ЯҢАЛЫКЛАР

"Гебзе" (GOSB) оештырылган сәнәгать зонасы идарәсе рәисе Вахит Йылдырым белән бүген Татарстан Республикасы Президенты Рөстәм Миңнеханов очрашты. Чарада Татарстан Премьер-министры урынбасары - Татарстан Республикасы сәнәгать һәм сәүдә министры Алберт Кәримов та катнашты.

Әңгәмә барышында катнашучылар Свияжск төбәкара мультимодаль логистика үзәге базасында булдырылачак уртак сәнәгать зона мәсьәләләре буенча фикер алыштылар.

ТР Президенты Татарстанның "Гебзе" белән хезмәттәшлек итүдә кызыксынуын билгеләп үтте. "Уңышка ирешәчәгебезгә шикләнмим, - дип белдерде ТР Президенты. – Әлеге мәйданчык зур үсеш потенциалына ия. Сез исә, үз чиратыгызда, сәнәгать зоналары оештыру өлкәсендә һәм инвесторлар белән эшләүдә бәһасез тәҗрибәгә ия".

Моннан тыш, Рөстәм Миңнеханов яңа индустриаль зонага потенциаль резидентларны җәлеп итү буенча эш башларга тәкдим итте. 

Белешмә өчен:

 Гебзе (GOSB) оештырылган сәнәгать зонасы Төркиянең Гебзе провинциясе территориясендә урнашкан һәм 1986 елда нигезләнгән. Хәзерге вакытта анда 156 компания теркәлгән, шуларның 42 чит илдән. Хезмәткәрләр штаты – 22 мең кеше.

Зона резидентларының эшчәнлек өлкәләре: машина төзелеше, автомобиль төзелеше, автокомпонентлар җитештерү, ИТ тармагы, азык-төлек продуктлары җитештерү, пластмасса, электр җиһазлары, электроника һәм башкалар. Монда Германия, Австрия, АКШ, Дания, Финляндия, Франция, Голландия, Англия, Швеция, Швейцария, Италия, Израиль, Япония, Люксембург һәм Корея компанияләре эшли.

 Казан дары заводының яңа генераль директорын Александр Лившицны тантаналы билгеләү завод идарәсенең конференц-залында агымдагы елның 21 сентябрендә узды. Тантанада ТР Премьер-министры урынбасары - ТР сәнәгать һәм сәүдә министры Алберт Кәримов, РФ сәнәгать һәм сәүдә министрлыгының гади кораллар сәнәгате Департаменты директоры Дмитрий Капранов, Татарстан предприятиеләре һәм сәнәгатьчеләре Ассоциациясе генераль директоры урынбасары Игорь Рассман һәм дары заводы коллективы катнашты.

Белешмә өчен:

Лившиц Александр Борисович

1985 елда Казан дәүләт технология университетын тәмамлый.

1987 елдан 2004 елга кадәр - төп җитештерү бүлегенең технологик җиһазларны ремонтлау буенча мастеры .

2004 - 2010 елларда - техдиректор, баш технолог, директор җитештерү буенча Казан дары заводы

2010 - 2015 елларда - "Коммунар Самара заводы" директоры.

2015 - 2017 елларда - "ЧПО им. В.И.Чапаева" АҖ башкарма директоры.

23 сентябрь машина төзүчеләр Көнен бәйрәм итү алдыннан "А.М.Горький исемендәге Яшел Үзән заводы" АҖ А145Е проектлы тиз йөрешле пассажир судносын суга төшерү тантанасы узачак. Проект  "Агат Дизайн Бюро" ҖЧҖ тарафыннан эшләнгән, заказ бирүче - Берләшкән Гарәп Әмирлекләре.

Тантаналы чараларда Берләшкән Гарәп Әмирлекләре федератив дәүләт вәкилләре, Татарстан Республикасы сәнәгать һәм сәүдә министрлыгы,  Яшел Үзән муниципаль районы җитәкчелеге, "Ак Барс" Холдинг компаниясе АҖ вәкилләре, шулай ук, проектант һәм контрагент оешма вәкилләре катнашуы планлаштырылган.

