ЯҢАЛЫКЛАР
2021 елның 23 августында «Ак Барс» суднолар төзү корпорациясе» АҖ («Ак Барс» холдинг компаниясе» АҖ компанияләре төркеме) составына керүче «А.М.Горький исемендәге Зеленодольск заводы» АҖдә BLV03 проектының ике – «Александр Парфенов» һәм «Всеволод Пересыпкин» судноларын суга төшерү тантанасы узачак.
«Ремдизель» АҖ 22-28 август көннәрендә «Патриот» паркында узачак «Армия-2021» халыкара хәрби-техник форумында катнашачак. Компания продукциясе белән павильон каршында 244 стендында танышырга мөмкин булачак.
«Хезмәт җитештерүчәнлеге» илкүләм проектында катнашучы предприятиеләр «Процесслар фабрикасы» конкурс трегында рациональләштерү һәм җитештерүчәнлек буенча беренче Кубокка ярыша алачак. Катнашу өчен 2021 елның 23 августына кадәр чара сайтында гариза бирегез. Командаларга хезмәт җитештерүчәнлеге өлкәсендә төбәк компетенция үзәкләренең «Процесслар фабрикасы» базасында сайлап алу этабын узарга туры киләчәк.
Бүген Татарстан Республикасы сәнәгать һәм сәүдә министры урынбасары Герман Лернер Ыспарта Сәүдә-сәнәгать палатасы делегациясе белән очрашты. Очрашу Татарстан Республикасы Сәнәгать һәм сәүдә министрлыгында узды.
Очрашуда Ыспарта Сәүдә-сәнәгать палатасы идарәсе рәисе, AKSU Enerji компаниясенең директорлар советы рәисе Мостафа Тутар, Ыспарта Сәүдә-сәнәгать палатасы советы рәисе, Şanlanlar Gıda директорлар советы рәисе Осман Шанлан, Ыспарта Сәүдә-сәнәгать палатасы идарәсе рәисе урынбасары, Bara Kozmetik компаниясенең директорлар советы рәисе Әхмәт Кабалак, шулай ук Ыспарта Сәүдә-сәнәгать палатасы идарәсе әгъзалары катнашты.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Татарстан делегациясе составында Казакъстанга килде. Визит кысаларында ул Казакъстан Республикасының индустрия һәм инфраструктура үсеше вице-министры Марат Карабаев белән очрашты, шулай ук «Казакъстан авиация индустриясе» җаваплылыгы чикләнгән ширкәтендә булды, анда аңа илнең авиация сәнәгате үсеше турында сөйләделәр.
30 августта ТР Президенты Рөстәм Миңнеханов ярдәме белән һәм ЮНЕСКО эшләре буенча РФ комиссиясе эгидасында үткәрелә торган «Наше время – Безнең заман» эшче яшьләр иҗаты ачык республика телевидение фестивалендә җиңүчеләр һәм лауреатлар зур концерт белән чыгыш ясаячак.
Эшләүче яшьләр Татарстан Республикасы көне һәм Шәһәр көне уңаеннан Казан халкы һәм кунаклары өчен иҗади бүләк ясаячак.
«Наше время – Безнең заман» фестивале лауреатларының матур чыгышы гадәттәгечә Г.Камал исемендәге Татар дәүләт академия театры каршындагы мәйданда узачак. Концерт 13:30 сәгатьтә башлана, чыгышлар 16:00 сәгатькә кадәр дәвам итәчәк.
Быел эшче яшьләр фестивале Туган телләр һәм халыклар бердәмлеге елына багышланган, шуңа күрә концерт вакытында тамашачыларга дөньяның төрле халык биюләре һәм җырлары белән баетылган матур программа тәкъдим ителәчәк.
«Юл хәрәкәте иминлеге» ДБУ; «Туполев» ГАҖ филиалы – С.П.Горбунов исемендәге Казан авиация заводы; «Аммоний» АҖ; Казан дары заводы; Мамадыш районы мәгариф бүлеге; Горький исемендәге Зеленодольск заводы; «Таттелеком» ГАҖ һ.б. иҗат коллективлары тамашачыларны үз иҗаты белән сөендерәчәк.
Чара кирәкле барлык санитария таләпләрен исәпкә алып уздырылачак, дип ассызыклый оештыручылар. Керү – ирекле.
POZIS компаниясе (Ростех дәүләт корпорациясенең «Технодинамика» холдингы идарәсе контурына керә) беренче тапкыр Израильне көнкүреш суыткыч техникасы белән тәэмин иткән. Килешү нигезендә заказ бирүче Full no Frost системасы белән югары технологияле суыткыч продукциясе алган.
