ЯҢАЛЫКЛАР

Бүген Татарстан Республикасы Президенты Рөстәм Миңнеханов Мәскәүдә эш сәфәрендә. Төп максаты – «Чикләрсез композитлар» IX форумы чараларында катнашу. Форум ике форматта уза: «Сколково» технопаркында, онлайн режимда, Иннопром Online мәйданчыгында.

Форум Россия Федерациясе Сәнәгать һәм сәүдә министрлыгы ярдәмендә «Иннопром» халыкара сәнәгать күргәзмәсе белән партнерлыкта уза. Росатом форумның эшлекле программасының партнеры, генераль спонсоры – «Чикләрсез композитлар» төбәкара кластеры.

Программада: «2035 елга кадәр композитлар тармагын үстерү стратегиясе»; «Җиңел канатлар: ничек дәүләт Россия композитлар базары күтәрелешенә ярдәм итә ала»; «Композитлар - материаллар, эшләнмәләр, гамәлгә кертү, нәтиҗәлелеге»; «Композитлар – заманча суднолар төзү тренды»; «Төзелеш индустриясендә композитлар куллануның яңа мөмкинлекләре».

Рөстәм Миңнеханов «2035 елга кадәр композитлар тармагын үстерү стратегиясе» пленар утырышында катнашты. Утырышның модераторы – Росатом Юматексның генераль директоры Александр Тюнин.

Форум сайтында пленар утырышның онлайн трансляциясе оештырылган иде.

«Росатом» дәүләт корпорациясе генераль директоры Алексей Лихачев чыгышында композитларның Татарстан Республикасы белән глобаль хезмәттәшлек темасы булуын ассызыклады. «Росатом тармак эшли башлаганнан бирле тотрыклы үсеш һәм югары тормыш стандартлары максатларын билгели, - диде ул. - Композит материалларны үстерү – икътисадый көн тәртибен үстерүгә җитди өлеш. Бу инде климатик көн тәртибенә һәм БМОның башка 17 Глобаль максатына уңай йогынты ясый. Киләсе елда Х форум инде киңрәк форматта узарга мөмкин».

Утырыш барышында модератор Александр Тюнин искә төшергәнчә, күп кенә сәнәгать предприятиеләре, махсус икътисадый зоналар, югары уку йортлары һәм технопарклар композит индустриясен үстерү кысаларында федерациянең өч субъекты территориясендә урнашкан, бу: Татарстан Республикасы, Мәскәү һәм Саратов өлкәләре. Узган ел кластер составына Ульяновск һәм Тула өлкәләре дә кергән.

Ил территориясендә композитларны җитештерүне һәм куллануны үстерү буенча иң танылганы – Татарстан Республикасы, дип ассызыклады модератор.

Рөстәм Миңнеханов төбәк композитлар юнәлешен ни өчен актив үстерә башлады һәм уңышның нигезе нәрсәдә, башка төбәкләр нинди уникаль алымнар ала, дигән сорауга җавап бирде.

Татарстан Президенты ассызыклаганча, композитлар җитештерү өлешендә барлык проектлар Росатом ярдәмендә гамәлгә ашырыла. Аның сүзләренә караганда, Татарстан һәрвакыт җитештерүне үстерү өчен яңа урыннар эзли.

«Безнең республика – нефть, нефть химиясе республикасы  һәм, әлбәттә, төбәкнең үсеше нефть, газ, химия комплексын үстерү программасы кысаларында бара. Бүген инде бишенче программа тормышка ашырыла. Шул ук вакытта төп бурыч – углеводород чималын эшкәртү тирәнлеген арттыру, яңа материаллар алу. Бу функциональ материаллар – яңа һәм композит материаллар, супер-конструкцион пластмассалар, функциональ өстәмәләр җитештерү», - диде ул.

Рөстәм Миңнеханов «Татнефть» компаниясе гамәлгә ашыра торган ТАНЕКО комплексын мисал итеп китерде: композит материаллар монда мөһим конструкцияләрдә, эстакадаларда кулланылган, алар буенча барлык кабель линияләре салынган.

