ЯҢАЛЫКЛАР
Бүген видеоэлемтә режимында сәүдә предприятиеләрендә, җәмәгать туклануы объектларында, хезмәтләр күрсәтү өлкәсендә Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» 2020 елның 19 мартындагы 208 номерлы карарын (2020 елның 18 сентябрендәге үзгәрешләре белән) үтәүгә, шулай ук Татарстан Республикасы территориясендә сәүдә хезмәткәрләрен вакцинацияләүгә багышланган киңәшмә узды.
Киңәшмәне Татарстан Республикасы сәнәгать һәм сәүдә министры урынбасары, Татарстан Республикасы ягыннан рәистәш Герман Лернер уздырды, анда Татарстан Республикасы муниципаль берәмлекләре башкарма комитетлары җитәкчеләре, Татарстан Республикасындагы сәүдә үзәкләре, ваклап сату челтәрләре, базарлар һәм җәмәгать туклануы объектлары җитәкчеләре катнашты.
Яңа коронавирус йогышы таралуга бәйле рәвештә кертелгән чикләү чаралары республиканың сәүдә икътисадында тискәре чагылыш тапты. Татарстан Республикасында яңа коронавирус йогышына каршы көрәш чараларын гамәлгә ашыруга бәйле рәвештә, азык-төлек булмаган товарлар сатучы кибетләр эшенә чикләүләр кертелде, шулай ук эре сәүдә үзәкләренең эше тыелды, бу 2020 елның гыйнвар-август айларында ваклап сату әйләнешен 2019 елның шул ук чорына карата 92,6% кадәр киметүгә китерде. Шулай ук хезмәт күрсәтү өлкәсе эшенә чикләүләр кертелде, бу 2020 елның гыйнвар-август айларында ваклап сату товар әйләнеше кимүгә китерде, бу күрсәткеч 2019 елның гыйнвар-августына карата 84,6% тәшкил итте.
Утырыш барышында «Мега-Казан» сәүдә-күңел ачу үзәгендә һәм «Челны-хлеб» сәүдә челтәрләрендә коронавирус йогышына каршы көрәш буенча алга таба чаралар турында «Мега-Казан» сәүдә-күңел ачу үзәге идарәчесе Фәридә Вәлиева һәм «Челны-хлеб» сәүдә йортының коммерция директоры Алия Шокилбаева сөйләде.
Очрашу нәтиҗәләре буенча сәүдә предприятиеләрендә, җәмәгать туклануы объектларында һәм хезмәт күрсәтү өлкәсендә битлекле режим һәм санитар-эпидемиологик кагыйдәләрне үтәмәү очракларын ачыклау, шул исәптән сәүдә өлкәсендәге хезмәткәрләрне вакцинацияләүне оештыру буенча берничә карар кабул ителде.
«Вертолеты России» холдингының (Ростех дәүләт корпорациясенә керә) Казан вертолет заводында «Демография» илкүләм проектының «Өлкән буын» федераль проектын гамәлгә ашыру кысаларында пенсия алды яшендәге хезмәткәрләрне укытуның өченче агымы башланып киткән. Программа Казанның Авиатөзелеш районы Халыкны эш белән тәэмин итү үзәге белән берлектә тормышка ашырыла.
50 һәм аннан да өлкәнрәк яшьтәге КВЗ хезмәткәрләре «Производствода яшьләрнең хезмәт активлыгын һәм профессионализмын тәрбияләү коралы буларак остазлык» программасы буенча укулар узачак. 30 кеше: заводның адаптация һәм остазлык программасында катнашучы осталар, эшчеләр, белгечләр үзләренең квалификацияләрен күтәрәчәк.
Укыту 72 сәгатькә исәпләнгән, аларга лекцияләр, практика, йомгаклау аттестациясе һәм мөстәкыйль эш керә. Дәресләрне Казан милли тикшеренү технология университеты (КФТТУ-КХТИ) укытучылары алып бара.
Курс укучыларга белем бирү программаларын эшләү, техник чаралар һәм күргәзмә әсбаплар куллану күнекмәләрен үзләштерергә, персоналны адаптацияләү программаларын булдырырга, тәрбияләнүчеләрнең психологик үзенчәлекләрен исәпкә алып, остазлык культурасын формалаштырырга һәм үстерергә мөмкинлек бирәчәк. Уку ахырында тыңлаучыларга квалификация күтәрү турында таныклык биреләчәк.
