ЯҢАЛЫКЛАР
Татарстан Республикасы сәнәгать һәм сәүдә министрлыгы «Электрон сәүдә каналлары буенча экспорт» семинары эшендә катнашырга чакыра. Чара Татарстан Республикасы экспортын үстерү эше кысаларында “Россия экспорт үзәге” АҖ белән берлектә һәм электрон сәүдә мәйданчыклары ярдәмендә оештырылды.
Конференция программасында Tmall һәм Alibaba мәйданчыкларында онлайн сатуны оештыруның үзенчәлекләренә багышланган чыгышлардан тыш, e-Bay, СПСР һәм Shiptor электрон сәүдә мәйданчыклары вәкилләренең чыгышлары да тәкъдим ителәчәк. Чыгыш ясаучылар Татарстан Республикасы предприятиеләренең экспорт продукциясен чит илгә электрон сәүдә каналларыннан сатуны оештыру сораулары буенча гамәли киңәшләр бирәчәкләр (сату-алу процессын оештыру, логистика, таможеня, товарны кире кайтару процессын оештыру һәм башкалар).
Чара 2017 елның 11 маенда IT-парк конференц-залында Казан шәһәре, Петербургская, 52 адресы буенча узачак.
Чарада катнашу түләүсез. Теркәлү мәҗбүри.
Теркәлү өчен Татарстан Республикасы сәнәгать һәм сәүдә министрлыгына гаризаны 2017 елның 10 маена кадәр җибәрергә кирәк.
Электрон почта адресы: Ramilya.Muhitdinova@tatar.ru
тел: (843)567 36 86.
КАМАЗ двигательләр заводында июнь аенда тәҗрибә өчен 10 дистә Р6 яңа мотор үрнәкләре җыелачак.
Яңа конвейерны җыю буенча зур эш башкарылды. Конвейер эшенең беренче этабында 30 спутник урнаштыру планлаштырыла, ә куәтләр арту белән, яисә двигатель саны 30 меңнән арту белән аларның да саны артачак.
Линиядә барлык эш максималь информатив һәм күзгә күренеп торачак. Инде беренче мониторлар барлыкка килде, аларда техик процесс турында мәгълүмат күренәчәк, двигательләрнең номеры һ. б. Монитордагы мәгълүмат бердәм информация серверына килеп торачак.
Яңа җыю конвейерыннан тыш эш тагын өч участокта алып барыла. Цилиндрлар блогы линиясенә Heller фирмасы белгечләре килде, алар идән һәм фундамент әзерләүнең сыйфатын тикшерәләр. Май аеның икенче яртысында җиһазларны монтажлау эше башланачак. Шулай ук, эксплуатациягә Zeiss исәпләү машинасы тапшырылган. Бу җиһазда эшләүнең нигезләрен завод белгечләре май аенда өйрәнә башлыйлар.
Моннан тыш, яңа двигательнең һәр детале өчен үз исәп машинсы урнаштырылачак. Q-DAS контрольдә тоту системасы бәйсез контроль һәм детальләр әзерләүнең сыйфат анализын тәэмин итәчәк.
«Туполев» филиалы - С.П. Горбунов исемендәге Казан авиация заводында ТУ-160 яңа бомба атучы самолет өчен титан детальләрне электрон-нур ысулы белән эретеп ябыштыру эшләре башланды. С.П. Горбунов исемендәге Казан авиация заводында модернизацияләүнең бер төп этабы тәмамланып килә.
ТУ-160 дөньяда иң зур бомба төшерүчене төзегәндә авиациядә титанның иң зур өлеше кулланыла.
Электрон-нур ысулы белән эретеп ябыштыру җайланмасының реконструкциясе буенча актив эш 2016 елның март аенда башланды. Җайланмалар урнашкан цехның ремонты башкарылган, шул ук вакытта, параллель рәвештә җайланмаларның технологик җиһазлар җайланмалары заманчалаштырылган.
«Туполев» филиалы - С.П. Горбунов исемендәге Казан авиация заводында модернизацияләү 2020 елга кадәр дәвам итәчәк. Заманча технологик җиһазлар урнаштыру, инженерлык челтәрләрен, коммуникацияләр һәм җитештерү мәйданнарын төзекләндерү эшләре бара.
2017 елның 17-19 маенда Псковта III Халыкара ел саен уздырыла торган чик буе төбәкләре форумы үтәчәк.
