ЯҢАЛЫКЛАР
Инвестиция эшчәнлеген үстерү, яңа инструментларны алга этәрү һәм инвесторларга ярдәм итүнең хокукый нигезләре белән танышу максатында, Татарстан Республикасының Инвестицияле үсеш агентлыгы, «Бердәм Россия» партиясе рәисе Д.А. Медведевның Төбәк иҗтимагый кабул итү бүлмәсе белән берлектә, Татарстан Республикасында «Яңа хокукый шартларда инвестиция мөмкинлекләре» темасына вебинар уздыра.
Чара кысаларында җайга салу тирәлегенең үсеш тенденцияләре, инвестицияләрне яклауны тәэмин итү мәсьәләләре, дәүләт-хосусый партнерлык механизмнарын куллану, шулай ук аларны 2019-2020 елларда Россиядә гамәлгә ашыруның иң яхшы тәҗрибәләре турында фикер алышу планлаштырыла.
Теләге булган һәркемне әлеге вебинарда катнашырга чакырабыз. Чарада катнашу бушлай.
Вебинар 2020 елның 15 нче июленә 10:30 сәгатькә планлаштырылган.
Вебинар трансляциясен түбәндәге сылтама буенча карарга була: https://us02web.zoom.us/j/86096121655?pwd=WTh5Uzl5djQ5SjIzdzdzanFrV0x6UT09. Конференция идентификаторы: 860 9612 1655. Пароль: 889798.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Төрекмәнстан Республикасының Казан шәһәрендәге Генераль консулы Атадурды Бәйрәмов белән очрашты. Чараның төп максаты – Татарстан Республикасы һәм Төрекмәнстан арасында икеяклы хезмәттәшлекне үстерү перспективалары турында фикер алышу.
– Төрекмәнстан – Татарстан Республикасының өстенлекле партнерларыннан берсе. Даими рәвештә үзара багланышлар югары дәрәҗәле хезмәттәшлекне үстерүдәге мәнфәгатьләрнең югары дәрәҗәдә булуын күрсәтә. Без Төрекмәнстан белән элемтәләрне үстерүгә зур игътибар бирәбез һәм үзара файдалы элемтәләрне киңәйтүгә шатбыз. Дөньяда барган катлаулы эпидемиологик вәзгыятькә карамастан, хәзерге вакытта Татарстан Республикасы предприятиеләре төрекмән партнерлары белән хезмәттәшлекне дәвам иттерә, – диде Альберт Кәримов үзенең сәламләү сүзендә. – Татарстан Республикасы киләчәктә Төрекмәнстан белән төрле планлы хезмәттәшлекне тирәнәйтергә ниятли. Мин бу уртак эшебезне дәвам иттерә алу мөмкинлегенә шат һәм алга таба да Татарстан Республикасы белән Төрекмәнстан файдасына нәтиҗәле хезмәттәшлек итүгә өметләнәм, – диде ул.
– Татарстан безнең ил өчен эшчәнлекнең барлык юнәлешләре буенча, шул исәптән икътисад, сәнәгать өлкәсендә дә, ышанычлы партнер булып тора, – диде үзенең чыгышында Атадурды Бәйрәмов.
Татарстан Республикасы «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проекты чараларын актив тормышка ашыра. Төп башкаручы – хезмәт җитештерүчәнлеге өлкәсендә компетенцияләрнең төбәк үзәге («Татарстан Республикасы Министрлар Кабинеты каршындагы Татарстан Республикасы Энергияне сак куллану технологияләре үзәге» ДАУ), аның эше предприятиеләр тарафыннан 92% дәрәҗәсендә бәяләнгән.
Төбәкләрдәге компетенцияләр үзәкләре эшеннән канәгать калу-калмау дәрәҗәсен «Хезмәт җитештерүчәнлеге өлкәсендә федераль компетенцияләр үзәге» АКО заказы буенча Magram Market Research тикшергән.
