ЯҢАЛЫКЛАР
Бүген Татарстан Республикасы Сәнәгать һәм сәүдә министрлыгында Татарстан Республикасы Премьер-министры – Татарстан Республикасының Сәнәгать һәм сәүдә министры Альберт Кәримов Сингапур Республикасының Сәүдә һәм сәнәгать Дәүләт министры, Сингапур Республикасының Милли үсеш Дәүләт министры Ко По Кун җитәкчелегендә Сингапур Республикасы вәкилләре белән очрашты.
Очрашуда Сингапур Республикасы ягыннан Сингапур Республикасының Россия Федерациясендәге гадәттән тыш һәм тулы хокуклы вәкиле Лим Кхенг Хуа, International Enterprise Singapore ширкәтенең Россиядәге һәм Бәйсез дәүләтләр берлегендәге директоры Рахид Наргунд, Сингапур Республикасының Сәнәгать һәм сәүдә министрлыгының үсеп килүче базарлар идарәсе директоры Вонг Тон Джон һәм башкалар катнашты. Татарстан Республикасын очрашуда Татарстан Республкасының Сәнәгать һәм сәүдә министры урынбасары Илдар Мингалиев, «М.П. Симонов исемендәге тәҗрибә-конструкторлык бюросы» фәнни-җитештерү берләшмәсе акционерлык җәмгыяте генераль директорының дәүләт оешмалары белән эшләү буенча ярдәмчесе Ильяс Акулов, һәм шулай ук Татарстан Республикасы Сәнәгать һәм сәүдә министрлыгының хезмәткәрләре тәкъдим итте.
Булып узган очрашу барышында Татарстан Республикасы Премьер-министры – Татарстан Республикасының Сәнәгать һәм сәүдә министры Альберт Кәримов Татарстан Республикасының сәнәгать потенциалына тәкъдир ясады. Ул республиканың әйдәп баручы нефть-газ һәм машина төзүче комплексы предприятиеләрен («Татнефть» һәм «ТАИФ» гавәми акционерлык җәмгыятләре, «КАМАЗ» гавәми акционерлык җәмгыяте, «Форд Соллерс» уртак предприятиесе, «Казан вертолет заводы», «С.П. Горбунов исемендәге Казан авияция заводы - «Туполев, Зеленодольск суднолар төзү заводы, «ЕЛАЗ» гавәми акционерлык җәмгыяте филиалы, «КМПО», «Казанькомпрессормаш» гавәми акционерлык җәмгыятләре һәм башкалар) һәм алар гамәлгә ашыра торган инвестиция проектларын тәкъдим итте.
Моннан тыш, индустриаль парклар һәм үзенә бер төрле икътисади зоналар турында сөйләделәр. Кунаклар Татастан җирлегендә үз эшчәнлекләрен тормышка ашыручы чит ил компанияләренең уңышка ирешү тарихы белән таныштылар. Шулай ук яклар үзара файдалы хезмәттәшлек механизмнары һәм перспективалары турында фикер алыштылар.
Моннан тыш, әлеге чара кысаларында Ильяс Акулов кунакларга җентекләп «М.П. Симонов исемендәге тәҗрибә-конструкторлык бюросы» фәнни-җитештерү берләшмәсе акционерлык җәмгыяте турында сөйләде, пилотсыз очу аппаратын тәкъдир итте.
Очрашуның нәтиҗәсендә Татарстан Республикасы Премьер-министры – Татарстан Республикасының Сәнәгать һәм сәүдә министры Альберт Кәримов кунакларны 2017 елның 6-8 сентябрендә Казан шәһәрендә узачак 24 нче Халыкара махсуслаштырылган «Нефть,Газ.Нефтехимия» күргәзмәсендә катнашырга чакырды, шулай ук 2017 елның 6-8 декабрьләрендә узачак 17 нче Халыкара махсуслаштырылган «Машиналар төзү. Металл эшкәртү. Казань» күргәзмәсенә чакырды.
