ЯҢАЛЫКЛАР
Бүген Альберт Кәримов ТР Хөкүмәте делегациясе составында яңа җитештерү тармагын ачу тантанасында катнашты. Махсус икътисад зонасының "А плюс Парк Алабуга" индустриаль паркы территориясендә яңа "Данафлекс - Алабуга" заводы эшли башлады. Компаниянең инвестиция проекты азык-төлек һәм азык-төлек булмаган продуктлар өчен сыгылмалы төргәкләү материалларын җитештерүне күздә тота. Сыгылма төргәк җитештерүнең планлаштырылган күләме елына 22 250 тонна тәшкил итәчәк. Продукциядән төп кулланучылар азык-төлек предприятиеләре, шәхси гигиена һәм көнкүреш химиясе продукциясен җитештерүче предприятиеләр, индустриаль предприятиеләр булыр дип күздә тотыла.
Бүген көннең беренче яртысында Альберт Кәримов Менделеевскида булды.
Министр "Аммоний" АҖ предприятиеләренең сәнәгый мәйданчыгында булды. Предприятиенең баш инженеры Эдуард Еремеев чыгарыла торган продукция: аммиак, метанол, гранулалаштырылган карбамид, аммиак селитрасы, концентрацияләнмәгән азот кислотасы буенча барлык технологик процесс турында җентекләп сөйләде. Алга таба "Менделеевсказот" ҖЧҖ һәм "Аммоний" АҖ предприятиеләре җитәкчеләре белән эшлекле киңәшмә булды. Министрга җитештерү һәм икътисадый эшчәнлекнең хәзерге торышы турында сөйләделәр, шулай ук 2018-2019 елларга операцион эшчәнлекне оптимальләштерү планы турында фикер алыштылар.
Тюрингия (Алмания) Ирекле җиреннән сәнәгый предприятиеләр делегациясе визиты кысаларында 2018 елның 10 сентябрендә Яр Чаллыда "Алман машина төзелешендә заманча технологияләр һәм цифрлаштыру тәҗрибәсе. Тюрингия компанияләре мисалында тармакны үстерү тенденцияләре" темасына технологик семинар узачак. Семинар КНИТУ-КАИ "Машина төзелеше" Алман-Россия инжиниринг үзәге белән хезмәттәшлек турында элегрәк имзаланган килешүне гамәлгә ашыру кысаларында Татарстан Республикасының Машина төзелеше кластеры ярдәмендә узачак.
Тюрингия (Алмания) Ирекле җире делегациясе составына машина төзелешендә махсуслашкан алман предприятиеләре вәкилләре кергән.
Чара программасында түбәндәге актуаль темаларга тематик түгәрәк өстәлләр уздыру планлаштырыла:
- Инновация – һәм компания өчен "зарурлык". Компаниягә техник яңалыклар керткәндә менеджмент системасы;
- Мониторингны яхшырту һәм вакуум процессларын җайга салу юлы белән җайланмалар өчен нәтиҗәле Life Cycle Management;
- Бер үк вакытта тирәнлеккә бораулау һәм фрезерлау эше белән югары җитештерелешле металл эшкәртү үзәкләре. "Бер җайланма – ике технология: тирән бораулау һәм фрезерлау";
- Югары төгәллекле пресс-формаларны әзерләгәндә материал бөгелүенә цифрлы анализ нәтиҗәләрен куллану.
Семинарның эш программасы Татарстан Республикасы һәм Тюрингия Ирекле җире сәнәгый предприятиеләре арасында В2В сөйләшүләр алып бару белән тәмамланачак.
Көннең икенче яртысында аерым очрашулар һәм Яр Чаллы ш. сәнәгый предприятиеләрен карау планлаштырыла.
10 сентябрьдә Технологик семинарда катнашырга чакырабыз, 10.00 сәгатьтә башлана. Алдан теркәлү кирәклеген искәртәбез!
Мәгълүмат алу һәм элемтә өчен:
маркетинг департаменты директоры Евгения Трегубова, эл. почта: tregubova.e@innokam.pro
тел.: +7 (8552) 53-07-07 (доб. 208), моб.: +7 (965) 625-79-16.
Бүген ТР Сәнәгать министрлыгында нефть химиясе өлкәсендә Татарстан Республикасы һәм Беларусь Республикасы арасындагы хезмәттәшлек буенча эш төркеме утырышы булды. Чарада министр урынбасары Алексей Савельчев, ТР Премьер-министрының нефть-газ-химия комплексы мәсьәләсендә ярдәмчесе Эльдар Адеев, Россиядә Казан ш. Белорусь Вәкиллеге бүлеге җитәкчесе Олег Исаев, "Белнефтехим", "Белоруснефть", "Белшина" иң зур Белорусь концерннары һәм Татарстанның нефть-газ-химия предприятиеләре җитәкчеләре һәм вәкилләре катнашты.