Тикшеренүдә катнашучыларга биш раслауга бәя бирергә тәкъдим ителгән, анда һәр күрсәткеч 5 баллы шкала буенча бәяләнгән (1 – бөтенләй килешмим, 5 – тулысынча килешәм), һәр параметр өчен уртача балл исәпләнгән:
- Төбәк компетенцияләр үзәге белән бергә гамәлгә ашырыла торган хезмәт җитештерүчәнлеген арттыру проекты нәтиҗәләре минем предприятиенең финанс нәтиҗәләренә уңай йогынты ясый – 4,4;
- Төбәк компетенцияләр үзәге экспертлары югары дәрәҗәдә профессиональ һәм тормышка ашырылган проектларның максатларына ирешүдә сизелерлек өлеш кертте – 4,6;
- Җитештерүчәнлекне үстерү күрсәткечләренә ирешү өчен предприятиедә эшне ни рәвешле мөстәкыйль рәвештә дәвам итәргә кирәклегенә төшенү бар – 4,5;
- Безнең предприятиенең эш төркеме хезмәткәрләре киләчәктә безнең предприятиедә проектларны гамәлгә ашыру өчен шактый белем һәм күнекмәләр алды – 4,3;
- Безнең предприятие хезмәткәрләренең хезмәт җитештерүчәнлеген арттыру проектына җәлеп ителеше, Төбәк компетенцияләр үзәге экспертлары белән бергә эшләгәннән соң, 4,3%ка артты – 4,3.
Исегезгә төшерәбез, илкүләм проектта Татарстан Республикасының чимал булмаган база тармакларыннан 81 предприятие катнаша.
Предприятиеләрне «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проектында катнашырга чакырабыз.
Татарстан Республикасына булган эш сәфәре кысаларында Россия Федерациясе Сәүдә-сәнәгать палатасы вице-президенты Дмитрий Курочкин Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм Татарстан Республикасы Сәүдә-сәнәгать палатасы рәисе Шамил Агеев белән очрашты. Сөйләшүләрнең төп максаты – Татарстан Республикасы территориясендә, шул исәптән «Алабуга» МИЗда, сәнәгать проектларын гамәлгә ашыру.
Россия Федерациясе Сәүдә-сәнәгать палатасы президенты Сергей Катырин фикерен ассызыклап, Россиядә «Халыкара кооперация һәм экспорт», «Цифрлы икътисад» кебек илкүләм проектлар арасында бүгенге көндә Россия җитештерүчеләренә ярдәм итүнең нәтиҗәле механизмы булдырылуы турында Дмитрий Курочкин сәнәгать проектларын эксперт бәяләве һәм максатчан займнар алу өчен предприятиеләр җитәкчеләренә консультация ярдәме күрсәтү буенча Сәүдә-сәнәгать палаталарының, РФП һәм төбәк предприятиеләренең уртак эш нәтиҗәләре турында мәгълүмат җиткерде.
РФ Сәүдә-сәнәгать палатасы Вице-президенты билгеләп үткәнчә, Татарстан Республикасы предприятиеләре сәнәгать проектларын гамәлгә ашыру өчен финанс ярдәме механизмнарын актив куллана. Шулай итеп, 2018-2019 елларда Россия Сәүдә-сәнәгать палатасы системасында республиканың 13 предприятиесенең сәнәгать проектлары хупланган, алар ФРП тарафыннан финансланган. Бу Татарстан Республикасына Россия Федерациясенең 47 субъекты арасында финансланган проектлар саны буенча 3 нче урынны алырга мөмкинлек биргән. Вице-президент ассызыклаганча, бу процесста сәүдә-сәнәгать палаталары системасының әгъза оешмалары актив җәлеп ителгән.
Шулай ук Дмитрий Курочкин Артур Николаев һәм ТР Сәүдә-сәнәгать палатасы рәисе ярдәмчесе Даниил Камалов белән бергә «Алабуга» МИЗда булдылар. МИЗ идарәсендә Сәүдә-сәнәгать палатасы делегациясенә махсус икътисад зонасы предприятиеләренең эше турында инвестицияләр җәлеп итү бүлеге башлыгы Владимир Половцев һәм бизнесны үстерү буенча менеджер Аделина Ишморатова сөйләде.