Исегезгә төшерәбез, кичә Сингапур Республикасы вәкилләре Татарстанга килү кысаларында «Иннополис» махсус икътисади зонасында булдылар. Бүген Татарстан Республикасы Президенты Рөстәм Миңнеханов белән очрашачаклар.
Бүген "Татэнергосбыт" АҖ идарәсендә "Татэнерго" ИК генераль директоры Илдар Халиков рәислегендә директорлар Советы утырышы узды.
Утырыш "Татэнергосбыт" АҖ 2017 елның 1 кварталында эшчәнлек нәтиҗәләре белән таныштырудан башланып китте. Шул исәптән, керем һәм чыгым бюджеты үтәлеше, дебитор һәм кредитор бурычларның торышы, чиста табышны файдалану сораулары да каралды.
Аннары директорлар Советы "Татэнергосбыт" АҖ 2017 елга тәкъдим ителгән капитал салулар программасын раслады, компаниянең проект эшчәнлеге белән танышты.
"КАМАЗ" ның кече предприятиесе «НЕФАЗ» ҖАҖ җитештерелгән беренче троллейбус Башкортстанда Уфада презентацияләнде.
Яңа троллейбус "НЕФАЗ" һәм Уфа трамвай-троллейбус заводының уртак проекты.
Троллейбус заманча, иң ышанычлы һәм уңайлы җиһазлар белән җиһазландырылган. Цинкланган һәм ныклы кузовлы, салоны һәм йөртүче кабинасы җылыту элементлары белән җиһазландырылган. Руле гидроусилительле.
Пассажир сыешлылыгы 112 кеше тәшкил итә, утыру өчен – 26 урын.
Яңа троллейбусның беренче экземплярын булдыру һәм эшләүдә партнерлар белән берлектә "НЕФАЗ" белгечләре җиде ай хезмәт иттеләр.
80 берәмлек техникага инде заказ бар. Нигездә, яңа троллейбусслар белән Үзәк Россия төбәкләре кызыксына. Уфа маршрутларында яңа троллейбус сертификацияләүне узганнан соң пәйда булачак. Башкортстан башкаласы халкы яңа техниканың эшен август аенда бәяли алыр дип планлаштырыла.
Алабугада Ford Sollers заводы конвейерыннан 15 меңенче Ford Explorer автомобиле төште. АКШ дистә еллар дәвамында иң популяр булып кала алган Ford Explorer Россиядә дә киң популярлык яулады.
Ford Explorer автомобиленең юбилей чыгарылышы буларак автомобиль Limited Plus комплектацияле, Frozen White төсендә, V6 Cyclone күләме 3,5 л тәшкил иткән (249 л. с.) двигателе белән җиһазландырылган һәм 6 баскычлы АКПП автомобиле чыгыш ясады. Ford Explorer әлеге комплектациясе машина йөртүчегә ярдәм итү системалары комплексы белән җиһазландырылган.
Легендар төрле юлларда йөри алырлык машина салонына 7 кеше утыра ала, өстәвенә, утыргычларның өченче рәте автомобильнең төп җиһазлау базасына кергән. Ford Sollers заводының R&D фәнни-техник үзәге тырышлыгы белән америка автомобиле конструкциясенә Россия юлларында авмомобильне куллану уңайлы булсын өчен бик күп үзгәрешләр кертелгән.
Ford Explorer автомобиле өчен тәкъдим ителгән ике көчле агрегат та 92 бензинны куллануга җайлаштырылган. Кузгалып китәр алдыннан салонны җылыту яисә суыту өчен двигательне дистанцион эшләтеп җибәрү мөмкинлеге каралган.
Автомобильнең куркынычсызлыгы стандарт функцияләре җыелмасына иминлек мендәрләренең тулы комплекты керә, шул исәптән утыргычларның барлык рәтләре, борылышларда авырлык контроле электрон системасы, юнәлеш тотрыклылыгы, тауга күтәрелгәндә кузгалып китү ярдәме.