А145Е проектлы тиз йөрешле комфортабельле пассажир суднолары багажлы 150 пассажир ташый ала, диңгез яр буенда 40 төен тизлек белән 400 миль араны ягулык өстәмичә үтә.

Суднолар экстерьер һәм интерьерның заманча дизайнына ия, уңайлы шартларның һәм халык ташу куркынычсызлыгының соңгы таләпләренә җавап бирә. Югары дәрәҗәге уңайлылык булу пассажирларга рейс вакытында бортта юлны җиңел үтәргә ядәм итә, заманча интерьер, рациональ күләмле мәйдан, техник камиллекле судно уңайлы утыргычлар белән җиһазландырылган, видео-аудио хезмәтен күрсәтү мөмкинлеге, бортта пассажирларны тукландыруны оештыру каралган. Халыкка йогынты ясый торган тавыш, вибрация, артык пассажирлар төяү барлык халыкара таләпләргә һәм стандартларга туры килә.

Исегезгә төшерәбез, А145Е проектлы ике тиз йөрешле пассажир судносын төзү буенча уртак контракт "А.М.Горький исемендәге Яшел Үзән заводы" һәм Берләшкән Гарәп Әмирлекләре арасында 2017 елда "Россия – Ислам дөньясы: "KazanSummit 2017" IX  Халыкара  икътисади  саммиты  кысаларында имзаланган иде.

20 сентябрьдә Татарстан Республикасы сәнәгать һәм сәүдә министрлыгында Татарстанда "Хезмәт җитештерүчәнлеген арттыру һәм халыкны эш белән тәэмин итү" өстенлекле программаны гамәлгә ашыру мәсьәләләре буенча киңәшмә булып узды.

Чарада Татарстан Республикасы сәнәгать һәм сәүдә министры урынбасары Алмаз Хөсәенов, Россия Федерациясе икътисадый үсеш министры ярдәмчесе Юлия Урожаева, (Внешэкономбанк) "Тышкы икътисади эшчәнлек һәм үсеш Банкы" Дәүләт корпорациясе рәисе киңәшчесе Ксения Яшина, Россия Федерациясе хезмәт һәм социаль яклау министрлыгының халыкны эш белән тәэмин итү Департаменты директоры Михаил Кирсанов, шулай ук, Татарстан Республикасы министрлыклары, ведомстволары һәм предприятие вәкилләре катнашты.

Киңәшмәне ачып, Татарстан Республикасы сәнәгать һәм сәүдә министры урынбасары Алмаз Хөсәенов, Татарстан Республикасының пилот программасына кергән 6 регион арасында булуын билгеләп үтте. Моннан тыш, Татарстанда хезмәт җитештерүчәнлеген арттыру буенча региональ программа эшләнгән һәм уңышлы гына тормышка ашырыла, 20 ресурс үзәге базасында кадрлар әзерләү эше алып барыла, технопарклар, сәнәгать мәйданчыклары, инновация үзәкләре булдырыла, компетенцияләр үзәге эшли.

Моннан тыш, Татарстанда инновация территориаль кластерлар үсеше белән параллель рәвештә сәнәгать кластерлары да формалаштырыла, алар уртак проектларны гамәлгә ашыру кысаларында импортны алыштыручы сәнәгать продукциясен җитештерүгә юнәтелгән.

Киңәшмәдә предприятиеләр һәм эш белән тәэмин итү үзәкләренең үзара хезмәттәшлеге, компетенция үзәкләренең хезмәт җитештерүчәнлеген арттыру роле һәм функцияләре турында, шулай ук, программаны тормышка ашыруда институтларның үсеше хакында сүз барды.

"Автостат" аналитика агентлыгы мәгълүматлары буенча КАМАЗ җәмгыятендә ("Ростех" Дәүләт корпорациясенә керә) җитештерелүче автомобильләрнең дүрт төрле моделе 2017 елның август ае нәтиҗәләре буенча Россиядә йөк машиналарының  иң популяр беренче бишлегенә керде. Компания Россия яңа йөк автомобильләре базарының лидеры булып кала.

Агымдагы елның август аенда Россиядә яңа йөк автомобильләре базарының күләме 7,8 мең берәмлек тәшкил итте – бу узган елга караганда 65,3% артыграк. 2017 елның 8 ае нәтиҗәләре буенча барлыгы Россия яңа йөк автомобильләре базары якынча 46 мең данәгә арткан – бу узган елның шул ук вакыт аралыгы белән чагыштырганда 47% күбрәк.