Форум программасында утырышлар һәм түгәрәк өстәлләр үткәрү каралган, шулай ук, стратегик инициативалар Агентлыгы рәислегендә региональ үсеш институтлары җитәкчеләренең утырышы узачак. Төп тематика: "Практика кертү проект чик буе төбәкләрендә проектлы офисларны гамәлгә ашыру практикасы: проблемалар һәм перспективалар".
Форумда катнашырга Россия Федерациясе икътисадый үсеш министрлыгы вәкилләре, Россия Федерациясе сәнәгать һәм сәүдә министрлыгы, РФ тышкы эшләр министрлыгы, стратегик инициативалар Агентлыгы вәкилләре, Россия Федерациясенең Сәүдә-сәнәгать палатасы, Россия сәнәгатьче һәм эшмәкәрләр союзы һ. б. чакырылган.
Форумда катнашучылар Псков өлкәсенең инвестиция мәйданчыкларында, сәнәгать объектларында һәм предприятиеләрендә, "Моглино" МИЗ булачаклар, "Псковский" Туристик-рекреацион кластеры проекты, мәйданчык проектларын, чик буе хезмәттәшлеге программасы проекты мәйданчыгы белән танышачаклар, шулай ук, Псков өлкәсе бизнес-җәмәгатьчелек вәкилләре һәм башка чик буе төбәкләре вәкилләре арасында сөйләшүләр узачак, төбәкләр үсешенең көнүзәк мәсьәләләре турында фикер алышу булачак.
Форум программасы турында тулырак сайтта таныша аласыз: http://forum.pskov.ru/.
Россия Федерациясе Президентының 2017 елның 16 гыйнварында расланган Указы нигезендә Россия регионнарының Баш интернет-порталы (РусРегионИнформ) һәм "Россиянең икътисади сәясәте" журналы редакциясе Регионнар яңалыгы - Россия Федерациясе субъектларының үсеше тармак җыелма күзәтүен формалаштыра.
РФ субъектлары үсеше тармак җыелма күзәтүе кысаларында мондый информацион юнәлешләр эшләп килә: «Регионы России — детям» һәм «Эффективный руководитель — сильная Россия!» махсус Интернет-сервисы. Әлеге сервислар Россия региональ үсешенең 2025 елга кадәр дәүләт сәясәтенә ярдәм итүгә юнәлдерелгән.
Төбәк һәм муниципаль ведомство, учреждение һәм оешма вәкилләренең гадиләштерелгән теркәлү процедурасы Баш биттә "Соңгы яңалыклар" бастырылган урында гамәлгә ашырыла http://rusregioninform.ru/ .
Россия Федерациясе субъектлар үсеше җыелма тармак күзәтүе - 2017 региональ тармак комплексының глобаль икътисади тотрыклылыкны ныгытуда төп рольне уйнарга сәләтле икәнен күрсәтәчәк, шул сәбәпле үзегезнең оешмагыз эшчәнлегенең перспектив юнәлешләре турында актуаль мәгълүматны бушлай урнаштыру мөмкинлеге өчен теркәлү сорала.
2017 елның 24-26 май көннәрендә Иннополиста ЦИПР (Сәнәгый Россиянең цифрлы индустриясе) конференциясе кысаларында Россиядә "Цифрлы икътисад"ны үстерү программасында тәкъдим ителә торган чараларны хакында фикер алышу узачак. Дискуссия кысаларында ясалган нәтиҗәләр ил җитәкчелеге тарафыннан икътисадның югары технологияле тармакларына ярдәм итү буенча кабул ителәчәк карарлар нигезенә салыначак. Экспертлар сыйфатында конференциядә Россия Президенты киңәшчеләре, министрлар, регион башлыклары, Россия һәм дөньяның эре компания вәкилләре чыгыш ясаячак. Эшлекле программа кысаларында Россия IT-базар лидерлары арасында дистәләгән килешүгә кул кую планлаштырыла.
ЦИПР конференциясенең белем бирү программасы кысаларында 23-25 май көннәрендә Казан Федераль Университеты студентлары өчен лекцияләр булачак. Лекторлар Россиянең топ-менеджерлары: "Газпром-медиа" спорт холдингы генераль продюсеры Тина Канделаки һәм Car Price автомобиль онлайн-аукционына нигез салучыларның берсе Эдуард Гуринович.
ЦИПР-2017 конференциясе партнерлары: Samsung, Siemens, Konica Minolta, РДТЕХ, IT Clover компанияләре, ТР-Информ, Пластмасс Заводы, "Прибор" заводы, Позис, Базальт, ИндаСофт, ХайТэк һәм башкалар.