Без социаль челтәрдә:
25-26 майда Россия Федерациясе икътисади үсеш министрлыгы делегациясе "ПОЗИС" АҖ, "КМИЗ" АҖ, "КАМАЗ" ҖАҖ булды. Предприятиеләрдә хезмәт җитештерүчәнлеген арттыруга юнәтелгән проектларны гамәлгә ашыру тәҗрибәсе, предприятиеләрнең үсешенә багышланган очрашу һәм киңәшмәләр узды.
2015 елдан бирле "ПОЗИС" һәм "КМИЗ" хезмәт җитештерүчәнлеген арттыру буенча республика программасында актив катнаша. Әлеге предприятиеләрдә Татарстан сәнәгать һәм сәүдә министрлыгы белән берлектә сакчыл җитештерү методикасын кертү һәм хезмәт җитештерүчәнлеген күтәрүгә юнәтелгән чаралар гамәлгә ашырыла. Предприятиеләрдә әлеге сораулар буенча даими эшләүче эш төркеме булдырылган, предприятиенең хезмәт җитештерүчәнлек арттыру программасы булдырылган һәм уңышлы гына тормышка ашырыла.
"КАМАЗ"да "2015-2020 елларга ТР предприятиеләрендә хезмәт җитештерүчәнлеген арттыру" дәүләт программасы тәҗрибәсен өйрәнү буенча киңәшмә узды. Үзләренең фикерләре белән бу юнәлештә Татарстан Республикасы сәнәгать һәм сәүдә министры урынбасары А. Ш. Хөсәенов һәм Үзәк директоры Е. В. Мартынов, "КМИЗ" АҖ директоры урынбасары Р. А. Федотов уртаклаштылар.
Киңәшмә ахырында кунаклар "КАММИНЗ КАМА" һәм "ЦФ КАМА", "КАМАЗ" процесслар фабрикасында, шулай ук, "КАМАЗ" автомобиль заводының баш җыю конвейеры эшен күрделәр.
Түбән вольтлы җиһазларны реконструкцияләү эшләре Чирмешән һәм Лениногорск районнары торак пунктларында узачак. Авыл торак пунктларында бүлеп бирү челтәрләрен модернизацияләү концепциясе компания җитәкчелеге карары буенча кабул ителде. Бөгелмә электр челтәре баш инженеры Фәрит Закиров билгеләп үткәнчә, озак сроклы программа электр челтәре инфраструктурасын инновация технологияләрен һәм заманча җиһазлар кулланып тамырдан яңартуга юнәлдерелгән.
Ремонт сезоны күптән түгел генә башлануга карамастан, Түбән Чыгадай торак пунктында электр линияләрен реконструкцияләү эшләре тәмамланды диярлек. 200гә якын кеше яшәгән бу зур булмаган авыл (башлангыч мәктәп, фельдшер-амбулатор пункты бар) урнашкан Чирмешән район үзәгеннән берничә километр ераклыкта гына урнашкан. Электр үткәргеч линиясе узган гасырның 60-нчы елларында төзелгән. Агач баганалар шушы еллар эчендә сизелерлек таушалган, кайберләре бер якка ауган, ягъни конструкцияләр бетон ярдәмендә көчәйтелгән. Шундый ук электр челтәре җиһазларын модернизацияләү Утыз Имән авылында да үткәрелде.
2017 елның 5-10 июнендә өченче тапкыр дәүләт һәм бизнес вәкилләре катнашында Россия Ритейлы 2017 масштаблы тармак чарасы узачак. Чарада ваклап сату өлкәсе үсешенә кагылышлы төп юнәлешләр формалаша, тармакның проблемалары хәл ителә.
Ритейл Атналыгы 2017 елның 5 июнендә Кибератна белән старт алачак, алдынгы онлайн-ритейлерлар куллану продукциясен бөтенроссия арзанлатып сату чарасында катнашачак.
