ЯҢАЛЫКЛАР

Тәмәке продукциясен маркировкалау буенча эксперимент озайтылачак, ә мәҗбүри маркировкалауны кертү этаплыга әйләнәчәк. Бу хакта Сәнәгый продукциянең законсыз әйләнешенә каршы көрәш буенча дәүләт комиссиясе утырышы барышында Россия Федерациясе сәнәгать һәм сәүдә министры Денис Мантуров белдерде.

2020 елга тауарларны күзәтү буенча Россия системасы үз эченә тәмәке продукциясен, аяк киеме тауарларын, кайбер җиңел сәнәгать тауарларын, хушбуй, ислемай, шина һәм покрышкалар, шулай ук фотокамералар һәм фотовспышкаларны алырга тиеш. "Агымдагы елдан без тәмәке эшләнмәләрен һәм аяк киемен ирекле маркировкалауны башлап җибәрдек, дару чаралары өлешендә дә тиңдәш эксперимент дәвам итә. Әлеге пилот проектларының нәтиҗәләре җайга салуда һәм контрольдә булган җитешсезлекләрне ачыкларга мөмкинлек бирә", - дип билгеләп үтте Денис Мантуров.

Россия Сәнәгать һәм сәүдә министрлыгы башлыгы сүзләренчә, тәмәкенең законсыз әйләнеше Россия бюджетына йогынты ясаган, ул якынча 60 млрд сумны алып җиткерми. "Башлангыч мәгълүматларга караганда, быел законсыз тәмәке продукциясе күләме арткан. Экспертлар һәм регулятор бәяләреннән чыгып, безнең бюджет акцизлар буенча 50 млрд сум һәм НДС буенча 10 млрд сум тирәсе алып җиткерми. Тәмәке эшләнмәләрен маркировкалауны кертү буенча караларны үз вакытында кабул итү - үтә дә дөрес чара", - дип ассызыклады Денис Мантуров.

Тәмәке тармагы вәкилләре бәяләренә караганда, санлы марикровкалауны сынау аның абсолют нәтиҗәлелеген күрсәткән, һәм ел ярым-ике ел вакыт узуга маркировка системасы тәмәке продукциясе әйләнешен күзәтү һәм контрольдә тоту өчен нәтиҗәле корал булачак. Әмма тәмәкене ирекле маркировкалау  буенча экспериментның кыска вакыты бизнеска 2019 елның 1 мартыннан башланырга тиешле мәҗбүри маркировкалауга тиешенчә әзерләнергә мөмкинлек бирми. Денис Мантуров белдергәнчә, тәмәкене ирекле маркировкалау  буенча экспериментны үткәрү вакытын озайту зарур, шулай ук мәҗбүри маркировкалау турында таләпләрнең үз көченә керүен этаплап тәэмин итәргә кирәк. "Моннан тыш, әлеге таләпләр үз көченә кергәнче әйләнешкә чыгарылган тәмәкеләрнең базарда булу вакыты мәсьәләсен эшкәртү зарур", - дип аңлатты министр.

Утырышның мөһим темаларыннан берсе 2018 елның 1 июленнән гамәлгә кертелгән алюминий тәгәрмәчләрнең импортын лицензияләү булды. Россиядә алюминий көпчәкләр җитештерү күләме арту яссылыгында эчке базарны, диск җитештерүчеләрнең генә түгел, сәнәгатьнең катнаш тармакларының үсешенә дә комачаулаучы Кытайның законсыз импортыннан яклау мәслихәт. Утырышта катнашучылар сүзләренчә,  дәүләт хакимиятенең барлык дәрәҗәләрендә ярдәм ватан җитештерүчеләренең коммерция мәнфәгатьләрен намуссыз гамәлләрдән яклау өчен гаять мөһим. Россия сәнәгать һәм сәүдә министры ассызыклаганча, алюминий тәгәрмәчләр импортын лицензияләү 2019 елның 1 гыйнварыннан 30 июненә кадәр озайтылырга тиеш. "Сәнәгать һәм сәүдә министрлыгы бик кыска вакыт эчендә Хөкүмәткә тиешле проектны кертүне тәэмин итәргә тиеш", - дип өстәде Денис Мантуров.