«Демография» илкүләм проекты кысаларында КВЗда ике уку агымы узган инде. Теләүчеләр очу аппаратларының электр җиһазлары монтажнигы, экскаватор машинисты, аккумуляторчы, тракторчы һөнәрен үзләштерә алган. Шулай ук яңа эш башлаучылар өчен компьютер курслары да оештырылган.
Машина төзелеше республиканың алдынгы тармагы булып тора. 3000 артык предприятиене үз эченә ала, аларда 120 меңнән артык кеше эшли. Машина төзелеше предприятиеләре республика өчен генә түгел, бөтен Россия өчен дә әһәмиятле проектларны гамәлгә ашыра. 2020 елда «КАМАЗ» КАМАЗ-Атлант карьера үзбушаткычларының яңа линиясен җитештерә башлады; Даймлер Камаз Рус Евро-6 экологик класслы двигательле яңа магистраль тягачны тәкъдир итте; Форд Соллерс компаниясе АУРУС вәкиллекле класслы автомобильләр җитештерүне башлап җибәрүгә әзерләнүен дәвам итә.
Ел саен Татарстан Республикасында тармак бәйрәме – Машина төзүчеләр көнен бәйрәм итү уңаеннан тантаналы чаралар үткәрелә. Быел бәйрәм 9 октябрьдә Яр Чаллы шәһәрендә ТР Президенты Рөстәм Миңнеханов катнашында узачак.
«Машина төзүчеләр көне»нең бәйрәм программасы, традиция буенча, машина төзелеше комплексы предприятиеләре казанышлары күргәзмәсе белән башланачак.
Урам экспозициясендә Орган залы каршындагы «КАМАЗ», «Форд Соллерс», «ТПК МТЗ-Татарстан», «КОЛУМАН РУС» ҖЧҖ, «ПО ЕлАЗ», «РариТЭК Холдинг» һ.б. җитештерү техникасы тәкъдим ителәчәк.
«Орган залы» холлында машина төзелеше предприятиеләре продукциясенең эчке экспозициясе урнашачак.
«Машина төзүчеләр көне-2020» тантаналы бәйрәм итү Орган залында узачак. Анда республиканың рәсми затлары, министрлыклар һәм ведомстволар, республиканың муниципаль берәмлекләре вәкилләре, Татарстанның машина төзелеше предприятиеләренең хезмәт коллективлары җитәкчеләре һәм вәкилләре, шулай ук тармак ветераннары катнашачак. Тантаналы чаралар кысаларында бәйрәм концерты һәм дәүләт бүләкләре тапшыру тантанасы булачак.
ММЧ аккредитацияләү
Аккредитация өчен мәгълүматларны 2020 елның 8 октябренә, 16:00 сәгатькә кадәр җибәрергә кирәк:
ММЧ атамасы, ФИА, вазыйфа, паспорт һәм элемтә өчен мәгълүмат
Элемтә өчен җаваплы зат: Раилә Хәсәнова – ТР сәнәгать һәм сәүдә министрлыгының матбугат секретаре
Бүген «Ак Барс» суднолар төзү корпорациясе» АҖ составына керүче «А.М.Горький исемендәге Зеленодольск заводы» акционерлык җәмгыятенә яңа генераль директор билгеләү тантанасы булды. Әлеге вазыйфага завод генераль директорының беренче урынбасары Александр Филиппов билгеләнде.
Чарада Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, «Ак Барс холдинг компаниясе» АҖ генераль директоры Иван Егоров, Татарстан Республикасы Зеленодольск муниципаль районы башлыгы Михаил Афанасьев, Татарстан Республикасы Предприятиеләр һәм сәнәгатьчеләр ассоциациясе генераль директоры Алексей Пахомов, «Ак Барс» суднолар төзү корпорациясе» АҖ генераль директоры Ренат Мистахов һәм башкалар катнашты.
Үзенең сәламләү сүзендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Александр Филипповның завод генераль директорының беренче урынбасары буларак эшен югары бәяләде һәм аңа яңа генераль директор вазыйфасында уңышлар теләде.
