ЯҢАЛЫКЛАР
2017 елның 23 июнендә сәгать 10:00 Татарстан Республикасы сәнәгать һәм сәүдә министрлыгында (Островский урамы, 8нче йорт, конференц-залның 1 каты) "Татарстан Республикасы товарларын тышкы базарларга этәрү" мәгълүмати-аналитик системасын тәкъдир итү узачак. Система Татарстан Республикасы социаль-икътисади мониторинг Комитеты тарафыннан эшләнде.
Әлеге система аша Россия Федерациясенең 63 субъекты территориясендә республиканың сәүдә мөнәсәбәтләре үсеше мониторингы гамәлгә ашырыла, әлеге субъектлар белән Татарстан икътисад өлкәсендә актив хезмәттәшлек алып бару һәм сәүдә элемтәләрен баглау сәбәпле, бу предприятиеләрнең маркетинг хезмәтләренә куллану өчен файдалы мәгьлүмат.
Чарада түбәндәге продукцияләрне җитештерүче предприятие вәкилләре катнашуы көтелә: йөк һәм җиңел автомобильләр, автобуслар, ягулык, аракы һәм ликер-шәраб эчемлекләре, автомобиль шиналары, синтетик каучук, мазут, буяу материаллары, аяк киеме, бензин, дизель ягулыгы, тракторлар, корыч торбалар, суыткычлар һәм көнкүреш суыткычлар, медицина әйберләре, оек-оекбаш әйберләре, катыргы, экскаваторы, сыра.
"Россия вертолетлары" "СКОЛ" ҖЧҖ Авиакомпаниясе белән имзаланган килешү кысаларында Казан вертолет заводы җитештергән Ми-8МТВ-1 вертолетларын заказ бирүчегә тапшырдылар. Килешү 2016 елның декабрендә имзаланган иде, "Казан вертолет заводы" заводы вертолетларны 6 ай эчендә җыйды.
Яңа машиналар Сургут шәһәрендә пассажирлар ташу өчен һәм йөк ташуда кулланылачак. Күпмаксатлы Ми-8МТВ-1 транспорт вертолеты уникаль очыш-техник һәм эксплуатация характеристикаларына ия. Вертолет барлык диярлек климат зоналарында да кулланыла ала. Ми-8МТВ-1 вертолетының төзелеше һәм җиһазлары махсус җиһазландырылмаган мәйданнарда да аны эксплуатацияләргә мөмкинлек бирә. Вертолетның тышкы асылмалары ярдәмендә эре габаритлы йөкләрне дә ташу мөмкин. Йөкнең авырлыгы 4 тонна тәшкил итә ала.
2017 елның 19 июнендә Татарстан Республикасы сәнәгать һәм сәүдә министрлыгы Россия Федерациясе сәнәгать һәм сәүдә министрлыгы белән берлектә традицион форматта Полимер көне уздырды. Чарада автокомпонентлар җитештерүендә пластиклар ассортиментын арттыру, аларны сынау һәм автоҗитештерүчеләр өчен полимер җайланмаларның локализациясе сораулары каралды.
Россия Федерациясе сәнәгать һәм сәүдә министрлыгы вәкиле химия комплексы предприятиеләре өчен дәүләт ярдәме чаралары турында сөйләде. Компания вәкилләре полимер тармагы үсеше өчен мөһим булган сорауларның берсе - экспортка продукция җибәрүне атадылар. Шул сәбәпле, алда узачак Полимер көненә "Россия экспорт үзәге" АҖ вәкилләрен дә чакыру кирәклеген билгеләделәр.
Фикер алышуда « Түбән Кама нефтехим» ГАҖ, «Татхимпласт» ҖЧҖ, ««Автокомпонент» ИК АҖ, «А.Шульман», «Икар Лтд» ҖЧҖ һәм башкалар, эое автоҗитештерүчеләр: «КАМАЗ» ГАҖ, Альянс Автоваз-Рено-Ниссан, «Форд Соллерс» уртак предприятиесе, «УАЗ» ҖЧҖ, «ГАЗ» Төркеме, фәнни учреждение вәкилләре катнашты.
Полимер көне азагында Татарстан Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм "Автокомпонентлар полимер кластерының махсуслаштырылган оешмасы" ҖЧҖ генераль директоры Альберт Сөләйманов Татарстан Республикасында полимер автокомпонентларның сәнәгать кластерын оештыру турында килешү имзалады.
Татарстан Республикасы Президенты Рөстәм Миңнеханов Казанның 3нче җылылык электр станциясендә (ТЭЦ-3) Россиядә иң куәтле булган газ-турбина җайланмасын эшләтеп җибәрүдә катнашты. Чарага Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Татарстан Альберт Кәримов та кушылды.