Аннары Сәүдә-сәнәгать палатасы делегациясе «Алабуга» МИЗның резидент-предприятиеләрендә булды: азык-төлек сәнәгате ихтыяҗлары өчен сыгылмалы төрү материаллары җитештерүче «ДАНАФЛЕКС-АЛАБУГА» ҖЧҖ һәм үсемлекләрне саклау чараларын җитештерүче «Август» фирмасы» АҖ белән танышты. «Август-Алабуга» ҖЧҖ предприятиесенең җитештерү процесслары белән Сәүдә-сәнәгать палатасы делегациясен генераль директор Владимир Алин таныштырды.
«ДАНАФЛЕКС-АЛАБУГА» ҖЧҖ булганда генераль директор Айдар Галиуллин һәм баш инженер Әхмәд Газиев заводның җитештерү-технологик куәтләрен күрсәтте.
Моннан тыш, Сәүдә-сәнәгать палатасы делегациясе «Алабуга» МИЗдагы коллегалары белән бергә «Аквакультура һәм дәвалау-косметика майлары өчен терлек азыгы җитештерү» инвестиция проектының инициаторлары Эрат Бәдыйков һәм Салават Мәгъҗанов белән очрашты һәм проектның техник-икътисадый нигезләнеше һәм финанс-икътисадый моделе турында фикер алышты. Бизнес-проект заманча биотехнологияләрне куллануга, аерым алганда, авыл хуҗалыгы һәм азык-төлек сәнәгатенең органик калдыкларында «чёрная львинка» чебен кортларын үстерүгә нигезләнә.
РФ Сәүдә-сәнәгать палатасы матбугат хезмәте материаллары буенча
«Вертолеты России» холдингы (Ростех дәүләт корпорациясенә керә) «АК «ЯМАЛ» ҖЧҖ өчен Казан вертолет заводы җитештергән ике Ми-8МТВ-1 вертолетын тапшырган. Ике машина да Ямал-Ненец автономияле округында биремнәрне үтәү өчен кулланылачак һәм Салехардта базаланачак.
«ЯМАЛ» авиакомпаниясе өчен әзерләнгән Ми-8МТВ-1 вертолетлары йөкләр һәм пассажирлар ташу өчен хезмәт итә. Машиналар югары экономияле, үзебезнең илдә җитештерелгән ике газ турбиналы ТВ3-117ВМ двигательләре һәм ВР-14 төп редукторы белән җиһазландырылган. Һәр двигательнең куәте 2200 ат көче тәшкил итә. Вертолетлар, очыш вакытында генераторлар эшләүдән баш тарткан очракта, аварияле электр энергиясе чыганагы функциясен үтәүче ярдәмче ток җайланмалары белән җиһазландырылган.
Һәр һава судносы тышкы трос асмасы белән җиһазландырылган, анда, очыш ераклыгын, утырту мәйданчыкларының диңгез өслегеннән булган биеклеген, һава температурасын һәм башка факторларны исәпкә алып, 4 тоннага кадәр авырлыктагы йөкләрне ташырга мөмкин. Шулай ук коткару операцияләрен үткәрү мөмкинлеген бирә торган чыгырлы борт уклары өчен дә урыннар әзерләнгән. Салон эчендә өстәмә ягулык баклары өчен урын бар.
Элегрәк, 2019 ел ахырында, «ЯМАЛ» авиакомпаниясенә ике Ми-8МТВ-1 вертолеты тапшырылган, 2017-2018 елларда заказ бирүче КАЗда җитештерелгән шул ук сериядәге биш вертолет сатып алган.