Александр Николаевич, гади эшчедән предприятие җитәкчесенә кадәр юл үтеп, үзенең хезмәт эшчәнлеген 1997 елда А.М. Горький исемендәге Зеленодольск заводында башлаган. 2019 елның гыйнварында компания генераль директорының беренче урынбасары вазыйфасына билгеләнә.
Александр Николаевич катнашында заводта алдынгы технологияләр кертелеп, производствоны техник яктан яңадан коралландыру һәм модернизацияләү буенча масштаблы программаны гамәлгә ашыру дәвам итә.
Ул персоналның һөнәри дәрәҗәсен күтәрү һәм компанияне инженер-техник хезмәткәрләр һәм җитәкчеләр кебек югары квалификацияле хезмәткәрләр белән тәэмин итү максатында комплекслы программаны тормышка ашыруга аерым игътибар бирә.
Моннан тыш, Александр Николаевич предприятие ветераннарына һәм пенсионерларына, завод халкының күпбалалы гаиләләренә, заводта эшләүче, мөмкинлекләре чикләнгән балалар тәрбияләүче гаиләләргә, сугыш һәм хезмәт ветераннарына, шулай ук балалар йортларына, балалар бакчаларына һәм мәктәпләргә зур ярдәм күрсәтә.
Эшендәге уңышлары өчен ул Татарстан Республикасы Сәнәгать һәм сәүдә министрлыгының Мактау грамотасы, «Михаил Калашников» медале һ.б. белән бүләкләнгән.
Сәнәгать предприятиеләрен һәм оешмаларын «Тюрингиядән машина һәм станок төзелешендә хезмәт җитештерүчәнлеген арттыру технологияләре» темасы буенча онлайн-конференциядә катнашырга чакырабыз, ул 2020 елның 23 октябрендә булачак.
Конференциядә Тюрингия ягыннан Maicom Quarz GmbH, SAMAG Machine Tools GmbH, WSD GmbH, ZM Vakuum GmbH, Schülken Form GmbH, Schubert & Salzer Feinguß Lobenstein GmbH һәм Mela Sensortechnik GmbH кебек алдынгы компанияләр катнашачак.
Онлайн-чаралар программасы техник докладларны үз эченә алачак:
10:15 Basic Engineering – база инжинирингы: Җитештерүнең нәтиҗәлелеген арттыру нигезе, 4 тармак мисалында тәкъдим ителә:
> Микроэлектроника һәм яңа куллану өлкәләре
> Продуктның тормыш циклына идарә итү
> Автоном энергосистемалар
> Фәнни приборлар төзү/Машина төзелеше (Maicom Quarz GmbH компаниясе).
10:25 Метизный заводы «төгәллек» – заводның югары җитештерүчәнлеге өчен салкын һәм кайнар штамповка өчен инструмент әһәмияте (WSD GmbH компаниясе).
10:35 Сезнең производство процесслары нәтиҗәлелеген арттыру өчен вакуумлы һәм компрессорлы җайланмалар (ZM Vakuum GmbH компаниясе).
10:45 SAMAG – Югары җитештерүчәнлекле металл эшкәртү станоклары
> Тирәнтен бораулау һәм станокны яңадан көйләмичә генә фрезерлау
> Аерым механик цехның конкрет ихтыяҗлары өчен сайланган автоматикалы универсаль металл эшкәртү үзәкләре (SAMAG Machine Tools GmbH компаниясе).
10:55 Тыгызлау формаларына техник хезмәт күрсәтү: җитештерүчәнлекне арттыру ачкычы (Schülken Form GmbH компаниясе).
11:05 Төгәл кою барышында цифрлаштыру юлы белән конструктив элементларны оптимальләштерү (Schubert & Salzer Feinguß Lobenstein GmbH компаниясе).
11:15 Эшчәнлекә идарә итүнең автоматлаштырылган системаларында югары төгәллекле үлчәү җайланмалары – хезмәт җитештерүчәнлеген арттыру факторы – сәнәгатьтә һава дымлылыгын чагыштырмача үлчәүнең заманча чаралары мисалында (Mela Sensortechnik GmbH компаниясе).
11:25 Сорау-җавап.