Белешмә өчен:
ЦИПР – Россиядә сәнәгать, тармак профессионаллары, оборона комплексы һәм венчур инвесторлары вәкилләре өчен нәтиҗәле диалог мәйданчыгын тәэмин итүче беренче ИТ-конференция.
2017 елның 30-31 май көннәрендә Петербург халыкара икътисади форумы алдыннан "Зур Евразия партнерлыгы: энерго-экологик стратегия, программалар, проектлар" фәнни-технологик конференциясе уздырыла. (алга таба — Конференция).
Әлеге тематика Россиядә 2017 ел экология елы булу сәбәпле актуаль, моннан тыш, ул Россия-Кытай стратегик партнерлыгының һәм Ефәк юл Икътисади путасының төп темасы булып тора.
Конференциядә Россия, Кытай һәм Зур Евразиянең башка илләреннән эшлекле һәм фәнни абруйлы вәкилләр, шулай ук, Россия һәм чит илнең потенциаль инвесторлары да катнашачак.
Конференция кысаларында нәтиҗәле программа һәм проектларны томышка ашыру өчен инвестицияләр җәлеп итү максатыннан милли һәм төбәк энерго-экологик программа һәм проектлар конкурсы үткәрелә.
Иң яхшы программалары һәм проектлар медальләр белән бүләкләнәчәк һәм В.И.Вернадский исемендәге милли экологик премия конкурсында катнашырга тәкъдим ителәчәк.
Катнашу турында мәгълүматны 5 майга кадәр түбәндәге электрон адреска юлларга кирәк: misk@inesnet.ru. Тел.: +7 (495) 234 46 97.
-Катнашу өчен гариза формасы
-Конкурс анкетасы
-Программа анкетасы
-Конкурс турында нигезләмә
Россия базарында Камазларны сату елның беренче кварталында артты – узган 2016 елның шул ук чоры белән чагыштырганда 1,5 мең йөк машинасына күбрәк сатылган.
Агымдагы елның беренче кварталында 5750 данә КАМАЗ автотехникасы сатылган (АППГда– 4182 берәмлек). "КАМАЗ" сәүдә-финанс компаниясе генераль директоры Андрей Игнатьев сүзләренчә, сатуларда уңай динамика Идел Буе, Үзәк, Көньяк һәм башкалар регионнарда күзәтелә.
Также лидерами продаж в традиционном сегменте стали КАМАЗ-43118, КАМАЗ-65115 и тяжёлый автомобиль КАМАЗ-6520 «люкс» с комфортабельной кабиной.
2014 елдан башлап елдан-ел КАМАЗ-5490 магистраль авыр йөк тартучы йөк машинасын сату үсә бара, бу кулланучының әлеге техниканы югары бәяләве белән бәйле. Шулай ук, сатылуда лидерлар сегментында КАМАЗ-43118, КАМАЗ-65115 һәм комфортабельле кабиналы КАМАЗ-6520 "люкс" авыр йөк автомобиле тора.
3 май көнне ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов "Казаньсельмаш" оешмасында булды.
Визит барышында ведомство башлыгы предприятиенең яңа эшләнмәләре һәм җитештерү мщйданчыклары белән танышты.
"Казаньсельмаш" компаниясе төркеме Россиянең авыл хуҗалыгы машиналары җитештерүче эре предприятиеләренең берсе. Компания төркеменең җитештерү мәйданчыкларында чыгарыла торган заманча машиналар алдынгы дөньякүләм җитештерүчеләрнең техникасына альтернатив чишелеш булып тора ала.
Россия Президенты Владимир Путин бюджет оешмаларында эшләүчеләргә һәм пенсионерларга түләнелә торган акчаларны мәҗбүри рәвештә «Мир» картасына күчерү турындагы закон проектына үз имзасын куйды.
Түләүләрне яңа карта нигезендә, шул исәптән, муниципаль һәм дәүләт хезмәткәрләре һәм студентлар да алачак.
Дәүләт башлыгы карарында бюджет органнарында эшләүчеләрне «Мир» картасына 2018 елның 1 июленә кадәр, пенсионерларны, 2020 елның 1 июленә кадәр күчерәчәкләр.
Ләкин тиешле карар Россиянең халыкара оешмалар карамагындагы дипломат вәкиллекләре, консуллык оешмалары һәм даими вәкиллекләр хезмәткәрләренә карамый. Шулай ук әлеге указ Россиядән читтә яшәп бюджет оешмаларында эшләүче хезмәткәрләргә дә кагылмый.
Интернет булмаган җирләрдә исәп-хисап алып барылган очраклар кыскарма булып тора.