Ми-8МТВ-1 күпмаксатлы вертолетлары уникаль очыш-техник һәм эксплуатация характеристикаларына ия, алар барлык климат шартларында да диярлек файдаланылырга мөмкин. Ми-8МТВ-1 вертолетының конструкциясе һәм җиһазлары аны җиһазландырылмаган мәйданчыкларда автоном базада файдаланырга мөмкинлек бирә.
Россия Федерациясе субъектларының социаль-икътисадый потенциалын арттыру һәм гражданнарның тормыш дәрәҗәсендә һәм сыйфатында аермаларны киметү мәсьәләләре буенча җәмәгатьчелекнең һәм федераль дәүләт хакимияте органнарының киң даирәләренә мәгълүмат бирү бурычына таянып, «Новости России» мәгълүмат агентлыгы һәм «Экономическая политика России» журналы редакциясе «Новости регионов России» төбәк мәгълүмат агентлыгы порталында Җыелма күзәтү 2020: «Россия төбәкләре үсеше — дәүләт көче!» дигән мәгълүмат формалаштыра.
Әлеге Җыелма күзәтүдә түләүсез рәвештә территорияләрне социаль-икътисадый һәм инвестицияле үстерү, аларның финанс тотрыклылыгын тәэмин итү һәм бәяләү стратегияләрен эшләү, эшкуарлыкны һәм кулланучылар базарын үстерү, торак төзелеше һәм шәһәр төзелеше, сәнәгатьчелекне һәм транспорт инфраструктурасын үстерү, агросәнәгать комплексы, торак-коммуналь хуҗалыгы, ягулык-энергетика комплексы системасын камилләштерү һәм экологик куркынычсызлык, азык-төлек куркынычсызлыгын ныгыту, табигый, мәдәни, спорт-туризм, фәнни-белем бирү потенциалын арттыру, мәгълүматлаштыру һәм элемтә, ГХАТ органнары һәм нотариат хезмәтләреннән, медицина ярдәменнән, Россия Федерациясендә яшәүчеләрне граждани, хокукый һәм социаль яклау хезмәтләреннән файдалана алу дәрәҗәсен һәм сыйфатын арттыру эшендә төбәк һәм муниципаль дәүләт идарәсе органнары, учреждениеләр, предприятиеләр һәм оешмалар чаралары турында актуаль мәгълүмат урнаштырылачак. Мөһим яңалыкларны урнаштыру өчен түләүсез теркәү формасы https://regioninformburo.ru/add-news/ сылтамасы буенча урнаштырылган, ә өстәмә мәгълүмат https://regioninformburo.ru/svodnyj-obzor-2020-razvitie-regionov-rossii-sila-gosudarstva/ сылтамасы буенча урын алган.
Җыелма күзәтү 2020: «Россия төбәкләре үсеше — дәүләт көче!» формалаштыруда катнашучылар: федераль, төбәк һәм муниципаль дәүләт идарәсе органнары, шулай ук, 2014 елның 27 маендагы 136-ФЗ номерлы федераль закон өстәмәләрен исәпкә алып, барлык төр муниципаль берәмлекләрнең (авыл җирлеге, шәһәр җирлеге, муниципаль район, шәһәр округы, федераль әһәмияттәге шәһәрнең шәһәр эче территориясе, эчке бүленеше булган шәһәр округы, шәһәр эчендәге район) учреждениеләре, оешмалары һәм предприятиеләре. «Дәүләт органнары һәм җирле үзидарә органнары эшчәнлеге турындагы мәгълүматтан файдалануны тәэмин итү хакында» 2009 елның 9 февралендәге 8-ФЗ номерлы федераль закон, шулай ук алар эшчәнлеген мәгълүмати ачык булу ягыннан регламентлаштыручы башка норматив-хокукый актлар нигезендә һәм халыкка ярдәм итү буенча гамәлгә ашырыла торган программаларга карата төбәк һәм муниципаль дәрәҗәдә хакимият эшчәнлеген яктырту максатларында РФ субъектлары башкарма хакимият органнары һәм муниципаль берәмлекләренең актуаль материаллары https://regioninformburo.ru/category/society/ бүлегендә тупланачак.