Тулырак мәгълүмат алу өчен түбәндәге белешмәләр буенча мөрәҗәгать итәргә мөмкин:
Германия-Россия уртак инжиниринг үзәге
«Машина төзелеше» (КФТТУ-КАИ)
Ришат Сәлахов
Тел: +7 (843) 2311654
icm@kai.ru
Тюрингия Интернационал элемтә бюросы
Гүзәл Шәйхуллина
Тел: +7 (499) 6740482
Катнашу бушлай. Чарада теркәлү өчен сылтама буенча күчәргә кирәк
Россиядә әйдәп баручы бетон эшләнмәләре җитештерүчеләр тармакның характерлы проблемаларын хәл итү турында фикер алышачак. Федераль компетенцияләр үзәге тарафыннан оештырылган экспертлар конференциясе 2020 елның 16 октябрендә онлайн режимында узачак. Чара кысаларында «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проектында катнашучы компанияләрнең вәкилләре, аерым алганда, «Казметрострой» АҖ, «Гулькевичский» АССК ААҖ һәм «КДСК» ҖЧҖ үз тәҗрибәләре белән уртаклашачак.
Россия Федерациясендә төзелеш оешмалары базары тулай өстәмә кыйммәтнең 5,7%ын тәшкил итә. Тармакта 6 миллионнан артык кеше эшли, ә ел саен әйләнеш триллион сум белән исәпләнә. Хәзерге вакытта Федераль компетенцияләр үзәге Россиянең 23 төбәгеннән 44 профильле компаниягә адреслы ярдәм күрсәтә.
«Хезмәт җитештерүчәнлеге кебек күрсәткечкә карасак, Россия төзелеш компанияләренә әле эшләргә дә эшләргә кирәк. Әйтик, ярты ел эчендә безнең экспертлар илкүләм проектта катнашучы предприятиеләрдә процессларның үтү вакытын шактый арттыра һәм киметә алган. Ә бу – бизнеска үсү һәм хезмәткәрләрнең хезмәт хакын үстерү мөмкинлеген бирә торган өстәмә табыш», – дип билгеләп үтте ФКҮ генераль директоры Николай Соломон.
Әйтик, «Гулькевичский» агросәнәгать төзелеш комбинатында проектны гамәлгә ашыру барышында агымдагы эшкәртү күләме 23% – тәүлегенә 26 башлап 32 кадәр арткан. Шулай итеп, предприятие өстәмә рәвештә елына ике подъездлы ике күпкатлы йорт төзи ала, ә бу 240 млн. сум өстәмә табыш дигән сүз. Төгәлләнмәгән эшчәнлекне киметү күләме 23% кимегән, процесслар вакыты 30% кыскартылган.
Тармак конференциясе барышында төзелештә кулланыла торган бетон эшләнмәләре җитештерүче предприятиеләрнең җитештерү процессларының характерлы проблемаларын функциональ хәл итү алымы тәкъдим ителәчәк. Материал нигезендә – илкүләм проект кысаларында үз җитештерүчәнлеген арттыручы предприятиеләрдә ФКҮ экспертларының эш тәҗрибәсе. Мондый чишелешне куллану җитештерелә торган продукция күләмен арттырырга, шулай ук җитештерүнең барлык этапларында чыгымнарны киметергә мөмкинлек бирәчәк.
Июнь ахырында Россиядә иң эре төзелеш металл конструкцияләре җитештерүчеләр, шул исәптән илкүләм проектта катнашучылар – «Русский профиль» ҖЧҖ, «Себер металл конструкцияләр заводы» ҖЧҖ, «ЦЕССИС НИКИРЭТ» ЯАҖ һәм «Группа Ермак» ҖЧҖ тармакның төп мәсьәләләре турында фикер алышты. Беренче тармак онлайн-конференциясен оештыручылар – Федераль компетенцияләр үзәге һәм КПМГ халыкара аудитор-консалтинг компаниясе.
Исегезгә төшерәбез, илкүләм проект РФ Президенты Владимир Путинның 2018 елдагы указы белән расланган һәм илдә ел саен хезмәт җитештерүчәнлеген арттырып, 2024 елга 5%ка арттыруда шартлар тудырырга тиеш. РФ Хөкүмәте тарафыннан куелган бурычларны тормышка ашыру өчен бизнеска дәүләт ярдәме чаралары комплексы эшләнгән, ул җитештерү процессларын оптимальләштерүдә финанс яктан этәргеч бирүне, халыкны эш белән тәэмин итүгә ярдәм итүне һәм эксперт ярдәмен үз эченә ала.