Казан ТЭЦ-3тә, «ТГК-16» ААҖ филиалында газ-турбина җайланмасының (ГТҖ) яңа блогы станцияне комплекслы яңарту кысаларында төзелде. Газ-турбина җайланмасы дөньяда иң эре һәм нәтиҗәле газ турбинасы (9HA.01) базасында корылган, куәте 405,6 МВт. Турбинаны җитештерүче – Америка компаниясе General Electric («Дженерал Электрик»).
Казан ТЭЦ-3 – бөтен дөньяда шушы типтагы турбиналы ГТҖны коммерциячел эксплуатациягә керткән икенче энергия объекты.
Искәртәбез, 2014 елның апрелендә котракт имзаланган көннән объектны эшләтеп җибәргәнче бары тик өч ел да ике ай чамасы вакыт узган. Шунысы мәгълүм, Казан ТЭЦ-3 яңартылганнан соң аның куәте ике мәртәбәгә диярлек артачак – 384,9 дан 789,6 МВт кадәр, елына электр энергиясе эшләп чыгару күләме – 1322 дән 4290 млн. кВт/сәг. кадәр.
"Татнефть-АЗС Үзәге" ҖЧҖ Әлмәт филиалының 3нче номерлы автоягулык станциясендә электромобильләрне электр белән кору станциясе ачылды.
Күпстандартлы «Terra 53» тиз арада электр кушып кору станциясе 24 кВт*ч аккумуляторны 15 минут эчендә 30 дан 80% электр бирә.
Станция CHAdeMo стандартында тиз арада 125 А кадәр даими ток белән 550В көчәнешкә кадәр җиткерә. Әлеге хезмәтнең бәясе минутына 10 сум тәшкил итә.
Бу Татарстанда "Татнефть-АЗС Үзәге" ҖЧҖ тарафыннан ачылган икенче электр станциясе. Беренчесе Казанда Химград Технополисы территориясендә эшләп килә. 2016 елның май аенда станция ачылышында Татарстан Республикасы Президенты Рөстәм Миңнеханов һәм «Татнефть» ГАҖ генераль директоры Наил Маһанов катнашкан иде.
2017 елның 16-22 июнендә Казанда Бөтенроссия «Балык атналыгы» гастрономия фестивале уза.
Атна дәвамында исемлектә күрсәтелгән җәмәгать туклану предприятиеләре чарага килүчеләргә махсус балык ризыклары тәкдим итәчәк. Башкала халкын һәм кунаклары бәйрәмгә чакырабыз!
Катнашучылар исемлеге белән сайтның рус телендәге яңалыкларда таныша аласыз. (Список участников, 19.06.2017, Всероссийский гастрономический фестиваль «Рыбная неделя»).
Бүген Казан милли тикшеренү технологияләр университетының (КНИТУ-КАИ) Германия-Россия яңа технологияләр институты мәйданында Татарстан Республикасы Президенты Рөстәм Миңнеханов рәислегендә "Предприятиеләрнең инновацион үсеше - Татарстан Республикасы икътисадының көндәшлеккә сәләтлелеген арттыруның нигезе" сораулары буенча киңәшмә узды.
Чарада ТР Премьер-министры урынбасары - ТР сәнәгать һәм сәүдә министры Альберт Кәримов, алдынгы җитештерү технологияләре Институты вәкиләре, Бөек Петр Санкт-Петербург политехник университетының Инжиниринг үзәге, Россия федераль атом - төш үзәге -Бөтенроссия фәнни-тикшеренү эксперименталь физика институты һәм башка оешма вәкилләре, Татарстан сәнәгать предприятиеләре, дәүләт оешмалары, мәгариф учреждениеләре җитәкчеләре катнашты.
Киңәшмә башланыр алдынннан фойеда катнашучыларга «Made in Tatarstan» порталы тәкъдир ителде. Татарстан сәнәгать һәм сәүдә министрлыгы тарафыннан булдырылган (Madeintatarstan.com) сайт Татарстан Республикасының төп предприятиеләре һәм республиканың сәнәгый потенциалы турындагы интернет-порталны гәүдәләндерә. Проектның төп элементы булып тармак структурасына ия булган предприятиеләрнең каталогы тора. Хәзерге вакытта сайтта үз эченә 26 тармак астын алган 8 тармак тәкъдим ителә. Проектның төп бурычлары Татарстан Республикасының сәнәгый потенциалын тәкъдир итү һәм республика предприятиеләрен тышкы базарга чыгару.
