 13-Ми-8АМТ һәм 6 Ансат вертолетлары тапшырырга тиеш. Контракт нигезендә, вертолетлар "РФ ерак районнарында яшәүче гражданнарга вакытында ашыгыч медицина ярдәме күрсәтүне тәэмин итү" өстенлекле проектны гамәлгә ашыруда җәлеп ителәчәк. 

Пәнҗешәмбе, 5 октябрьдә Татарстан Республикасы сәнәгать һәм сәүдә министрлыгында "Югарыга!" Республика яшь лидерлары конкурсы катнашучыларын сайлап алу этабы узачак.

"Югарыга!" республика конкурсы - "Кадрлар резервы"  яшьләр  проектының йомгаклау этабы. Республиканың иң уңышлы яшьләре Татарстан Республикасы хөкүмәте составына керү мөмкинлеге өчен көрәшә.

Конкурсның читтән торып уздырылган этабында Татарстан Республикасының 24 муниципаль һәм шәһәр берәмлегеннән 120 кеше катнашты, шулай ук, Россия Федерациясенең башка төбәкләреннән 5 кеше килде. Әмма көндезге катнашуга чакыруны нибары 30 кеше генә ала алды.

Һәр катнашучы министрлыкның гамәлдә булган бурычларын хәл итәргә юнәлдерелгән социаль проект тәкъдим итәргә.

"Югарыга!" республика конкурсының компетентлы жюрисы конкурста катнашучыларда ораторлык сәнгатен, дөрес һәм матур итеп сөйли белү сәләтен, гомуми күзаалау, проектын тәкъдир итү күнекмәләрен бәяли.

Конкурс комиссиясендә дәүләт хезмәте, җәмәгатьчелек, фән, мәдәният өлкәсе вәкилләре һәм Татарстан Республикасы Яшьләр хөкүмәтенең гамәлдәге әгъзалары катнашачак.

Конкурста җиңүчеләр дәүләт хакимияте органнарында, иҗтимагый берләшмәләрдә, шәһәр һәм республика эре предприятиеләрдә стажировка үтү мөмкинлеген һәм Татарстан Республикасы Яшьләр хөкүмәте составына керү, шулай ук, яшьләр программасы буенча халыкара стажировка узу мөмкинлеген алачак.

Алабугада Ford Sollers заводы конвейерыннан 50 меңенче Ford Transit төште. Россия базары өчен LCV модельнең юбилей экземпляры бөтен металлы кызыл төстәге Race Red фургоны, ул урта базалы һәм Duratorq дизельле двигателе (125 ат көче) белән җиһазландырылган (2,2 литр сыешлы), тулы рөхсәт ителгән авырлыгы - 3,1 тонна.

Исегезгә төшерик, Россиядә Ford Тransit автомобилен җитештерү 2012нче ел башында башланып китте. Татарстанда Ford Sollers заводы конвейерына нәкъ менә беренчеләрдән булып Ford Transit автомобиле килеп басты. Бүген Алабугада Ford Transit автомобиленең соңгы 4нче буын автомобиле тулы цикл технологиясе буенча-эретеп ябыштырылган һәм буялган кузовлы автомобильләр җитештерелә. Шунысын өстәргә кирәк, Ford Transit фургоны һәм микроавтобуслары бөтен Россия буенча кулланыла, почта һәм товарлар ташу, ашыгыч медицина ярдәме күрсәтү хезмәтендә, балаларны мәктәпләргә илтү максатында, шәһәр һәм шәһәрара маршрутларда һәм нәтиҗәле рәвештә кече һәм урта бизнес бурычларын хәл итүдә актив кулланышта йөри.

2017 елның 1-2 ноябрендә Иранның Тегеран шәһәрендә Россия гастроном атналыгы узачак. «Russian Gastro Week»

Российская гастрономическая неделя в Иране (г.Тегеран) пройдет с 1 по 2 ноября 2017 года. «Russian Gastro Week» атналыгы 50 дән артык Россия азык-төлек продукциясе җитештерүчеләрен һәм Иран ягыннан 150гә якын импорт һәм дистрибьютер эше белән шөгыльләнүчеләрне җыячак. Чарада катнашучыларны һәм кунакларны масштаблы россия азык-төлек продуктлары күргәзмәсе һәм максатчан b2b-очрашулар көтә.

