ЯҢАЛЫКЛАР

Бүген Татарстан Республикасы Президенты Рөстәм Миңнеханов «Казан вертолет заводы» АҖнең җитештерү мәйданчыкларында булды.

Предприятиеләрдә хезмәт җитештерүчәнлеген арттыру Россиядә иң актуаль үсеш юнәлешләренең берсе булып тора. Татарстан Республикасында бу юнәлешне «Хезмәт җитештерүчәнлеге» илкүләм проекты кысаларында 2017 елда «Татарстан Республикасы Министрлар Кабинеты каршындагы Татарстан Республикасы энергия саклау технологияләре үзәге» ДАУ базасында оештырылган Хезмәт җитештерүчәнлеге өлкәсендә төбәк компетенцияләр үзәге уңышлы гына гамәлгә ашыра.

Бүгенге көндә Үзәк төбәк предприятиеләрен илкүләм проектка җәлеп итү буенча алдынгылар рәтендә. 2021 елның I квартал йомгаклары буенча Татарстан Республикасы ТКҮ Россия Федерациясе Региональ компетенцияләр үзәкләре рейтингында II урынны алып тора, шулай ук 2020 ел йомгаклары буенча «Хезмәт җитештерүчәнлеге» илкүләм проектын гамәлгә ашыру буенча иң актив төбәк дип танылган.

2021 елның июнь ахырына ТР ТКҮ предприятиеләрне җәлеп итү планын 10%ка арттырып үтәгән. Проектта республиканың төрле тармакларындагы 120 предприятие катнаша инде, 2021 ел азагындагы максатчан күрсәткеч, югыйсә, 109 предприятие булырга тиеш.

Татарстан Республикасы ТКҮ проект офисы җитәкчесе Бурдиков Владислав Петрович билгеләп узганча:«Холдингның башка предприятиеләре нәтиҗәләрен үз күзләре белән күреп, холдинг структуралары предприятиеләре һәм оешмалары катнашу өчен гаризалар бирүдә бигрәк тә актив катнаша. Мәсәлән, «Татнефть», «ТаграС-холдинг» транспорт бүлекчәсе, «Агросила» авыл хуҗалыгы холдингы», «Ресурс-Холдинг» ягулык-энергетика ресурслары, «ТЭМПО» сәнәгать концерны, «Ак Барс холдингы» һ.б. структуралардан бик күп вәкилләр килгән. Шуңа бәйле рәвештә, ТР ТКҮ яки «ФКҮ» АКО эксперт ярдәмендә җитештерүчәнлекне арттыру мисалын күрмәгән, ләкин үзенең үсеш потенциалын бәяләргә һәм проектта катнашучы булырга теләгән предприятиеләргә без ел саен төрле мәйданчыкларда оештыра торган семинарларга, экскурсияләргә һәм түгәрәк өстәлләргә йөрергә киңәш итәм. Без барлык предприятиеләр-потенциаль катнашучыларга, күбрәк колач алу өчен эшкә Министрлыкларны һәм районнарның башкарма комитетларын җәлеп итеп, чакырулар җибәрергә тырышабыз, һәм бу чаралар турында мәгълүмат ресурсларында хәбәр итәбез».

Предприятиеләрне проектка җәлеп итү тулы куәтенә бара. Төбәк ирешелгән нәтиҗәләргә генә тукталып калмый – 2024 ел ахырына кадәр 249 предприятиегә җитештерүчәнлекне арттыру буенча ярдәм итү планлаштырыла.

«Хезмәт җитештерүчәнлеге» илкүләм проекты, ТР ТКҮ эшчәнлеге һәм үткәрелә торган чаралар турында тулырак мәгълүматны түбәндәге ресурсларда табарга була:

Илкүләм проект сайты: производительность.рф

ТР ТКҮ сайты: ppt.tatarstan.ru

Инстаграмда ТР ТКҮ: rck_tatarstan

Июнь башында предприятие Мари Республикасыннан «Хезмәт җитештерүчәнлеге» илкүләм проектына кергән партнерлардан уңай бәя алган һәм 23 июньдә Казанның 2 нче икмәк заводында турыдан-туры сайлап алу туры узган. Турыдан-туры сайлап алуда Татарстан Республикасының Төбәк компетенцияләр үзәге экспертлары, предприятиенең коммерция директоры, баш технолог, баш инженер һәм баш хисапчы катнашкан.

