Россия Федерациясе сәнәгать һәм сәүдә министры урынбасары Гөлназ Кадыйрованың Татарстан Республикасына эш визиты

18 февраля 2015 елның 18 февралендә Россия Федерациясе сәнәгать һәм сәүдә министры урынбасары Гөлназ Кадыйрова Татарстан Республикасына эш визиты кысаларында Татарстан Республикасы Сәнәгать һәм сәүдә министрлыгы һәм Татарстан Республикасы Икътисад министрлыгының “2014 елда Татарстан Республикасының социаль–икътисадый үсеш нәтиҗәләре һәм 2015 елга бурычлары” уртак Коллегия эшендә катнашты.
Уртак Коллегия эшендә Татарстан Республикасы Президенты Рөстәм Миңнеханов һәм Татарстан Республикасы Премьер–министры Илдар Халиков катнашты.
“2014 елда Татарстан Республикасының социаль–икътисадый үсеш нәтиҗәләре һәм 2015 елга бурычлары” нотыгы белән Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов чыгыш ясады.
Россия Федерациясе сәнәгать һәм сәүдә министры урынбасары Гөлназ Кадыйрова “Дәүләт сәнәгать сәясәте (региональ аспект)” темасына чыгыш ясады. Ул Коллегиядә катнашучыларга сәнәгатькә дәяләт ярдәме чаралары хакында сөйләде. Гөлназ Кадыйрова әйтүенчә, сәнәгатьне үстерү дәүләт программасы кысаларында Россия Федерациясе Сәнәгать һәм сәүдә министрлыгы субъектларга ярдәм итү буенча бүлендек программа эшләп чыгарга планлаштыра.
Коллегия кысаларында Татарстан Республикасы Министрлар Кабинеты һәм “Россия технологик үсеш фонды” Федераль дәүләт автономия учреждениясе арасында хезмәттәшлек итү турында Килешү имзаланды. Килешүне Татарстан Республикасы Премьер-министры Илдар Халиков һәм “Россия технологик үсеш фонды” Федераль дәүләт автономия учреждениясе директоры вазыйфаларын башкаручы Евгений Петрович Торкановский имзаладылар.