Программа, чарада катнашу кагыйдәләре һәм теркәлү – Чаралар ИТ-платформалар Җитештерүчәнлек. РФ бүлегендә, әлеге сылтама буенча: https://производительность.рф/ru/national-project/events/beton/
Товарларның күбесе мәҗбүри маркалау аша ялганлап ясаудан саклана. Шуңа күрә Россия Сәнәгать һәм сәүдә министрлыгы, «Оператор ЦРПТ» белән берлектә, системага тоташтыру һәм анда эшләү мәсьәләләре буенча җитештерүчеләр һәм ритейлерлар өчен укыту чаралары үткәрүен дәвам итә.
Октябрь аенда вебинарлар «Тәмәке продукциясе», «Аяк киеме товарлары», «Җиңел сәнәгать товарлары», «Духи һәм хушбуй», «Фототоварлар», «Сөт продукциясе», «Шиннар» һәм «Медицинада куллану өчен дару препаратлары» кебек эксперимент үткәрелгән товар төркемнәренә багышланачак.
Дистанцион укыту чаралары планы белән сылтама буенча танышырга мөмкин.
Исегезгә төшерәбез, маркалана торган товарлар исемлеге РФ Хөкүмәте тарафыннан 2018 елда расланган, ә маркалауның үтәли системасын 2024 елга формалаштырырга планлаштыралар.
2020 елның 1 июленнән тәмәке эшләнмәләре, аяк киеме һәм дарулар өчен мәҗбүри маркалау гамәлгә кертелә.
2020 елның 1 октябрендә фототоварларны, хушбуйларны һәм духиларны идентификацияләү чаралары белән мәҗбүри маркалау турында таләпләр үз көченә керде.
2020 елның ноябреннән маркалау автомобиль шиннарына да кагылачак, ә 2021 ел башыннан яңа таләпләр махсус кием, трикотаж, пальто, плащлар, курткалар, шулай ук урын-җир әйберләре, ашханә, бәдрәф һәм кухня киемнәре сатуга да кагылачак.
2021 елның 1 мартына кадәр Россиядә төргәкләнгән суны, ә 31 декабрьгә кадәр сөт продукциясен маркалау буенча эксперимент үткәрелә. Катнашучылар продукцияне маркалау механизмнарын һәм үз бизнес-процессларын сыный, шулай ук продуктларны маркалау кодларын куллану процессларын көйләгәндә маркалау мәгълүмат системасы операторының ярдәменнән файдалана алачак.
Бүген Татарстан Республикасы Президенты Рөстәм Миңнеханов «Химград» технополисы территориясендә «Кече һәм урта бизнес һәм шәхси эшкуарлык инициативасына ярдәм» илкүләм проекты кысаларында төзелгән яңа производстволарда булды, шулай ук COVID-19 каршы көрәшүгә юнәлдерелгән халык продуктлары белән танышты.
Республика башлыгы яз һәм җәй айларында «Химград» технополисы территориясендә проектларны гамәлгә ашыруга керешкән компанияләр эшчәнлеген билгеләп үтте. Компания вәкилләре Татарстан Президентына үзләре җитештерә торган продукциягә ихтыяҗ, инвестицияләр күләме, эш урыннары саны һәм еллык керемнең фаразланган күләмнәре турында сөйләде. Рөстәм Нургалиевич «Химград» территориясендә урнашкан резидентларны: хатын-кызлар өчен кием җитештерә торган шәхси эшкуар Казаевны, спорт балыкчылыгы һәм ял итү өчен кече суднолар җитештерә торган «КатерСервис» ҖЧҖ, «ВР-Пласт» ҖЧҖ инновацияле полимер компаундларын, «Натуральное здоровье» ҖЧҖнең косметика, азык-төлек өстәмәләре һәм ортопедия продукциясе җитештерүчеләрен һәм Autopart Srl автокомплектлау җайланмалары чыгару буенча Италия компаниясен аерым билгеләп үтте.
