ТР Сәнәгать һәм сәүдә министрлыгында кече тоннажлы химия үстерү мәсьәләләре каралды

2014 елның 26 ноябрендә Татарстан Республикасы Сәнәгать һәм сәүдә министрлыгында Татарстан Республикасында кече тоннажлы химия җитештерүен оештыру һәм үстерү мәсьәләсенә багышланган утырыш узды. Утырыш эшендә Татарстан Республикасы сәнәгать һәм сәүдә министры урынбасары Дамир Сафиуллин, предприятияләр һәм оешмалар җитәкчеләре - «Нижнекамскнефтехим» ААҖ, «Казаньоргсинтез» ААҖ, «Нэфис Косметикс» ААҖ, «КЗСК» ААҖ, «КВАРТ» ААҖ, «КЗСК-Силикон» ААҖ һәм тармакның кайбер кече предприятиеләре вәкилләре - «ИПТ «Идея» ЯАҖ һәм «Химград» ААҖ технополисы, тармак вәкилләре катнашты.
Татарстан Республикасы сәнәгать һәм сәүдә министры урынбасары Дамир Сафиуллин карала торган мәсьәләләрнең актуальлеген билгеләде һәм республикада кече тоннажлы җитештерүне булдыру һәм үстерүдә файдаланмаган потенциал булуын ассызыклады. Ул кече тоннажлы химия җитештерүче предприятиеләргә дәүләт ярдәме инструментлары хакында хәбәр итте, шул исәптән, тармак инжиниринг үзәкләрен, коллектив файдалана торган үзәкләр, трансфер технологияләре үзәкләрен һәм прототипилаштыру үзәкләрен булдыру.
Киңәшмә барышында Татарстанда кече тоннажлы химия үстерүдә сәнәгать предприятиеләренең, үсеш инстиутларының, тармак фәненең, инжиниринг үзәкләренең үзара нәтиҗәле хезмәттәшлек итү юнәлешләре хакында да сүз барды. Киңәшмәдә катнашучылар химия технологияләре тармагындагы региональ инжиниринг Үзәге («Рци ХимТех» ААҖ) һәм башкалар («КЗСК-Силикон» ААҖ, «Стройхиминжиниринг») эшчәнлеге белән таныштылар.