ЯҢАЛЫКЛАР
1 июнь көнне "А.М.Горький исемендәге Яшел Үзән заводы" АҖ (предприятие "Ак Барс" холдинг компаниясе" АҖ компанияләре төркеменә керә) 22100 проекты белән ясалган беренче серияле чик буе сак корабын тантаналы рәвештә суга җибәрү чарасы булды, әлеге кораб "Петропавловск-Камчатка" исеме белән аталды.
Тантаналы чарада Россия Федераль куркынычсызлык хезмәтенең Чик буе хезмәте яр буе сак департаменты җитәкчесе, адмирал Геннадий Медведев, УМТО-7 хезмәте башлыгының беренче урынбасары, генерал-майор Олег Колесник, УМТО-7 хезмәтенең 1 бүлегендәге 3 бүлекчә башлыгы, 2 ранг капитаны Алексей Ларионов, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы буенча Россия Федерациясе Федераль куркынычсызлык хезмәте идарәсе башлыгы урынбасары Олег Назаров, "Ак Барс" холдинг компаниясе" АҖ генераль директоры Иван Егоров, "Ак Барс" суднолар төзү корпорациясе" АҖ генераль директоры Ренат Мистахов, "А.М.Горький исемендәге Яшел Үзән заводы" АҖ генераль директоры урынбасары – техник директор Вячеслав Подоксик, "Алмаз" үзәк диңгез конструкторлык бюросы"ның 22100 проектының баш конструкторы Борис Лейкис һәм башкалар катнашты.
"Бүген без хәрби дан шәһәренең исеме – "Петропавловск-Камчатка" дип горур аталып йөртеләчәк сериядәге беренче корабны җибәрәбез, ул безнең даһи илебезнең төньяк-көнчыгышында Россия Федерациясе форпосты булып тора". Әлеге проект буенча беренче кораб инде бер елдан артык Арктика киңлекләрендә хезмәт итә, дәүләт чиген саклау буенча киң колачлы бурычларны үти. Чик буен саклау хезмәтендә яр буе сак өлкәсендә әлеге корабларга ихтыяҗ бик зур. Мондый корабларны Арктикада, Камчаткада, Сахалинда, Приморьеда көтәләр", – диде җыелган кешеләрне сәламләп Геннадий Медведев. Ул шулай ук предприятие коллективын һәм проектантны яхшы сыйфатлы башкарылган эш өчен тәбрик итте һәм рәхмәт белдерде, алга таба уңышлар теләде.
"Алмаз" ҮДКБ" АҖ (Санкт-Петербург ш.) эшләнелешендәге "Океан" яңа буын проекты нигезендә башкарылган чик буен саклау корабы (ПСКр) – Россиянең хәзерге тарихында тулысынча диңгез пограничниклары (Россия Федераль куркынычсызлык хезмәтенең Чик буе хезмәте Яр буе сак департаменты) таләпләре нигезендә проектланган иң беренче кораб. Кораб – күпфункцияле, аның хәрби потенциалы югары һәм ул зур масштаблы коткару операцияләрендә катнаша ала. Техник үзлекләре җыелмасы буенча (тизлеге – 21 төен, боз классы, йөзү ераклыгы – 12 мең мильгә кадәр, автономиялелеге – 60 тәүлек) "Океан"ның аналоглары юк.
"Бу кораб комплекслы якын килү үрнәге булып тора, аның зур һәм хәрби потенциалы бар, шул ук вакытта ул коткару операцияләрендә дә катнаша ала. Мондый заманча корабларның безнең республикада, А.М.Горький исемендәге Яшел Үзән заводында җитештерелүе белән без горурланабыз", – дип билгеләде завод халкы алдында чыгыш ясап Альберт Кәримов.
"Океан"ның 1 ранг ПСКр корабының төп бурычы – Россия Федерациясендәге махсус икътисад зонасын саклау. Шулай ук су өслегеннән бәхетсезлеккә дучар булган очкыч судноларның, корабларның, катерларның һәм башка йөзгечләрнең экипажларын һәм пассажирларын эзләү һәм коткару буенча авария-коткару операцияләрендә катнашу; судноларда янгыннарны сүндерүдә, аварияле судноларны ышык урыннарынга буксирлаганда һәм озата барганда ярдәм күрсәтү; террорчылыкка һәм пиратлыкка каршы көрәштә, контрабанда, законсыз миграция күренешләрен чикләгәндә Россия Федераль куркынычсызлык хезмәтенең махсус билгеләнеш бүлекчәләре эшен тәэмин итү күздә тотыла.