Җыелма күзәтү 2020: «Россия төбәкләре үсеше — дәүләт көче!» формалаштыру Россия Федерациясе Конституциясе һәм федераль законнар нигезендә илнең бөтен территориясендә гражданнарның икътисадый, сәяси һәм социаль хокукларын гамәлгә ашыру өчен тигез мөмкинлекләр тудыру, аларның тормыш сыйфатын күтәрү, төбәкләрнең тотрыклы икътисадый үсешен һәм фәнни-технологик үсешен тәэмин итү, Россия Федерациясе субъектларының һәм муниципаль берәмлекләрнең баланслы һәм тотрыклы социаль-икътисадый үсеше нигезендә дөнья базарларында РФ икътисадының конкуренциягә сәләтлелеген күтәрү, шулай ук халыкны төбәк һәм җирле мәсьәләләрне хәл итүгә максималь рәвештә җәлеп итүгә мәгълүмати ярдәм итүгә юнәлдерелгән.
2020 елның 7 нче июлендә, INNOPROM ONLINE халыкара сәнәгать марафоны кысаларында, Россия башкарма хакимияте органнары һәм CEO халыкара компанияләре җитәкчеләре катнашында «Глобаль сәнәгать vs глобаль эпидемия» төп стратегик сессиясе, шулай ук «Сәнәгый автоматизация», «Инновацияләр һәм технологияләр», «Тотрыклы үсеш» һәм «Халыкара хезмәттәшлек» тармак треклары кысаларында 20дән артык чара узачак.
INNOPROM ONLINE «Digital дәверендәге индустрия» – ИННОПРОМ халыкара сәнәгать күргәзмәсен оештыручыларның проектлары, тәҗрибә һәм белемнәр белән уртаклашу өчен профессиональ онлайн-платформа. Һәр атна саен дәүләт хакимияте органнары, Россия һәм халыкара компанияләр башлыклары бер-берсе һәм профессиональ аудитория белән глобаль индустрияь дөньясындагы чакырулар һәм аларга җавап бирү мөмкинлекләре турында фикер алыша. Элегрәк дискуссияләрдә РФ Хөкүмәте, РФ Сәнәгать һәм сәүдә министрлыгы, РФ Цифрлы үсеш, элемтә һәм массакүләм коммуникацияләр министрлыгы җитәкчеләре, шулай ук «Ростех» дәүләт корпорациясе, «Росатом» дәүләт корпорациясе, «ВЭБ.РФ» дәүләт корпорациясе, «Россия экспорт үзәге» һәм түбәндәге компанияләр җитәкчеләре катнашты: «КАМАЗ», «СОЛЛЕРС», «СИБУР», «Трансмашхолдинг», «Синара», «Группа ГАЗ», Boeing, Schneider Electric, Ericsson, SAP, KUKA, FANUC, FANUC һ.б.
Тулырак мәгълүмат чараның рәсми сайтында әлеге сылтама буенча урнаштырылган.
«Наше время – Безнең заман» эшче яшьләр иҗатының VIII ачык республика телевизион фестиваленә гаризалар кабул ителә башлаган, ул ТР Президенты Рөстәм Миңнеханов ярдәме белән һәм ЮНЕСКО эшләре буенча РФ Комиссиясе эгидасында уза.
«Наше время – Безнең заман» фестивале һичшиксез узачак. Татарстан Министрлар Кабинеты тарафыннан тиешле күрсәтмә чыгарылды. 1 нче июльдән башлап бәйгедә катнашучылардан гаризалар кабул ителә башлады, – дип белдерде «Наше время – Безнең заман» фестиваленең генераль продюсеры, мәдәният өлкәсендә РФ Хөкүмәте премиясе лауреаты Дмитрий Туманов. – Бу фестиваль – тулаем республика өчен зур шатлык һәм ТАССРның 100 еллыгын һәм Җиңүнең 75 еллыгын бәйрәм итүгә зур өлеш кертү дә, чөнки быел зур фестиваль хәрәкәте тарих өчен әһәмиятле ике датага багышланачак».