Компания, хаклы рәвештә, икмәк-күмәч, катлы камыр ризыклары һәм кондитер әйберләре җитештерү буенча илебез индустриясендә алдынгы позицияләрнең берсен били. Һәм бу очраклы хәл түгел. Предприятие җитәкчелеге һәм хезмәткәрләре фикердәшләр коллективы булып тора, алар өчен иң мөһиме – сатып алучы турында даими кайгыртып тору. Бу, барыннан элек, җитештерелә торган продукциянең сыйфатын саклап калу, бары тик югары сортлы, экологик яктан чиста чималдан гына файдалануда чагыла. Оригиналь рецептуралар, продукция ассортиментын киңәйтү, төргәкнең эксклюзив сәнгать бизәлеше өстендә дә даими эш алып барыла.

Предприятие буенча экскурсия үткәрелгән, чара барышында ТКҮ экспертлары киләчәктә башкарылачак эшнең юнәлешен бәяләгән. Проектны уңышлы тормышка ашыруны тәэмин итәчәк үсеш мөмкинлекләре билгеләнгән. Иң мөһиме, әлеге предприятие хезмәткәрләре проблемаларны таный, яңа инструментларга өйрәнергә тели һәм үз хезмәткәрләрендә сакчыл җитештерү культурасын үстерергә тели. 

«Чек-лист тутыру нәтиҗәләре буенча предприятиенең «Хезмәт җитештерүчәнлеге» илкүләм проектында катнашу өчен тулысынча туры килүе һәм киләсе дулкынга кертелүе хакында карар кабул ителде. Хәзерге вакытта завод җитәкчелеге алдында проектның алдагы дулкынында предприятиедә стажировка узу өчен хезмәткәр билгеләү бурычы тора», – дип нәтиҗә ясады ТКҮ проект җитәкчесе Сергей Пришва.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе составында «Иннопром-2021» халыкара сәнәгать күргәзмәсенең төп стратегик сессиясендә катнашты.

Сессия Россия Федерациясе Хөкүмәте башлыгы Михаил Мишустин рәислегендә узды.

ИННОПРОМ-2021 күргәзмәсендәге стратегик сессиянең төп темасы – «Сыгылмалы җитештерү. Мөмкин кадәр күбрәк яраклаштыру» – әлеге тезиска тулысынча туры килә. Фикер алышу барышында катнашучылар эшчәнлекне төрле бурычларга мөмкин булганча күбрәк яраклаштыруның нәтиҗәле инструментлары турында сөйләштеләр.

Эш программасы түбәндәге тематик треклардан тора: «Цифрлы җитештерү», «ПРОФИ. Сәнәгать өчен белем бирү чишелешләре», «Сәнәгать өчен инновацияләр», «Сәнәгый робот техникасы», «Сәнәгать өчен энергетика», «Финанс-сәнәгать форумы», «Шәһәрләр өчен технологияләр», «Яңа мобильлек», «Сәнәгатьтә яңа материаллар» һәм башкалар.

Эш программасында дөньяның 20 иленнән 500дән артык спикер һәм эксперт, эре компанияләр җитәкчеләре катнаша, 13 меңнән артык кеше фикер алыша.

Күргәзмә металл эшкәртү, индустриаль автоматлаштыру, машина төзелеше һәм компонентлар җитештерү, энергетика өчен технологияләр, аддитив технологияләр юнәлешләрен үз эченә ала.

