ЯҢАЛЫКЛАР

9 августта Чаллы шәһәрендә җитештерелгән продукцияне Россия Федерациясе базарларына һәм чит илләргә чыгару мәсьәләләренә багышланган киңәшмә узды. Киңәшмәдә министрның беренче урынбасары Р. Кәбиров, Чаллы шәһәре башкарма комитеты җитәкчесе вазыйфаларын башкаручы Е. Воронина, шәһәрнең эшлекле даирәләре вәкилләре катнашты.
Киңәшмәдә шулай ук республикада җитештерелгән продукцияне Татарстан Республикасының Россия Федерациясе төбәкләрендәге, якын һәм ерак чит илләрдәге вәкиллекләре катнашында сату базарларын киңәйтү мәсьәләләре хакында да фикер алышынды.

“Татнефть” ААҖнең шин комплексы продукциясен төп кулланучыларның берсе булып санала торган “Автоваз” ААҖ агымдагы елның беренче яртыеллыгы йомгаклары буенча “Түбән Кама шин” ачык акционер җәмгыятьне бик яхшы җитештерүче дип таныды. Әлеге бәя эшләп чыгарылган продукциянең сыйфатына куела торган таләпләрнең дөрес үтәлүен раслый.

6 августта Татарстан Республикасы Сәнәгать һәм сәүдә министрлыгында Россия Федерациясе Президенты В.В. Путинның 2012 елның 7 маендагы Указларында билгеләнгән төп нигезләмәләрне һәм бурычларны үтәүне оештыру буенча Татарстан Республикасы Хөкүмәтенең чаралар планын гамәлгә ашыру мәсьәләсенә багышланган киңәшмә булды.
Киңәшмәдә Татарстан Республикасы Министрлар Кабинеты каршындагы Икътисадый һәм социаль тикшеренүләр үзәге директоры А. Кудрявцева, министр урынбасары Г. Әхмәдиева, Татарстан Республикасы Мәгълүмат һәм элемтә министрының беренче урынбасары Ю. Багров, Татарстан Республикасы Сәнәгать һәм сәүдә министрлыгының структур бүлекчәләре җитәкчеләре һ.б катнашты.
Киңәшмәдә Татарстан Республикасы министрлыклары һәм ведомстволары эшчәнлеген бәяләү индикаторлары, хезмәт җитештерүчәнлеген арттыру фаразлары һ.б. хакында фикер алышулар булды.

6 августта Татарстан Республикасы Сәнәгать һәм сәүдә министрлыгында “2014-2016 елларга Татарстан Республикасында балалар һәм яшүсмерләрнең техник иҗатын үстерү” максатчан программасын эшләү мәсьәләләренә багышланган киңәшмә булды, анда министр урынбасары Г. Әхмәдиева, КНИТУ-КАИ, Татарстан Республикасы Сәнәгать һәм сәүдә министрлыгы вәкилләре катнашты.
Киңәшмәдә программаның максатлары, бурычлары һәм программага кертү тәкъдим ителә торган төп чаралар хакында фикер алышу булды.

Иннополис, Кама инновацион кластеры һәм инжиниринг үзәкләре турында бүген Татарстан Республикасы Хөкүмәт Йортында узган киңәшмәдә катнашучылар сөйләште. Киңәшмәне Татарстан Республикасы Президенты Рөстәм Миңнеханов үткәрде, анда шулай ук Россия Федерациясе финанслар министры урынбасары Андрей Иванов катнашты.

3 августта Төмәндә XIII федераль Сабантуй узды. Бәйрәм чараларында Татарстан Президенты Рөстәм Миңнеханов һәм Төмән өлкәсе губернаторы Владимир Якушев катнаштылар. Күп санлы кунаклардан тыш федераль Сабантуйда Россиянең 64 регионыннан татар мили-иҗтимагый оешмаларның 380 вәкиле катнашты.

2 августта Татарстан Республикасы Сәнәгать һәм сәүдә министрлыгында “КНИАТ” ААҖ Директорлар советы утырышы булды, анда министр урынбасары Г. Әхмәдиева катнашты.
Утырышта Директорлар советы Рәисен сайлау, оешманың агымдагы эшчәнлеге мәсьәләләре хакында фикер алышу булды.
«КНИАТ» ААҖ Директорлар советы рәисе итеп министр урынбасары Г. Әхмәдиева сайланды.

2 – 4 августта Алабуга шәһәрендә Бөтенроссия Спасс ярминкәсе үткәрелә. Анда илнең төрле төбәкләреннән 750 дән артык һөнәрче катнаша.
Спасс ярминкәсендә милли һәм авыл хуҗалыгы йортлары эшләячәк. Ярминкә программасы кысаларында Кыңгыраулар чыңы фестивале дә үтәчәк.

30 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов «Колуман» холдингының идарә рәисе М. Колуман әфәнде белән очрашты.
Очрашуда сүз ике ил арасында автомобиль төзелеше тармагында хезмәттәшлек итү турында барды. Төрек делегациясе “КАМАЗ” ААҖ, -ЕЛАЗ” ААҖ һ.б предприятиеләрдә булды.

30 июльдә Казан дәүләт энергетика университетында (КДЭУ) энергетика өлкәсендә фәнни-мәгариф кластеры координация советының Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә утырышы үткәрелде. Утырышта югары уку йорты җитәкчеләре, Татарстан Республикасы Сәнәгать һәм сәүдә министрлыгы хезмәткәрләре, эре энергетика компанияләре җитәкчеләре, республиканың югары уку йортлары вәкилләре катнашты.
Утырышта энергетика өлкәсендә фәнни-мәгариф кластерының 2013-2015 елларда эшчәнлек планына кертелгән төп чаралар хакында фикер алышу булды.
Кадрларны максатчан әзерләү турында Татарстан Республикасы Сәнәгать һәм сәүдә министрлыгы һәм КДЭУ арасында шартнамә төзелде, аны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов һәм уку йорты ректоры Э. Абдуллаҗанов имзалады.