ЯҢАЛЫКЛАР

Хөрмәтле хәрби диңгезчеләр, флот ветераннары!

Татарстан Республикасы Хөкүмәте һәм шәхсән үз исемемнән Сезне Россиянең хәрби диңгез флоты көне белән тәбрик итәм. Бүген дә, моңа кадәр дә хәрби диңгез флоты илебездәге хәрби диңгез потенциалының төп көче булып тора, ул Россия мәнфәгатьләрен һәм аның диңгез чикләрендә куркынычсызлык тәэмин итәргә тиеш. Тарих дәверендә хәрби диңгезчеләр ватанны саклау буенча үз бурычларын намус белән үтәде, диңгезләрдә бөек җиңүләр яулады, фашизмны җиңүгә зур өлеш кертте. Тыныч вакытта да яшь егетләрнең горур кыяфәттә илебезнең ерак төбәкләрендә хезмәт итүләрен күрүе сөендерә. 

Хәрби диңгез флоты үсешенә кораб төзү предприятиеләре дә зур өлеш кертә. Бүген «Ак Барс» суднолар төзү корпорациясе һәм А.М.Горький исемендәге Зеленодольск заводы хәрби флот һәм гражданлык суднолары төзелеше ихтыяҗларын тәэмин итү өчен эшли. Быел завод 21980 проекты буенча махсус билгеләнештәге ике катерны суга төшерде. 

Хәзерге вакытта Балтыйк, Кара диңгез флотлары составында һәм Каспий флотилиясендә инде 10 берәмлек судно хәрби кизү хезмәтен үти.

Яшьләргә патриотик тәрбия бирүдә актив катнаша торган, диңгез тормышы мәктәбен үткән ветераннарга аерым рәхмәт белдерәбез. Ватаныбызның куәте хакына намуслы хезмәтегез өчен рәхмәт сезгә!

Мин сезне чын күңелдән әлеге бәйрәм белән котлыйм. Барыгызга да бәхет, ныклы флот сәламәтлеге, гаилә иминлеге, тыныч күк йөзе һәм Ватаныбыз хакына, Россиянең хәрби диңгез флоты хакына башкарылган хәрби хезмәттә яңа уңышлар телим!

Хөрмәт белән, 

ТР Премьер-министр урынбасары – 

Татарстан Республикасы 

сәнәгать һәм сәүдә министры

А.Ә. Кәримов 

«МАКС-2021» күргәзмә комплексы территориясендә POZIS компаниясе (Ростех дәүләт корпорациясенең «Техмаш» концернына керә) җитештергән һаваны зарарсызландыру өчен ультрашәмәхә рециркуляторлар урнаштырылган.   

Ультрашәмәхә рециркуляторлар күргәзмә эшенә презентация функциясен генә түгел, ә бәлки коронавирус инфекциясеннән саклау һәм профилактика максатларында да җәлеп ителгән. Һава чистарту җайланмалары стенага эленә торган итеп тә, күчмә рәвештә дә ясалган.

POZIS җитештергән йогышсызландыру җайланмаларында һаваны зарарсызландыру аз микъдарлы терекөмеше булган сыйфатлы һәм куркынычсыз бактерицид лампалар ярдәмендә ультрашәмәхә нурлар белән башкарыла. Әлеге чишелеш ярдәмендә «ПОЗиС»ның нурландыру рециркуляторлары һавадагы авыру вирусларын һәм бактерияләрне 99% кадәр зарарсызландыра, йогышлы авырулардан саклый. Шул ук вакытта алар кешеләр өчен бөтенләй дә куркынычсыз.

Приборларда медицина җиһазларының зарури клиник сынаулар үтүен һәм приборның нәтиҗәлелеген раслый торган теркәү таныклыгы, шулай ук CE сертификаты бар.

Шулай ук күргәзмәгә килүчеләргә шәраб саклый торган эксклюзив суыткыч серияләре дә күрсәтелә. Алар «Шәле» павильоннарында урнаштырылган.

«Вертолеты России» холдингының (Ростех дәүләт корпорациясенә керә) Казан вертолет заводы МАКС-2021 күргәзмәсендәге махсус җиһазландырылган павильонда Ансат вертолетының төп көч элементларының техник торышын тикшерү системасын күрсәтте. Система «ИРТ» ФТҮ ҖЧҖ коллективы белән берлектә эшләнгән.

Вертолет бортында урнаштырылган система кыйшаю автоматы, вал, втулка һәм очыш вакытында турыдан-туры алып баручы очкыч калаклары кебек эшләп торучы агрегатларның фактик йөкләнешен тикшереп торачак. Белешмәләр туплый торган интеллектуаль система конкрет агрегат ресурсын фактта сарыф итү тизлеген күзәтеп торырга мөмкинлек бирәчәк.