Рөстәм Миңнеханов шулай ук искә төшергәнчә, композит элементлар Казан вертолетлар заводы җитештерүендә кулланыла. Шулай ук республикада «Заряд» компаниясенең композитлардан торган хоккей кәшәкәләре җитештерелә.

«Болар барысы да – бер көнлек кенә эш түгел», - дип ассызыклады Рөстәм Миңнеханов. Ул искәрткәнчә, Татарстанда композитлар нигезендә берничә производство тәкъдим ителгән - «Татнефть – Алабуга Стекловолокно», «Татнефть – Пресскомпозит», «КАМАТЕК», «Алабуга-Волокно».

Ул шулай ук якын көннәрдә «Алабуга» МИЗ территориясендә ПАН – прекурсор җитештерү буенча яңа завод ачылачагын хәбәр итте. Росатом белән хезмәттәшлек итү турында.

Рөстәм Миңнеханов Алексей Лихачевка бу проектка ярдәм күрсәткәне өчен рәхмәт белдерде.

«Үсеш алган бар нәрсә дә фәннән башка була алмый. Фән катнашыннан башка алга китеш булмый. Без моңа зур игътибар бирәбез, - дип ассызыклады ул. - Кластерның җиде тармак университетыннан дүртесе – безнеке».

Рөстәм Миңнеханов шулай ук искәрткәнчә, Татарстанда ике махсус икътисадый зона («Алабуга» МИЗ һәм «Иннополис» МИЗ) эшли, һәм икесендә дә Росатом бик җитди тәкъдим ителгән.

Моннан тыш, республикада технопарклар һәм сәнәгать мәйданчыклары бар – барлыгы 100 дән артык. «Без барлык проектларны да алып барабыз һәм хуплыйбыз, - диде ул. - Росатом һәм Россия Сәнәгать һәм сәүдә министрлыгы ярдәме белән. Шуңа күрә безнең Россия партнерлары белән хезмәттәшлек үсә. Без монда зур киләчәк күрәбез».

Рөстәм Миңнеханов шулай ук республика киләчәктә дә композитларны алга этәрүгә бәйле барлык проектларга ярдәм итәчәк һәм аларны үстерүгә җәлеп итәчәк, дип ышандырды.

­Та­тар­стан Рес­пуб­ли­ка­сы Ин­дус­т­рия-сә­ү­дә ми­нис­тр­лы­гы хез­мәт­кәр­лә­ре 17 но­ябрь­дә рес­пуб­ли­ка­ның юга­ры һәм ур­та-мах­сус уку йорт­ла­рын­да уз­ган «Яшь һө­нәр­мән­нәр» (WorldSkillsRussia) тө­бәк чем­пи­о­на­ты ачы­лу тан­та­на­сын­да кат­наш­ты.

Та­тар­стан Рес­пуб­ли­ка­сы Ин­дус­т­рия-сә­ү­дә ми­нис­тр­лы­гы­на бар­лы­гы 60тан ар­тык ком­пе­тен­ция бер­ке­тел­гән.  Мо­ңа ла­бо­ра­тор хи­мик ана­лиз, про­то­тип­лар ясау, по­ли­ме­ха­ни­ка һәм ав­то­мат­лаш­ты­ру, цифр­лы мо­дель­ер, йөк­ләр­не экс­пе­ди­ци­я­ләү, ин­дус­т­ри­аль ди­зайн, уни­вер­саль кы­ру ста­нок­ла­рын­да эш­ләү, ви­зу­аль мер­чен­дай­зинг, ме­талл ка­лай­лар эш­кәр­тү һәм баш­ка­лар ке­рә.

2014 ел­дан алып Та­тар­стан Рес­пуб­ли­ка­сын­да зур кү­ләм­ле WorldSkills про­ек­ты тор­мыш­ка ашы­ры­ла. Аның мак­са­ты бу­лып эш­че һө­нәр­лә­ре­нең аб­ру­ен кү­тә­рү һәм һө­нә­ри бе­лем би­рү­не үс­те­рү то­ра.

