Автомобиль төзелеше һәм автокомпонентлар җитештерү өлкәсендә Татарстан-Төркия хезмәттәшлеге

2012 елның 6 октябрендә Төркиядә эшлекле форум булды. Анда сүз автомобиль һәм автокомпонентлар җитештерү өлкәсендә Татарстан һәм Төркия арасындагы хезмәттәшлек турында барды. Форум эшендә Татарстан Республикасы Президенты Р. Н. Миңнеханов, Төрек Республикасының икътисад министры вазыйфаларын башкаручы Мостафа Север, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан һәм Төркиянең 200 ләп эшлекле даирә вәкиле катнашты.
Пленар утырышта Татарстан Республикасы Президенты Р. Миңнеханов, Төрек һәм Татарстан компанияләре вәкилләре чыгыш ясады. “КАМАЗ” ААҖнең генераль директоры С. Когогин предприятиенең Daimler, ZF, Knorr Bremse, Cummins компанияләре белән хезмәттәшлеге хакында сөйләде.
«Форд-Соллерс» компаниясенең башкаручы директоры Адиль Ширинов форумда катнашучыларны киләчәктә “Форд” автомобильләре һәм алар өчен двигательләр җитештерү планнары белән уртаклашты.
«Татнефтехиминвест-холдинг» ААҖ генераль директоры Рафинат Яруллин автокомпонентлар җитештерү өчен полимерлар чыгару өлкәсендә Татарстанның нефть химиясе комплексы потенциалы турында бәян итте.
Форум барышында автомобиль төзелеше өлкәсендә хезмәттәшлекне үстерү буенча ике як өчен дә файдалы документлар имзаланды:
• «Форд-Соллерс» һәм «Джошкуноз-холдинг» компанияләре арасында килешү төзелде (автомобильләр өчен детальләр эшләп чыгаручы);
• «КАМАЗ» һәм «Джошкуноз-холдинг» компаниясе арасында хезмәттәшлек итү хакында Беркетмәгә кул куелды.

Форум кысаларында автокомпонентлар җитештерү өлкәсендә Татарстан һәм Төркия бизнесменнары катнашында очрашулар узды.
Татарстан вәкилләре Төркиянең “Мартур”, “Джошкуноз” компанияләре заводларында, автомобиль сәнәгатен чит илгә чыгару берлегенең техник лицеенда булдылар.
Мәгълүмат өчен:
Төркия чит илләргә автомобильләр һәм автокомпонентлар чыгару буенча дөньяда иң эре партнер булып тора. 2011 елда бу илдә 1,6 млн. автомобиль җитештерелде, шуларның өчтән икесе чит илгә озатылды. 2023 елга Төркия ел саен 4 млн. автомобиль эшләп чыгарырга планлаштырыла.