ЯҢАЛЫКЛАР

2014 елның 27 декабрендә ПГУ-220 МВтлы яңа энергоблокны эшләтеп җибәрү буенча Казанның ТЭЦ-2дә (“Генерирующая компания” ААҖ филиалы) Татарстан Республикасы Президенты Рөстәм Миңнеханов, Россия энергетика министры Александр Новак, Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, федераль һәм республика министрлыклары һәм ведомстволары, предприятиеләре җитәкчеләре катнашында тантаналы чара узды.

2014 елның 26 декабрендә Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы Сәнәгать һәм сәүдә министрлыгының хезмәткәрләренә фидакарь хезмәт һәм эшләрендәге уңышлары өчен Татарстан Республикасы Сәнәгать һәм сәүдә министрлыгының Мактау грамоталарын һәм Рәхмәт хатларын тапшырды.

2014 елның 26 декабрендә Татарстан Республикасы Министрлар Кабинетында Татарстан Республикасы Премьер–министры Илдар Халиков катнашында сыйфат өчен Татарстан Республикасы Хөкүмәте премияләренә 10 республика бәйгесе лауреатларын һәм дипломантларын бүләкләү тантанасы узды. Сыйфат өчен Татарстан Республикасы Хөкүмәте премияләренә дәгъва кылу буенча республикакүләм бәйге 2003 нче елның апрелендә гамәлгә куелган. Премияләр ел саен, бәйге нигезендә, предприятиеләргә һәм оешмаларга продукция һәм хезмәтләр сыйфаты өлкәсендәге нәтиҗәләр, сыйфат белән идарәнең югары нәтиҗәле ысулларын гамәлгә кертү өчен тапшырыла.

2014 елның 25 декабрендә Казанда Татарстан Республикасы Президенты Рөстәм Миңнеханов катнашында “Ел җитәкчесе” бәйгесенә йомгаклау тантанасы узды. Бәйрәм тантанасында Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, Татарстаннан Дәүләт Думасы депутатлары һәм Федерация Советы әгъзалары, Татарстан Республикасы Хөкүмәте әгъзалары, республика министрлыклары һәм ведомстволары, федераль органнарның территориаль идарәләре җитәкчеләре, муниципаль берәмлекләр, пердприятиеләр җитәкчеләре, шул исәптән кече һәм урта эшмәкәрлек предприятиеләре җитәкчеләре, эш бирүчеләр берләшмәләре, һөнәр берлекләре һәм бүтән иҗтимагый оешмалар җитәкчеләре, дини конфессияләр вәкилләре, фән һәм мәдәният учреждениеләре җитәкчеләре катнашты.

2014 елның 22 һәм 23 декабрендә Татарстан Республикасы эшлекле даирәләрнең Таҗикъстан Республикасына эш визиты узды. Визитның максаты – Татарстан Республикасы белән Таҗикъстан Республикасы арасындагы хезмәттәшлекне үстерү.
Визит кысаларында Таҗикъстан Республикасы сәнәгать һәм яңа технологияләр министрлыгында, Таҗикъстан Республикасы энергетика һәм су ресурслары министрлыгында, Таҗикъстан Республикасы икътисадый үсеш һәм сәүдә министрлыгында, Таҗикъстан Республикасының Россотрудничество вәкиллегендә, Таҗикъстан Республикасындагы Россия Федерациясенең Сәүдә вәкиллегендә, Таҗикъстан Республикасындагы татар диаспорасы белән очрашулар узды.

2014 елның 23 декабрендә Мәскәүдә МГИМО «татар клубы» студентлары белән очрашу узды. Очрашуда Татарстан Республикасы Президенты Рөстәм Миңнеханов, МГИМО ректоры Анатолий Торкунов,  Россия Фәннәр академиясе вице-президенты Талия Хәбриева, Татарстан Республикасы Премьер–министры урынбасары – Татарстан Республикасы сәнәгать һәм сәүдә министры Равил Зарипов, Татарстан Республикасы министрлыклар һәм ведомстволар җитәкчеләре катнашты.