"Ак Барс" суднолар төзү корпорациясе" АҖ генераль директоры Ренат Мистахов завод халкын бәйрәм вакыйгасы белән котлады, шулай ук "А.М.Горький исемендәге Яшел Үзән заводы" АҖнең меңләгән санлы коллективы исеменнән Россия Федерациясе, Татарстан Республикасы, Россия ФСБ, "Ак Барс" холдинг компаниясе" җитәкчелегенә әлеге хезмәтне башкару мөмкинлеген биргән өчен рәхмәт белдерде.
22100 проектының (шифр - "Океан") баш "Полярная звезда" корабы хәзерге вакытта Көнбатыш арктик районы буенча Россия ФСБ Чик буе идарәсендә хезмәт итә. Баш корабка 2012 елның 30 маенда нигез салынды. Корабта тантаналы рәвештә флаг күтәрү чарасы Кронштадта 2016 елның 17 декабрендә гамәлгә ашырылды. Бүгенге көндә предприятиедә 22100 проекты буенча өченче серияле заказ төзелеше алып барыла, аңа 2017 елның 28 апрелендә старт бирелде.
Бүген Яр Чаллы шәһәренең "Форд Соллерс" заводында яңартылган беренче Форд Экоспорт автомобилен төшерү тантанасы булды.
Тантаналы чара Татарстан Республикасы Премьер-министры урынбасары – ТР сәнәгать һәм сәүдә министры Альберт Кәримов, Европа, Якын Көнчыгыш һәм Африка илләрендә Ford компаниясе бүлекчәләренең генераль директоры Стивен Армстронг, Ford Европаның уртак предприятиеләрен, альянсларны һәм коммерция эшчәнлеген тикшерүдә тотучы Вице-президенты Биргит Берендт, Ford Sollers Президенты һәм уртак предприятие СЕО Әдил Ширинов катнашты.
Яңа буын җыйнак кроссоверы яңартылгын экстерьеры, принципиаль яңа инетрьеры, көч агрегатлары җыелмасы, шулай ук өстәмә җиһазландырылуы белән аерылып тора.
Белешмә өчен:
Россиядә Ford EcoSport җитештерү эше 2014 елның декабрендә башланды. Җыйнак кроссовер Яр Чаллыда әле яңа ачылган Ford Sollers предприятиесендә конвейерга баскан беренче модель булды. Россиядә җитештерелгән Ford Sollers сатуга старт бирелгәннән бирле 17 000 тирәсе автомобиль сатылды.
Ford Sollers уртак предприятиеләренең Россиядә 4 җитештерү мәйданы бар, аларда тулы цикл технологиясе буенча Россия базары өчен локальләштерелгән һәм яраклаштырылган 7 модель, шулай ук 1,6 л сыешлы Duratec бензин двигательләре чыгарыла. Всеволожск заводында Ford Focus һәм Ford Mondeo чыгарыла, Алабугада — Ford Explorer, Ford Kuga һәм Ford Transit, Яр Чаллыда — Ford Fiesta һәм Ford EcoSport. Модельләр рәтендә уртача локальләшү проценты 60% тәшкил итә. Ford Sollers барча җитештерү предприятиеләре һәм аларда чыгарыла торган продукция тулысынча Ford Motor Company глобаль сыйфат стандартларына җавап бирә. Россиядә Ford Sollers проектларына гомуми инвестицияләр күләме $1,5 млрд тирәсе тәшкил итә.
Бүген Татарстан Республикасы Премьер-министры урынбасары – Татарстан Республикасы Министрлар Кабинеты Аппараты Җитәкчесе Ш.Х.Гафаров йөкләмәсе буенча ТР Сәнәгать һәм сәүдә министрлыгында министрлык хезмәткәрләрен янгын яисә башка төрле гадәттән тыш хәлләр барлыкка килгәндә үз-үзләрен имин тоту күнекмәләренә өйрәтү буенча чараларны гамәлгә ашыру максатында хезмәткәрләрне министрлык бүлмәләреннән эвакуацияләү буенча күнекмәләр уздырылды.
2018 елның 3 октябреннән 6сына кадәр Мәскәүдә энергонәтиҗәлелек һәм энергетиканы үстерү буенча "Россия энергетика атнасы" халыкара форумы узачак.