Моннан тыш, ул Россиядә әзер сөт продукциясен маркировкалау буенча экспериментның башлану вакытын атады. "Без якын арада Хөкүмәт тиешле карар чыгарыр, пилот режимында бу агымдагы елның ахырына кадәр дәвам итәр, дип исәп тотабыз. Агымдагы елның ахырында - киләсесенең башында проектның үз тәҗрибә эшен башлавына өметләнәбез", - дип белдерде Россия сәнәгать һәм сәүдә министры.

 РФ Сәнәгать һәм сәүдә министрлыгы матбугат хезмәте материаллары буенча

Россия Кластерлар һәм технопарклар ассоциациясе һәм Интеллектуаль милек буенча  федераль хезмәт арасында ("Роспатент") имзаланган килешү кысаларында 2018 елның 13 декабрендә "Патент аналитикасы нигезендә технологик һәм бизнес консалтинг" темасына гамәли вебинар узачак.

Вебинарда патент ландшафты аналитикасы һәм сәнәгать өлкәсендә аналитика нәтиҗәләрен гамәли куллану, шулай ук интеллектуаль эшчәнлек нәтиҗәләренә хокуклар белән идарә итү кебек мәсьәләләр каралачак.

Булачак чара турында түбәндәге мәнфәгатьле оешмаларга хәбәр итәбез: Татарстан Республикасы территориясендә урнашкан технопаркларның, сәнәгый кластерларның, махсус икътисадый зоналарның идарәче компанияләренә, шулай ук рационализаторлар һәм уйлап табучыларның төбәк бүлекчәләренә һәм башка фәнне киң кулланучы югары технологияле компанияләргә.

Гамәли вебинарда катнашу түләүсез.

Вебинарның программасы һәм катнашучыларны теркәүгә сылтама Ассоциациянең рәсми сайтында түбәндәге адрес буенча бастырылган: http://akitrf.ru/news/patent/.

Элемтә өчен зат: Святослав Амелин - Россия Кластерлар һәм технопарклар ассоциациясенең җәмәгатьчелек һәм дәүләт хакимияте органнары белән элемтәләр буенча юнәлеш җитәкчесе, samelin@akitrf.ru, +7-499-277-00-04, +7-999-835-07-98.

Бүген ТР Сәнәгать һәм сәүдә министрлыгында "Леруа Мерлен" тәэминатчысы көне узды. Чара җирле товар җитештерүчеләрнең продукцияне халыкара дәрәҗәсендәге челтәр кибетләренә сату мөмкинлекләрен киңәйтү максатында оештырылды.

Утырышны министр урынбасары Алмаз Хөсәенов уздырды. Очрашу барышында предприятиеләрнең вәкилләре - потенциаль партнерлар үз мөмкинлекләрен күрсәтте. Катнашучылар арасында полипропилен трубалар, утырту материалы һәм декоратив үсентеләр, металл сайдингы һәм цинкланган эшләнмәләр, аэрозоль буяулар һәм техник спрейлар, тыштан һәм эчке яктан яктырту өчен светодиод яктырткычлар һ.б. җитештерүчеләр бар иде. "Леруа Мерлен Восток" ҖЧҖ төбәк тәэминатчылары белән эшләү буенча компания вәкиле Равил Мостафин тәэминтачыларны сайлап алу принциплары һәм аларга белдерелә торган таләпләр турында сөйләде, шулай ук эшкуарларның сорауларына җавап бирде.

Очрашуда катнашучылар билгеләгәнчә, мондый очрашу республикадагы товар җитештерүчеләр һәм иң зур халыкара сәүдә компанияләренең берсе арасында эшлекле элемтәләрне булдырырга һәм үстерергә ярдәм итәчәк.

Бүген ТР Сәүдә һәм сәнәгать министрлыгында Казан ш., Островский урамы, 4 адресы буенча Россиякүләм гражданнарны кабул итү көне уза

Бүген "Сәнәгый эскпортны үстерү, экспорт программалары" темасына Сәнәгать буенча координацияләү советының ике көнлек утырышы тәмамланды. Совет утырышында ИФО буенча РФ Президентының тулы хокуклы вәкиле Игорь Комаров, РФ сәнәгать һәм сәүдә министры Денис Мантуров, ТР сәнәгать һәм сәүдә министры Альберт Кәримов, РФ төбәкләреннән башка сәнәгать министрлары, шулай ук чит илләрдә Россиянең сәүдә вәкилләре катнашты.

