Автомобиль төзелеше һәм автокомпонентлар җитештерү өлкәсендә Татарстан-Төркия эшлекле форумы

6 октябрьдә Төркиянең Бурса шәһәрендә автомобиль һәм автокомпонентлар җитештерү өлкәсендә Татарстан һәм Төркия арасындагы хезмәттәшлек итүгә багышланган эшлекле форум үткәрү планлаштырыла. Форум эшендә Татарстан Республикасы Президенты Р. Н. Миңнеханов, Төрек Республикасының икътисад министры вазыйфаларын башкаручы Мостафа Север, Бурсы шәһәре Губернаторы Шәһабетдин Харпут, Россиянең Төркиядәге Гадәттән тыш һәм Тулы вәкаләтле илчесе В.Ивановский, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, “Махсус икътисадый зоналар” ААҖ генераль директоры О. Костин, Төркиянең Экспортерлар палатасы рәисе Мәхмүт Бөекэшши катнашачак.
Эшлекле форумда Татарстан һәм Төркиянең эшлекле даирәләреннән 200 ләп вәкил: 20 Татарстан Республикасы предприятиеләре һәм 50 Төрек Республикасы компанияләре вәкилләре катнашыр дип көтелә.

Форум барышында автомобиль төзелеше өлкәсендә хезмәттәшлекне үстерү буенча ике як өчен дә файдалы документлар имзаланачак:
• «Форд-Соллерс» һәм «Джошкуноз-холдинг» компанияләре арасында килешү төзелде (автомобильләр өчен детальләр эшләп чыгаручы);
• «КАМАЗ» һәм «Джошкуноз-холдинг» компаниясе арасында хезмәттәшлек итү хакында Беркетмәгә кул куелды.

Форум кысаларында автокомпонентлар җитештерү өлкәсендә Татарстан һәм Төркия бизнесменнары катнашында очрашулар узачак.
Татарстан вәкилләре Төркиянең “Мартур”, “Джошкуноз” компанияләре заводларына, автомобиль сәнәгатен чит илгә чыгару берлегенең техник лицеена барачак.

Мәгълүмат өчен:
Татарстан-Төркия арасында хезмәттәшлек итү Татарстан Республикасының тышкы икътисадый эшчәнлегендә өстенлекле юнәлешләрнең берсе. Агымдагы елның 1 яртыеллыгы нәтиҗәләре буенча ике яклы тышкы сәүдә әйләнеше 282,5 млн. доллар тәшкил итте. Бу үткән елның шул чоры белән чагыштырганда 20,5 процентка күбрәк.
Татарстан Республикасы территориясендә төрек компанияләре катнашында эре инвестиция проектлары гамәлгә ашырыла.