ЯҢАЛЫКЛАР
Татарстан белән Чехияне эшчәнлекнең төрле өлкәләрендәге тыгыз партнерлык мөнәсәбәтләре бәйләп тора. Чираттагы мәртәбә республикалар ике яклы эш мөнәсәбәтләрен үстерүгә мәнфәгать булуын күрсәтте. Бу юлы Чехия Республикасының сәнәгать һәм сәүдә министры Марта Новакова җитәкчелегендәге һәм сәнәгать предприятиеләре вәкилләре катнашындагы Чехия делегациясе "Татарстан-Чехия" бизнес-форумында катнашы, ул "Машина төзелеше. Металл эшкәртү. Казан" тармак күргәзмәсе кысаларында узды.
"Казан ярминкәсе" күргәзмәләр үзәгенең төп корпусындагы "Свияжск" залында Татарстан Республикасы Премьер-министры Алексей Песошин һәм Чехия Республикасының сәнәгать һәм сәүдә министры Марта Новакова катнашында ике яклы очрашу ачылып китте. Форумда яклар сәнәгый һәм сәүдә-икътисадый партнерлык потенциалы турында сөйләште.
Шунысын билгеләргә кирәк, сәүдә-икътисад эшчәнлеген коррдинацияләү буенча Татарстан-Чехия махсус эш төркеме 2011 елда оештырылды. Татарстан ягыннан аны ТР сәнәгать һәм сәүдә министры Альберт Кәримов җитәкли. Әлеге чорда ел саен берничә очрашу булды һәм эш төркеме утырышлары узды, аларда парламентара хезмәттәшлек, энергетика, транспорт, техник җайга салу, төзелеш, авыл хуҗалыгы, банк эшчәнлеге һәм иминият хезмәтләре, экология һәм күргәзмә эшчәнлеге өлкәләрендә хезмәттәшлек мәсьәләләре турында сүз барды.
Быел эш төркеменең җиденче утырышын "Машина төзелеше. Металл эшкәртү. Казан" тармак күргәзмәсе кысаларында үткәрделәр һәм ике яклы хезмәттәшлектә төп игътибар машина төзү сегментына юнәлдерелде. Чехия Республикасы ягыннан эшлекле бизнес-форумда катнашу өчен эре сәнәгать предприятиеләренең 20дән артык директоры, икътисадый һәм сәнәгать палатасы, Чехиянең сәнәгатьчеләр берлеге җитәкчеләре кызыксыну белдерде.
"Мехатроника" белгечлеге буенча белем бирүнең дуаль системасын кертү" проектының икенче этабына йомгак ясалды һәм проектта катнашучыларга - һөнәри белем бирү оешмаларында укытучыларга квалификация үстерү турында сертификатлар тапшырылды.
Өч мәгариф оешмасы 2019 елда "Мехатроника" белгечлеген кертүгә әзер булуын раслаган һәм тулы белем бирү планын эшләгән. Моннан тыш, КФУ Алабуга институтыннан катнашучы тарафыннан урта-һөнәри белем бирү укытучыларын яңача әзерләү программасы эшләнгән.
Квалификация үстерү турында сертификатлар һәм рәхмәт хатлары тапшыру тантанасы "Машина төзелеше. Металл эшкәртү. Казан" 18 нче халыкара махсуслашкан күргәзмәсе кысаларында ТР сәнәгать һәм сәүдә министры урынбасары Алмаз Хөсәенов, Ford Sollers УП Президенты Әдил Ширинов, ТР Мәгариф һәм фән министрлыгының һөнәри белем бирү идарәсе башлыгы Анна Сидоренко катнашында узды.
"Мехатроника" белгечлеге буенча белем бирүнең дуаль системасын кертү" проекты 2017 елның декабрендә старт алды, быелның октябрь ае уртасында проектның икенче этабы старт алды. Проектта Татарстан Республикасының һөнәри белем бирүче 7 оешмасыннан 10 укытучы катнашты.
Ford Sollers УП матбугат хезмәте материаллары нигезендә
Күргәзмә экспозицияләрен трацион карап чыкканнан соң Татарстан Республикасы Президенты Машина төзелеше буенча координацияләү советының сигезенче "Предприятиеләр эшчәнлегенең нәтиҗәлелеген арттыру. Җитештерүне цифрлы үзгәртеп кору" утырышында булды.
