ЯҢАЛЫКЛАР

Эшчәнлекләрен реструктуризацияләү һәм модернизацияләү белән шөгыльләнүче оешмаларның инвестиция проектларын бәяләү буенча Ведомствоара эшче төркемнең 19 октябрьдәге чираттагы утырышында "Казан җылылык челтәре компаниясе" ААҖ, "Казан синтетик каучук заводы", "Нөркәй" агрофирмасы ҖЧҖ, "Агросила Групп" идарәсе ЯАҖ, "Чаллы элеваторы" ААҖ, "Чаллы-Бройлер" ҖЧҖ, "ФинАгроТрейд" ҖЧҖ, "Электр транспорты ҖЧҖ проектлары каралды.

Проектларны гамәлгә ашыру нәтиҗәсендә транспорт, җылылык белән тәэмин итү, экспорт өчен химия һәм авыл хуҗалыгы продукцияләре җитештерү өлкәләрендә тоткарлыклар бетәчәк, хезмәт җитештерүчәнлеге артачак, яңа технологияләр кертеләчәк.
Проектларны карау нәтиҗәләре буенча предприятиеләрнең 155 эшчесе инвестиция проектларын тормышка ашыру һәм 115 хезмәткәре “Сакчыл җитештерү” программасы буенча алдан укытуга җибәреләчәк.
Әлеге проектлар “Сакчыл җитештерү” технологияләрен кертү буенча озак сроклы программаны гамәлгә ашыру концепциясенә туры килә, киләчәктә Лин-технологияләрне икътисадның барлык тармакларына кертү күздә тотыла.

2012 елның 11 октябрендә Казанда икътисадый форум булды, анда Тюрингия Федераль җирләренең (Германия) икътисад, хезмәт һәм технологияләр министры Матиас Махник әфәнде, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан һәм Тюрингиянең министрлыклар һәм ведомстволар җитәкчеләре, 45 Татарстан һәм немец предприятиесе һәм компанияләре вәкилләре катнашты.

9 октябрьдә “Казан ярминкәсе” ачык акционер җәмгыятьнең конференцияләр залында җәмәгать туклануы предприятиеләре җитәкчеләре өчен семинар уздырылды. Ул “Җәмәгать туклануында хезмәт күрсәтү һәм иминлек тәэмин итү буенча гамәлдәге норматив документлар таләпләре” мәсьәләсенә багышланды.
Семинар 2013 елгы Универсиада кунакларына һәм анда катнашучыларга хезмәт күрсәтүдә катнашучы предприятиеләрнең җәмәгать туклануы хезмәтләрен Хезмәт күрсәтүләрне ирекле сертификацияләү системасы буенча сертификацияләүне әзерләү һәм үткәрү буенча Татарстан Республикасы Министрлар Кабинетының 2012 елның 10 августындагы 1393-р номерлы Күрсәтмәсе белән расланган ведомствоара чаралар планын үтәү йөзеннән оештырылды.

Семинар эшендә Татарстан Республикасы Гражданнар оборонасы һәм гадәттән тыш эшләр министрлыгы, Кулланучыларның хокукларын яклау һәм кеше иминлеге буенча федераль күзәтчелек итү хезмәтенең Татарстан Республикасы буенча идарәсе, һ.б. катнашты.
Семинарны Татарстан Республикасы сәнәгать һәм сәүдә министры урынбасары Р.Ш.Фәттахов алып барды.

2012 елның 11 октябрендә "Тюрингия Татарстанда" икътисадый форумы була. Анда Тюрингия Федераль җирләренең (Германия) икътисад, хезмәт һәм технологияләр министры Матиас Махник әфәнде, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равиль Зарипов катнаша. Форум эшендә шулай ук Татарстан һәм Тюрингиянең министрлыклар һәм ведомстволар җитәкчеләре, Татарстан һәм 45 немец компаниясе вәкилләре катнаша.
Форумның максаты – ике яклы сәүдә-икътисадый багланышларны үстерү һәм ныгыту, Татарстан Республикасына чит ил инвестицияләре җәлеп итү.
Эшлекле форум программасына Татарстан Республикасының һәм Тюрингия Федераль җирләренең социаль-икътисадый һәм инвестиция потенциалын презентацияләү, Татарстан предприятиеләре белән уңышлы хезмәттәшлек итүче немец компанияләре вәкилләре чыгышы, ике якның эшлекле даирәләре очрашуы кертелгән.
Форум эшендә төп игътибар инвестицияләр җәлеп итү, машина төзелеше, авыл хуҗалыгы, сәламәтлек саклау, мәгариф, алдынгы мәгълүмат технологияләре һәм инновацияләр өлкәсендә хезмәттәшлек итү мәсьәләләренә биреләчәк.
Форум барышында А.Н. Туполев исемендәге КНИТУ-КАИ һәм Ильменау техник университеты арасында хезмәттәшлек итү турында килешүгә кул куелачак.

