ЯҢАЛЫКЛАР

Бүген Лаешта районның 90 һәм шәһәрнең 460 еллыгын билгеләү уза.

Тантаналы чараларда Татарстан Республикасы Президенты Рөстәм Миңнеханов та катнаша.  Гадәттәгечә, төбәгебез башлыгын  Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Алберт Кәримов озатып йөри.

Көннең беренче яртысында ТР Лаеш районы Имәнкискә авылында яңа мәдәният Йортын ачу тантанасы үтте. Имәнкискә авылы мәдәният йорты ТР Президенты йөкләмәсе буенча 100 яшьлек авыл кешесе Вилдан Гарипов 2016 елның 14 декабрендә республика лидерына видео мөрәҗәгатеннән соң төзелде. Мәдәният Йортының мәйданы 585 кв. М тәшкил итә, ул үзенә 200 тамашачыны сыйдыра ала.

"Бүген сезнең бәйрәм, – дип мөрәҗәгать итте җыелучыларга республика лидеры. – Мәдәният йорты һәр авылга, яшьләр һәм өлкән яшьтәге кешеләргә дә кирәк. Сезнең тормышыгыз биредә матур вакыйгаларга бай булсын һәм  сездә бары тик уңай тәэсирләр генә калдырсын".

ТР Лаеш районы башлыгы Михаил Афанасьев ассызыклаганча, яңа мәдәният Йорты ачылышы - авыл халкы өчен мөһим вакыйга. "Бу объект авыл халкына бик кирәк, чөнки алдагы клуб иске иде. Шулай килеп чыкты ки, 100 яшьлек авыл кешесе Вилдан Гарипов турыдан-туры элемтә вакытында, безнең Президентыбызга яңа мәдәният Йортын төзү үтенече белән мөрәҗәгать итте. Рөстәм Миңнеханов бу үтенечне хуплады һәм бүген Имәнкискә авылында шундый зур бәйрәм", – диде ул сәламләү сүзендә.

Тантаналы чаралар тәмамланганнан соң ТР Президенты авыл мәдәният Йортын карап чыкты, авыл клубы тарихына бәйле видеоролик белән танышты һәм елганың яңартылган яр буен карады. Исегезгә төшерәбез, бүген шәһәр һәм район юбилеен бәйрәм итү кысаларында "Көз күчтәнәчләре" ярминкә-дегустациясе узачак һәм "Осталар шәһәре"  сәнгать осталары ярминкәсе дә эшләячәк. Бәйрәм итү кысаларында урам фестивале оештырылачак, рәссамнарның иҗади эшләре күргәзмәсе, шулай ук, районның сәнәгать һәм авыл хуҗалыгы предприятиеләре продукциясе ярминкәсе дә булачак.

Татарстанның эстрада артистлары һәм иҗат коллективлары катнашында бәйрәм концерты үтәчәк, шәһәр һәм район халкы өчен Ришат Төхвәтуллин, Зөфәр-Зайнаб, Илдар Әхмәтов, Игорь Горчаков, Ришат Фазлиахметов, Алексей Родионов, "Казан" бию ансамбле, "Сәйдәш" бию театры чыгыш ясаячаклар.

Кичке күңел ачу программасы 18.00 сәг. башланачак, бәйрәмнең махсус кунагы "Пропаганда" төркеме булачак, аларның чыгышы 21:00сәг планлаштырылган. Бәйрәмне салют төгәлләячәк.

Бүген Лаеш шәһәрендә ТР Премьер-министры урынбасары – Татарстан Республикасы сәнәгать һәм сәүдә министры Алберт Кәримов рәислегендә Татарстан Республикасы парус спорты Федерациясе Попечительләр советы утырышы узды. Чарада шулай ук, ТР Президенты ярдәмчесе Наталия Фишман катнашты.

Чара кысаларында катнашучылар төзү яхтенных кую Татарстан Республикасында яхта тукталышлары урыннарын төзү хакында фикер алыштылар, Татарстан Республикасы парус спорты Федерациясе еллык бюджетын расладылар, шулай ук, Лаеш шәһәрендә яхта маринасын төзү концепциясен карадылар.

Искә төшереп үтик, Татарстан Республикасы Парус Федерациясе төбәктә парус спортын үстерү буенча актив эш алып бара. Төп үсеш үзәкләре – Казан, Лаеш, Чаллы. Казанда урта белем бирү мәктәбе каршында секция эшли, шулай ук, йөртүчеләр курслары да бар.

Бүген Татарстан Премьер-министры урынбасары - Татарстан Республикасы сәнәгать һәм сәүдә министры Алберт Кәримов "Киләчәккә караш" форумы кысаларында индустриаль (сәнәгый) парклар резидентлары һәм идарәче компанияләрнең нәтиҗәләр ясау Съездында катнашты. Чара Казанның "Корстон" кунакханә комплексында Татарстан Республикасы Президенты Рөстәм Миңнеханов катнашында узды.

