ЯҢАЛЫКЛАР
Эш визиты кысаларында Татарстан Президенты Төркия министрлыгы һәм ведомстволары җитәкчеләре белән, шул исәптән, Төркия Республикасының чит эшләр министры Мәвлет Чавышуглы, Төркия Республикасының икътисад министры Нихат Зәйбәкче, Анкара шәһәре мэры Мәлех Гәкчек, «Синджан» оешкан сәнәгать зонасы җитәкчелеге һәм башка Төркия компанияләре вәкилләре белән очрашты. Шулай ук Рөстәм Миңнеханов Анкарананың татар диаспоры вәкилләре белән очрашты. шулай ук Татарстан Республикасы Президенты Рөстәм Миңнеханов «Сиджан» сәнәгать зонасын да карады.
Татарстан Республикасы Президентының Анкарага баруның төп чарасы, Россия Федерациясе Президенты Владимир Путин һәм Төркия Республикасы Президенты Рәҗип Тайип Эрдоган рәислегендәге югары дәрәҗәдәге Россия һәм Төркия хезмәттәшлеге советының киңәйтелгән утырышында катнашу иде.
2014 елның 28 ноябрендә Казан ратушасында Татарстан Республикасы Сәнәгать һәм сәүдә министрлыгы Татарстан Республикасының Стандартизация, метрология һәм сынаулар үзәге белән берлектә оештырылган "Татарстан Республикасының иң яхшы товарлары һәм хезмәт күрсәтүләре” республика бәйгесендә җиңүчеләргә һәм "Россиянең иң яхшы товарлары" Бөтенроссия бәйгесе лауреатларына һәм дипломантларына бүләкләр тапшыру тантанасы узды. Чарада Татарстан Республикасы Премьер–министры Илдар Халиков катнашты.
2014 елның 27 ноябрендә Мәскәүдә Россия Федерациясе Тышкы Эшләр министрлыгы каршында аккредитацияләнгән чит дәүләтләр илчеләре өчен Россия Тышкы эшләр министрлыгы бинасында Татарстан Республикасы презентациясе узды. Чарада Россия Федерациясе тышкы эшләр министры Сергей Лавров, Татарстан Президенты Рөстәм Миңнеханов, ук ТР Дәүләт Советы Рәисе Фәрит Мөхәммәтшин, Татарстан Республикасы премьер-министры урынбасары – Татарстан Республикасы сәнәгать һәм сәүдә министры Равил Зарипов, Россия Федерациясе Дәүләт Думасы депутатлары, Ттатарстан Республикасы Хөкүмәте, Татарстанның әйдәп баручы предприятиеләре җитәкчеләре катнашты.
Очрашуны Россия Федерациясе тышкы эшләр министры Сергей Лавров ачты. Ул билгеләгәнчә, Татарстан - Россиянең уникаль регионы, анда төрле мәдәниятлар очраша һәм күп төрле милләт вәкилләре тату яши.
Татарстан шулай ук - илнең уңышлы һәм динамик үсеп баручы регионнарының берсе, берничә икътисадый күрсәткеч буенча беренче бишлеккә керә. Министр ассызыклаганча, республика икътисадый казанышлары белән генә түгел, ә мәдәнияты, тарихы белән дә горурлана ала.
Презентациядә катнашучыларны сәламләп, Татарстан Президенты Рөстәм Миңнеханов аларга республика белән кызыксынулары өчен рәхмәт белдерде. Ул бигрәк тә Россия Федерациясе Тышкы эшләр министрлыгына һәм шәхсән Сергей Лавровка күп еллар дәвамында республиканың халыкара элемтәләрен хуплавына рәхмәт белдерде.
2014 елның 28 ноябрендә Татарстан Республикасы Сәнәгать һәм сәүдә министрлыгында “ЦСМ” ФБУ, “Татмедиа” массакүләм мәгълүмат чаралары агентлыгы белән берлектә Казан Ратушасында “Татарстан Республикасының иң яхшы товарлары һәм хезмәт күрсәтүләре” республика бәйгесе һәм “Россиянең 100 иң яхшы товары” Бөтенроссия бәйгесе җиңүчеләрен тантаналы бүләкләү чарасы уздырыла. Тантаналы чарада Татарстан Республикасы Премьер-министры И.Ш.Халиков катнаша.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры, республика бәйгесенең оештыру комитеты рәисе Равил Зарипов ассызыклаганча, “ел саен үткәрелә торган әлеге бәйгенең максаты – республика предприятиеләре тарафыннан чыгарыла торган продукциянең һәм хезмәт күрсәтүләренең сыйфатын һәм конкурентлылык дәрәҗәсен үстерү һәм стимуляцияләү. Бу бәйге – республиканың җитештерүче предприятиеләрнең продукцияләрен һәм2014 елның 27 ноябрендә Россия һәм Төркия эшкуарлары ассоциациясенә (RITB) Татарстанның инвестицион потенциалын тәкъдир итүе узды. Чарада Татарстан Республикасы Президенты Рөстәм Миңнеханов, Төркия Республикасының Россия Федерацияседәге Тулы вәкаләтле Илчесе Өмет Ярдым, Татарстан Республикасы Премьер- министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасының кайбер министрлыклар һәм ведомстволар җитәкчеләре, Россия һәм Төркия эшкуарлары ассоциациясе җитәкчесе Нәкый Карааслан, 300дән артык Төркия эшмәкәре катнашты.
