ЯҢАЛЫКЛАР
Берләшкән Гарәп Әмирлекләре, Польша һәм Германия – экспорт эшчәнлеге үсеше өчен иң перспективалы илләр. Мондый нәтиҗәне РЭЦ аналитиклары 14 төрле күрсәткечкә нигезләнгән уникаль ренкинг ярдәмендә ясаганнар. Барлык экспортерлар өчен дә ачык булган сервис бизнес үсеше өчен иң яхшы юнәлешләрне билгеләргә мөмкинлек бирә.
2015-2016 елның яңартылган мәгълүматлары буенча чимал булмаган продукцияне экспортка җибәрүне үстерү өчен песпектив юнәлеш булып Берләшкән Гарәп Әмирлекләре аталган. 2016 ел нәтиҗәләре буенча Россия һәм Берләшкән Гарәп Әмирлекләре арасында сәүдә әйләнеше 1244 млн. долл тәшкил иткән. Берләшкән Гарәп Әмирлекләрендә Россия экспорты гадәттәгечә, импорттан артып китә, 2016 елда аңа әйләнешнең 78% туры килгән яки 971 млн. Доллар тәшкил иткән. Шунысы игътибарга лаек, Берләшкән Гарәп Әмирлекләренә Россиядән җибәрелгән продукциянең 63,6%тын чимал һәм энергетика булмаган товарлар формалаштырган.
Ел саен үткәрелә торган чарада ТР сәнәгать һәм сәүдә министры урынбасары Алексей Савельчев, "Татнефть" ҖАҖ генераль директоры Наил Маһанов, Түбән Кама муниципаль районы башлыгы - шәһәр мэры Айдар Метшин, "Татнефть" ҖАҖ профком рәисе Гомәр Яруллин, "Татнефть-Нефтехим" Идарәче Компания ҖЧҖ директоры Әнвәр Вахитов, "Татнефть-Нефтехим" ИК ҖЧҖ профсоюз комитеты рәисе Алберт Сәгъдиев, "Татнефть-Нефтехим" ИК ҖЧҖ яшьләр комитеты рәисе Чулпан Шиһапова, НХК предприятиеләренең профсоюз оешмалары җитәкчеләре һәм рәисләре катнашты.
Бүген ТР Хөкүмәте Йортында Татарстан Республикасы Президенты Рөстәм Миңнеханов рәислегендә "Татнефтехиминвест-холдинг" ААҖ директорлар Советы утырышы узды.
«Сәнәгый Россиянең цифрлы индустриясе – 2017» конференциясе кысаларында 5000нән артык катнашучы Россия сәнәгате һәм икътисадының глобаль технологик үсешен тәэмин итү хакында фикер алышуга җыелачак. Конференция 2017 елның 24-26 маенда Иннополиста узачак.
Конференциянең төп темалары цифрлы икътисад, чимал булмаган экспорт һәм киберфизик иминлек булачак. Өч көн эчендә конференциядә катнашучылар тышкы базарларга технологияләрне этәрү ситуацияләрен, комплекслы IT-системалар экспорты, шулай ук, импортны алыштыру һәм продуктларның конкурентлылык сәләтен арттыру турында фикерләшәчәкләр. Зур игътибар Россиянең санлы икътисады мәсьәләләренә биреләчәк. Белгечләр 2018 елгы футбол дөнья Чемпионатына инфраструктур әзерлек, тимер юл тармагы һәм атом-төш энергетика тармагында проектлауның цифрлы ысулларына күчү турында сүз алып барачаклар. Махсуслаштырылган сессияләр киберфизик куркынычсызлык сораулары буенча оештыру планлаштырыла. Чыгыш һәм дискуссияләр кысаларында интеллектуаль контроль системасы, оборона-сәнәгый комплекс предприятиеләренең җитештерү конверсиясе, идентификация системасы турында да сүз барачак.
2017 елның 19-21 апрелендә Мәскәүдә “Кунак Сарае” күргәзмә комплексында "Милләтнең сәламәтлеге – Россия үсешенең нигезе" XI Бөтенроссия форумы узачак. Форумны “Милләт сәламәтлеге Лигасы” Гомумроссия иҗтимагый оешмасы һәм РФ сәламәтлек саклау министрлыгы оештыра.
Форумның төп темасы – Россия Федерациясе сәламәтлек саклау министрлыгы тарафыннан эшләнгән Ведомствоара Стратегиясе нигезендә халыкның сәламәт яшәү рәвешен формалаштыру, йогышлы булмаган авыруларны профилактикалау һәм контрольдә тоту.
Бүген ТР сәнәгать һәм сәүдә министрлыгында Сьюзан Вальмео-Тексон идарәче директоры башлыгындагы Integrated Energy Systems & Resources, Ink филиппин компаниясе вәкилләре белән очрашу узды.
"2016 ел Инженеры" XVII Бөтенроссия конкурсы лауреатының истәлекле медале һәм дипломнарына "Түбән Кама нефтехим" ҖАҖ полиэфир сумала һәм стирол җитештерү заводының цех начальнигы урынбасары Николай Батин һәм синтетик каучук заводының цех начальнигы Валерий Жуков лаек булдылар.
"Татнефть" компаниясенең "Солнечный" савыктыру лагерендә Компаниянең яшь уйлап табучылар конкурсы узды.
ТР Президенты Рөстәм Миңнеханов башлыгында Татарстан Республикасы делегациясе бу көннәрдә рәсми визит белән Берләшкән Гарәп Әмирлегендә. Гадәттәгечә, Республика башлыгын ТР Премьер-министры урынбасары - ТР сәнәгать һәм сәүдә министры Алберт Кәримов озатып йөри.
Россия Федерациясе делегациясе составына Татарстан Республикасыннан Татарстан Республикасы Президенты тышкы элемтәләр Департаменты директоры урынбасары Марат Гатин, Берләшкән Гарәп Әмирлекләрендә Татарстан Республикасы сәүдә-икътисади вәкиле Тимур Хәйретдинов, "Ак Барс" Холдинг компаниясе АҖ генераль директоры Иван Егоров, "А.М.Горький исемендәге Яшел Үзән судно төзелеше заводы" генераль директоры Ренат Мистахов, "КАМАЗ" ҖАҖ генераль директоры урынбасары Сергей Афанасьев, "Л.М. Симонов исемендәге тәҗрибә-конструкторлык бюросы" АҖ Фәнни-җитештерү берләшмәсе генераль директоры – баш конструкторы Александр Гомзин һәм башкалар керде.
"Минск трактор заводы" ААҖ генераль директоры Федор Домотенко белән бүген Татарстан Республикасы Президенты Рөстәм Миңнеханов очрашты. Чарада ТР Премьер-министры урынбасары – ТР сәнәгать һәм сәүдә министры Алберт Кәримов катнашты. Очрашу ТР Хөкүмәте Йортында узды.
Яклар алга таба әзер техника китертү өлкәсендә һәм авыл хуҗалыгы техникасын җитештерү өлешендә кооперация һәм тракторларның төрле модельләре белән тәэмин итүдә хезмәттәшлек мәсьәләләрен карадылар.