Форум кысаларында Россия Федерациясе Энергетика министрлыгы массакүләм мәгълүмат чаралары, ЯЭК компанияләре матбугат хезмәтләре һәм төбәк хакимиятләре арасында Дүртенче "МедиаТЭК" Россиякүләм конкурсын оештыра. Конкурс төбәк һәм федераль дәрәҗәләрендә уздырыла.
Татарстан Республикасы территориясендә Конкурсның төбәк этабын уздыруга вәкаләтле орган булып Татарстан Республикасы Сәнәгать һәм сәүдә министрлыгы тора.
"МедиаТЭК" конкурсының төбәк этабына 2017 елның 1 сентябеннән башлап 2018 елның 20 августына кадәр массакүләм мәгълүмат чараларында дөнья күргән яисә тормышка ашырылган проектлар һәм журналист эшләре кабул ителә. "МедиаТЭК" конкурсының төбәк этабында катнашу өчен массакүләм мәгълүмат чаралары, журналистлар һәм ягулык-энергетика комплексы матбугат хезмәтләре (җәмәгатьчелек белән элемтә бүлекләре) чакырыла.
"МедиаТЭК" конкурсының төбәк этабында катнашу өчен билгеләнгән формада заявка әзерләргә һәм аны Татарстан Республикасы Сәнәгать һәм сәүдә министрлыгына 2018 елның 5 июненнән 1 августына кадәр скан аша чыгарылган ("pdf" форматында) электрон рәвештә Diana.Hamzina@tatar.ru электрон почта адресына җибәрергә кирәк.
Конкурсның төбәк этабын уздыру турында нигезләмә Татарстан Республикасы Сәнәгать һәм сәүдә министрлыгының http://mpt.tatarstan.ru/rus/ren-2018.htm адресы буенча рәсми сайтында урнаштырылды.
28-29 майда Дәүләт Җыены Комитеты – Башкортстан Республикасы Корылтае делегациясе Татарстан Республикасына эш сәфәре белән килеп китте.
Сәфәр барышында төбәкнең сәнәгый лазер технологияләре буенча "КАИ-Лазер" инжиниринг үзәге, "КАПО-Композит" АҖ, "Туполев" ГАҖ филиалы – С.П.Горбунов ис. КАЗ, "КВЗ" ГАҖ каралды.
Моннан тыш, "Казан вертолет заводы" ГАҖ базасында "Татарстан Республикасы һәм Башкортстан Республикасы предприятиеләре мисалында яңа 4.0 технологик платформасында авиатөзелеш комплексы предприятиеләре кооперациясенең киләчәге" темасына түгәрәк өстәл булып узды, анда Татарстан Республикасы Дәүләт Советы дпетутатлары Марат Галиев, Вадим Лигай, Камил Садриев, Марат Шәһитов һәм Дәүләт Җыены – Татарстан Республикасы Башкортстан Корылтае депутатлары Рәшит Хәйруллин, Сергей Павлов катнашты.
Дәүләт хакимияте органнарыннан чарада Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Башкортстан Республикасы сәнәгать һәм инновацион сәясәт министры Алексей Карпухин, Татарстан Республикасы Президенты ярдәмчесе Равил Зарипов, Татарстан Республикасы Сәүдә-сәнәгать палатасы рәисе Шамил Агеев катнашты.
Утырышта шулай ук сәнәгать предприятиеләре: "Туполев" ГАҖ филиалы – С.П.Горбунов ис. Казан авиация заводы, "Төбәктәге сәнәгый лазер технологияләренең "КАИ-Лазер" инжиниринг үзәге" АҖ, "Казан Гипронииавиапром" АҖ, "Агыйдел" ДУП, "Уфаның "Молния" КҖП" АҖ җитәкчеләре, шулай ук "КФТТУ-КАИ" ЮББ ФДБМУ җитәкчелеге катнашты.
Авиатөзелеш комплексын үстерү өлкәсендәге хәзерге эшләр турында фикер алышып, түгәрәк өстәлдә катнашучылар дәүләтнең конкурентлыкка сәләтле булуы дәрәҗәсен һәм инновацияле икътисадын үстерүдәге әһәмиятенә бәйле рәвештә, авиатөзелешнең иң әһәмиятле тармак булуын билгеләп уздылар.