Быел утырыш киңәйтелгән составта Тюрингия (Германия) һәм Чехия вәкилләре катнашында узды. Совет утырышында Татарстан Республикасы Премьер-министры Алексей Песошин катнаша.
Азактан ТР Сәнәгать һәм сәүдә министрлыгы белән алманнарның KUKA компаниясе арасында Уртак хезмәтәшлек турында килешү имзаланды. Хезмәттәшлек һәм партнерлык турында ниятләрне Татарстанның сәнәгать һәм сәүдә министры Альберт Кәримов һәм KUKA Robotics RUS генераль директоры Дмитрий Капишников имзалады.
Бүген "Машина төзелеше. Металл эшкәртү. Казан" тармак күргәзмәсе үз эшен башлап җибәрде. Дөньяның биш иленнән һәм Россиянең 23 төбәгеннән 170 артык компания үз продукциясен презентацияләүдә һәм эшлекле элемтәләр урнаштыруда актив катнаша. "Казан ярминкәсе" күргәзмә комплексының экспозиция залларында станок төзү җайланмалары, машина төзү двигательләре, агрегатлар һәм акыллы эшләр күрсәтелгән.
Ачу тантанасында сәламләү сүзләре белән Татарстан Президенты Рөстәм Миңнеханов чыгыш ясады, республиканың машина төзү комплексы илдә лидерларның берсе булуын һәм чит илләрдән компания-партнерларның игътибарын җәлеп итүен билгеләде.
Чараны тантаналы ачу тантанасында РФдә Чехия Республикасының Гадәттән тыш һәм Тулы хокуклы илчесе Витезслав Пивонька һәм Германия Федератив Республикасының Тюрингия федераль җирләрен икътисадый үстерү агентлыгы генераль директоры Андреас Края чыгыш ясады.
Бүген Хельсинкида Татарстан Республикасы һәм Финдляндия Республикасы арасында сәүдә-икъдисадый һәм фәнни-техник хезмәттәшлекне үстерү буенча эш төркеменең Хөкүмәтара икътисадый хезмәттәшлек комиссиясе составындагы уртак 15 нче утырышы булды. Фикер алышу кысаларында гамәлгә ашыруны дәвам иттерү предметы буенча аерым проектларга анализ ясалды. Татарстан һәм Финляндия түбәндәге төрле проектларны гамәлгә ашыруны максатчан дәвам иттерү ниятләре булуын раслады:
- төбәкара хезмәттәшлекне үстерү буенча;
- җил энергетикасын үстерү өлкәсендә хезмәттәшлек буенча;
- Татарстан Республикасы территориясендә күргәзмә чараларында фин компанияләре катнашуын оештыру буенча;
- югары технологияләр һәм сәнәгать, авыл хуҗалыгы, мәгълүмат һәм телекоммуникация технологияләре, сервис һәм консалтинг өлкәсендә дөнья базарларында конкуренциягә сәләтле продукцияне җитештерү өлкәсендә уртак предприятиеләр оештыру һәм уртак проектларны гамәлгә ашыру мөмкинлекләрен өйрәнү буенча.
Татарстанның Хөкүмәте делегациясендә ТР Сәнәгать министрлыгыннан Татарстан Республикасы сәнәгать һәм сәүдә министры урынбасары Илдар Мингалиев катнашты.
2018 елның 5-7 декабрендә "Казан ярминкәсе" күргәзмәләр үзәгендә "Машина төзү. Металл эшкәртү. Казан 2018" еллык халыкара күргәзмәсен үткәрү кысаларында "TechnoСварка" 13нче махсуслаштырылган күргәзмәсе узачак.
Чараларны Татарстан Республикасы Сәнәгать һәм сәүдә министрлыгы, "Станкоинструмент" Россия станок-инструменталь продукция җитештерүчеләр ассоциациясе, Казан шәһәре мэриясе, "Казан ярминкәсе" ААҖ оештыра. Чаралар Татарстан Республиксы Президенты Рөстәм Миңнеханов теләктәшлегендә уза. 2018 елгы күргәзмәләрнең рәсми партнеры - Чехия Республикасы Сәнәгать һәм сәүдә министрлыгы.