Утырыш барышында яклар нефть химиясе комплексы предприятиеләреннән чимал һәм продукция китертүнең хәзерге күләмнәрен саклауда үзара мәнфәгать булуын белдерде. Белорусь ягы Татарстаннан нефть химиясе чималын, Татарстанның "Нижнекамскнефтехим", "Казаньоргсинтез" предприятиеләреннән полимерлар китертүдә зур мәнфәгать булуын билгеләде.
Очрашуда ике яклы хезмәттәшлекнең яңа тренды билгеләнде. Газ-мотор ягулыгында эшләүче техника китертүләр турында сүз бара. Шуңа бәйле рәвештә, Татарстан газ-мотор техникасы программасын үстерүдә Россия регионнары арасында лидер булганга күрә, очрашуда катнашучылар әлеге өлкәдә – тракторларны һәм пассажир автобусларын гына түгел, ә газ-мотор ягулыгында эшләүче комбайннарны китертү буенча да хезмәттәшлекне җәелдерү буенча уртак программа турында фикер алышты. Газ-мотор ягулыгында эшләүче уникаль продукт – беренче комбайн инде бу көздә үк Менделеевск районында эшли башлаячак.
Белешмә өчен:
2017 елда республикалар арасындагы тышкы сәүдә әйләнеше 1 млрд доллардан артып китте, алардан Татарстанга импорт китертү – 212,2 млн доллар, экспорт китертү – 835 млн доллар. Быелның 8 аенда Татарстан белән Белорусь арасындагы товар әйләнеше 800 млн доллардан артып киткән.
Татарстан нефть-газ-химия форумын уздырган көннәрдә 5 сентябрь көнне Татарстан Республикасы Сәнәгать һәм сәүдә министрлыгында Казакъстан Республикасы Энергетика министрлыгының Нефть-газ-химия сәнәгатен үстерү һәм техник җайга салу департаменты директоры Әсхәт Хасенов белән очрашу булды. Очрашуда Татарстаннан "НИИнефтепромхим" АҖ, "МИРРИКО" ҖЧҖ, "Гектор" ФҖФ ҖЧҖ, "ТехноХимПром" ҖЧҖ, "НАПОР" АҖ, "Протон" АҖ һәм башка предприятиеләрдән вәкилләр катнашты. Очрашу барышында катнашучылар Татарстан Республикасы белән Казакъстан Республикасы арасында нефть химиясе өлкәсендә хезмәттәшлек итүдә мәнфәгать булуы турында белдерделәр һәм алга таба әлеге өлкәдә мөнәсәбәтләрне үстерү адымнары билгеләнде.
Бүген Татарстан нефть-газ-химия форумы-2018 эш программасы кысаларында "СИБУР" ГАҖ җиткерүче көне" түгәрәк өстәле узды. ТР Машина төзелеше кластеры (Яр Чаллы ш.) тарафыннан ТР Сәнәгать һәм сәүдә министрлыгы ярдәмендә оештырылган чарага Татарстан компанияләреннән вәкилләр чакырылган иде.
Очрашу барышында министр урынбасары Алексей Савельчев болай дип билгеләде: "СИБУР" ГАҖ Татарстан предприятиеләре белән эшләүдә мәнфәгатьле, ләкин импорталмаш программасы кысаларында гына түгел. Татарстан җитештерүчеләре өчен ул Россиядәге иң зур нефть-химия холдингы белән хезмәттәшлекнең яңа тәҗрибәсен алу һәм киләчәктә үзенең партнерлык мөмкинлекләрен киңәйтү мөмкинлеге, шул исәптән, Европаның химия компанияләренә дә".
Чарада "СИБУР Холдинг" ГАҖ вәкилләре компаниядә кулланыла торган материалларны һәм технологияләрне сатып алу, алар буенча импорталмаш өлкәсендә корпоратив тәҗрибәне дә күрсәтте. "СИБУР Холдинг" ГАҖнең "СИБУР" ИК ҖЧҖ өлкән менеджеры Владимир Кириллов белдергәнчә, мондый чаралар корпорация өчен дә, җитештерүчеләр өчен дә бик файдалы, чөнки, еш кына, базарда "СИБУР"га китертүче булуы бөтенләй диярлек мөмкин түгел, дигән фикер яши. Без бу мифны таратырга һәм ике яклы конструктив диалог алып барырга әзер.