Үзенең чыгышында Денис Мантуров билгеләгәнчә, Президентның май указы төгәл ориентирлар билгели: "Безнең алда максат куелды - чимал булмаган энергетикага кагылмый торган экспортны 2024 елга 2 мәртәбәгә диярлек арттырырга, 250 млрд долларга кадәр үстерергә. Әлеге планка бик амбициоз. Моңа бары тик берсен дә калдырмыйча барлык төбәкләрне бу мәсьәләне хәл итү өчен актив тоташтыру юлы белән генә ирешергә мөмкин. Хөкүмәт тарафыннан әлеге юнәлешне үстерүгә юнәлдерелгән илкүләм проект расланды. Продукцияне эшләүдә һәм аны тышкы базарларда сатуга булышу өчен чаралар линейкасы формалаштырылды".

 ИФО буенча РФ Президентының тулы хокуклы вәкиле Игорь Комаров болай диде: "Соңгы вакытта округ төбәкләрендәге экспорт структурасында ягулык-энергетика товарларының өлеше акрынлап-акрынлап кимүдә уңай тенденция күзәтелә. 2015 елдан башлап ул 57%тан 50%ка кадәр кимеде. Ләкин 50% - ул әле барыбер округ өчен югары күрсәткеч, анда автомобиль төзү, нефть химиясе, судно төзү, аэрокосмик тармак һәм башка тармаклар производствосы өлкәләрендә үсеш алган сәнәгый үзәкләрнең күпчелеге урнашкан. Шуңа бәйле рәвештә төбәкләрдә Россия Сәнәгать министрлыгы ярдәме белән көндәшлеккә сәләтле һәм халыкара базарларында сорала торган продукцияне чыгаручы югары технологияле производстволар оештыру буенча предприятиеләргә актив эш алып баруны дәвам иттерергә кирәк".

Игорь Комаров Россия Сәнәгать министрлыгы карамагына тапшырылуга бәйле рәвештә сәүдә вәкиллекләренең яңа импульс алачагына өмет белдерде, бу хәл үзебезнең илдәге продукциянең товарларның һәм хезмәт күрсәтүләрнең тышкы базарларына үтеп керә алуын тизләтәчәк.

Бүген "Казан ярминкәсе" КҮ төп корпусындагы "Татарстан" тантаналар залында тукылмаган материаллар җитештерүнең төп тенденцияләренә һәм киләчәгенә багышланган түгәрәк өстәл утырышы булды. Чара Messe Frankfurt GmbH халыкара күргәзмәләр концерны, ТР Сәнәгать һәм сәүдә министрлыгы вәкилләре, шулай ук "КНИТУ" ЮББ ДБМУ, "Кама Аланы" индустриаль паркы ИК" ҖЧҖ, "Данафлекс" ДК, "Татвойлок" ҖЧҖ кебек предприятиеләрнең вәкилләре катнашында диалог форматында узды. Шунысын билгеләү әһәмиятле, Татарстанда тукымачылык җитештерүенең төп өлеше тукылмаган материаллар производствосына туры килә.

Чарада "Techtextil Russia 2019" техник тукымачылык һәм тукылмаган материаллар халыкара күргәзмәсенә презентация ясалды. Очрашу барышында анда катнашучылар республика производствосындагы сәнәгый тукымачылыкны халыкара дәрәҗәсендә үстерү һәм алга этәрү мәсьәләләре, эшләп чыгару һәм инновацияләр, техник тукымачылыкны, тукылмаган материалларны һәм кием-салым тегү өчен функциональ тукыманы куллану буенча потенциаль өлкәләр турында сөйләште.

2018 елның 7 декабрендә "Казан ярминкәсе" күргәзмәләр үзәге территориясендә Татарстан Республикасының "Яшь профессионаллар" (WorldSkills Russia) 2018/2019 төбәк чемпионатының ТР Сәнәгать министрлыгына беркетелгән 5 компетенция буенча (эретеп ябыштыру технологияләре, санлы идарә җайланмалары булган станокларда токарьлык эшләре, фрезер эшләре, электроника, визуаль мерчендайзинг) өченче этабын ябу тантанасы булды.

