Казанда санлаштырылган икътисад өлкәсендә дөньядагы иң яхшы эш тәҗрибәләре турында сөйләшәләр

Бүген Ernst&Young компаниясе Казанның ИТ-парк мәйданчыгында “Татарстан Республикасында дәүләтне һәм бизнесны санлаштырып үзгәртеп кору: дөньядагы иң яхшы эш тәҗрибәләре, кейслар һәм технологияләр” темасына үзенең эшен башлап җибәрде. Чарада Татарстан Республикасындагы министрлыклардан, ведомстволардан, муниципаль берәмлекләрдән, иҗтимагый берләшмәләрдән, ВУЗлардан, тармакның зур предприятиеләреннән вәкилләр катнаша.

11 декабрьдән 12сенә кадәр санлаштырылган икътисадның глобаль трендлары, иң яхшы эш тәҗрибәләре нигезендә индустрияне үстерүгә яңа алымнар, шулай ук санлаштыру дәверендә бизнесны үстерү турында сөйләшәчәкләр.

Эшлекле сессияне ТР Премьер-министры – Татарстан Республикасы сәнәгать һәм сәүдә министры Альберт Кәримов ачып җибәрде. “Бүген күпләр санлаштыру, әйберләр интернеты, блокчейн технологиясе турында сөйли, – дип билгеләде Альберт Кәримов. – Бу проектлар бүген ни рәвешле тормышка ашырыла һәм иртәгәсе көндә безгә ни көтәргә – семинар барышында без әлеге сорауларга җавап табарга тырышачакбыз”.

Ernst&Young – Британиянең аудитор-консалтинг компаниясе, дөньядагы иң зур компанияләрнең берсе. Ул Илкүләм аудитор компанияләренең глобаль партнерлыгыннан гыйбарәт. Дөньяның 150 илендә компаниянең 728 офисы бар. Персоналның гомуми исәбе – 230 мең кеше.