WorldSkills стан­дарт­ла­ры бу­ен­ча эш­че һө­нәр­лә­ре бәй­ге­се шун­дый һө­нәр­ләр­не дөнь­я­да киң та­ра­ту­га юнәл­тел­гән иң зур ча­ра бу­лып то­ра, бу исә бел­геч­ләр­не өй­рә­тү прог­рам­ма­сын яңа сый­фат ки­мә­ле­нә кү­тә­рер­гә мөм­кин­лек би­рә. Бу хә­рә­кәт­нең киң та­ра­луы ар­ка­сын­да эш­че һө­нәр­лә­ре яшь­ләр ара­сын­да по­пу­ляр бу­лып кит­те. Ә укы­ту прог­рам­ма­ла­ры дөнья стан­дарт­ла­ры­на яраш­ты­рып яңа­дан ка­ра­ла, шу­ңа бәй­ле рә­веш­тә юга­ры бел­геч­лек­ле һәм кон­ку­рен­ци­я­гә сә­ләт­ле кадр­лар әзер­ләү мөм­кин­ле­ге ар­та.

Иң ях­шы ме­то­ди­ка һәм прак­ти­ка­лар һө­нә­ри ос­та­лык бәй­ге­лә­рен­дә нә­ти­җә­ле­лек бу­ен­ча сы­на­ла.

­Та­тар­стан Рес­пуб­ли­ка­сы ин­дус­т­рия һәм сә­ү­дә ми­нис­т­ры урын­ба­са­ры Иван Кол­чин Төр­ки­я­нең Һүр­мәк Плас­тик ком­па­ни­я­се вә­кил­лә­ре бе­лән оч­раш­ты.

Оч­ра­шу Та­тар­стан Рес­пуб­ли­ка­сы Ин­дус­т­рия һәм сә­ү­дә ми­нис­тр­лы­гын­да уз­ды, аның ба­ры­шын­да ин­дус­т­рия өл­кә­сен­дә ике­як­лы хез­мәт­тәш­лек мәсь­ә­лә­лә­ре ка­рал­ды.

Һүр­мәк Плас­тик ком­па­ни­я­се 1969 ел­да оеш­ты­рыл­ган, ав­то­мо­биль ин­дус­т­ри­я­сен­дә плас­тик ком­по­нент­лар кою өчен ста­нок­лар, шу­лай ук кап­лар, ха­лык кул­ла­ны­шы то­вар­ла­ры, элек­тро­тех­ни­ка җи­теш­те­рә.

­Рос­сия Ин­дус­т­рия-сә­ү­дә ми­нис­тр­лы­гы За­ман­ча тех­но­ло­ги­я­ләр исем­ле­ген фор­ма­лаш­ты­ру өчен тәкъ­дим­нәр җы­ю­ны игъ­лан ит­те. Исем­лек­кә яраш­лы рә­веш­тә Рос­сия оеш­ма­ла­ры­на, за­ман­ча тех­но­ло­ги­я­ләр бу­ен­ча фән­ни-тик­ше­ре­нү һәм сы­нау-кон­ст­рук­ция эш­лә­рен баш­ка­ру өчен фе­де­раль бюд­жет­тан суб­си­ди­я­ләр алу хо­ку­кы­на кон­курс сай­ла­вы үт­кә­ре­лә­чәк

Рос­сия Фе­де­ра­ци­я­се Хө­кү­мә­те­нең 12.12.2019 № 1649 ка­ра­ры­на яраш­лы рә­веш­тә суб­си­дия ту­ры­дан-ту­ры җи­теш­те­рү­гә һәм кон­ку­рен­ци­я­гә сә­ләт­ле ин­дус­т­рия про­дук­ци­я­лә­рен са­ту­га бәй­ле оеш­ма­лар­ның яңа­рыш­лы эш­чән­ле­ге­нә бу­лы­шу өчен би­ре­лә. Суб­си­ди­я­ләр­нең иң зур кү­лә­мен яраш­лы Тар­мак-ара ко­мис­сия бил­ге­лә­я­чәк.