Италия күргәзмәнең партне иле буларак катнаша. Икеяклы хезмәттәшлек һәм Россия белән Италиянең дәүләт хакимияте органнары һәм бизнес вәкилләре арасында тәҗрибә уртаклашу булачак. Программа кысаларында: Россия-Италия бизнес-форумы, Италия мәдәнияте фестивале һәм башкалар.

Чараны 1,5 меңнән артык Россия һәм чит ил журналистлары яктырта.

Рөстәм Миңнеханов ИННОПРОМ-2021 халыкара сәнәгать күргәзмәсе киңлекләрендә Беларусь Республикасы Сәнәгать министры белән очрашты.

Татарстан Республикасы Президенты Рөстәм Миңнеханов Пермь крае губернаторы Дмитрий Махонин белән очрашты. Очрашуда шулай ук Татарстан Республикасы Премьер-министры урынбасары–Татарстан Республикасы сәнәгать һәм сәүдә министры Алберт Кәримов та катнашты.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе составында эш визиты белән Свердловск өлкәсендә. Сәфәрнең максаты – «Иннопром-2021» халыкара сәнәгать күргәзмәсендә катнашу, ул бүген «Екатеринбург-Экспо» күргәзмәләр комплексы мәйданчыгында старт ала.

ИННОПРОМ сәнәгать күргәзмәсе – иң зур халыкара сәүдә мәйданчыкларының берсе һәм Россия сәнәгать продукциясе экспортының төп инструментларының берсе. Быел күргәзмә 11 нче тапкыр үткәрелә һәм 8 нче июльгә кадәр дәвам итәчәк. 2021 елда күргәзмәнең төп темасы «Сыгылмалы җитештерү».

«ИННОПРОМ» халыкара сәнәгать күргәзмәсендә Татарстан Республикасы рәсми затлар һәм бизнес вәкилләре катнашында бердәм стенд, зур делегация белән катнашачак. Күргәзмә чаралары барышында очрашулар һәм берничә документка кул кую планлаштырыла.

Күргәзмәнең төп бүлекләре:

• Металл эшкәртү;

• Энергетика технологияләре;

• Аддитив технологияләр;

• Индустриаль автоматлаштыру һәм IoT;

• Машина төзелеше һәм машина төзелеше тармагы өчен компонентлар җитештерү;

• Химия сәнәгате.

«Иннопром-2021» эшлекле программасы кысаларында 150дән артык чара планлаштырылган, алар хезмәт җитештерүчәнлегенә, цифрлы җитештерүгә, сәнәгать өчен белем бирү чишелешләренә, шәһәрләр өчен технологияләр һәм башка темаларга багышланачак. Күргәзмәнең эш программасының төп тематик треклары: «Цифрлы җитештерү», «Сәнәгать өчен инновацияләр», «Финанс-сәнәгать форумы», «Шәһәрләр өчен технологияләр», «ПРОФИ: сәнәгать өчен белем бирү чишелешләре». Бизнес өчен мондый төр күргәзмә – сәнәгать сәясәтендә нинди яңалыклар планлаштырылганын белү, шулай ук алар хакында, шул исәптән башка илләрдән дә, индустрия капитаннары белән фикер алышу мөмкинлеге.

«Сыгылмалы җитештерү: мөмкин булганча күбрәк яраклаштыру» төп стратегик сессиясендә РФ хөкүмәте җитәкчеләре һәм дөньяның эре компанияләренең беренче затлары катнашачак. Аның төп темасы – сыгылмалы җитештерү стратегияләрен куллану һәм билгесезлек шартларында эшчәнлекне мөмкин булганча күбрәк яраклаштыруның нәтиҗәле инструментлары. Сессия кысаларында Россия Федерациясенең «Индустрия» илкүләм сәнәгать премиясен тапшыру тантанасы булачак.

«Хезмәт җитештерүчәнлеге» программасына керешкән предприятиеләр саны арта бара. «Производительность. РФ» сайтында ай саен программага кушылырга һәм эшчәнлегендә нәтиҗәлелекне арттырырга теләгән предприятиеләрдән яңа гаризалар барлыкка килә. Шундый предприятиеләрнең берсе – «СОФТ ПАЙП» ҖЧҖ.