"Машина төзү. Металл эшкәртү" һәм "TechnoСварка" күргәзмәләре төбәктә дөнья һәм Россия машина төзү базарының актуаль тенденцияләрен, Россия машина төзү комплексын модернизацияләү өчен алдынгы карарларны күрсәтүче төп тармак вакыйгасы булып тора. Быел күргәзмәдә дөньяның 14 иленнән - Германия, Израиль, Италия, Кытай, Польша, Беларусь Республикасы, Россия, Украина, Чехия, Швейцария, КАР һәм Япониядән 160тан артык компания үз җиһазларын һәм технологияләрен тәкъдим итәчәк. Германия, Беларусь Республикасы һәм Чехия -милли экспозицияләрен, Кырым Республикасы, шулай ук Самара һәм Рязань өлкәләре төбәк экспозицияләрен тәкъдим итә.
Күргәзмәдә компанияләр инструментлар, станок кирәк-яракларын, майлау-суыту сыеклыкларын, эретеп ябыштыру җиһазларын, сәнәгать роботларын һәм сәнәгый җитештерүне заманчалаштырырга, төрле техник мәсьәләләрне хәл итәргә мөмкинлек бирүче башка бик күп нәрсәләрне күрсәтәчәк. Тармак белгечләре ничек эшләүләре күрсәтелгән энергияне күп кулланучы һәм эре габаритлы җиһазлар, станоклар белән танышачак. Күп кенә эшләнмәләр киң аудиториягә беренче мәртәбә күрсәтелә.
Күргәзмәләр кысаларында беренче тапкыр 1нче павильонның 3000нән артык кв.метрлы мәйданында Татарстан Республикасының машина төзү кластеры потенциалын күрсәтәчәк мультимедиалы экспозиция оештырыла.
Күргәзмәләрнең киң экспозициясе һәм бай эшлекле программасы техника һәм технология яңалыкларын отышлы тәкъдим итәргә генә түгел, эшлекле сөйләшүләрне нәтиҗәле үткәрергә, яңа бизнес-партнерлар табарга, яңа контрактлар төзергә, машина төзү, металл эшкәртү һәм эретеп ябыштыру тармаклары үсешенең актуаль мәсьәләләре буенча фикер алышырга мөмкинлек бирәчәк.
Сезне 2018 елның 5-7 декабрь көннәрендә "Казан ярминкәсе" күргәзмәләр үзәгендә “Машина төзү. Металл эшкәртү. Казан 2018" һәм "Technoсварка" күргәзмәләрендә көтеп калабыз!
Күргәзмәгә килү өчен биредә теркәлергә мөмкин.
ММЧ аккредитациясе:
+7(843) 202-29-18 e-mail: expokazan.pr@yandex.ru (хат темасында "Машина төзү. Металл эшкәртү. Казан 2018" еллык халыкара күргәзмәсен үткәрү кысаларында дип күрсәтергә кирәк).
2018 елның 29 ноябрендә Татарстан Республикасы Сәнәгать һәм сәүдә министрлыгында министр урынбасары Алмаз Хөсәенов республиканың "Талантларны ачу" ватандашлар форумында катнашучылар белән очрашты. Әлеге форумда катнашучылар булып Татарстан Республикасында туган, хәзерге вакытта аннан читтә яшәүче яшь белгечләр тора.
Очрашуда һәр катнашучы үз проектына кыскача презентация ясады. Әйтик, фикер алышуның төп темалары түбәндәгеләр булды: химия тармагында яңа технологияләр, халыкара элемтәләрне җайга салу, фармацевтика кластеры, мәгълүмат булышлыгы, мәгариф учреждениеләре һәм сәнәгый предприятиеләрнең тиешле хезмәттәшлеген яхшырту.
Һәр презентация буенча фикер алышынды, аларны камилләштерү буенча киңәшләр бирелде. Экспертлар сыйфатында шулай ук министрлыкларның профильле бүлекләре башлыклары чыгыш ясады.
Исегезгә төшерик, 2018 елның 28 ноябре – 1 декабрендә Казан ш. Татарстан Республикасыннан читтә яшәүче Яшь белгечләр форумы уздырыла. Форумда Татарстан Республикасыннан читтә яшәүче яшь белгечләр катнаша. Катнашучыларның географиясе – Мәскәү, Әстерхан, АКШ, Кытай, Сингапур, Швейцария, Дания, Канада, Нидерланд, Германия, БГӘ, Төркия, Үзбәкстан, Казакъстан, Кипр, Мисыр. Форумда шулай ук республикадан читтә белем алган һәм эшләү өчен Татарстанга әйләнеп кайткан яшь белгечләр дә катнаша.
Катнашучылар түбәндәге өлкә проектларының идарәчеләре, җитәкчеләре яки вәкилләре булып торалар: төзелеш һәм архитектура, мәгариф, медицина, ИТ, инженерия, чит телләр, мәдәният, спорт.