Тәкъ­дим­нәр Дә­ү­лә­ти ин­дус­т­рия бе­леш­мә­лә­ре сис­те­ма­сын­да 2021 ел­ның 10 де­каб­ре­нә ка­дәр, https://gisp.gov.ru/pp1649tech/ ад­ре­сы бу­ен­ча җы­е­ла.

Татарстан Президенты Рөстәм Миңнеханов «Наше время-Безнең заман» мIX эшче яшьләр иҗаты республика фестиваленең гала - концертында булды. Чара «Пирамида» мәдәни-күңел ачу комплексында узды.

Фестиваль 2013 елдан бирле үткәрелә. Төп максат – республика предприятиеләрендә һәм оешмаларында эшләүче яшьләрнең иҗади потенциалын ачу. Быел фестивальдә республиканың барлык муниципалитетларыннан 180 предприятие, оешма һәм учреждение катнашты.

Рөстәм Миңнеханов фестивальне оештыручыларга, шулай ук предприятие һәм муниципалитет җитәкчеләренә әлеге проектка ярдәм итүләре өчен рәхмәт белдерде. «Без бу эшнең бик уңай нәтиҗәләрен күрәбез. Эшче яшьләр иҗаты фестивале Татарстанның гомумтанылган проекты булды. Мин катнашучыларга активлыгыгыз өчен рәхмәт белдерәсем килә. Сез, яхшы эшләвегез белән генә чикләнмичә, иҗат белән шөгыльләнү мөмкинлеге дә табасыз. Фестивальдә катнашучыларның һәрберсе инде җиңүче дип саныйм. Сезгә киләчәктә дә җитештерүдә һәм иҗади уңышлар телим», - диде ТР Президенты.

Фестивальнең Гран-при ияләре – Менделеевскның «Аммоний» АҖ предприятиесеннән катнашучылар. Данлыклы статуэтканы аларга Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов тапшырды.

Гала-концертта 500 дән артык кеше катнашты. Концертны оештыручылар тарафыннан covid-19 профилактикасының барлык кагыйдәләре үтәлде, аерым алганда, тамашачылар залы 50%ка гына тулган иде.

Бүген Татарстан Республикасы Президенты Рөстәм Миңнеханов Аргентина Республикасының Россиядәге Гадәттән тыш һәм Тулы вәкаләтле Илчесе Эдуардо Антонио Зуайн белән очрашты. Очрашу Казан Кремлендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасының Инвестиция үсеше агентлыгы җитәкчесе Талия Миңнуллина һәм башкалар катнашында узды. 

Әңгәмә барышында яклар Татарстан һәм Аргентина арасында сәүдә-икътисадый хезмәттәшлекне үстерү мәсьәләләре буенча фикер алыштылар. 2020 ел нәтиҗәләре буенча товар әйләнеше $ 500 меңгә җитте.

«Татарстан – Россиянең алдынгы һәм сәнәгать ягыннан алга киткән төбәкләреннән берсе. Без Россия-Аргентина мөнәсәбәтләре кысаларында хезмәттәшлекне үстерү мөмкинлеген югары бәялибез», - дип билгеләп үтте Рөстәм Миңнеханов.

Хезмәттәшлекнең перспектив юнәлешләре арасында: «КАМАЗ» ГАҖ һәм «КВЗ» ГАҖнең Латин Америкасы илләре базарларында булуын киңәйтү, автомобильләр, тракторлар, автобуслар, махсус техника һәм вертолетлар җыю производстволары челтәрен үстерү, энергетика, нефть химиясе һәм агросәнәгать комплексы өлкәсендә хезмәттәшлек итү.

«Бәлки, Россиядә үз проектларын үстерергә теләгән Аргентина инвесторлары да бар. Без республика территориясендә мондый мөмкинлекне шатланып тудырырга әзер. Без сезнең бизнес делегациясен кабул итәргә дә әзер. Шулай ук безгә сезнең илдә нинди товарларны алга этәрә алуын аңларга да кирәк», - дип өстәде Рөстәм Миңнеханов.

Татарстанга визиты кысаларында Эдуардо Антонио Зуайн бердәм презентация үзәге, ИТ-парк, Иннополис, Татарстан Республикасы Фәннәр Академиясе һәм Татарстанның Сәүдә-сәнәгать палатасында булачак.