Россия һәм Төркия эшкуарлары ассоциациясе җитәкчесе Нәкый Карааслан Россия һәм Төркия хезмәттәшлегенең тулаем актив үсүен, аерым алганда, Татарстан белән Төркия арасында да билгеләп үтте. RITB башлыгы Татарстанның инвестицион өстенлекләрен атады - үсеш алган инфраструктура, бюрократик барьерларның түбән булуы, хакимиятләр ярдәме.
«Хальдор Топсе» (Haldor Topsoe) компаниясенең мөмкинлекләре хакында «Хальдор Топсе» ЯАҖ газ-химия департаменты җитәкчесе Максим Вальковский сөйләде. Бу презентация Татарстан Республикасы Президенты Рөстәм Миңнехановның агымдагы елның 14 октябрендә Даниягә сәфәре нәтиҗәләре буенча оештырылган иде.
Компания газ-химия, нефть эшкәртү, табигатьне саклау технологияләре һәм үсеш кичерүче технологияләр өлкәсендә инжиниринг белән шөгыльләнә. Татарстанда аның катнашында "ТАНЕКО" нефть эшкәртү заводында водород чыгару җайланмасы сафка баскан, "Аммоний" (Менделеевск) комплексында формальдегид җайланмасы төзелә. Бүген сүз «Хальдор Топсе»ның "НижнекамскНефтехим", "ТАНЕКО" компанияләре белән хезмәттәшлеген киңәйтү, студентлар һәм аспирантлар укыту, Татарстан белгечләренең Даниядәге компания лабораторияләрендә стажировка узу мөмкинлеге хакында барды.
Утырышта 2014 елның 10 аенда компаниянең бюджет үтәлеше нәтиҗәләре каралды, агымдагы елның декабрь аена, шулай ук 2015 елга бюджет расланды.
Компаниянең төп финанс-хуҗалык эшчәнлеге нәтиҗәләре турында мәгълүмат тыңланды. Агымдагы елның тугыз аенда 19 миллион 603 мең тонна нефть табылган, бу 2013 елның шул чоры белән чагыштырган вакытта 84,5 мең тоннага артыграк. Иярчен нефть газын табу күләме 664 млн. кубометр тәшкил иткән, бу узган елның әлеге чорына караганда 2,4 процентка күбрәк. Әшәлче ятмасында участок буенча уртача дебиты тәүлегенә 625 тонна тәшкил иткән 170,6 мең тонна югары үзлекле нефть чыгарылган. Барлыгы, ятмадан нефть чыгара башлаганнан бирле, 496 мең тонна табылган. Сатылган продукциядән 310,4 миллиард сум нетто-табыш кергән. Финанс-хуҗалык эшчәнлеге нәтиҗәләре буенча салым түләгәнче 89,2 миллиард сум керем алынган, чиста табыш 71,7 миллиард сум тәшкил иткән.
Чараның максаты – оешманың төп җитештерүләре белән танышу, үткәрелә торган техник яңартып кору кысаларында тәҗрибә белән уртаклашу, идарә итү системасын камилләштерү, кооперация элемтәләрен үстерү, республика предприятиеләре техник җитәкчеләрен хезмәттәшлеген киңәйтү.
2014 елның 20 ноябрендә Прагада Россия Федерациясе һәм Чехия Республикасы арасындагы икътисад, сәнәгать һәм фәнни–техника өлкәләрендә хезмәттәшлек итү буенча сәнәгать өлкәсендәге Хөкүматара комиссиянең хезмәттәшлек итү буенча Эшче төркем рәистәшләренең утырышы узды. Әлеге утырышта Татарстан Республикасы Премьер–министры урынбасары–Татарстан Республикасы сәнәгать һәм сәүдә министры Равил Зарипов, Россия Федерациясе сәнәгать һәм сәүдә министры киңәшчесе Виктор Семенов, Эшче төркемнең Чехия ягы җитәкчесе Иржи Бружа катнашты.