Индустриаль парклар ассоциациясе башкарма директоры Денис Журавский үз чыгышында Россиянең барлык сәнәгать паркының 10% Татарстанда урнашуын билгеләп үтте. Шул ук вакытта әлеге паркларда илнең барлык резидентларының 32 проценты (677 предприятие) безнең республикада урнашкан. Спикер сәнәгать паркларын гамәлгә кертү һәм аларны булдырудагы чыгымнарны туктатмаска өндәде. Аның сүзләренә караганда, аларны гамәлгә ашыруда бер сум акча туздырган очракта, ул җиде сум булып  инвестицияләнә.

"Химград" АҖ технополисы рәисе Айрат Гыйззәтуллин, съезд нәтиҗәләре буенча РФ Икътисад министрлыгына яңа булдырылачак парклар чыгымын судсидияләүне программасын яңартуны сорап мөрәҗәгать итәргә карар кылынды һәм РФ сәнәгать министрлыгына 2017-2020 елларга алынган кредитларга процентларны субсидияләү программасын озайту мөрәҗәгате белән чыгарга кирәкле булуы турында сөйләде.

 Чүпрәле районы башлыгы Александр Шадриков районда эшләгән сәнәгать мәйданчыгы турында әйтеп үтте. Әлеге җитештерү формасын булдыру бизнесны җәлеп итәргә һәм яңа эш урыннары булдыруга ярдәм итте, ди. Бүгенге көндә бер генә резидент булса, ел ахырына кадәр аларның саны өчкә җитәчәк дип белдерде район башлыгы. 

Татарстан Президенты сәнәгать мәйданчыклары эшчәнлеге буенча программаны гамәлгә ашыруның уңышлылыгын югары бәяләде.

"Гебзе" (GOSB) оештырылган сәнәгать зонасы идарәсе рәисе Вахит Йылдырым белән бүген Татарстан Республикасы Президенты Рөстәм Миңнеханов очрашты. Чарада Татарстан Премьер-министры урынбасары - Татарстан Республикасы сәнәгать һәм сәүдә министры Алберт Кәримов та катнашты.

Әңгәмә барышында катнашучылар Свияжск төбәкара мультимодаль логистика үзәге базасында булдырылачак уртак сәнәгать зона мәсьәләләре буенча фикер алыштылар.

ТР Президенты Татарстанның "Гебзе" белән хезмәттәшлек итүдә кызыксынуын билгеләп үтте. "Уңышка ирешәчәгебезгә шикләнмим, - дип белдерде ТР Президенты. – Әлеге мәйданчык зур үсеш потенциалына ия. Сез исә, үз чиратыгызда, сәнәгать зоналары оештыру өлкәсендә һәм инвесторлар белән эшләүдә бәһасез тәҗрибәгә ия".

Моннан тыш, Рөстәм Миңнеханов яңа индустриаль зонага потенциаль резидентларны җәлеп итү буенча эш башларга тәкдим итте. 

Белешмә өчен:

 Гебзе (GOSB) оештырылган сәнәгать зонасы Төркиянең Гебзе провинциясе территориясендә урнашкан һәм 1986 елда нигезләнгән. Хәзерге вакытта анда 156 компания теркәлгән, шуларның 42 чит илдән. Хезмәткәрләр штаты – 22 мең кеше.

Зона резидентларының эшчәнлек өлкәләре: машина төзелеше, автомобиль төзелеше, автокомпонентлар җитештерү, ИТ тармагы, азык-төлек продуктлары җитештерү, пластмасса, электр җиһазлары, электроника һәм башкалар. Монда Германия, Австрия, АКШ, Дания, Финляндия, Франция, Голландия, Англия, Швеция, Швейцария, Италия, Израиль, Япония, Люксембург һәм Корея компанияләре эшли.

 Казан дары заводының яңа генераль директорын Александр Лившицны тантаналы билгеләү завод идарәсенең конференц-залында агымдагы елның 21 сентябрендә узды. Тантанада ТР Премьер-министры урынбасары - ТР сәнәгать һәм сәүдә министры Алберт Кәримов, РФ сәнәгать һәм сәүдә министрлыгының гади кораллар сәнәгате Департаменты директоры Дмитрий Капранов, Татарстан предприятиеләре һәм сәнәгатьчеләре Ассоциациясе генераль директоры урынбасары Игорь Рассман һәм дары заводы коллективы катнашты.

Белешмә өчен:

Лившиц Александр Борисович

1985 елда Казан дәүләт технология университетын тәмамлый.

1987 елдан 2004 елга кадәр - төп җитештерү бүлегенең технологик җиһазларны ремонтлау буенча мастеры .