6 – 8 июньдә халыкара сәүдә Үзәгендә узачак форумда катнашучыларны киң эшлекле программа көтә. Форумда федераль һәм региональ сәүдә челтәре оешмалары җитәкчеләре, урта һәм кече бизнес предприятиеләре җитәкчеләре, Россия Хөкүмәте вәкилләре, федераль министрлыклар һәм ведомстволар, төбәк хакимият органнары җитәкчеләре катнашачак.
Retail's World күргәзмәсе заманча ритейл дөньясын тасвирлый, аның казанышларын һәм технологияләрен демонстрацияли. 7 июньдә Retail Awards тармак конкурсына йомгак ясалачак.
Өстәмә мәгълүмат һәм программа белән рәсми сайтта танышырга була:
Бүген ТР Хөкүмәте Йортында Россия Федерациясе Федераль Собраниесе Дәүләт Думасының икътисади сәясәт, сәнәгать, инновацияләр үсеше һәм эшкуарлык комитетының күчмә утырышы кысаларында узган түгәрәк өстәлдә Татарстан сәнәгатенең төп тармакларын үстерү проблемалары һәм перспективалары турында фикер алыштылар. Чарада Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Россия Федерациясе Федераль Собраниесе Дәүләт Думасының икътисади сәясәт, сәнәгать, инновацияләр үсеше һәм эшкуарлык комитеты рәисе Сергей Жигарев, Россия Федерациясе Дәүләт Думасы депутатлары катнашты.
Очрашуда катнашучыларны сәламләп, Рөстәм Миңнеханов күчмә утырышны уздыру өчен Татарстан сайлануын һәм икътисадны үстерү мәсьәләләре буенча фикер алышу мөмкинлеге өчен рәхмәтен белдерде.
Татарстан – Россиянең сәнәгать ягыннан алга киткән төбәкләренең берсе. Бүген республика төяп җибәрелгән продукция күләме буенча илдә 5 урында. Моннан тыш, Татарстан – төп капиталга инвестицияләр кертү һәм авыл хуҗалыгы продукциясе күләме буенча Россиядә өченче урында торган төбәк. Киләчәктә үсеш юнәлешләре Стратегия-2030 билгеләнгән: нефть-газ химиясе, авыл хуҗалыгы һәм автомобильләр төзелеше тармаклары, -дип билгеләп үтте ул.
Татарстан – нефть республикасы. Без 35 млн. тонна нефть чыгарабыз, - диде Татарстан Республикасы Президенты. - Татарстан предприятиеләре 17 млн. тонна нефть эшкәртә. Ел азагында без 6 млн. тонналык нефть эшкәртү заводын төзеп бетерәчәкбез. Барлыгы якынча 23 млн. тонна нефть эшкәртәчәкбез. Яңа зур проектлардан Рөстәм Миңнеханов аммиак, метанол һәм карбамид җитештерү буенча «Аммоний» комплексын ачуны, шулай ук «Нижнекамскнефтехим» предприятиесендә яңа этилен комплексы төзүне билгеләп үтте, соңгысы елына 1,2 млн. тонна этилен җитештерәчәк.
Республиканың тагын бер система барлыкка китерүче тармагы, Рөстәм Миңнеханов сүзләренчә, авыл хуҗалыгы. Татарстан ил буенча сөт җитештерүдә – беренче урында, икенче урында – бәрәңге игү буенча, дүртенчедә – ит җитештерү буенча.
«Агросәнәгать комплексы өчен җитештергән товарын сату базары зур әһәмияткә ия. Кызганычка каршы, авыл хуҗалыгы җитештерүләре үз продукциясен сатудан бик аз керем ала. Шуңа күрә без Казанда эре агросәнәгать паркы төзедек. Барлыгы республикада агросәнәгать паркы булдыру планлаштырыла, җитештерүче үз товарын арадашчылардан башка гына сата алачак», - диде Татарстан Республикасы Президенты.