Татарстан азык-төлек продукциясе җитештерүчеләрен әлеге проектта катнашырга чакырабыз.

Катнашу сораулары хакында хатны Анастасия Морозкина исеменә Morozkina@exportcenter.ru электрон почтасына җибәрүегез сорала.

Элемтә өчен тел.: +7 (495) 937-4747 (доб. 6227), моб.: +7 (926) 302-6979

Россия экспорт үзәге аренда, чараны оештыру өчен мәйданчыкны бизәү, күргәзмәне җиһазлауны тәэмин итү эшләренең чыгымын үз өстенә ала. 

үз өстенә ала бәйле чыгымнар белән аренда һәм рәсмиләштерү өчен мәйданчыклар чаралар, шулай ук җиһазлар белән тәэмин итү өчен кирәкле максатларда күргәзмә. Теркәлү взносы түләтелми. Юл һәм яшәү шартларын оештыру, шулай ук, күргәзмәдә катнашучы товарларны Иран территориясенә җиткерү катнашучылар тарафыннан мөстәкыйль башкарыла.

Иран базарына тәкъдим ителәчәк продукция һәм компанияләр эшчәнлеге турында кыскача мәгълүматлы каталог бастыру каралган.

 4-7 октябрь көннәрендә Мәскәү һәм Санкт-Петербургта "Россия энергетика атналыгы" энергия нәтиҗәлелеге һәм энергетиканы үстерү Халыкара форумы узачак. Форум эшендә Татарстан Республикасы делегациясе катнашачак. Аның составына ТР Президенты Рөстәм Миңнеханов, ТР Премьер-министры урынбасары - ТР сәнәгать һәм сәүдә министры Альберт Кәримов, шулай ук, ТР предприятиеләре җитәкчеләре, министрлык һәм ведомство вәкилләре керәчәк.

Форум кысаларында эре газ экспортерлары белән очрашулар, энергия нәтиҗәлелеге һәм шәһәрләрнең тотрыклы үсүе буенча мэрларның Халыкара саммиты, көзге-кышкы чорга әзерлек йомгаклары буенча Бөтенроссия киңәшмәсе, VII Петербург халыкара газ форумы һәм башка чаралар узачак. Россия энергетика атналыгы тармак лидерларын глобаль коммуникация мәйданында берләштерергә мөмкинлек бирәчәк, актуаль үсеш юнәлешләре турында фикер алышу, заманча энергетика секторындагы бурычлар хакында сүз алып барырга, шулай ук, бу өлкәдә халыкара хезмәттәшлекне киңәйтүгә ярдәм итәчәк.

2017 елның 4 октябрендә форумны Россия Федерациясе Президенты Владимир Путин  "Глобаль үсеш өчен энергия" пленар утырышында ачачак.

Якында Татарстан Республикасы Япониядә үз вәкиллеген ачачак, дип белдерде Татарстан Республикасы Президенты Рөстәм Миңнеханов "Татарстан-Япония" бизнес -форумында.

 Вәкиллекне ачу алга таба Татарстан-Япония хезмәттәшлегенең үсүенә ярдәм итәчәк, дип билгеләп үтте ТР Президенты. Республиканың сәүдә вәкиле  Тамерлан Абдикеев булачак.

Моннан тыш, форумда «Иокогава Электрик» компаниясе һәм Татарстан Республикасы арасында ниятләр турында беркетмә имзаланды. Имзаларны Татарстан Республикасы Президенты Рөстәм Миңнеханов һәм «Иокогава Электрик» компаниясе баш башкарма директоры Такаши Нишиджима аттылар. 

Шулай ук, Рөстәм Миңнеханов барлыгында Татарстан Республикасы Инвестиция-венчур фонды һәм "Miyako Capital Ltd" компаниясе арасында ниятләр турында килешүгә кул куелды.

Исегезгә төшерәбез, Татарстан делегациясе эш визиты белән Япониядә. Элегрәк ТР Президенты Япония икътисад министры һәм бизнес вәкилләре белән очрашты.