Бүләкләү тантанасында Татарстан Республикасы сәнәгать һәм сәүдә министры урынбасары Алмаз Хөсәенов катнашты. 

 "Безнең өчен бу масштаблы һәм әһмиятле чара, чөнки Татарстан 2019 елда Казанда узачак һөнәри осталык буенча дөнья чемпионатына әзерләнә. Эшче белгечлекләргә сыйфатлы әзерләү безнең республикага өчен өстенлекле булып тора.  Төрле дәрәҗәләрдә WorldSkills чемпионатларын уздыру хәзерге эшче һөнәрләргә яңа стандартлар билгели, бу исә Татарстан Республикасының реаль икътисад секторы өчен югары квалификацияле белгечләрне әзерләү мөмкинлеген бирә. Мин ышанам, сезнең өчен, үз чиратында, бу профессиональ күнекмәләрегезне күрсәтү, үзегезнең әзерлек дәрәҗәгезне Россиянең төрле төбәкләре һәм башка илләрдәге вәкилләр белән чагыштырып карау һәм бәһасез ярыш тәҗрибәсе алу, шулай ук киләчәктә эш бирүчегә үзегезне профессионаллыкны күрсәтү мөмкинлекләренең берседер", - дип Алмаз Хөсәенов чемпионатта катнашучыларның барысына да рәхмәт сүзләрен белдерде.

Азактан министр урынбасары Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Альберт Кәримовның рәхмәтләрен предприятие-партнерлар: "Казан электроника заводы" АҖ, Татнефть ГАҖ "Бөгелмә механика заводы", "КМПО" АҖ, "Радиоприбор" АҖ, "Ирэн" тегү остаханәсе" ҖЧҖ хезмәткәрләренә 2018-2019 еллар "Яшь профессионаллар" (WorldSkills Russia) төбәк чемпионатын уздыруны оештыруда актив катнашканнары һәм Татарстан Республикасында WorldSkills конкурс хәрәкәтен үстерүгә керткән бәһасез өлешләре өчен тапшырды.

 Узган ярышлар нәтиҗәсендә Татарстан Республикасының ахыргы җыелма составы формалаштырылачак. Исегезгә төшерик, чемпионат циклы сайлап алу турлары белән дәвам итәчәк, аларда "Яшь профессионаллар" (WorldSkills Russia) илкүләм чемпионатында катнашучылар билгеләнәчәк, анысы 2019 елның маенда Казанда узачак.

Казанга булган эшлекле визиты кысаларында Россия Федерациясе сәнәгать һәм сәүдә министры Денис Мантуров һәм Чехия Республикасының сәнәгать һәм сәүдә министры Марта Новакова "Казан ярминкәсе" КҮ мәйданчыгындагы "Машина төзелеше. Металл эшкәртү. Казан" 18 нче махсуслашкан күргәзмәсендә булдылар.  Экспозицияләрне карау вакытында кунакларны Татарстан Республикасы Президенты Рөстәм Миңнеханов озата йөрде.

Денис Мантуров һәм Марта Новакова чех предприятиеләренең күргәзмәдә тәкъдим ителгән стендларын карады. Best-Business a.s. (шомартучы кораллар җитештерү), KJ-tech (гидроцилиндрлар, күп компонентлы эретмәләр һәм корал корычлары китерү), ALTA (эшкәртүче станоклар һәм технологик җиһазлар), PILOUS (тасмалап кисү станоклары), MPOWER Engineering (югары басымлы арматура, келәле бикләр һәм энергетика тармагы өчен шарлы краннар җитештерү) компанияләре һ.б. үзләренең продукциясен һәм проектларын презентацияләде.

Шуннан соң кунаклар Татарстан экспонентларының стендлары белән танышты. Әйтик, "Казанский Гипронииавиапром" АҖ корылмаларны 3D-проектлау өлкәсендәге үз эшләнмәләрен күрсәтте.

Денис Мантуров һәм Марта Новакова шулай ук бу көннәрдә күргәзмә кырларында узучы "WorldSkills Russia" төбәк чемпионатында катнашучылар белән дә очрашты. Яшь белгечләр дүрт WorldSkills компетенциясендә һәм ике WorldSkills Junior компетенциясендә көч сынаша.