2017 елның августында Россиядә 2,6 мең КАМАЗ автомобиле сатылган, бу узган елның шул ук вакыт аралыгыннан 49,5%ка югарырак, әлеге күрсәткечләр Россия яңа йөк машиналары базарында компаниянең алдынгы булуын раслый. Икенче урында илебезнең икенче бренды - GAZ урнашкан, аның күрсәткечләре 691 автомобиль тәшкил иткән (+1,8%). Беренче өчлекне алман автомобиле MAN тәмамлый (610 данә), алман автомобиле сатылышы 3,7 тапкыр арткан. Лидерлар бишлегенә августта шулай ук, алман Mercedes-Benz йөк машинасы (561 данә; +162,1%) һәм шведларның Scania йөк автомобиле (527 данә; +180,3%) керделәр.

Экспертлар билгеләп үткәнчә август рейтингында модельләр арасында лидер позициясендә КАМАЗ-5490 кала, аларның сатылышы 523 берәмлек (+121,6%) тәшкил иткән. Лидерлар рәтендә шулай ук, КАМАЗ-43118 (517 данә; +38,2%) һәм Mercedes-Benz Actros (486 данә; +151,8%). Иң популяр бишлекне тагын ике россия автомобиле - КАМАЗ-6520 (471 данә; +80,5%), КАМАЗ-65115 (431 данә; +31,8%) йомгаклый.

«Татнефть» компаниясенең ТатНИПИнефть белгечләре тарафыннан яңа эффектив МГЭС-М технологиясе эшләнгән.

Яңа эшләнмәнең өстенлеге – аның экологик чиста һәм әйләнә-тирәлеккә тискәре йогынтысы булмавында. Моннан тыш, аны куллануда транспортлауда кирәкле, скважиналарга сыекча тутыруны тәэмин итүче, җиһазларны яңартуга өстәмә чыгымнарны булдырмавы мөһим.

Республика предприятиеләре һәм оешмалары үтенече буенча "Наше время – Безнең заман" ел саен уздырыла торган V ачык республика телевизион эшче яшьләр иҗаты фестивалендә катнашу өчен гаризаларны кабул итү 2017 елның 29 сентябренә кадәр озайтылды.

Катнашу өчен гаризаларны Фестивальнең Нигезләмәсенә таянарак  түбәндәге электрон адреска юлларга кирәк: beznenzaman@mail.ru яки почта аша түбәндәге адреска җибәрергә мөмкин: 420111, Казан ш., Карл Маркс ур., 23/6, Татарстан Республикасының "Созвездие-Йолдызлык" төбәк яшьләр иҗтимагый оешмасына, тел.: 8(843) 238-43-17, 238-00-63.

Фестивальнең Нигезләмәсе, Гариза һәм башка документлар фестивальнең рәсми сайтында урнаштырылган http://bzzm.ru/  һәм министрлык сайтында да бастырылган: http://mpt.tatarstan.ru/rus/televizionniy-festival-rabotayushchey-molodezhi.htm.

Белешмә өчен:

"Наше время – Безнең заман" Республика эшче яшьләр иҗат фестивале  Татарстан Республикасы Президенты ярдәме белән 2013 елдан бирле уздырыла. Фестиваль ТР сәнәгать һәм сәүдә министрлыгы, ТР яшьләр эшләре һәм спорт министрлыгы, ТР профсоюзлар Федерациясе, шулай ук, кайбер башка министрлык, ведомство һәм оешмалар ярдәме белән гамәлгә ашырыла. Фестивале дәүләт социаль әһәмияткә ия проект булып тора һәм коммерция максатларын күздә тотмый. Фестивальнең миссиясе - яңа буын кадрлар хәзерләү, эшче һәм инженер һөнәрләрен популярлаштыру һәм республика  предприятиеләрендә һәм оешмаларында эшләүче яшьләрнең иҗади потенциалын ачу.

21-22 сентябрьдә Казанның "Корстон" комплексында ел саен үтә торган  "Киләчәккә караш" кече һәм урта эшкуарлык форумы узачак.