Үзенең доклдында ТР Премьер-министры урынбасары - ТР сәнәгать һәм сәүдә министры Альберт Кәримов җитештерүдә цифрлы алымнарны куллану һәм производствоны роботлаштыру, интернет сәүдә базарына чыгу кебек икътисади һәм сәнәгый үсеш турында сөйләде. ТР сәнәгать һәм сәүдә министрлыгы башлыгы сүзләренә караганда, НИОКР (фәнни-тикшеренү һәм тәҗрибә-конструктор эшләре) хәзерге вакытта түбән дәрәҗәдә гамәлгә ашырыла. Сораштыру нәтиҗәләре буенча 80 респондентның бары тик 6 гына дөньяда булмаган яңа продукция чыгаруны планлаштыра. Предприятиеләрнең патент эшчәнлегендә дә түбән дәрәҗә күзәтелә. НИОКРны гамәлгә кертү һәм патентларны теркәүдә Татарстанда өлешнең иң күбе "Татнефть" компаниясенә туры килә, ләкин компания быел бу өлкәдә күрсәткечләрне киметкән.
Альберт Кәримов чыгышын Кытай бизнесмены, Haier компаниясенә нигез салучы Чжан Жуйминь сүзләре белән тәмамлады: "Интернет заманында предприятие һәм платформаны куллана, я платформа аны куллана", - диде ул.
Киңәшмә барышында Татарстан Президенты Рөстәм Миңнеханов сәнәгать предприятиеләре белән фәнни институтларны берләштерүгә игътибар итәргә өндәде.
Рөстәм Миңнеханов фикеренчә, вузлар сәнәгать предприятиеләрен инжиниринг үзәкләренә, уртак инновацион проектларны гамәлгә ашыруда җитәрлек җәлеп итми.
Аеруча, аның сүзләренчә, инновацион проектларны коммерцияләштерергә кирәк. "Меркетологларны чакырырга кирәк, - ди Рөстәм Миңнеханов. - Бүген продуктны җитештерү генә җитми, аны сата белергә дә кирәк".
ТР сәнәгать һәм сәүдә министрлыгы инстаграмда:
https://www.instagram.com/madeintatarstan/
Безнең биткә язылыгыз. Яңалыкларны күзәтеп барыгыз.
Киңәшмә материаллары: http://mpt.tatarstan.ru/rus/industriya-40.htm
"Татар-информ" МА сайтында:
Сәнәгатьнең территориаль үсеше һәм яңа үсеш нокталары барлыкка килүнең бер формасы булып кластерлар тора.
Кластерлар - дәүләт һәм бизнесның мәнфәгатьләре кисешкән бер ноктаның иң уңышлы алымы.
Шул сәбәпле 2017 елның 16 июнендә Татарстан Республикасы сәнәгать һәм сәүдә министрлыгында автокомпонентлар полимер кластерының сәнәгый эшчәнлегендә катнашу турында килешүгә кул куелды. Имза куйган предприятиеләр арасында: «Бетар» ҖЧҖ, «Технотрон» ЯАҖ, «Татнефть-Пресскомпозит» ҖЧҖ, «Сатурн» ҖЧҖ, «ДиЕв» ҖЧҖ, «Р-пластик» ROSTAR ҖЧҖ, «ХитонПласт2» ҖЧҖ, ФГБОУ ВО «КНИТУ-КХТИ» югары белем бирү ФДББУ, «Химия технологияләре өлкәсендә Инжиниринг Региональ үзәк» АҖ һәм башкалар.
Автокомпонентлар җитештерү өчен пластик җитештерүче 20 предприятие кызыксыну белдерделәр.
2017 елның 19 июнендә Полимер көнен үткәрү кысаларында Татарстан Республикасы сәнәгать һәм сәүдә министрлыгы һәм "Автокомпонентларның полимер кластеры махсуслаштырылган оешмасы" арасында Татарстан Республикасы полимер автокомпонентларның сәнәгый кластерын булдыру турында килешү имзалау планлаштырылган.
Бүген Татарстан Республикасы Президенты Рөстәм Миңнеханов "Алабуга" махсус икътисадый зонасы Күзәтчелек советы утырышын уздырды.
Чара "Алабуга" МИЗ административ-эшлекле бинасында үтте.
Утырышта МИЗ резиденты статусын алырга теләгән өч компания проекты каралды: «СТ Алабуга», «Агрусхим-Алабуга», «СТиМ-Алабуга». Яңа җитештерү булдыруга дигән инвестицияләрнең гомуми күләме - 650 миллион сум.