РФ Сәнәгать министрлыгы башлыгы Татарстанның кайсы белгечлек буенча барыннан да яхшырак күрсәтелгән булуы белән кызыксынды. Министрга җавап бирелгәнчә, балаларның уңышлары ИТ өлкәсендә өстенлек итә.

Моннан тыш, кунаклар республиканың машина төзү комплексына багышланган экспозицияне дә карады. Татарстанның иң эре җитештерү компанияләренең җитәкчеләре предприятиеләрнең эшчәнлеге һәм чех партнерлары белән үзара хезмәттәшлек турында сөйләде. Марта Новакованы, асылда, газ-мотор техникасын үстерү өлкәсендә республика тәҗрибәсе кызыксындырды. Ул билгеләгәнчә, Чехиядә, Европада кебек үк, бүген, тулаем алганда, ягулыкның альтернатив төрләренә зур игътибар бирелә.

ТР Президенты матбугат хезмәте

Бүген республиканың Биектау районында композит материаллар чыгару буенча икенче экструзион линия ачылды. Татарстан предприятиеләре продукциясенә барча ил буйлап, шулай ук Белоруссиядә һәм Казакъстандагы кабель заводлары кызыксыну белдерә. 

Чарада тармак вәкилләре, федераль ведомстволар һәм фәнни бергәлекләрнең вәкилләре, ТР Сәнәгать министрлыгыннан министр урынбасары Алексей Савельчев катнашты. Предприятие җитәкчелеге белән берлектә "Пуск" символик төймәсе басылды.

Яңа линияне эшләтеп җибәрүдә катнашучыларның берсе булып РФ Сәнәгать һәм сәүдә министрлыгының Химик-технологик комплекс һәм биоинженерия технологияләре департаменты директоры урынбасары Александр Орлов катнашты. Ул төбәк һәм ил өчен мондый производстволарның югары әһәмияткә ия булуын билгеләде.

"Бу чыннан да югары конкурентлы һәм заманча предприятие. Мин биредә ярты ел элек булган идем һәм шушы кыска чор эчендә завод икенче җитештерү линиясен урнаштырды һәм эшләтеп җибәрә алды. Ул республика өчен дә, тулаем алганда Россия өчен дә җитди вакыйга", - дип шәрехләде Орлов һәм предприятиегә яңа базарларга уңышлы чыгуын теләде.

 Тулырак: https://www.tatar-inform.ru/news/2018/12/07/635739/

ТР Сәнәгать министрлыгында бүген кабель сәнәгате өчен продукция җитештерүгә багышланган "Полимер көне" узды. Чарада Россиянең кабель сәнәгате буенча 15 артык әйдәп баручы предприятиесе вәкилләре, Татарстанда һәм Россиядә иң зур полимер чимал җитештерүчеләр, полимер чимал экшәртүче предприятиеләр, фәнни берләшмә вәкилләре катнашты. Очрашуда Россия Сәнәгать министрлыгының химик-технологик комплексы һәм биоинженерия технологияләре департаменты директоры урынбасары Александр Орлов катнашты. Очрашуны министр урынбасары Алексей Савельчев алып барды.

Чарада кабель сәнәгате өчен продукция җитештерү өлкәсендә Татарстан Республикасының сәнәгый потенциалына презентация ясалды. Полимер җитештерү һәм эшкәртү тармагы белгечләре ачык диалог режимында тармактагы предприятиеләр белән үзара хезмәттәшлек итүнең иң проблемалы, нечкә урыннарын билгеләделәр, икътисадый һәм хокукый мәсьәләләрне күтәрделәр, шулай ук тагын да югары бәя өстәлгән продуктлар җитештерүне һәм аларны эчке һәм тышкы базарларга чыгаруны стимуллаштыру турында сөйләштеләр.

Чарада "Нижнекамскнефтехим" ГАҖ, "Полигран" ҖК" ҖЧҖ, "РЦИ Химтех" АҖ вәкилләре чыгыш ясады.

Очрашу азагында кабель продукциясен инновацион җитештерү һәм тестлаштыру өчен федераль тәҗрибә үзәген оештыру зарурлыгы билгеләнде.