МАКС-2021 күргәзмәсендә конвертлана торган салонлы Ансат-М вертолеты да күрсәтелә. Күргәзмә кунакларына 8 урынлы пассажир комплектациясе һәм зыян күргән кешене йөкләүнең югары уңайлылыгы булган медицина модуле белән тәэмин ителгән санитар комплектация тәкъдим ителгән. Ансат-М вертолеты өстәмә ягулык багы өстәп, очыш ераклыгын 790 км кадәр арттырган, бу исә күп кенә Россия һәм чит ил эксплуатантлары өчен актуаль булып тора.

Хөрмәтле Татарстан Республикасы сәүдә предприятиеләре хезмәткәрләре һәм ветераннары!

Татарстан Республикасы Хөкүмәте һәм шәхсән үз исемемнән Сезне һөнәри бәйрәмегез – Сәүдә хезмәткәрләре көне белән котлыйм!

Бүгенге тормышта сәүдә икътисадның мөһим тармакларының берсе, җәмгыятьнең икътисадый байлыгы, кешеләрнең тормыш дәрәҗәсе күрсәткече булып тора. 

Бүген Татарстан кулланучылары өлкәсендә төрле форматтагы 17 меңнән артык ваклап сату предприятиесе эшли. Республика ваклап сату әйләнеше күләме буенча лидер-төбәкләр арасына керә. Булдырылган эш урыннары саны буенча да сәүдә алдынгыларның берсе булып тора. Республика икътисадында хезмәт куючыларның 16 проценты сәүдә өлкәсендә эшли.

Хәзерге заман кешесенең тормышын сәүдә предприятиеләреннән башка күз алдына китереп тә булмый. Сез башкарган эшчәнлек – көндәлек. Кешеләрнең кәефе һәм яшәеш шартлары, көнкүреше күп очракта Сезнең һөнәри осталыкка, Сез күрсәтә торган хезмәтләр сыйфатына, Сез биргән күңел җылысына һәм Сез күрсәткән сабырлыкка бәйле.

Сәүдә хезмәткәренең эше беренче карашка гына җиңел кебек. Монда белем һәм компетентлы булу таләп ителә, җаваплы һәм фидакарь булу зарур, инициатива күрсәтергә, хәтта иҗат кешесе дә булырга кирәк. Ә иң мөһиме, кешеләр белән эшли белү: сабыр, мәрхәмәтле, игътибарлы һәм ягымлы булу шарт.

Республика үсешенә керткән намуслы хезмәтегез өчен чын күңелдән рәхмәт җиткерәм. Һөнәри бәйрәмегез көнендә сезгә ныклы сәламәтлек, оптимизм һәм энергия, нәтиҗәле эш һәм хезмәттәшлек формаларын эзләүдә уңышлар, бизнеста казанышлар һәм югары табыш телим!

Бәхет, башлаган һәр эшегездә уңышлар сезгә!

ТР Премьер-министр урынбасары –

Татарстан Республикасы

 сәнәгать һәм сәүдә министры

Альберт Кәримов

«Вертолеты России» холдингының (Ростех дәүләт корпорациясенә керә)  Казан вертолет заводы, Mecaer Avition Group компаниясе белән берлектә, Ансат вертолеты өчен тавыш дәрәҗәсен киметү системасын эшләүнең беренче этабын тәмамлаган. Яңа техник чишелеш пассажирлар өчен моңарчы күрелмәгән уңайлылык дәрәҗәсен тәэмин итәчәк. 

Тавыш дәрәҗәсен киметү системасы фюзеляж корылмасы белән түшәм панельләре арасында урнаштырыла торган тавышны киметү панеленнән гыйбарәт. Ул тавышы һәм авырлыгы ягыннан караганда әлеге класста иң яхшы характеристикалары булган алдынгы тавыш изоляцияләү материалларыннан эшләнгән.

Сертификация узганнан соң тавышны киметү системасы пассажир, медицина һәм VIP-версияләрдәге Ансат вертолетларына опциональ урнаштырыла башлаячак. Шулай ук файдаланыла торган очкычларны да яңа җиһазлар белән өстәмә тәэмин итеп булачак. 

Яңа системаның өстенлекләре арасында – кабина күләменә йогынты булмау, гади генә урнаштыру һәм демонтажлау, техник хезмәт күрсәтү өчен җиңел үтеп керү мөмкинлеге.

Ростех дәүләт корпорациясенең «Вертолеты России» холдингы МАКС-2021 халыкара авиация-космос салоны кысаларында Россиянең Гадәттән тыш хәлләр министрлыгы белән 2024 елга кадәр арктик үтәлештә 9 Ми-38ПС вертолетын китерүгә контракт имзалаган.

Эзләтү-коткару билгеләнешендәге Ми-38ПС очкычы коткару миссияләренең моңарчы күрелмәгән ераклыгын тәэмин итә ала, ул экипаж һәм өч коткаручы белән 750 чакрымга кадәр очыш ясый, бәла-казага тарыган кешеләрне эвакуацияләп, базага әйләнеп кайта ала. Моның өчен вертолет өстәмә ягулык баклары белән җиһазландырылачак, ә машинаның максималь очыш массасы арттырылачак.

