Равил Зарипов һәм Наил Мәһдиев Кама сәнәгать форумы –2015 катнаштылар

2015 елның 19 февралендә Чаллыда тантаналы рәвештә Кама сәнәгать форумы –2015 ачылды.
Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов һәм Чаллы шәһәре башкарма комитеты җитәкчесе Наил Мәһдиев юбилей форумның ачылышында катнаштылар. Форум кысаларында автомобиль төзелеше, нефть химиясе һәм башка юнәлештәге күргәзмәләр, эшлекле чаралар оештырылды.
“Мондый чаралар хезмәттәшлек өчен уңайлы мәйданчыклар булып тора. Хөкүмәтнең һәм күргәзмәне оештыручыларның максаты – аутсорсинг кысаларында эре бизнесның кече һәм урта эшмәкәрлеккә билгеле функцияләрен бирү өчен хезмәттәшлекнең бер формасын табу. Бүгенге көндә кече һәм урта эшмәкәрлек бу адымга әзер”, – дип ассызыклады Равил Зарипов.
Аннары кунаклар һәм күргәзмәдә катнашучылар экспозицияләрне карап чыктылар. Татарстан Республикасы сәнәгать һәм сәүдә министры билгеләгәнчә, ел саен әлеге форумда катнашучылар саны арта бара, һәм быел аның саны 250 җитте.
Әлеге күргәзмә ике мәйданчыкка «Экспо-Кама» күргәзмә үзәгендә һәм К(П)ФУ Инжиниринг үзәгендә узды.
Күргәзмәдә түбәндәге экспозицияләр тәкъдим ителгән: “Машина төзелеше. Металл эшкәртү. Металлургия. Эретеп ябыштыру – 2015”, “Станоклар төзелеше–2015”, “Авто сәнәгать. автокомпонентлар – 2015”, “Нефть. Газ. Химия. Экология –2015”, “Шиналар. Каучук. РТИ-2015”, “Кама арты энергетикасы –2015”, “Сәнәгатьтә нанотехнологияләр– 2015”, “Сәнәгатьтә иминлек–2015”.
Чаралар кысаларында Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, шәһәр башкарма комитеты җитәкчесе Наил Мәһдиев, «Татнефтехиминвест-холдинг» ААҖ генераль директоры Рафинат Яруллин, «КАМАЗ» ААҖ сатып алу буенча генераль директор урынбасары Рөстәм Шәмсетдинов, «Таиф» ААҖ, «Татнефть» ААҖ, «Росагролизинг» ААҖ вәкилләре катнашында пленар утырыш узды.
Киңәшмәдә катнашучыларны сәламләп, Равил Зарипов әйтүенчә, Татарстанда кече һәм урта эшмәкәрлеккә ярдәм күрсәтүгә зур игътибар бирелә. Шул максатларда республикада күпсанлы дәүләт ярдәме программалары эшләнде, аларны гамәлгә ашыру нәтиҗәләрен эшмәкәрләр сизгәннәр дә инде. Чаллылар турында әйткәнчә, министр аларның эшчәнлекләрен һәм максатчатлыкларын билгеләде. “аларга юнәлеш кенә күрсәтергә кирәк, һәм бу юнәлеш баштан ахырга кадәр җиренә җиткереп эшләнәчәк”, –диде министр. Шулай ук ул Чаллы предприятиеләре продукциясенең электрон каталогын эшләргә тәкъдим итте, бу чара аларның продукциясен республиканың үзендә һәм читтә сатарга ярдәм итәчәк.
Рөстәм Шәмсетдинов үз читарында “КАМАЗ”да импортка алмаш табу, кризис шартларында предприятиегә ярдәм итү буенча программаны гамәлгә ашыру өстендә эшчәнлек алып барылуы турында хәбәр итте. Актив рәвештә “Мастер” КИП эшли.