2004 - 2010 елларда - техдиректор, баш технолог, директор җитештерү буенча Казан дары заводы

2010 - 2015 елларда - "Коммунар Самара заводы" директоры.

2015 - 2017 елларда - "ЧПО им. В.И.Чапаева" АҖ башкарма директоры.

23 сентябрь машина төзүчеләр Көнен бәйрәм итү алдыннан "А.М.Горький исемендәге Яшел Үзән заводы" АҖ А145Е проектлы тиз йөрешле пассажир судносын суга төшерү тантанасы узачак. Проект  "Агат Дизайн Бюро" ҖЧҖ тарафыннан эшләнгән, заказ бирүче - Берләшкән Гарәп Әмирлекләре.

Тантаналы чараларда Берләшкән Гарәп Әмирлекләре федератив дәүләт вәкилләре, Татарстан Республикасы сәнәгать һәм сәүдә министрлыгы,  Яшел Үзән муниципаль районы җитәкчелеге, "Ак Барс" Холдинг компаниясе АҖ вәкилләре, шулай ук, проектант һәм контрагент оешма вәкилләре катнашуы планлаштырылган.

А145Е проектлы тиз йөрешле комфортабельле пассажир суднолары багажлы 150 пассажир ташый ала, диңгез яр буенда 40 төен тизлек белән 400 миль араны ягулык өстәмичә үтә.

Суднолар экстерьер һәм интерьерның заманча дизайнына ия, уңайлы шартларның һәм халык ташу куркынычсызлыгының соңгы таләпләренә җавап бирә. Югары дәрәҗәге уңайлылык булу пассажирларга рейс вакытында бортта юлны җиңел үтәргә ядәм итә, заманча интерьер, рациональ күләмле мәйдан, техник камиллекле судно уңайлы утыргычлар белән җиһазландырылган, видео-аудио хезмәтен күрсәтү мөмкинлеге, бортта пассажирларны тукландыруны оештыру каралган. Халыкка йогынты ясый торган тавыш, вибрация, артык пассажирлар төяү барлык халыкара таләпләргә һәм стандартларга туры килә.

Исегезгә төшерәбез, А145Е проектлы ике тиз йөрешле пассажир судносын төзү буенча уртак контракт "А.М.Горький исемендәге Яшел Үзән заводы" һәм Берләшкән Гарәп Әмирлекләре арасында 2017 елда "Россия – Ислам дөньясы: "KazanSummit 2017" IX  Халыкара  икътисади  саммиты  кысаларында имзаланган иде.

20 сентябрьдә Татарстан Республикасы сәнәгать һәм сәүдә министрлыгында Татарстанда "Хезмәт җитештерүчәнлеген арттыру һәм халыкны эш белән тәэмин итү" өстенлекле программаны гамәлгә ашыру мәсьәләләре буенча киңәшмә булып узды.

Чарада Татарстан Республикасы сәнәгать һәм сәүдә министры урынбасары Алмаз Хөсәенов, Россия Федерациясе икътисадый үсеш министры ярдәмчесе Юлия Урожаева, (Внешэкономбанк) "Тышкы икътисади эшчәнлек һәм үсеш Банкы" Дәүләт корпорациясе рәисе киңәшчесе Ксения Яшина, Россия Федерациясе хезмәт һәм социаль яклау министрлыгының халыкны эш белән тәэмин итү Департаменты директоры Михаил Кирсанов, шулай ук, Татарстан Республикасы министрлыклары, ведомстволары һәм предприятие вәкилләре катнашты.

Киңәшмәне ачып, Татарстан Республикасы сәнәгать һәм сәүдә министры урынбасары Алмаз Хөсәенов, Татарстан Республикасының пилот программасына кергән 6 регион арасында булуын билгеләп үтте. Моннан тыш, Татарстанда хезмәт җитештерүчәнлеген арттыру буенча региональ программа эшләнгән һәм уңышлы гына тормышка ашырыла, 20 ресурс үзәге базасында кадрлар әзерләү эше алып барыла, технопарклар, сәнәгать мәйданчыклары, инновация үзәкләре булдырыла, компетенцияләр үзәге эшли.

Моннан тыш, Татарстанда инновация территориаль кластерлар үсеше белән параллель рәвештә сәнәгать кластерлары да формалаштырыла, алар уртак проектларны гамәлгә ашыру кысаларында импортны алыштыручы сәнәгать продукциясен җитештерүгә юнәтелгән.

Киңәшмәдә предприятиеләр һәм эш белән тәэмин итү үзәкләренең үзара хезмәттәшлеге, компетенция үзәкләренең хезмәт җитештерүчәнлеген арттыру роле һәм функцияләре турында, шулай ук, программаны тормышка ашыруда институтларның үсеше хакында сүз барды.