МГИМО ректоры Татарстан белән югары уку йорты арасындагы мөнәсәбәтләрне югары бәяләде. А.Торкунов ассызыклаганча,  “Республика – Россиянең МГИМО белән белгечләр әзерләү турында килешү төзегән беренче регионы. студентларның “татар клубы” – МГИМО кысаларында актив эшчәнлек алып баручы бергәлек.

2014 елның 22 декабрендә Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов Ульянда узган Россия Федерациясенең Идел буе федераль округы регионнары һәм Кытай Халык Республикасы Янцзы елгасының өске һәм урта агымнарында урнашкан регионнарының сәүдә–икътисадый һәм гуманитар өлкәләрендә хезмәттәшлек итү буенча Уртак эшче төркемнең рәистәшләр утырышында катнашты. Татарстан Республикасының сәнәгать һәм сәүдә министрлыгының җитәкчесе Равил Зарипов Татарстан Республикасы һәм Кытай Халык Республикасы арасында икеяклы хезмәттәшлек итү өлкәсенең торышы һәм перспективалары хакында чыгыш ясады.

2014 елның 22 декабре – Энергетиклар Көне! Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов Татарстан Респубикасы энергетикларын һөнәри бәйрәмнәре белән тәбрик итә:
“Хөрмәтле Татарстан Республикасы энергетиклары! Сезне һөнәри бәйрәмегез –энергетиклар Көне белән чын күңелдән котлыйм!
Энергетика комплексы – республика сәнәгатенең төп тармакларның берсе. Татарстан Республикасы икътисадында һәм социаль өлкәдә ул төп рольне уйнаучы тармак. Сезнең көчегез белән Татарстанда булдырылган ышанычлы энергетика инфраструктурасы ярдәмендә республиканың әһәмиятле тармаклары тотрыклы рәвештә үсә. Татарстанның энергетикасы республиканы электр белән тулысынча тәэмин итә, шулай ук республикада урнашкан нефть чыгаручы, нефть эшкәртүче, нефть химиясе һәм машина төзелеше сәнәгатьләренең энергетик базасы булып тора.

“Алабуга автомобиль заводы” җитештерү берләшмәсе” – республика автомобиль кластерының авыл хуҗалыгы һәм махсус техниканы җитештерүче эре завод. Пердприятие тракторлар, юл төзелеше һәм коммуналь махсус техникасын, шулай ук нефть һәм газ чыгару тармагы өчен махсус техника җитештерә.
Нефть һәм газ чыгару тармагы өчен махсус техникасы Россиянең һәм Бәйсез дәүләтләр берләшмәсенең эре нефть компанияләренә җитештерелә. Предприятиянең партнерлары – «ГАЗПРОМ», «РОСНЕФТЬ», «Буровая компания «ЕВРАЗИЯ» һәм башкалар. Әлеге тармак өчен җиһазлар уңышлы гына Россиягә, Әзербәйҗанга һәм Казакъстанга озатыла.
Автокомпонентлар җитештерүне үстерү юнәлешендә, “ЕЛАЗ” «КАМАЗ», «УАЗ», «ГАЗ» һәм башка илнең әйдәп баручы заводлары белән хезмәттәшлеген ныгыта.

2014 елның 18 декабрендә Казанда Татарстан Республикасы Сәнәгать һәм сәүдә министрлыгы Татарстан Республикасының мәгълүматлаштыру Академиясе, Татарстан Республикасы Фәннәр Академиясе белән берлектә “Җитештерүчәнлек һәм сакчыл җитештерү” халыкара фәнни–гамәли конференция үткәрелде.
Конференция хезмәт җитештерүчәнлеген үстерү, “Сакчыл җитештерү” принципларын һәм инструментларын нәтиҗәле куллану нигезендә җитештерү системаларын кертү, үзебезнең ил предприятиеләрдә һәм оешмаларында хезмәт җитештерүчәнлеген үстерүдә дәүләт, иҗтимагый һәм коммерция структураларның үзара эшчәнлеге мәсьәләләренә багышланган.
Конференция программасы кысаларында Россия Федерациясенең һәм Татарстан Республикасының эре сәнәгать предприятиеләре, республиканың укыту учрежденияләре, халыкара Лин–тренерлары катнашында пленар утырыш узачак.