Республика сәнәгате структурасында да сизелерлек үзгәрешләр булып узды. 2010 елдан эшкәртү секторы өлеше 62,8%тан 70,9%ка кадәр артты, диде Рөстәм Миңнеханов.
Автомобильләр төзелеше темасына күчеп, Татарстан Республикасы Президенты бу тармактагы ике әйдәүче компанияне – «КАМАЗ» һәм «Форд Соллерс»ны билгеләп үтте. Республикада технопарклар, индустриаль парклар, төрле сәнәгать мәйданчыклары булдыруга җитди игътибар бирелә.
«Барлык бу проектларны гамәлгә ашыру федераль хакимият органнарының тиешле ярдәменнән башка мөмкин түгел. Үз эшебездә без Дәүләт Думасы депутатлары ярдәмен һәрвакыт тоябыз», - дип йомгак ясады ул.
Аннан соң Россия Федерациясе Дәүләт Думасы депутатлары Ирек Богуславский һәм Әлфия Когогина чыгыш ясады.
«Татнефть» ширкәтенең нефть-химия комплексына керүче «Нижнекамск-техуглерод» акционерлык җәмгыятендә акционерларның гомуми җыелышы булып узды. Җыелыш барышында еллык хисап һәм 2016 елның еллык бухгалтерлык исәп-хисабы расланды.
«НКТУ» акционерлык җәмгыяте 14 төрле техник күмер эшләп чыгара һәм Омск Карбон Групп, «Ярославский технический углерод» ачык акционерлык җәмгыяте кебек җитештерү берләшмәләре белән беррәттән бара. 2016 елда 118 мең тонн продукция җитештерелгән һәм сатылган (шуларның 85 мең тоннасы Россиядә, 33 мең тоннан артыгы чит илләргә сатыла). Түбән Каманың югары сыйфатлы техуглероды турында яхшы беләләр һәм аны 19 ил сатып ала. Алар арасында иң әһәмиятлеләре Төркия, Польша, Швейцария, Берләшкән Гарәп Әмирлекләре.
Оешмада җитештерүне яңарту, технологик җиһазларны яңадан тергезү һәм яңадан коралландыру буенча эш алып барыла. Җитештерү куркынычсызлыгы, хезмәтне һәм әйләнә-тирәлекне саклау мәсьәләләре завод җитәкчелегенең даими күзәтүе даирәсендә тора.
Җыелыш барышында яңа Директорлар советы сайланды.
Җәмгыятьнең тышкы аудиторы итеп «БФ-Аудит» акционерлык җәмгыяте аудиторлык ширкәте сайланды.
Җыелыш барышында Җәмгыять Уставының яңа редакциясе кабул ителде.
«КАМАЗ»ның төзәтү хезмәтләре җитештерү циклында даими эшләүче җиһазларны яңадан торгыздылар.
Җиһазлар май бәйрәмнәре вакытында төзәтелделәр. «КАМАЗ» гавәми акционерлык җәмгыятенең мөһәндисләр үзәге директоры - баш механик Сергей Смолин сүзләре буенча бу вакыт эчендә заводта 450 дән артык эшләр башкарылды, шуларның 20 дән артыгы аеручы мөһим дип аталган эшләр исемлегенә керә.
Двигательләр заводында «Сыйфат трансформациясе» программасы кысаларында Renault автоматик сызыгын торгызу-төзекләндерү эше башкарылды.
Тимерчеләр заводында LZK-6.300 прессын (эскәнҗәсен) төзәтү эше тәмамланды. Әлеге пресста күперләр төзү өчен күп төрле тешле тәгәрмәчләр ясала.
Тагын бер мөһим эш – ул куркынычсызлыкны арттыру. Махсус автомобильләр һәм транспорт департаментының белгечләре һәм хезмәткәрләре берләшмәнең заводларындагы краннарны һәм кран-өрлекләрне тикшерделәр һәм төзәттеләр. Берничә көн эчендә җиде күтәрү корылмалары тәртипкә кертелде, һәм шулай ук 80 метр тикшерелде.