Бүген Цифрлы үсешкә ярдәм итү ассоциациясе утырышында энергетика өлкәсендә цифрлы трансформация мәсьәләләре турында фикер алыштылар. Утырыш эшендә Татарстан Республикасы Президенты Рөстәм Миңнеханов катнашты. Чара «ИТ-парк» югары технологияләр өлкәсендә Казан технопаркы мәйданчыгында узды.

Рөстәм Миңнеханов Ассоциация утырышлары кысаларында төрле юнәлешләрдә цифрлаштыру буенча кызыклы проектлар каралуын билгеләп үтте.

Татарстан Республикасы Президенты искә төшергәнчә, агымдагы елның сентябрендә республикада Россия Федерациясе Хөкүмәте химаясендә Kazan Digital Week форумы узды. Ул цифрлы трансформациядә катнашучыларның әлеге мәйданчык белән кызыксынуын күрсәтте һәм кунаклар тарафыннан югары бәя алды. Рөстәм Миңнеханов Ассоциациягә форумны оештырган һәм уздырган өчен рәхмәт белдерде.

«Киләсе елны без цифрлаштыру елы дип игълан иттек. Ул безнең алда яңа бурычлар куя. Ассоциация утырышларында безнең республика өчен алга китешле, кардиналь проектлар каралыр дип ышанам», - диде Рөстәм Миңнеханов.

Ул ассызыклаганча, энергетикада цифрлаштыру – Татарстан өчен мөһим тема. «Генерация, тапшыру һәм сату бүленүгә карамастан, алар асылда үзара бәйләнгән. Шуңа күрә бөтен эш бер-берсен кабатламас өчен, тоташ, үтәли булырга тиеш. Энергетика өлкәсендәге карарлар синхронлаштырылырга тиеш», - дип билгеләп үтте Татарстан Президенты.

Цифрлы үсешкә ярдәм итү Ассоциациясе Советы рәисе Рифкать Миңнеханов, үз чиратында, энергетика секторын цифрлаштыру «акыллы һәм куркынычсыз шәһәр» системасын үстерүгә ярдәм итәчәк, дип билгеләп үтте.

Аннары «Татэнерго», «Челтәр компаниясе» һәм «Татэнергосбыт» вәкилләре компанияләр тарафыннан бүгенге көндә гамәлгә ашырыла торган санлы проектлар турында сөйләделәр.

1 декабрьдән башлап импортерлар һәм җитештерүчеләр өчен минераллы суны һәм бөтен сөт продукциясен маркалау кертелә, 2022 елның 20 гыйнварыннан ваклап сату өчен дә кодлар белән эш мәҗбүри булачак. Киләсе ел башында тәмәкене маркалауның өченче дулкыны башланачак.

Әзерләнү өчен, процессларны үзгәртеп корырга, җиһазлар һәм программалар сатып алырга яки яңартырга кирәк булачак. Шул ук вакытта товарларның барлык категорияләрендә дә катгый дедлайннар, ә срокларны үтәмәгән өчен штрафлар яный.

Маркалана торган товарлар әйләнешенең киң даирәсенә товарлар әйләнешен җайга салу өлкәсендәге барлык мөһим үзгәрешләр турында мәгълүмат бирү, шулай ук башкарма хакимиятнең федераль органнарын товарлар әйләнешендә катнашучылар белән кызыксындырган проблемалар һәм мәсьәләләр буенча диалогка җәлеп итү максатында, 2021 елның 24 ноябрендә 10.00 сәгатьтә «Төргәкләнгән суны маркалау» темасына конференция узачак.

Әлеге чарада шулай ук Россия Сәнәгать һәм сәүдә министрлыгы, Россия Авыл хуҗалыгы министрлыгы, Ваклап сату компанияләре ассоциациясе, төргәкләнгән су җитештерүчеләр, системалы интеграторлар, сәүдә челтәрләре һәм типографияләр вәкилләре катнашачак.