Бүген көннең беренче яртысында Татарстанның нефть-газ-химия форумында Конгресс-үзәктә ТР Президенты Рөстәм Миңнеханов, Экологик, технологик һәм атом күзәтчелеге буенча федераль хезмәт җитәкчесе Алексей Алешин, Фәннәр академиясенең Себер бүлеге рәисе Ренад Сәгъдиев, РФ Нефть сәнәгатьчеләре берлеге президенты Геннадий Шмаль катнашында "Геологик корылышны һәм эшләп чыгару процессларын модельләштерү – нефть һәм нефть-газ чыганакларын уңышлы үзләштерү нигезе" халыкара фәнни-гамәли конференциясенең Беренче пленар утырышы булды. Очрашуның модераторы ТР сәнәгать һәм сәүдә министры Альберт Кәримов булды.
"Республикада, нефть компанияләренең табу күләмнәрен чикләү буенча үз өсләренә алынган йөкләмәнең үтәлүенә карамастан, ел саен нефть табу күләме 35,7 млн тонна дәрәҗәсендә саклана. Безнең республиканың нефть чыганаклары эшләп чыгаруның соңгы стадиясендә тора, 75 ел эчендә чимал базасының сыйфаты үзгәрде. Шуңа күрә дә хәзерге шартларда нефть тармагын үстерү табу процессларының нәтиҗәлелеген арттыру шарты белән генә тормышка ашырылырга мөмкин. Дөньядагы һәм Россия компанияләренең, шул исәптән "Татнефть"нең, эш тәҗрибәсе күрсәткәнчә, моңа белешмәләрне җыю, тапшыру, эшкәртү буенча нефть-газ системаларын һәм мониторинг һәм идарә системаларын санлаштыру, эксплуатация фонды белән идарә итү процессларын реаль вакыт режимына күчерү һәм эксплуатация сарыфларын киметү хисабына "җиңел" нефть запасларын шактый үстерү мөмкинлеген бирә торган цифрлы ятмаларны арттыру хисабына ирешергә мөмкин", – дип билгеләде сәламләү чыгышында Альберт Кәримов.
Моннан тыш, конференциядә Россиянең барча икътисадын технологик модернизацияләү һәм аның энергетика куркынычсызлыгы, цифрлы ятмалар һәм фәнни инжиниринг өчен терәк буларак та нефть-газ комплексы турында сүз барды. Пленар сессиядә фәнни бергәлектән әйдәп баручы экспертлар, тармакның Россиядән һәм дөньяви гамәлчеләре, ассоциацияләрдән, министрлыклардан һәм ведомстволардан вәкилләр, предприятиеләрдән җитәкчеләр һәм белгечләр катнашты.
Бүген Татарстанның нефть-газ-химия форумында "Сыеклыкларның һәм газларның сарыфын һәм күләмен үлчәүләрне метрологик тәэмин итүнең актуаль мәсьәләләре" VI халыкара метрология конференциясе кысаларында Казан ш. "ВНИИР" ФДУП директоры Владимир Соловьев Росстандартның Төбәкара территориаль идарәләреннән ике вәкилгә ягулык базарында күзәтчелек чараларын уздырганда файдалану өчен "ЭЛМЕР - 001" экспресс-налаизаторының ике үрнәген тапшырды.
Расходометриянең Россиякүләм НИИ (Казан ш., "ВНИИР" ФДУП) әлеге максатларда ягулык сыйфатына "ЭЛМЕР-001" экспресс-анализаторын эшләп чыгарган, ул үлчәү чаралары типбын раслау максатларында сынаулар узган һәм Үлчәү чараларының дәүләт реестрына (N 68409-17) кертелгән.
Автоягулык белән тәэмин итү станцияләрендә сатыла торган мотор ягулыгының сыйфатына һәм тиешле күләмдә салынуына бәйле мәсьәләдә кулланучылар ягыннан да, тикшерүче органнар, шул исәптән мотор ягулыкларының таләпләргә җавап бирүен тикшерү вазыйфалары йөкләнгән Россиянең Техник җайга салу һәм метрология буенча федераль агентлыгы (Росстандарт) ягыннан да зур кызыксыну белдерелә.
Әйтик, 2016 елда Росстандарт тарафыннан 1536 объектны тикшергәндә Россиядәге АЗСларның 12%ында кондицияләнмәгән ягулык булуы ачыкланган. Җитешсезлек очракларын иң күп очракта "октан саны" һәм "цетан саны", "күкертнең масса өлеше", "металл булуы/булмавы" кебек күрсәткечләр буенча ачыклыйлар. Әлеге күрсәткечләр буенча ачыкланган җитешсезлекләр күп очракта билгеләнгән таләпләргә җавап бирми торган ягулык сыйфатламаларына анализ ясаганда очрый. Алар буенча бүген ягулыкны бәяләү җитешсезлек очраклары булу куркынычын ачыкларга ярдәм итә.