Республика башлыгы килгән көнне «Химград» территориясендә COVID-19 таралуын профилактикалау өчен шәхси саклану чаралары күргәзмәсе оештырылган иде. «ФармМедПолис РТ» ҖЧҖ, «Рекон» фәнни-җитештерү фирмасы» ҖЧҖ, шәхси эшкуар Салихова, «Инновацияле технологияләр» ҖЧҖ, «ГК Барс» ҖЧҖ, шәхси эшкуар Саринова, Империал ҖК, «ПК «Махим» ҖЧҖ һәм «Нефтепромхим» ФҖФ» ҖЧҖ җитәкчеләре Рөстәм Миңнехановка үз продукцияләрен тәкъдим итте. Президентка тәкъдим ителгән кече һәм урта «Химград» компанияләре пандемиягә каршы көрәшкә актив кушылган һәм үз-үзеңне изоляцияләү чорында шәхси саклану чаралары җитештерүне оператив рәвештә җайга сала алган: дүрт резидент күп тапкыр кулланыла торган битлек чыгаруны үзләштергән, алты предприятие дезинфекция эретмәләре һәм тире антисептиклары җитештерүне берничә тапкырга арттырган, ә бер җитештерүче бер кулланыла торган медицина битлекләре әзерләү буенча яңа линия эшләтеп җибәргән. Шунысын да билгеләп үтәргә кирәк, агымдагы елның апрель-сентябрь айларында «Химград» резидентлары шулай ук республика медицина учреждениеләренә, балалар бакчаларына, волонтерларга һәм мохтаҗ гаиләләргә дә түләүсез ярдәм күрсәткән.
Татарстан Президенты визиты кысаларында, «Химград» технополисы, Казан технология һәм дизайн көллияте һәм хатын-кызларга өске кием тегү белән шөгыльләнүче шәхси эшкуар Н.В.Казаев арасында хезмәттәшлек турында өч яклы килешү имзаланды. Аның төп максаты – индустриаль парк территориясендә тегү производстволарын үстерүгә ярдәм итү һәм квалификацияле кадрлар кытлыгын бетерү, шул исәптән өлкән яшьтәге затларны һөнәри яктан яңадан әзерләү һәм көллиятне тәмамлаучыларны эшкә урнаштыру. «Химград» технополисы шулай ук KWS-engineering Швейцария холдингы составына керүче Autopart Srl Италия компаниясе белән дә хезмәттәшлек турында килешү төзеде. Индустриаль парк территориясендә AURUS җиңел автомобильләр өчен комплектлау җайланмалары җитештерүен локальләштерү яңа автомобиль сәнәгате технологияләрен һәм Россия базары өчен проектлар эшләү мөмкинлеген бирәчәк. Проект НАМИ һәм AURUS компанияләре белән бергә тормышка ашырылачак.
Татарстан Республикасы Президенты Рөстәм Миңнеханов «Химград» технополисы резидентларының яңа коронавирус инфекциясе таралуга каршы көрәшкә генә түгел, сәнәгатьнең күп кенә тармакларын һәм тулаем төбәкне үстерүгә дә керткән өлешен югары бәяләде.
Быел Татарстанда, заманча чынбарлык шартларына карамастан, #ВместеЯрче-2020 Бөтенроссия энергияне сак тоту һәм экология фестиваленә ярдәм йөзеннән социаль кампания уза, ә атап әйткәндә:
– Татарстанның энергетика компанияләре тарафыннан балалар бакчаларында тәрбияләнүчеләр, мәктәп укучылары өчен Татарстанның энергиясен сак тоту дәресләре уздырыла – компания филиаллары хезмәткәрләре балалары бакчаларына, мәктәпләргә чыгып, интерактив формада балаларга энергетика нәтиҗәлелеге буенча фикерләү образын сеңдерә;
– Казанның Энергетика университеты тарафыннан Казан шәһәрендәге мәктәп укучылары өчен энергияне сак тоту дәресләре, Казан шәһәре һәм Татарстанның башка төбәкләре укучылары өчен Энергияне сак тоту өлкәсендә компетенцияләр һәм технологияләр үзәгенә экскурсияләр үткәрелә. 2020 елның 3 октябрендә онлайн-форматта Ачык ишекләр көнен үткәрү планлаштырыла;
Шунысын да алдан ук хәбәр итәбез: 2020 елның 15 октябрендә укучыларның #ВместеЯрче иҗади, проект һәм тикшеренү эшләренең төбәк этабына гаризалар кабул итү тәмамлана, ул быел үзенең 5 еллыгын бәйрәм итә! Бу юлы конкурс илебезнең миллионлаган кешеләрнең тормышын яхшы якка үзгәрткән ГОЭЛРО планының 100 еллык юбилеена багышлана.