2021 елның март ахырында предприятие үзенең гаризасын урнаштырган, бәяләүнең барлык этапларын узган, проектны гамәлгә ашыруга әзер булуын раслаган һәм июль аеннан башлап предприятиедә проектның эшче төркемендә катнашучыларны укыту башлана.

«СОФТ ПАЙП» ҖЧҖ Яр Чаллы шәһәрендә урнашкан, продукция эшкәртү һәм «металл булмаган башка минераль продукция» җитештерү белән шөгыльләнүче предприятиеләргә карый. Предприятиедә җитештерелә торган төп продукция – җитештерүченең минераль мамыгыннан җылылыкны изоляцияләү цилиндрлары, шулай ук җылылык изоляцияли торган өстәмәләр кушылган түбә һәм түшәм япмалары.

Предприятиенең программага керешүе «компания эчендәге процессларга яңача карарга һәм предприятие эшчәнлегенең төп юнәлешләре өчен җитештерүчәнлек дәрәҗәсен күтәрү өчен мөмкинлекләрен билгеләргә тырышу» мөмкинлегенә бәйле. Предприятие, процессларның нәтиҗәлелеген арттыру белән беррәттән, Сәнәгатьне үстерү фондыннан ташламалы кредит алуга; кече һәм урта эшкуарлыкны ташламалы финанслауга, «Җитештерүчәнлек алдынгылары» программасы буенча кадрларның квалификациясен күтәрүгә һәм яңадан укытуга юнәлеш тота.

2021 елның июлендә Россиянең Сәнәгать һәм сәүдә министрлыгының «Инфраструктураны үстерү алдынгылары» методик программасы старт ала. Программаның максаты – индустриаль парклар һәм сәнәгать технопарклары белән идарә итү, аларны үстерү мәсьәләләре буенча төбәкләрдә профессиональ идарә итү командаларын формалаштыру. 2020 ел нәтиҗәләре буенча Россия Федерациясендә 331 индустриаль парк һәм сәнәгать технопаркы эшли һәм төзелә, аларда эшчәнлек биналарының гомуми мәйданы 13 млн.квадрат метрдан артып китә. Болар белән берлектә, Россиянең Сәнәгать һәм сәүдә министрлыгы җитештерү мәйданчыкларын урнаштыруда төбәкләрдә пропорция сакланмау күренешләренең югары дәрәҗәдә булуын билгеләп үтә. 

Программаның төп модуле Россия Сәнәгать һәм сәүдә министрлыгы заказы буенча Россия Кластерлар һәм технопарклар ассоциациясе, Россия Индустриаль парклар ассоциациясе катнашында эшләнгән. 

Программада катнашучыларга иң нәтиҗәле сәнәгать мәйданчыклары җитәкчеләре белән лекция һәм практик дәресләр, уңышлы эшләүче паркларның эшчәнлеге белән танышу өчен төбәкләргә күчмә сессияләр, шулай ук сәнәгать инфраструктурасын үстерү чишелешләрен эшләүдә өзлексез эксперт ярдәме тәкъдим ителәчәк. Программа нәтиҗәләре буенча, шулай ук, үз төбәге территориясендә индустриаль парк, сәнәгать технопаркы оештыру буенча да, һәр идарә командасының шәхси проектларын тикшерү һәм яклау күздә тотыла.

Методик программаның тулырак тасвирламасын сылтама буенча карарга мөмкин, «Инфраструктураны үстерү алдынгылары» баннерына басыгыз.

Бүген ТР Сәнәгать һәм сәүдә министрлыгының дәүләт гражданлык хезмәткәрләренең хезмәт тәртибенә таләпләрне үтәү һәм мәнфәгатьләр конфликтын җайга салу буенча Комиссия утырышы булды.