Дмитрий Туманов республика предприятиеләре җитәкчеләрен фестивальдә активрак катнашырга чакырды. «Фестивальдә катнашучыларның «Наше время – Безнең заман» фестивалендә чыгыш ясау теләге зур. Үз хезмәткәрләреңне яратырга гына кирәк, чөнки кешедә булган иң кадерле нәрсә – ул аның таланты. Бу фестивальгә дөньяда тиңнәр юк, шуңа күрә йокыдан уянырга, иммунитетны арттырырга һәм «Безнең заман» фестивалендә катнашырга кирәк», – дип ассызыклады Д.Туманов.
Фестивальгә гариза онлайн режимда бирелә, моның өчен http://www.bzzm.ru/ сайтына кереп, тиешле анкетаны гына тутырырга кирәк.
Фестиваль дирекциясендә хәбәр итүләренчә, катнашу өчен гаризалар 2020 елның 25 нче сентябренә кадәр тапшырылырга тиеш. Фестивальнең сайлап алу этаплары 2020 елның октябреннән ноябренә кадәр узачак һәм Түбән Кама, Әлмәт, Зеленодольск һәм Казан шәһәрләрендә 4 зона сайлап алу этабын, Казанда узачак суперфинал һәм гала-концерт өлешләрен үз эченә алачак. Исегезгә төшерик, эшче һөнәр вәкилләре ел дәвамында интернет ярдәмендә репетицияләр үткәреп, фестивальгә актив әзерләнгән.
Быел фестивальнең мөһим яңалыгы «Безнең заман геройлары» дип аталган махсус бүләк булачак. Мактаулы бүләк дәрәҗәле Гран-прига лаек булган командага, ләкин барлык номинацияләр буенча 1 урын алган баллар җыелмасы буенча биреләчәк.
Җиңүче иң яхшы командалар «ТЯГ» телеканалында «Наше время – Безнең заман» фестиваленнән «Безнең заман геройлары» телевизион тапшыруында күрсәтеләчәк. Проект май аенда башланып китте. Ул төп эше белән иҗат эшчәнлеген уңышлы гына берләштерә алган фестивальдә катнашучыларга багышланган. Беренче чыгарылыш «Юл хәрәкәте иминлеге» ДБУның «Наше время – Безнең заман» фестивалендә ике тапкыр Гран-при иясе булган иҗат коллективына багышланган иде. Хәзерге вакытта Горбунов исемендәге КАЗ, Менделеевск шәһәренең «Аммоний», КАМАЗ командаларына багышланган телетапшырулар төшерелгән һәм күрсәтү өчен әзерләнә.
«Наше время – Безнең заман» фестивалендә катнашучылар өчен тагын бер шатлыклы һәм көтеп алынган яңалык – быелдан башлап, иҗат коллективы составында 35 яшьтән 45 яшькә кадәр булган кешеләр катнаша алачак. Исегезгә төшерик, элек катнашучыларның яше 41 ел белән чикләнә иде. Әлеге яшь категориясендә катнашучылар фестивальдә 4 кешедән торган иҗади коллектив составында катнаша ала. Әлеге яшькә караган катнашучылар саны иҗади коллективта катнашучыларның гомуми саныннан 25 проценттан артмаска тиеш.
Фестивальдә катнашучыларга карата гомуми яшь таләпләре элеккечә кала: 18-35 яшьлекләр, алар өчен конкурс программасында шөгыльләнү һөнәри эшчәнлек булып тормаска тиеш.
Исегезгә төшерәбез, фестиваль эшче һәм инженер һөнәрләрен популярлаштыруга, эшләүче яшьләрнең иҗади потенциалын ачуга юнәлдерелгән. Ул социаль-әһәмиятле дәүләт проекты булып тора һәм коммерция максатларын күздә тотмый. Фестивальдә катнашу – бушлай, катнашучылардан оештыру кертеме алынмый.