"Автостат" аналитика агентлыгы мәгълүматлары буенча КАМАЗ җәмгыятендә ("Ростех" Дәүләт корпорациясенә керә) җитештерелүче автомобильләрнең дүрт төрле моделе 2017 елның август ае нәтиҗәләре буенча Россиядә йөк машиналарының  иң популяр беренче бишлегенә керде. Компания Россия яңа йөк автомобильләре базарының лидеры булып кала.

Агымдагы елның август аенда Россиядә яңа йөк автомобильләре базарының күләме 7,8 мең берәмлек тәшкил итте – бу узган елга караганда 65,3% артыграк. 2017 елның 8 ае нәтиҗәләре буенча барлыгы Россия яңа йөк автомобильләре базары якынча 46 мең данәгә арткан – бу узган елның шул ук вакыт аралыгы белән чагыштырганда 47% күбрәк.

2017 елның августында Россиядә 2,6 мең КАМАЗ автомобиле сатылган, бу узган елның шул ук вакыт аралыгыннан 49,5%ка югарырак, әлеге күрсәткечләр Россия яңа йөк машиналары базарында компаниянең алдынгы булуын раслый. Икенче урында илебезнең икенче бренды - GAZ урнашкан, аның күрсәткечләре 691 автомобиль тәшкил иткән (+1,8%). Беренче өчлекне алман автомобиле MAN тәмамлый (610 данә), алман автомобиле сатылышы 3,7 тапкыр арткан. Лидерлар бишлегенә августта шулай ук, алман Mercedes-Benz йөк машинасы (561 данә; +162,1%) һәм шведларның Scania йөк автомобиле (527 данә; +180,3%) керделәр.

Экспертлар билгеләп үткәнчә август рейтингында модельләр арасында лидер позициясендә КАМАЗ-5490 кала, аларның сатылышы 523 берәмлек (+121,6%) тәшкил иткән. Лидерлар рәтендә шулай ук, КАМАЗ-43118 (517 данә; +38,2%) һәм Mercedes-Benz Actros (486 данә; +151,8%). Иң популяр бишлекне тагын ике россия автомобиле - КАМАЗ-6520 (471 данә; +80,5%), КАМАЗ-65115 (431 данә; +31,8%) йомгаклый.

«Татнефть» компаниясенең ТатНИПИнефть белгечләре тарафыннан яңа эффектив МГЭС-М технологиясе эшләнгән.

Яңа эшләнмәнең өстенлеге – аның экологик чиста һәм әйләнә-тирәлеккә тискәре йогынтысы булмавында. Моннан тыш, аны куллануда транспортлауда кирәкле, скважиналарга сыекча тутыруны тәэмин итүче, җиһазларны яңартуга өстәмә чыгымнарны булдырмавы мөһим.

Республика предприятиеләре һәм оешмалары үтенече буенча "Наше время – Безнең заман" ел саен уздырыла торган V ачык республика телевизион эшче яшьләр иҗаты фестивалендә катнашу өчен гаризаларны кабул итү 2017 елның 29 сентябренә кадәр озайтылды.

Катнашу өчен гаризаларны Фестивальнең Нигезләмәсенә таянарак  түбәндәге электрон адреска юлларга кирәк: beznenzaman@mail.ru яки почта аша түбәндәге адреска җибәрергә мөмкин: 420111, Казан ш., Карл Маркс ур., 23/6, Татарстан Республикасының "Созвездие-Йолдызлык" төбәк яшьләр иҗтимагый оешмасына, тел.: 8(843) 238-43-17, 238-00-63.

Фестивальнең Нигезләмәсе, Гариза һәм башка документлар фестивальнең рәсми сайтында урнаштырылган http://bzzm.ru/  һәм министрлык сайтында да бастырылган: http://mpt.tatarstan.ru/rus/televizionniy-festival-rabotayushchey-molodezhi.htm.

Белешмә өчен:

"Наше время – Безнең заман" Республика эшче яшьләр иҗат фестивале  Татарстан Республикасы Президенты ярдәме белән 2013 елдан бирле уздырыла. Фестиваль ТР сәнәгать һәм сәүдә министрлыгы, ТР яшьләр эшләре һәм спорт министрлыгы, ТР профсоюзлар Федерациясе, шулай ук, кайбер башка министрлык, ведомство һәм оешмалар ярдәме белән гамәлгә ашырыла. Фестивале дәүләт социаль әһәмияткә ия проект булып тора һәм коммерция максатларын күздә тотмый. Фестивальнең миссиясе - яңа буын кадрлар хәзерләү, эшче һәм инженер һөнәрләрен популярлаштыру һәм республика  предприятиеләрендә һәм оешмаларында эшләүче яшьләрнең иҗади потенциалын ачу.