Утырышны ачып, Рөстәм Миңнеханов "Алабуга" МИЗ казанышларын билгеләп үтте - бүгенге көнгә биредә 55 резидент-компания теркәлгән, 22 сенең производстволары эшли. Шул ук вакытта Татарстан Президенты МИЗ җитәкчелегенә резидентлар табышына игътибар итәргә йөкләде - узган ел ул 60 млрд. сум тәшкил иткән, бу 2015 елга караганда 1,5 катка күбрәк, ләкин, Рөстәм Миңнеханов фикеренчә, мәйданчык мөмкинлекләре әлеге күрсәткечне күпкә арттыра ала.
Утырышта беренче «СТ Алабуга» проекты каралды. Аны Россиянең автобуслар, махсус транспорт һәм авыр йөк транспорты җитештерүчеләренең иң эресе булган «СТ Нижегородец» тәкъдим итә. Компания "Алабуга" МИЗда елына Ford Sollers заводы җитештерүче Ford Transit нигезендә 2300 берәмлек транспорт җитештерергә планлаштыра.
Финанслау күләме - 136,4 млн. сум. Компания 2017 елның өченче кварталында "Алабуга" МИЗ территориясендәге "Синергия" индустриаль паркында арендалаган мәйданнарында производствоны башлап җибәрергә тели. 89 хезмәт урыны булдырылачак.
«Агрусхим-Алабуга» елына 5700 тонна үсемлек саклау чараларын җитештерүне тәкъдим итә. Проектны тәкъдим итүче «Союзагрохим» компаниясе производствога 297,2 млн. сум кертергә планлаштыра. Заводны 2019 елның 1нче кварталында ачу көтелә.
Өченче инвестор, «СТиМ-Алабуга», "Алабуга" МИЗ территориясендә завод һәм логистика үзәген төзергә планлаштыра. Компания юл тамгалары өчен яктылыкны кайтаручы пыяла шарчыклар җитештерүне көйләргә тели. Производство куәте - елына 7900 тонна. «СТиМ» Беларусь компаниясе - БДБ илләрендә юл тамгалары өчен материаллар һәм компонентлар, шулай ук махсус техника җитештерүче бердәнбер предприятие.
Производствога 222,2 млн. сум инвестиция кертү планлаштырыла, шуларның 87 млн. сумын җиһазландыруга, 109 млн. төзелеш-монтаж эшләренә, 20 млн. чимал сатып алуга юнәлтү каралган.
Рөстәм Миңнеханов тәкъдиме буенча Күзәтчелек советы әлеге проектларны хуплады. Якын арада компанияләр махсус икътисади зона резидентлары статусын алачак.
ТР Президенты Матбугат хезмәте материаллары кулланылды
Бүген Алабуга районында "ЕлАЗ" мәйданчыгында "ELAZ-BL" экскаватор-йөк төяүче машиналарны конвейерда җыю эшен башлап җибәрделәр. Чарада Татарстан Республикасы Президенты Рөстәм Миңнеханов, ТР Премьер-министры урынбасары - Татарстан Республикасы сәнәгать һәм сәүдә министры Альберт Кәримов, "Росспецмаш" Ассоциациясе директоры Алла Елизирова, җитәкчелеге "ЕлАЗ" АҖ җитештерү берләшмәсе җитәкчелеге катнашты.
“Бүген Төркия маркасы булган экскаватор- йөк төяүче машиналарның яңа җитештерү линиясен ачабыз һәм без мәйданчыкта локальләштерелгән җитештерү җиһазлары белән дә таныштык, - диде Рөстәм Миңнеханов. - Бу заманча югары нәтиҗәле җитештерү һәм Россия базарында бик кирәкле булган продукт”.
Рөстәм Миңнеханов искәрткәнчә, ил җитәкчелеге импортны алыштыру сорауларына зур игътибар бирә һәм Төркия партнерлары белән “ЕлаЗ” предприятиесенең уртак эше ярдәмендә бүген җитештерүне 75 процентка кадәр локальләштерелгән проект гамәлгә ашырылды.
“ЕлАЗ” мәйданнарында җитештерелүче 880 һәм 888 модельле “ELAZ-BL” экскаватор- йөк төяүчеләр сәнәгать, юл, төзелеш, карьерларда, төяү-бушату эшләрендә, җир казу һәм коммуналь хуҗалыкта төзекләндерү эшләрендә һәм икътисадның башка тармакларында куллану өчен каралган.
Экскаватор-йөк төяүче машиналарны серияле җитештерү тулаем циклда 2017 ел башында оештырылган. Проектка гомуми инвестицияләрнең күләме 330 млн сум булуы көтелә. Линиянең җитештерү көче елына 500 данә техника тәшкил итә.