Гаризаны мәктәпкәчә, гомуми, өстәмә һәм урта һөнәри белем бирү оешмаларында укучы 6-18 яшьлек балалар һәм яшьләр бирә ала.
Җиңүчеләрне кыйммәтле бүләкләр көтә, ә өлкән сыйныф укучылары шулай ук чараны оештыручылардан һәм партнерлардан: «МЭИ» илкүләм тикшеренү университеты һәм Россиянең әйдәп баручы энергетика компанияләреннән Мәскәүгә чакыру алачак. Конкурс нәтиҗәләре Энергетиклар көнендә – 2020 елның 22 декабренә ясалачак.
Тулырак мәгълүматны Фестиваль сайтында алырга мөмкин: https://вместеярче.рф/.
Бүген Татарстан Республикасы Президенты Рөстәм Миңнеханов «Яшь профессионаллар» (WorldSkills Russia) VIII Илкүләм чемпионаты – 2020 финалында җиңүчеләр һәм призерлар белән очрашты. Очрашу Казан Кремлендә узды.
Рөстәм Миңнеханов WorldSkills Russia–2020 илкүләм чемпионаты финалында җиңүчеләрне һәм призерларны ышанычлы җиңүләре белән котлады.
Исегезгә төшерәбез, быел ярышлар дистанцияле-турыдан-туры яңа форматта оештырылды. Мондый алым WorldSkills дөнья практикасында беренче тапкыр Россия инициативасы буенча кертегән. Бу хәл чемпионатны безнең илдә генә түгел, дөньяда да иң масштаблысы итәргә мөмкинлек биргән.
Чемпионатның төп нәтиҗәләре турында видеоролик күрсәтелде – анда Россиянең 80 төбәгеннән 3 меңгә якын кеше катнашкан.
Татарстан Республикасы WorldSkills-2020 илкүләм чемпионаты финалы йомгаклары буенча төбәкләр арасында 1 урынны алды.
Рөстәм Миңнеханов билгеләп үткәнчә, бу җиңү – күп көч таләп ителә торган эш һәм күпсанлы күнегүләр нәтиҗәсе. Ул экспертларга, тренерларга һәм педагогларга, шулай ук белем бирү йортлары җитәкчеләренә хезмәтләре өчен аерым рәхмәт сүзләрен җиткерде.
Татарстан Президенты шулай ук барысын да Россиянең һөнәри-техник белем бирү системасын оештыруга 80 ел тулуы белән дә котлады.
Рөстәм Миңнеханов билгеләп үткәнчә, WorldSkills хәрәкәте, дөнья чемпионатына әзерлек һәм аны уздыру һөнәри белем бирү системасын үстерүгә һәм кадрлар потенциалын ныгытуга куәтле этәргеч биргән.
Бүген Татарстанда яңа җиһазлар белән җиһазландырылган 41 ресурс үзәге булдырылган, шул исәптән WorldSkills мирасы кысаларында да. Ресурс үзәкләре эшче кадрларны гына түгел, ә һөнәри белем бирүнең үсеш нокталарына да әверелгән. Рөстәм Миңнеханов сүзләренчә, яңа компетенцияләр яшьләргә хәзерге хезмәт базарында конкурентлыкка сәләтле һәм кирәкле булу мөмкинлеген бирә.
Бүләкләр тапшырылды. Шулай итеп, Будапешт шәһәрендә (Венгрия) EuroSkills-2018 һөнәри осталык Европа чемпионаты нәтиҗәләре буенча җиңүчеләргә һәм экспертларга Россия Федерациясе Президентының Мактау грамоталары һәм Россия Федерациясе Президентының Рәхмәт хатлары тапшырылды. WorldSkills хәрәкәте экспертлары, оешмалар хезмәткәрләре «Яшь профессионаллар» (WorldSkills Russia) чемпионат хәрәкәтен үстерү буенча күпьеллык нәтиҗәле хезмәт өчен Татарстан Республикасы Президенты Рәхмәтләрен алды.
«Флористика» компетенциясендә илкүләм чемпионатта җиңүчеләр тарафыннан бүген бүләкләнүчеләрнең барысына да букетлар ясалды.
Чара ахырында уртак фотога төшү булды.
ТР Президенты матбугат хезмәте