Төрелгән суны маркалау мәсьәләсе буенча чараның якынча программасы

Трансляциягә сылтама: https://www.youtube.com/embed/iUIxk5FMFbA

Вебинарда катнашу өчен сылтама буенча теркәлү узарга кирәк.

Ел саен ноябрьнең икенче атнасы – Бөтендөнья сыйфат атнасы, ә ноябрьнең икенче пәнҗешәмбесе – Берләшкән Милләтләр Оешмасы ярдәме белән Европа сыйфат оешмасы тарафыннан билгеләнгән Халыкара сыйфат көне буларак билгеләп үтелә. 

Быел ул 11 ноябрьгә туры килде. Бөтендөнья сыйфат атнасы исә 8 ноябрьдән 12 ноябрьгә кадәр уза. 

Бөтендөнья сыйфат көне Берләшкән Милләтләр Оешмасы тарафыннан танылган һәм дөньяның күпчелек илләрендә билгеләп үтелә. 

Россиядә сыйфат көнен (атнасын) беренче тапкыр 2016 елда «Россия сыйфат системасы» (алга таба – Роскоматство) автоном коммерциясез оешмасы инициативасы белән билгеләп үтәләр. 

Бәйрәмнең социаль әһәмияте һәм аңа багышланган чараларның әһәмияте продукциянең куркынычсызлыгы һәм сыйфаты өлкәсендә халыкның аң-белем дәрәҗәсен күтәрүнең актуальлеге, ә икенче яктан – тотрыклы үсеш һәм социаль җаваплылык принципларының бизнес алып бару стратегиясенә интеграциясе белән билгеләнә.

Татарстан Республикасында Сыйфат көннәре кысаларында Татарстан Республикасы Сәнәгать һәм сәүдә министрлыгы, «Россия сыйфат системасы» АКО белән берлектә, 2021 елның 18 ноябрендә 11:00 сәгатьтә Zoom режимында «Татарстан Республикасы предприятиеләрен үстерү драйверы буларак сыйфат өлкәсендә Россия Федерациясе Хөкүмәте премиясе» дигән бушлай вебинар уздырачак. Россия Федерациясе Хөкүмәтенең сыйфат өлкәсендәге премияләре ел саен конкурс нигезендә продукция һәм хезмәт күрсәтүләр сыйфаты өлкәсендә зур нәтиҗәләргә ирешкән, шулай ук сыйфат менеджментының югары нәтиҗәле методларын керткән өчен оешмаларга тапшырыла.

Предприятиеләрне әлеге вебинарда катнашырга чакырабыз.

Белешмәләр өчен телефон: +7 (843) 210-05-68 Саруханян Рафик Андраникович.

Казанда Идел буе федераль округының кече, урта һәм эре бизнес вәкилләренә халыкара кооперация һәм экспорт өлкәсендә «Ел экспортеры» бөтенроссия премиясен тапшыру тантанасы узды. 

 Тантана Korston Tower отеленең конференцияләр залында узды, бүләкләү тантанасының онлайн-трансляциясе ТАСС.Конференции сайтында оештырылды.

 Идел буе компанияләре һәм сәнәгать, агросәнәгать комплексы, хезмәт күрсәтү һәм югары технологияләр өлкәсендә эшләүче шәхси эшкуарлар быел макрорегионның иң яхшы экспортерлары исеменә 12 номинациядә көч сынашкан булган, шул исәптән «Яңа география» һәм «Ел ачышы» буенча да. 

 Чара кысаларында «Югары технологияле продукция экспорты» темасына блиц-шоу уздырылды: спикерлар перспективалы экспорт базарлары, тышкы базарларда Россиянең югары технологияле компанияләре тарыган авырлыклар һәм аларны җиңеп чыгу юллары турында фикер алышты. 

 «Ел экспортеры» конкурсында катнашучылар саны елдан-ел арта бара. 2018 елда конкурста 50 якын экспортер катнашса, 2020 елда алар 1700 артык булган, ә 2021 елда – 1 800 артык. Конкурсның төп максаты – өлге булырлык эшкуарларны күрсәтү һәм бүләкләү.