Фестивальнең барлык этапларында бик күп мастер-класслар, «түгәрәк өстәл»ләр, РФ һәм ТР сәнгать осталарының консультацияләре уза.
Татарстан Республикасы учреждениеләре һәм предприятиеләре, нинди милекчелек формасында булуына карамастан, фестивальдә катнашу өчен команда яки аерым башкаручылар юллый, алар «Музыка юнәлеше», «Бию юнәлеше», «Шөһрәт минуты», «Предприятиенең визитка-презентациясе» (визитканы Казандагы суперфиналны узган командалар гына әзерли) номинацияләре буенча үз чыгышларын әзерли.
Фестивальдә җиңүчеләр һәм лауреатлар кубоклар, дипломнар, истәлекле бүләкләр, акчалата премияләр белән бүләкләнә. Фестивальнең Гран-при иясе диплом, Татарстан Республикасы Президентының Күчмә кубогы һәм акчалата премия белән бүләкләнә.
Куйбышев тимер юлы инновацияле чишелешләр һәм технологияләр эзли. Эзләүнең төп максаты – Россия Федерациясе тимер юлларының бөтен челтәренә апробацияләү һәм алга таба гамәлгә кертү. Эзләнү эше түбәндәге ихтыяҗлар буенча башкарыла:
- Ясалма интеллект;
- Ышанычлылык, тузуга чыдамлылык үзлекләре югары булган инновацияле продукт;
- Техник диагностика;
- Энергетика нәтиҗәлелеге;
- Энергиянең альтернатив чыганакларын куллану.
Куйбышев тимер юлы инновацияләренә кагылышлы гаризалар «Россия тимер юллары» ААҖдә өстенлекле процедураны узган һәм тиешле инновацияле чишелешләрне эзләү өчен актуаль дип танылган.
Гаризаларны карау барышында өстенлек, «РЖД» ААҖ мәнфәгатьләрендә тәҗрибә эксплуатациясе өчен әзер чишелеш һәм/яки прототипны тәкъдим итү мөмкинлеге белән, үсешнең соңгы стадиясендә булган инновацияле чишелешләргә биреләчәк.
Һәр гаризага презентацияләр, шулай ук гариза бирүчеләрнең интеллектуаль эшчәнлек нәтиҗәләре буенча инновацияле чишелешләрдә булган хокукларын раслый торган документлар беркетелергә тиеш.
Гаризаны Куйбышев тимер юлының инновацияле үсеш бүлеге электрон почтасына җибәрергә кирәк startupkbsh@mail.ru
Өстәмә мәгълүматны, шулай ук заявка формасын Куйбышев тимер юлының рәсми сайтында әлеге сылтама буенча алырга мөмкин
2020 елның 17 нче июлендә Россия Хезмәт һәм социаль яклау министрлыгы белгечләре һәм хезмәтне саклау мәсьәләләре буенча әйдәүче экспертлар катнашында «2020 елның төп үзгәрешләре: 1 яртыеллык нәтиҗәләре һәм киләчәккә планнар» дигән россиякүләм онлайн-конференция узачак.
Конференциядә хезмәтне саклауда төп үзгәрешләр, эш бирүчеләрне тикшерүнең яңа регламентлары, һөнәри хәвеф-хәтәрләрне бәяләүнең нәтиҗәле системасы, 2020 елда медицина тикшерүләрен үткәрү, хезмәт куркынычсызлыгы культурасын гамәлгә кертергә ярдәм итәчәк инструментлар каралачак.
Катнашу бушлай.
Хезмәтне саклау хезмәтләре җитәкчеләрен, белгечләрен һәм мәнфәгатьле башка оешмаларны онлайн-конференциядә катнашырга чакырабыз. Чара нәтиҗәләре буенча катнашучылар катнашу турында документ (сертификат) алачак.
https://seminar.vip.1otruda.ru сайтында тулырак мәгълүмат алырга, шулай ук чарага теркәлергә мөмкин.