ЯҢАЛЫКЛАР

Бүген 16 августта "Казан ярминкәсе" күргәзмә үзәге территориясендә җитештерүчеләр өчен сәнәгать товарларының хәрәкәтен, урынын, оригиналлыгын күзәтеп торучы системаны гамәлгә кертүгә багышланган семинар-киңәшмә узды.

Әлеге системаны гамәлгә кертү җитештерүчеләргә товарның сатылу һәм куллану чылбырын күзәтеп барырга мөмкинлек бирә, аңа булган ихтыяҗны, максатчан аудиторияне һәм алга таба сатылу торышын билгеләргә, товарга реклама ясау, ялган товардан асыл продукцияне саклау, облегчать алга җибәрү һәм товарны чит ил базарларына товар җибәрүне этәрүне җиңеләйтү һ. б.

Семинарның модераторы - Татарстан Республикасы сәнәгать һәм сәүдә министры урынбасары Денис Вәлиев.

Семинар барышында система өстендә эшләүче компания вәкилләре чыгыш ясадылар.

Катнашучыларның презентациясе:  http://mpt.tatarstan.ru/rus/seminar-soveshchanie-o-sistemah-proslezhivaemosti.htm

Хөрмәтле Җитәкчеләр!

Кече һәм урта эшмәкәрлекнең Мәгълүмат порталында (smb.tattis.ru.) 18.07.2011 елның 223-ФЗ номерлы «Юридик затларның товар, хезмәт һәм хезмәт күрсәтүне сатып алу хакында» Федераль законы нигезендә заказчы булмаган предприятиеләр үз ихтыяҗлары өчен сатып алу турында белдермә урнаштыра алу мөмкинлеге барлыгын исегезгә төшерәбез.

Бу сезнен компаниягезнең сатып алулары турында кече һәм урта бизнес вәкилләрен мәгълүмат белән тәэмин итәргә ярдәм итәчәк һәм сатучыларның исемлеген киңәйтергә мөмкинлек бирәчәк. 

2017 елның 14 августында ТР Премьер-министры урынбасары – ТР сәнәгать һәм сәүдә министры Альберт Әнвәр улы Кәримов рәсми тәрҗемә итү секторы әйдәп баручы белгече Тимур Әхәт улы Миндубаевны Юбилее белән котлады, Татарстан Республикасы хакына озак еллар буе намуслы хезмәте өчен рәхмәтен белдерде һәм алга таба да эшендә уңышлар теләде.

11 августта эшлекле визит белән Татарстан Республикасына Иркутск өлкәсе губернаторы Сергей Левченко килде. "Казан" халыкара аэропортында бүген Губернатор Сергей Левченконы Татарстан Республикасы Президенты Рөстәм Миңнеханов, ТР Премьер-министры урынбасары – ТР сәнәгать һәм сәүдә минитсры Альберт Кәримов һәм башка рәсми затлар каршы алды.

2017 елның 11-12 август  көннәрендә Иркутск өлкәсе делегациясе әгъзалары Татарстандагы кайбер сәнәгать объектлары, республика инновация инфраструктурасы белән танышачаклар, эшлекле коллегалар белән очрашуларда катнашачаклар. Шулай итеп, Иркутск делегациясе программасында югары технологияләр өлкәсендәге технопарк – ИТ-парк һәм "Химград" технополисы, инновацияләр шәһәре "Иннополис" һәм "Алабуга" махсус икътисади зонасы белән танышу да бар.

2017 елның 17 октябрендә «Россиядә нефтегаз сервисы» (Нефтьгазсервис-2017) ел саен уза торган уникенче конференциясе булачак. Бу ВИНК нефтесервис блогы кураторларының бораулау һәм геофизик компанияләре җитәкчеләре белән традицион очрашуы.

 Конференциядә 2017 ел эчендә нефть-газ компанияләреннән ел саен уздырыла торган сораштыруның нәтиҗәләре ясала һәм төрле номинацияләрдә җиңүчеләр бүләкләнә.

Конференциядә катнашучыларның барысы да яңа "Россия нефть-газ сервисы-2017" дивар картасына ия булачак.

2017 елның 9 августында Татарстан Республикасы сәнәгать һәм сәүдә министрлыгында ТР Премьер-министры урынбасары – ТР сәнәгать һәм сәүдә министры Альберт Кәримов Швециянең Россия Федерациясендәге Гадәттән тыш һәм Тулы Вәкаләтле Илчесе Петер Эриксон белән очрашты. Очрашуда шулай ук, Швеция Корольлеге Илчелегенең Икенче секретаре Конрад Рикардсон һәм ТР сәнәгать һәм сәүдә министры урынбасары Денис Вәлиев катнашты.

Эриксон әфәнде, Татарстан Республикасы турында уңай бәяләмәләр ишетүләренең дөрес булуын ассызыклады.