2012 елның 8 октябрендә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов “Антонов” дәүләт предприятиесе президенты – генераль конструкторы (Украина) Дмитрий Кивины 70 яшьлек юбилее белән котлады.
Равил Зарипов Д. Кивиның Украинаның икътисадый потенциалын ныгытуга һәм авиация тармагын үстерүгә керткән өлеше, Россия һәм Украина арасында авиация төзелеше өлкәсендә хезмәттәшлекнең артуы, “Антонов” дәүләт корпорациясенең С.П. Горбунов исемендәге Казан авиация җитештерү берләшмәсе белән уртак проектлар эшләүдәге хезмәттәшлеге хакында билгеләп үтте.

2012 елның 6 октябрендә Төркиядә эшлекле форум булды. Анда сүз автомобиль һәм автокомпонентлар җитештерү өлкәсендә Татарстан һәм Төркия арасындагы хезмәттәшлек турында барды. Форум эшендә Татарстан Республикасы Президенты Р. Н. Миңнеханов, Төрек Республикасының икътисад министры вазыйфаларын башкаручы Мостафа Север, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан һәм Төркиянең 200 ләп эшлекле даирә вәкиле катнашты.

5 октябрьдә Татарстан Республикасы Сәнәгать һәм сәүдә министрлыгы коллективы “Агач утырту көне” республика акциясендә катнашты.

6 октябрьдә Төркиянең Бурса шәһәрендә автомобиль һәм автокомпонентлар җитештерү өлкәсендә Татарстан һәм Төркия арасындагы хезмәттәшлек итүгә багышланган эшлекле форум үткәрү планлаштырыла. Форум эшендә Татарстан Республикасы Президенты Р. Н. Миңнеханов, Төрек Республикасының икътисад министры вазыйфаларын башкаручы Мостафа Север, Бурсы шәһәре Губернаторы Шәһабетдин Харпут, Россиянең Төркиядәге Гадәттән тыш һәм Тулы вәкаләтле илчесе В.Ивановский, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, “Махсус икътисадый зоналар” ААҖ генераль директоры О. Костин, Төркиянең Экспортерлар палатасы рәисе Мәхмүт Бөекэшши катнашачак.

2012 елның 4 октябрендә Татарстан Республикасының сәнәгать һәм сәүдә министры урынбасары Гөлнара Әхмәдиева Төньяк-Рейн Вестфалия Федераль җирләре делегациясе белән очрашты. Делегация Дюссельдорф шәһәренең Сәүдә-сәнәгать палатасы генераль директоры урынбасары Герхард Эшенбаум җитәкчелегендә килде.
Очрашуда Татарстан Республикасы Сәнәгать һәм сәүдә министрлыгы вәклләре, Төньяк-Рейн Вестфалия Федераль җирләреннән икътисадның төрле тармакларыннан (энергетика, машина төзелеше, азык-төлек сәнәгате, химия һәм нефть химиясе, мәгълүмат технологияләре) эре компанияләр җитәкчеләре катнашты.
Татарстан Республикасының сәнәгать һәм сәүдә министры урынбасары Гөлнара Әхмәдиева Татарстан Республикасының сәнәгать һәм инвестиция потенциалын презентацияләде.
Очрашуда немец компанияләре презентациясе булды, машина төзелеше, азык-төлек сәнәгате, химия һәм нефть химиясе, мәгълүмат технологияләре өлкәләрендә ике яклы хезмәттәшлек итү мәсьәләләре хакында сүз барды.
Мәгълүмат өчен:
2012 елның 1 яртыеллыгы нәтиҗәләре буенча Татарстан Республикасы һәм Германия арасында тышкы сәүдә әйләнеше 670,7 млн доллар тәшкил итте.

4 октябрьдә Татарстан Республикасы Сәнәгать һәм сәүдә министрлыгында тармак ветераннары, Татарстан Республикасының Атказанган сәүдә һәм халыкка хезмәт күрсәтү хезмәткәрләре белән очрашу булды. Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов: “Тармак ветераннары белән очрашулар матур традициягә әверелде. Әлеге кешеләрнең хезмәте һәм һөнәри осталыгы нәтиҗәсендә мөһим социаль мәсьәлә хәл ителә – республика халкына сату-алу хезмәте күрсәтелә”, дип билгеләп үтте.