 2017 елның 29 сентябрендә Яр Чаллы шәһәренең Органнар залында зур чара узды, республика машина төзүчеләренең һөнәри бәйрәмнәрен билгеләп үттеләр.

Бәйрәмнең рәсми өлеше башланыр алдыннан Татарстан Республикасы машина төзелеше предприятиеләре җитәкчеләре "КАМАЗ" заводында булдылар. 

Татарстан Президенты һәм бәйрәмнең мөхтәрәм кунаклары тантана башланыр алдыннан Татарстанның машина төзелеше комплексы күргәзмәсен карадылар. Шулай ук, аларга төяүчеләр һәм тракторлар башкаруында үзенчәлекле вальс күрсәттеләр.

Рөстәм Миңнеханов Татарстанның машина төзүчеләрен кайнар котлады һәм кыскача тармакның уңышларына тукталды. 2017 елның 8 аенда тармак предприятиеләре тарафыннан җитештерелгән продукция күләме һәм күрсәтелгән хезмәтләр 290 млрд сум тәшкил иткән.      

"Форд-Соллерс" компаниясе предприятиеләрендә җитештерүне локализацияләү 60 процентка җитә. С.П. Горбунов исемендәге Казан авиация заводы - Туполев филиалы ерак  авиация үсеше программасы кысаларында яңадан техник кораллануны дәвам итә. Казан вертолет заводы серияле Ми-38 вертолетын җитештерүне башлады. Моннан тыш, КВЗ Кытайга медицина максатлары өчен вертолетлар җибәреп тора. Алабуга заводы серияле экскаватор  - төяүчеләр җитештерүне  башлап җибәрде.                                                                                                                                                                                                             Казан медик инструменталь заводы декабрь аенда медицина җиһазларын  стерилизацияләү комплексын ачачак, бу медицина кластерының яңа үзәге булачак. "Бетар", Горький исемендәге Яшел Үзән заводы, "Хайер" заводларының казанышларын әйтеп үттеләр.

Катнашучылар өчен бәйрәм концерты белән котлаулар үрелеп барды. Дәүләт бүләкләрен иң яхшы хезмәткәрләргә Татарстан предприятиеләре һәм сәнәгатьчеләре Ассоциациясе президенты Александр Лаврентьев, КАМАЗ генераль директоры Сергей Когогин, ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов, Яр Чаллы мэры Наил Мәһдиев, Россия Дәүләт Думасы депутаты Әлфия Когогина тапшырдылар.

Моннан тыш, шул ук көнне "КАМАЗ" ЯАҖ һәм "KUKA Robotics RUS" ҖЧҖ стратегик партнерлык турында килешүгә кул куйдылар, килешү автогигант мәйданчыкларына сәнәгый роботлар кертүне күздә тота.  

Бүген Татарстан Республикасы Премьер-министры Алексей Песошин рәислегендә «Яр Чаллы» өстенлекле социаль-икътисади үсеш территориясендә проектларны урнаштыру өчен килешү төзү турында гаризаларны карау буенча комиссия утырышы узды. Чарада ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов катнашты.

Комиссия утырышын ачканда, Алексей Песошин элегрәк «Яр Чаллы» өстенлекле социаль-икътисади үсеш территориясендә проектларны урнаштыру өчен 13 гариза хуплануын һәм инвестицияләрнең гомуми күләме 18 млрд. сум тәшкил итүен искәртте.

Комиссия әгъзаларына «Чишмә» ҖЧҖ инвестиция проекты тәкъдим ителде ("Райю" компанияләре төркеменә керә) – имитацияләнгән уылдык җитештерү, кош ите һәм балык эшкәртү продукциясе.

Компаниянең башкарма директоры проектның тулыландырылган бизнес-планын тәкъдим итте. Ул хәбәр иткәнчә, яңа 77 эш урыны булдыру күздә тотыла, җитештерүне 1,5 га. җирдә җәелдерү планлаштырыла.

Комиссия әгъзалары бертавыштан компания беән килешү төзүне хуплап тавыш бирделәр, киләчәктә инвестицион проект «Яр Чаллы» өстенлекле социаль-икътисади үсеш территориясендә урнаштырылачак.

ТР Президенты матбугат хезмәте материаллары буенча