Очрашу барышында Альберт Кәримов кунакларга Татарстан Республикасының сәнәгать потенциалын тәкъдир итте. Шулай ук, киләчәктә үзара файдалы хезмәттәшлек мәсьәләләре каралды.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов агымдагы елның 9 августында "Бөтенроссия фәнни-тикшеренү расходометрия институтында" (ФГУП «Всероссийский научно-исследовательский институт расходометрии») булды.

Карау барышында Альберт Кәримов институтның  төп үсеш юнәлешләре,  предприятиенең эталоннар комплексында урнашкан Дәүләт беренчел һәм махсус эталоннар белән танышты.

Институт (ФГУП «ВНИИР») сыекча, газ, сыекча газ агымы, аның сыешы һәм дәрәҗәсе, чыгымын һәм санын үлчәү бердәмлеген тәэмин итү өлкәсендә метрология һәм техник җайга салу буенча Федераль агентлык структурасында төп фәнни-тикшеренү институты булып тора.

Хәзерге вакытта институт Росстандарт системасына кергән 7 дәүләт фәнни-метрология институтының берсе булып тора.

2017 елның 20-22 октябрендә «Ялта-Интурист» кунакханә комплексы базасында «СтройЭкспоКрым» VIII Махсуслаштырылган төзелеш материаллары һәм технологияләр күргәзмәсе узачак.

Чара РФ сәнәгать һәм сәүдә Министрлыгы, Кырым Республикасы төзелеш һәм архитектура министрлыгы ярдәме белән оештырыла.

Презентация мәйданчыгы төрле тематик юнәлешләр буенча экспозицияләрне берләштерәчәк: эш материаллары, коры катнашмалар, буяулар һәм лаклар, барлык түбә ябу төрләре, җылылык һәм тавыш изоляциясе, тәрәзә һәм ишек  системалары, капкалар, саклагыч механизмнар, фурнитура, табигый һәм ясалма таш һ. б.

Тулырак мәгълүмат белән чараның рәсми сайтында танышырга мөмкин – www.expocrimea.com, элемтә өчен җаваплы зат: Качуровская Анастасия Викторовна +7-978-014-92-05.

2017 елның 8 августында Татарстан Республикасы сәнәгать һәм сәүдә министрлыгында ТР Премьер-министры урынбасары – ТР сәнәгать һәм сәүдә министры Альберт Кәримов Казанда Кытай Халык Республикасының  генераль консулы У Инцин белән очрашты.

Очрашу барышында илләр арасында үзара файдалы хезмәттәшлек  мәсьәләләре һәм хезмәттәшлекнең перспектив юнәлешләре хакында сүз барды.

Чарада шулай ук, консуллар Атташе Пянь Сяоцян һәм Ли Фэй, Татарстан Республикасының  җир һәм мөлкәт мөнәсәбәтләре министрлыгының Беренче урынбасары Сергей Демидов, Татарстан Республикасы сәнәгать һәм сәүдә министры урынбасары Денис Вәлиев катнаштылар.

Яшьләр өчен һөнәри юнәлеш бирүче «PROFхәрәкәт» форумы Татарстан Республикасы һәм «КАМАЗ» компаниясенең һөнәри юнәлеш бирү эшчәнлеге кысаларындагы уникаль платформа. Ул үсеп килүче яшь буын арасында эшче һәм инженер һөнәрләрен таныту һәм популярлаштыруга юнәтелгән, сәнәгать  үсешендә яшь эшчеләрнең ролен югары күтәрү, машина төзелеше комплексын инновацияле үстерү процессларына яшьләрне системалы җәлеп итү максатында фәнни һәм мәгариф потенциалны куллану.

Форумның миссиясе - бердәм рух һәм максат белән берләшкән яшьләр "кырын" формалаштыру, илнең студент яшьләре арасында белемнәрне алмашу мөмкинлеген һәм уңай эмоциональ күтәрелеш булдыру, эшче һәм инженерлык һөнәрләрен популярлаштыруга юнәлдерелгән чаралар комплексын тормышка ашыру: заманча алдынгы җитештерү белән таныштыру, интеллектуаль, белем бирү чараларын уздырырга өйрәтү, топ-менеджерлар белән очрашулар оештыру. «PROFхәрәкәт» форумы дәүләт һәм  бизнесның уртак һөнәри хәрәкәт эшендә яңа масштаблы форматка әйләнде һәм бүгенге көндә башка төбәкләр өчен үрнәк булып тора.

Форумның оештыручылар: "КАМАЗ" компаниясе, Татарстан Республикасы сәнәгать һәм сәүдә министрлыгы,  Татарстан Республикасы хезмәт, халыкны эш белән тәэмин итү һәм социаль яклау министрлыгы.

Быел Форумда катнашу өчен 400 дән артык гариза бирелгән иде, шулар арасыннан Россия Федерациясе һәм Татарстан Республикасының 49 шәһәреннән  200 катнашучы сайланды.