Чара нәтиҗәләре буенча Татарстан Республикасы Сәнәгать һәм сәүдә министрлыгына, Башкортстан Республикасы Сәнәгать һәм инновацион сәясәт министрлыгына, Татарстан Республикасы һәм Башкортстан Республикасы авиатөзелеш сәнәгате һәм барча машина төзелеше комплексы предприятиеләренә яңа техника эшләү программаларын тормышка ашыру, 4.0 технологияләре нигезендә барлык циклы буенча җитештерүне әзерләү һәм оештыру өлешендә Казан вертолет заводының уңай эш тәҗрибәсен өйрәнү һәм тарату, шулай ук Казан вертолет заводы белән Күмертау вертолет заводын әлеге предприятиеләрдә иң нәтиҗәле технологик процессларны файдалану максатында махсуслаштыруны һәм кооперацияләүне планлы рәвештә тирәнәйтү, предприятиеләрнең конкурентлылык дәрәҗәсен арттыру максатында җитештерү моделен һәм процессларны интеграллаштыруны тирәнәйтү киңәш ителде.
Бүген Хөкүмәт йортында брифинг булды, анда Петербургның халыкара икътисад форумы (ПХИФ-2018) йомгаклары турында сүз барды.
Брифингта Татарстан Республикасы Премьер-министры урынбасары – сәнәгать һәм сәүдә министры Альберт Кәримов, ТР Премьер-министры урынбасары – мәгълүматлаштыру һәм элемтә министры Роман Шәйхетдинов, ТР икътисад министры Фәрит Габделганиев катнашты.
Петербургның халыкара икътисад форумы кысаларында Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе 40 рәсми очрашуда катнашты. Татарстан делегациясе әгъзалары Россия төбәкләрендәге һәм чит илләрдәге дәүләт хакимияте органнары вәкилләре, чит ил һәм Россия компанияләре җитәкчелеге белән очрашты.
ПХИФ-2018 кысаларында гомуми 2,3 трлн сумлык 550 инвестиция килешүе төзелде.
Альберт Кәримов ТР икътисады өчен Шәйх Сәлмән Бин Хәлиф Әл Хәлифә (Бәһрәйн), Россиядә Saint-Gobain компаниясе вәкиллеге генераль директоры Эрван Дюпуи белән әһәмиятле очрашуларны, шулай ук имзаланган документларны, шул исәптән "Нижнекамскнефтехим" ГАҖ белән биш алман банкы консорциумы арасында озак вакытлы кредит килешүен (Deutsche Bank тыш UniCredit Bank AG, Bayerische Landesbank, Landesbank Baden-Wurttemberg, DZ BANK AG акча бирәчәк), "КАМАЗ" ГАҖ зур йөк машианаларының яңа модельләрен гамәлгә ашыру буенча махсус инвестиция контрактын һәм хезмәттәшлек турында Үзбәкстан, Молдова һәм Санкт-Петербург белән төзелгән килешүләрне билгеләде.
Шулай ук Альберт Кәримов Татарстан Республикасы Сәнәгать һәм сәүдә министрлыгы линиясе буенча AVIETTA компаниясе вәкилләре, Европа бизнесы ассоциациясе генераль директоры Франк Шауфф белән, Үзәк потенциалын һәм "Яшел Үзән проект-конструкторлык үзәге" АҖдә Үзәк филиалы булдыру кысаларында хезмәттәшлек итүнең мөмкин булган вариантларын карау максатында "Крылово дәүләт фән үзәге" вәкилләре белән, Россиядәге Enel төркеме – альтернатив энергия чыганаклары буенча җил энергетикасы контрактларында актив катнашучы һәм РФ территориясендә җил парклары ачуның мөмкин булган барлык вариантларын караучы эре инвестор белән уздырылган очрашулар турында сөйләде.
Бүген Яр Чаллыда “ХайерЛаундри Машин РУС” ҖЧҖ кер юу машиналары заводына – 2016 елда Татарстан Республикасы территориясендә суыткычлар җитештерү заводы ачылганнан соң “Haier” Кытай компаниясенең икенче инвестиция проектына беренче таш салу тантанасы булды.
ТР Сәнәгать һәм сәүдә министрлыгыннан чарада министр урынбасары Герман Лернер катнашты.
Завод Кытайдан көнкүреш җитештерүчесенең беренче сәнәгый парк резидентына әвереләчәк. Паркка булган инвестицияләр күләме якынча 1 млрд доллар тәшкил итә.