"Киләчәккә караш" форумы – регионның иң эре эшкуарлар съезды, ул үзенә 3 меңгә якын хакимият һәм бизнес,  иҗтимагый оешма вәкилләрен җыячак. Ике көн дәвамында форум мәйданчыгында төрле лекцияләр, мастер-класслар, “түгәрәк өстәл” һәм семинарлар үтәчәк, шулай ук, Татарстан Республикасы Президенты Рөстәм Миңнеханов катнашында пленар сессия узачак..

Спикерларның тулырак исемлеген моннан карагыз!

Татарстан Республикасының товар җитештерүчеләренең башка катнашучылары да көтелә.

Тулырак программаны сайтта карый аласыз.

Форумда катнашу сайтта регистрация узучылар өчен түләүсез:  www.tatforum.org

Узу көне һәм вакыты: 21-22 сентябрьдә, сәг. 10.00 - 19.00

Урыны: Казан, Korston Club Hotel Николай Ершов урамы, 1а.

«Татнефть» Акционерлык Җәмгыятенең берәмләп һәм күпләп сату челтәре (РСС - рознично-сбытовой сети) предприятиеләренең чираттагы  XII Икътисади саммиты узды.

Быел күчмә саммитны "Татнефть" берәмләп һәм күпләп сату челтәре эшләгән төбәкләрнең берсендә үткәрергә карар бирелде. Саммит Минскида (Беларусь Республикасы) оештырылды һәм  "Татнефть" берәмләп һәм күпләп сату челтәренең 2025 елга кадәрге үсеш стратегиясе уңышлылыгына йогынты ясый торган төп факторларга багышланды.

Чара барышында катнашучылар Компаниянең сату челтәре үсешенең төп юнәлешләре хакында сөйләштеләр һәм төп күрсәткечләр казанышларына юнәтелгән проектларны күрсәттеләр.

Докладларның темалары «Татнефть-АЗС Центр» и «Татнефть-АЗС Запад» гамәлгә ашыра торган чараларга багышланды һәм беррәттән четәрнең (РСС) үсешенә кагылышлы мөһим сораулары да каралды.

 «Татнефть» матбугат хезмәте материаллары буенча әзерләнде.

ТР Президенты Рөстәм Миңнеханов башлыгындагы Татарстан Республикасы делегациясе бу көннәрдә эшлекле визит белән Мюнхенда (ГФР).

 Гадәттәгечә, Республика башлыгын Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Алберт Кәримов озатып йөри.

Бүген ТР Президенты «Кнорр-Бремзе» компаниясенең күзәтчелек советы рәисе Хайнц Тиле әфәнде белән иртәнге ашта очрашты. Рөстәм Миңнеханов Хайнц Тиле әфәндегә корпорациянең Татарстанда күпьеллык тырыш хезмәте  һәм очрашу оештыруы өчен  рәхмәтен белдерде. Искә төшерәбез, «Кнорр-Бремзе» компаниясе Яр Чаллыда 2007 елдан бирле эшләп килә һәм җитештерә барабанлы тормозлар, һава киптерү һәм башка төрле продукция җитештерү белән шөгыльләнә.

Хайнц Тиле ТР Президенты Рөстәм Миңнеханов башлыгындагы Татарстан Республикасы делегациясен сәламләде, «Кнорр Бремзе КАМА» проекты үсешеннән канәгать калуын һәм Татарстанның инвестицияләр өчен гаҗәеп урын булуын билгеләп үтте.

Моннан тыш, көннең беренче яртысында Татарстан Республикасы делегациясе «Thunderbolt Partners» акционеры "KGAL" һәм "Thunderbolt Partners" инвестиция компанияләре җитәкчелеге Франсис Лувар, «KGAL» генераль директоры Герт Вальтенбауэр һәм «Thunderbolt Partners» партнеры Толга Танис белән очрашты. Очрашу барышында яклар Татарстан территориясендә яңартылган энергия өлкәсендәге хезмәттәшлек мөмкинлекләре хакында фикерләштеләр.

Соңрак "Linde AG" компаниясе генераль директоры  һәм Президенты Альдо Беллони белән очрашу булып узды.