Росстандарт бензин сыйфатын һәм дизель ягулыгын тикшерү өчен экспресс-тест уздырдан файдаланырга планлаштыра, бу исә аның эшен гадиләштерәчәк һәм тизләтәчәк. Экспресс-тест ярдәмендә лабораториядән читтә һәм берничә минут эчендә 95%ка кадәрле төгәллек белән ягулыкның октан һәм цетан санын, күкертнең масса өлешен, тимер, марганец һәм кургаш катнашмасын ачыкларга мөмкин. Бу хәл базардагы намуслы катнашучыларга булган басымны киметергә, потенциаль хокук бозучыларга карата игътибар арттыруны мөмкин итәчәк. Моннан тыш, бюджет акчасы да янга калачак, чөнки экспресс-тест лабораториядә тулысынча тикшерү белән чагыштырганда биш мәртәбә арзанрак чыга.
Бүген Казанда Россиянең нефть-газ тармагындагы иң зур халыкара чараларның берсе – Татарстан нефть-газ-химия форумы ачылды. Тантаналы ачылыш чарасында ТР Президенты Рөстәм Миңнеханов болай дип билгеләде: "Нефть-газ-химия форумын уздыру – ул безнең өчен яхшы гореф-гадәт. Башка төбәкләрдән килгән хезмәттәшләрне һәм партнерларны күрергә шатбыз, әлеге форумның Татарстан нефтен таба башлауга 75 ел тулуга багышлануына да шатбыз..."
Чараны ачу тантанасында Техник, экологик һәм атом күзәтчелеге буенча федераль хезмәт җитәкчесе Алексей Алешин, РФ энергетика министры урынбасары Антон Инюцын, ТР сәнәгать һәм сәүдә министры Альберт Кәримов, Россия Нефть-газ сәнәгатьчеләре берлеге президенты Геннадий Шмаль һәм башка рәсми затлар катнашты.
Быел форум үзенең башлангычында дүрт иң әһәмиятле тармак күргәзмәсе проектларын: "Нефть, газ. Нефть химиясе" халыкара махсуслаштырылган күргәзмәсен, "XXI гасыр экотехнологияләре һәм җайланмалары" махсуслаштырылган күргәзмәсен, "GEO-Казан: Геологоразведка. Геодезия. Картография" махсуслаштырылган күргәзмәсен һәм "Интерпластика. Казан 2018" халыкара махсуслаштырылган күргәзмәсен берләштерде.
Форумда Россиядән һәм чит илләрдән 160 артык предприятие катнаша. Күргәзмә экспозициясендә иң заманча инновацияле технологияләр, җайланмалар, Австриядән, Голландиядән, Италиядән, Кытайдан, Польшадан һәм Россиядән полимер тармагына караган компанияләрнең иң яңа эшләнмәләре күрсәтеләчәк. Үзәкнең өч павильонында нефть һәм газ табу, эшкәртү һәм транспортлау, трубаүткәргечле арматура, автоматлаштырылган идарә системалары, контроль-үлчәү җайланмалары өлкәсендәге иң яңа казанышлар күрсәтелгән.
Форумның эш программасы бик бай булачак. Өч көн эчендә республиканың беренче затлары катнашында конференцияләр, түгәрәк өстәлләр, эшлекле очрашулар узачак.
Форумда катнашучылар адресына Россия Сәнәгатьчеләр һәм эшкуарлар берлеге президенты Александр Шохин котлау телеграммасын җибәргән. Юллама тексты биредә урнаштырылды.
2018 елның 6 сентябрендә Татарстан Республикасы предприятиеләренең сәнәгатькә ярдәм итүнең федераль һәм региональ программаларында катнашу мәсьәләләре буенча семинар-киңәшмә булачак.
Семинар кысаларында сәнәгатькә ярдәм итү буенча федераль һәм региональ институтларның вәкилләре чыгыш ясаячак, алар федераль һәм региональ дәрәҗәләрдә гамәлдәге дәүләт ярдәменең төп чаралары турында мәгълүмат җиткерәчәк.
Семинар-киңәшмә 2018 елның 6 сентябрендә "Казан ярминкәсе" күргәзмәләр үзәгендә (Казан ш., Оренбург тракты, 8), "Волга" конференцияләр залында 11.00 сәгатьтән 13.00 сәгатькә кадәр булачак. Катнашучыларны теркәү 10.00 сәгатьтә башлана. Икътисадның төрле тармакларындагы предприятиеләрне катнашырга чакырабыз!
Мәгълүматлар түбәндәге телефон буенча: (843) 567-36-79, 567-36-18