ЯҢАЛЫКЛАР

26 июльдә Татарстан Республикасы Президенты Р. Миңнехановның Чаллы шәһәренә визиты кысаларында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов шәһәрдә төзелә торган "Үсеш" сәнәгать паркында булды.
Резидент компанияләр җиһаз, төзелеш материаллары, электр техникасы җайланмалары, йөк машиналары өчен җиһазлар һ.б эшләп чыгару буенча проектларын тәкъдим иттеләр.
Резидентлар 600 млн. сумлык инвестиция кертәчәк. Сәнәгать паркының беренче нигез ташлары агымдагы елның августында салыныр дип көтелә.

26 июльдә Сочи шәһәрендә узачак Халыкара инвестиция форумында катнашу өчен Татарстан Республикасы делегациясе визитын әзерләү буенча оештыру комитеты утырышы булды, аны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов үткәрде.
Киңәшмә эшендә оештыру комитеты вәкилләре, тармак министрлыклары, ведомстволары, югары уку йортлары җитәкчеләре катнашты.

25 июльдә Казанда Мехчылар мәдәният сараенда Фән һәм техника йорты ачылды, бу – балалар һәм яшүсмерләр өчен төрле физик күренешләр, техниканың эшләү принциплары белән интерактив рәвештә танышу мөмкинлеге бирә торган беренче үзәк. Музей киң аудиториягә исәпләнгән.
Музейга 30 экспонат куелган. Килүчеләр игътибарына интерактив экспонатлар белән танышу тәкъдим ителә, алар шулай ук төрле кызыклы экспериментларда да катнаша ала. Музей экспозициясе даими тулыландырылып торачак.

22 июльдә Бөгелмә электр насослары заводында нефть чыгару сәнәгате өчен электр кабельләре эшләп чыгарачак яңа производство сафка басты. Тантанада Татарстан Республикасы Президенты Р. Миңнеханов, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов, һ.б катнашты.

22 июльдә Татарстан Республикасы Президенты Р. Миңнеханов җитәкчелегендә Татарстан Республикасының нефть саммиты үткәрелде.

Форумда Дәүләт Советы Рәисе Ф. Мөхәммәтшин, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов, муниципаль берәмлекләр, нефть компанияләре башлыклар, Россия Федерациясе Дәүләт Думасы депутатлары катнашты.

20 июльдә Татарстан Республикасы Сәнәгать һәм сәүдә министрлыгы көне уздырылды. Ел саен үткәрелә торган корпоратив бәйрәм быел Казанда үткән Бөтендөнья универсиадасына багышланды.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов коллектив алдында ясаган чыгышында Бөтендөнья студентлар уеннарының уңышы республиканың югары потенциалын, республика халкының бердәм һәм спорт уеннарының уңышлы узуы өчен җаваплылык тоюын күрсәтте, дип билгеләп үтте. Хезмәт күрсәтү өлкәсендә эшләүче хезмәт коллективлары, министрлык хезмәткәрләре Универсиаданы әзерләүгә һәм үткәрүгә үзләреннән зур өлеш кертте.

17 июльдә Татарстан Республикасы Премьер-министры И. Халиковның Россия Федерациясе энергетика министры урынбасары А. Черезов белән очрашуында Татарстан Республикасы сәнәгать һәм сәүдә министры урынбасары Х. Баһманов, Краснодар крае Хөкүмәте һәм Россия челтәр компанияләре вәкилләре катнашты.
Очрашуда катнашучылар Татарстанның Универсиаданы энергия белән тәэмин итү тәҗрибәсе хакында фикер алыштылар. Алар фикеренчә, тупланган тәҗрибәне 2014 елгы Олимпия уеннарында куллану файдалы булачак.

16 июльдә Татарстан Республикасы Сәнәгать һәм сәүдә министрлыгында Татарстан Республикасында нефть саммиты һәм Татарстанның нефть, газ химиясе форумын үткәрү мәсьәләләренә багышланган киңәшмә булды. Аны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов үткәрде.

15 июльдә Татарстан Республикасы делегациясенең “Сочи-2013” Халыкара инвестиция форумында катнашу өчен Краснодар краена визитын оештыру мәсьәләләренә багышланган киңәшмә булды, аны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов үткәрде.
Киңәшмәдә Татарстан Республикасы тармак министрлыклары һәм ведомстволары, югары уку йортлары вәкилләре һ.б катнашты.
Киңәшмә барышында XII Халыкара инвестиция форумында Татарстан Республикасы күргәзмә экспозициясен оештыру буенча министрлыкларның һәм ведомстволарның тәкъдимнәре тикшерелде, әлеге форум 26-29 сентябрь көннәрендә Сочи шәһәрендә үтәчәк.