Ми-38ПС ерак төньяк шартларында автоном базаланып, төнлә күрсәтә торган күзлекләрдән файдаланып, төрле коткару җиһазларын, медицина модульләрен урнаштыру мөмкинлеген алачак. Десантчылар вертолеттан парашют белән төшү, очкычны утырту һәм утыртмый торган ысуллар белән вертолетны утырта алачак.

Татарстан Президенты Рөстәм Миңнеханов Үзбәкстан вице-премьеры, инвестицияләр һәм тышкы сәүдә министры Сәрдәр Умурзаков белән онлайн-очрашу уздырды.

Рөстәм Миңнеханов билгеләп үткәнчә, Россия-Үзбәкстан мөнәсәбәтләре кысаларында Татарстан Үзбәкстан белән хезмәттәшлекне үстерүгә зур игътибар бирә. «Без үзара файдалы элемтәләрне киңәйтүгә чын күңелдән шат. Без үз ягыбыздан тулы ярдәм күрсәтергә әзер», - дип ассызыклады ТР Президенты.

Сәрдәр Умурзаков үз чиратында Рөстәм Миңнехановны һәм барлык татарстанлыларны Корбан бәйрәме белән котлады. «Бу бәйрәм безнең халыкларның рухи тормышында аерым урын алып тора. Безгә Сезнең белән хезмәттәшлектә уңышлар телим», - диде ул.

Алга таба Татарстан һәм Үзбәкстаннан килгән компанияләр вәкилләре алдагы хезмәттәшлекнең перспектив юнәлешләре турында сөйләделәр. Татарстан Республикасыннан очрашуда «Татнефть», «Химград», «КМПО», «КАМАЗ», «Эйдос-Медицина», «КЭР-Холдинг», «Иннополис» МИЗ һәм башка оешмалар җитәкчеләре катнашты.

Исегезгә төшерәбез, бу елның июнендә Рөстәм Миңнеханов Ташкентта эш сәфәрендә булды һәм Үзбәкстан Президенты Шәүкәт Мирзиев белән очрашты.

Бүген Татарстан Республикасы Президенты Рөстәм Миңнеханов «ГМС төркеме» АҖ җитәкчелеге белән очрашты. Очрашуда шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов та катнашты.

Очрашу Татарстан Республикасы Хөкүмәте Йортында узды.

«ГМС төркеме» АҖ – динамик үсештәге күп юнәлешле эре холдинг, ул сәнәгатьнең төрле тармаклары: нефть-газ тармагы, торбаүткәргеч транспорт, атом һәм җылылык энергетикасы, су хуҗалыгы һәм ТКХ өчен насос, компрессор һәм блок-модуль җиһазларын эшләү һәм җитештерү өлкәсендә иң куәтле фәнни-җитештерү потенциалына ия. 2012 елдан машина төзелеше холдингы структурасына «Казанькомпрессормаш»Татарстан заводы да керә.

Очрашуда Татарстан һәм ГМС төркеменең берничә юнәлеш буенча хезмәттәшлеге мәсьәләләре каралды. Аерым алганда, катнашучылар «Казанькомпрессормаш» заводын үстерү, предприятие егәрлекләрен җитештерү заказлары белән тәэмин итү турында фикер алыштылар.

2018 елдан башлап Татарстан Республикасында «Хезмәт җитештерүчәнлеге» илкүләм проекты уңышлы гына тормышка ашырыла, ул республика предприятиеләрендә ел саен җитештерүчәнлек үсешен тәэмин итәргә, эш белән тәэмин итүгә һәм бизнеска ярдәм итәргә тиеш. 

2021 ел башында илкүләм проектка үзгәрешләр кертелгән, аларның кайберләре предприятиеләрне сайлап алу критерийларына кагыла, аерым алганда, эшчәнлекнең рөхсәт ителгән төрләре исемлегенә сәүдә дә кертелгән.

Республиканың илкүләм проектка кергән беренче сәүдә предприятиесе азык-төлек сату белән шөгыльләнүче «Арслан» ҖЧҖ компаниясе булган, ул  «Хезмәт җитештерүчәнлеге өлкәсендә федераль компетенцияләр үзәге» АКО белән проектны гамәлгә ашырачак.

Ростех дәүләт корпорациясенең «Вертолеты России» холдингы Ми-38 вертолетында бозлавыкка каршы өр-яңа системаны, шулай ук вертолет бортында интернет тәэмин итүче спутник элемтәсе системасын куллануга Росавиациядән хуплау алган.

Ми-38 вертолетының бозга каршы системасы сынаулар циклын узган, алар барышында үзенең нәтиҗәле булуын исбатлаган. Яңа җиһазлар Ми-38 очкычына салкын температураларда боз артуга юл куймаска һәм бозлану шартларында очышларны дәвам иттерергә мөмкинлек бирәчәк.  Яңа композит калаклар корылмасына кертеп урнаштырылган система катлаулы һава шартларында Ми-38 вертолетыннан файдалану өлкәсен киңәйтә, шул исәптән арктик киңлекләрдә дә.