Яңа заводның аерылып тора торган үзенчәлеге булып югары технологик җайланмалар һәм заманча технологияләр торачак. Булачак заводның проект куәте елына ярты миллион кер юу машинасы тәшкил итә, анда 385 эш урыны булдырылачак. Кер юу машиналары заводы уртача һәм уртача-югары бәя сегментларына караган көнкүреш техникасы җитештерәчәк.
Линияне 2019 елда эшләтеп җибәрү планлаштырыла.
28-30 май көннәрендә Татарстан Республикасы сәнәгать һәм сәүдә министры урынбасары Илдар Мингалиев җитәкчелегендәге Татарстан Республикасы делегациясе Томск шәһәренә эш сәфәре кыла.
Делегация составына Теләче районы башлыгы И.Зарипов, Татарстан Республикасы Сәнәгать һәм сәүдә министрлыгы, Татарстан Республикасы Фәннәр академиясе, “КАМАЗ” ГАҖ, “ТаграС-ЭнергоСервис” ҖЧҖ, “ТЕХЦЕНТР РариТЭК”, “Әлмәт Радиоприбор заводы” АҖ, “Казан авиация технологияләре фәнни-тикшеренү институты” АҖ, КФТТ-КХТИ вәкилләре керде.
Хезмәттәшлекнең перспективалы юнәлешләре турында сөйләшү һәм ике як мөнәсәбәтләрен ныгыту максатында Томск өлкәсе хакимиятендә Татарстан делегациясе Томск өлкәсе Губернаторы урынбасарлары Игорь Шатурный, Андрей Антонов, Людмила Огородовалар белән очрашты.
Сәфәр барышында делегация Томск өлкәсендәге түбәндәге предприятиеләрне караячак – “ТЭМЗ” ААҖ, “Новохим” ҖЧҖ, “Томск” сәнәгать паркы, МИЗ, “Газпром трансгаз Томск” ҖЧҖ, Томск өлкәсенең “Областное ДРСУ” ДУП, “Томск электрон компаниясе” ФҖП ҖЧҖ, “ЭлеСи” АҖ, “Микран” КҖФ АҖ, “Технология маркет” ЯАҖ һәм Томск ш. ВУЗлары.
2018 елның 1 июнендә “Төбәкләр өчен киләчәк кадрлары” стратегик инициативасының беренче этабында катнашу өчен документлар тапшыру тәмамлана.
Исегезгә төшерәбез, проектта Россия Федерациясенең 7 субъектыннан 14-17 яшендәге талантлы яшүсмерләр катнаша ала.
Проектның максаты талантлы һәм югары мотивацияле балалар, яшьләр һәм аларның остазлары арасыннан төбәкнең лидер командаларын (“төбәкләрне үстерү командаларын”) формалаштырудан гыйбарәт. Инициативаны тормышка ашыру барышында катнашучы төбәкләрдә талантларны нигезле саклап калу механизмын (балалар һәм яшьләр өчен һөнәри новигация системасы, кичектереп торылган хезмәт шартнамәсе, максатчан укыту, стажировкалар һәм практикалар, дуаль белем бирү һ.б.) эшләү һәм норматив яктан беркетү планлаштырыла.
Төп оештыручы булып Стратегик инициативалар агентлыгы катнаша.
Проектны тормышка ашыру ике этапка бүленә:
- “Игътибар фокусы” сайлап алу конкурсын уздыру, аның нәтиҗәсендә 7 РФ субъектыннан катнашучылар исемлеге формалаштырылачак;
- “Губернатор мәктәбе”ндә укыту, аның кысаларында яшүсмерләр проект эшчәнлеге күнекмәләрен алачак; инициативаның иң яхшы катнашучыларын турыдан-туры сайлап алу һәм аларга остазлар беркетү гамәлгә ашырылачак.
- Хосусый программаларны тормышка ашыру: мәктәп укучылары остазлары җитәкчелегендә проект эшчәнлеге буенча тәҗрибә алачак.
- Әзерләнгән проектларны “Остаз” россиякүләм форумы мәйданчыкларында, россиякүләм балалар үзәкләрендә презентацияләү мөмкин булачак.
Тулырак мәгълүматлар белән “Сәләтле балалар” интернет-порталында (www.globaltalents.ru) танышырга яисә 8915-481-57-01, 8(495) 603-85-77 телефоннары, шулай ук mail@globaltalents.ru электрон почтасы аша белешергә мөмкин.