Форумның нәтиҗәсе булып Татарстан Республикасы базасында тормышка ашыру мөмкинлеге булган проектлар һәм идеяләр, шулай ук татарстанлы образын һәм Татарстанны аннан читтә конкрет гамәлгә ашыру механизмнары белән позицияләү концепциясе булачак.
2020 елда Казанда планлаштырылган International Young Inventors Award Халыкара яшь уйлап табучылар күргәзмәсе уңаеннан 2018 елның 28 ноябрендә "Татарстан Республикасының яшь инноваторлары, уйлап табучылары һәм рационализаторлары слеты" һәм "Актив" яшьләр фәнни-техник иҗат күргәзмәсе старт алды.
Слетны һәм күргәзмәне уздыру максаты уйлап табу һәм рационализаторлык эшчәнлегенә ярдәм күрсәтү һәм аны стимуллаштыру, мәктәпләрдә укучылар, югары белем бирү йортлары һәм Татарстан Республикасы предприятиеләрнең яшьләре арасында фәнни-техник потенциалны ачыклау.
Чараның максаты – Татарстан Республикасындагы яшь белгечләрне, студентларны һәм мәктәп укучыларын уйлап табу эшчәнлеге белән кызыксындыру.
Слет кысаларында Татарстан Республикасы сәнәгать һәм сәүдә министры урынбасары Алексей Савельчев "Татарстан Республикасының яшь рационализаторы һәм уйлап табучысы" республика конкурсында җиңүчеләрне бүләкләде.
36 яшь белгеч конкурс номинацияләрендә иң яхшылары дип танылды һәм Татарстан Республикасы Сәнәгать һәм сәүдә министрлыгының Рәхмәт хатлары белән бүләкләнде.
Җиңүчеләрне тәбрик итәбез һәм алга таба профессиональ уңышлар телибез!
Татарстан Республикасы Хөкүмәте белән Ташкент өлкәсе Хакимияте арасында халыкара һәм тышкы икътисадый багланышларны гамәлгә ашыру турында килешү кысаларында бүген Үзбәкстанда Татарстан Республикасының эшлекле вәкилләренең бизнес-миссиясе узды. Делегация составына ТР ССП, "Химград" технополисы һәм башка компанияләр - Үзбәкстан индустриаль паркының потенциаль резидентлары вәкилләре керде. Делегацияне министр урынбасары Герман Лернер җитәкләде.
Сәламләү сүзләрендә ул болай дип билгеләде: "Татарстан-Үзбәкстан хезмәттәшлеге безнең республиканың тышкы икътисадый эшчәнлегендәге өстенлекле юнәлешләрнең берсе булып тора. Россия-үзбәк мөнәсәбәтләре кысаларында Үзбәкстан белән элемтәләрне үстерүгә без һәрчак зур әһәмият биреп килдек. Һәм үзара файдалы багланышларны җәелдерергә шатбыз. Соңгы елларда Татарстан белән Үзбәкстан арасындагы мөнәсәбәтләр төрле өлкәләрдә уңышлы гына үсеш ала. Татарстан Республикасы белән Үзбәкстан Республикасы арасында тышкы сәүдә әйләнеше 2018 елның гыйнвар-июнь айларында 41.3 млн АКШ доллары тәшкил итте".
Бизнес-миссия барышында потенциаль резидентларның партнерлар, Үзбәкстан Республикасындагы профильле министрлыклар һәм ведомстволар белән максатчан очрашулары булды. Катнашучыларга бизнесны алып бару шартлары һәм Ташкент өлкәсен социаль-икътисадый үстерү турында сөйләделәр.
Бүген ТР Сәнәгать министрлыгында Төркиядәге коллегалар белән эшлекле очрашу узды. Очрашуда Төркия Республикасының Сәүдә министрлыгыннан Зәкәрия Бикташ әфәнде җитәкчелегендәге хезмәткәрләр катнашты. Очрашуны министр урынбасары Илдар Мингалиев уздырды. Фикер алышуларның төп темасы автомобиль сәнәгате һәм автокомпонентлар җитештерү өлкәсендә хезмәттәшлек итү мәсьәләләреннән гыйбарәт булды. Яклар якын киләчәккә эш планнары белән уртаклашты һәм киңәйтелгән составта булачак уртак эшлекле очрашуларның даталарын тикшерде.