2018 елның 24-25 май көннәрендә Татарстан Республикасы делегациясе Татарстан Республикасы Р.Н.Миңнеханов җитәкчелегендә Петербургның халыкара икътисад форумы эшендә катнашты. Делегация составына республика министрлыклары, ведомстволары һәм Татарстан Республикасы предприятиеләре җитәкчеләре керде. Татарстан Республикасы Сәнәгать һәм сәүдә министрлыгыннан чарада Татарстан Республикасы Премьер-министры урынбасары Альберт Кәримов һәм аның урынбасары Алмаз Хөсәенов катнашты.
Форум кысаларында Татарстан Республикасы Президентының Санкт-Петербург Губернаторы Георгий Полтавченко белән (Татарстан Республикасының Санкт-Петербург белән килешүен тормышка ашыру буенча чаралар планы имзаланды), Ташкент өлкәсе Хакиме Гуломжон Ибраһимов белән (Татарстан Республикасының һәм Ташкент өлкәсенең ике арадагы хезмәттәшлеге турында килешү имзаланды), Гагаузия (Молодва Республикасы) автономияле-территориаль берәмлеге башлыгы Ирина Влах белән (Татарстанда Гагаузия вәкиллеген ачу турында килешү имзаланды) очрашулары узды.
Татарстан Республикасы Президенты Рөстәм Миңнеханов хезмәттәшлек турында берничә документка:
- "Яңа проектларны алга этәрү буенча стратегик инициативалар агентлыгы" автономияле коммерциясез оешмасы генераль директоры Светлана Чупшева белән Татарстан Республикасы территориясендә "Төбәкләр өчен киләчәк кадрлары" стратегик инициативасын тормышка ашыру максатларында хезмәттәшлек итү турында килешүгә;
- "Икътисадый үсешне тизләтү институты (Рыбаков Фонды)" фондын гамәлгә куючы Игорь Рыбаков белән Татарстан Хөкүмәте һәм "Икътисадый үсешне тизләтү институты (Рыбаков Фонды)" фонды арасында хезмәттәшлек турында килешүгә кул куйды.
Шулай ук чит илдәге һәм Россиядәге компанияләр белән очрашулар узды.
Татарстан Республикасы Президенты Рөстәм Миңнеханов һәм "Газпром" ГАҖ Идарәсе Рәисе Алексей Миллер инновацияләр өлкәсендә хезмәттәшлек турында килешүгә кул куйды.
Татарстан Президенты катнашында түбәндәгеләр имзаланды:
- Татарстан Республикасы Хөкүмәте һәм "Агроторг" ҖЧҖ арасында инновация өлкәсендә хезмәттәшлек турында килешү;
- Татарстан Республикасы белән X5 RetailGroup компаниясе арасында хезмәттәшлек турында килешү. Яклар ваклап сату өлкәсендә Татарстан Республикасының инновацион һәм социаль-икътисадый инфраструктурасын үстерү, шулай ук импорталмашны көчәйтү өстендә эшләү һәм Россиянең мәгълүмати технологияләрен үстерү турында килешенде;
- "КАМАЗ" ГАҖ белән "Эр Ликид" төркеме арасында 20 еллык срокка техник газ китертүгә инвестиция контракты;
- "Трансойл" төркеме белән "Русфонд" хәйрия фонды арасында хәйриячелек эшчәнлеге турында килешү, аның нигезендә "Трансойл" төркеме акчаларын Казан федераль университетының Фундаменталь медицина һәм биология институты лабораториясенә потенциаль җелек донорларының типларын билгеләүне автоматлаштыру һәм тизләтү өчен кирәкле җайланмалар сатып алу күздә тотыла.
- Һөнәри осталык буенча 45 нче WorldSkillsKazan 2019 дөнья чемпионатының оештыру комитеты һәм Россиядәге Coca-Cola системасы арасында партнерлык килешүе.
"КАМАЗ" ГАҖ һәм "ДАЙМЛЕР КАМАЗ РУС" ҖЧҖ арасында махсус инвестиция контрактына кул куелды. Контракт "КАМАЗ" заводында "ДАЙМЛЕР" белән берлектә яңа каркаслы кабиналар җитештерүне үстерүгә юнәлдерелгән.
"Нижнекамскнефтехим" компаниясе 2032 ел азагына кадәр 807 млн евро суммасына Ойлер Гермес (EulerHermes) иминият полисы белән тышлау буенча озак вакытлы кредит килешүе төзеде.