Full no Frost линиясенең иң заманча характеристикалары булган ике камералы суыткычлар – «супер катыру» функциясе һәм электр энергиясен экономияле куллануны тәэмин итә торган A+ югары класслы энергия нәтиҗәлелеге моделе экспорт өчен популяр модельгә әйләнгән, бу исә ил базарында үзеннән-үзе өстенлекле булып тора. Бактерияләргә каршы өслек булуы, аның ярдәмендә продуктларны саклау вакытына зарарлы йогынты ясаучы авыру микроорганизмнар үрчү куркынычы тулысынча юкка чыгарылуы да аның тагын бер өстенлеге булып тора. Заманча суыту системасы белән тулы Full No Frost технологиясе бозланудан һәм суыту камералары стеналарында боз һәм бәстән котылырга мөмкинлек бирә.
POZIS җитештергән суыткыч җиһазлары сыйфаты һәм бәясе буенча конкурентлыкка сәләтле, чит илләрдә аның популяр булуы шуның белән аңлатыла да инде: 2021 елның җиде аенда «Россия экспорт үзәге» АҖ белән хезмәттәшлек итеп, узган елның шул ук чоры белән чагыштырганда, экспорт күләме 70 процентка арткан.
Шулай ук чит илдә фармацевтика суыткычларына һәм туңдыргычларына, шул исәптән кан һәм плазма саклау өчен даими температура параметрларын саклый торган махсус суыткыч приборларына да, ихтыяҗ зур.
POZIS барлык медицина техникасын җитештерүдә «салкын чылбыр»ның заманча таләпләрен тәэмин итү – даими температура шартларын саклап һәм GMP стандартларын үтәп, дару препаратларын саклау өчен кирәкле техник чишелешләр кулланыла. Суыткыч җиһазлары Евросоюз илләре («СЕ») сыйфат стандарты таләпләренә туры китереп сертификацияләнгән.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов «Неон арт» компаниясендә булды, анда ул компаниянең җитештерү комплексы һәм продукциясе белән танышты. «Неон-Арт» (Neon-Art) реклама-җитештерү компаниясенә 1993 елда Казанда нигез салынган, һәм ул бүген тышкы реклама һәм киңлекләрне рәсмиләштерү базарында иң эре уенчы булып тора. Компания тимер һәм тимер булмаган корылмалар һәм төрле билгеләнештәге әйберләр әзерли. Компаниянең җитештерү комплексы гомуми мәйданы 6000 кв. метрлы эшчәнлек куәтләренә ия, заманча, югары технологияле җиһазлар, квалификацияле һәм белемле кадрлар белән тәэмин ителгән. Компания штаты 200гә якын югары квалификацияле белгечне берләштерә.
«Хезмәт җитештерүчәнлеге» илкүләм проектын гамәлгә ашыру кысаларында «Һөнәри осталык үсеше агентлыгы (Ворлдскиллс Россия)» автоном коммерциясез оешмасы, Икътисадый үсеш министрлыгы белән берлектә, 2021 елда «Рационализаторлар марафоны» дип аталган чаралар циклын уздыра. Ул рационализаторлар хәрәкәтен формалаштыру һәм илкүләм проектта катнаша торган предприятиеләрдәге хезмәткәрләрнең квалификациясен күтәрүгә юнәлдерелгән.
2021 елның 17 августында 16:00-17:00 сәгатьләрдә «Рационализаторлар марафоны» дигән циклның беренче чарасы узачак. Чара спикерларны һәм тыңлаучыларны ерактан тоташтыру мөмкинлеге белән турыдан-туры-дистанцияле форматта узачак.
Башлангыч чараның төп игътибары – хәзерге рационализатор портреты һәм предприятиеләрдә алар эшчәнлеге өчен уңайлы мохит формалаштыру инструментлары, шулай ук рационализаторлар хәрәкәтендә катнашучылар белән танышу.
Чарада спикерларның берсе буларак Сергей Обозов («Росатом» дәүләт корпорациясе) чыгыш ясаячак, ул тыңлаучыларга «Росатом» дәүләт корпорациясе эчендә рационализаторлар хәрәкәтенең барлыкка килүе һәм үсеше, хезмәткәрләрдән алынган рациональ тәкъдимнәрнең сыйфатын күтәрү өчен методикалар һәм алымнар турында сөйләячәк. Фикер алышудагы төп мәсьәлә: рационализатор потенциалы булган хезмәткәрне ничек ачыкларга һәм компания эчендә аны үстерү өчен ничек шартлар тудырырга.
Чарага гариза бирү әлеге сылтама буенча гамәлгә ашырыла: https://leader-id.ru/events/219276.
Оештыручының элемтә мәгълүматлары: Назарова Анна Михайловна, +7 (906) 456 60 68, a.nazarova@worldskills.ru.
Бүген Татарстан Республикасы Сәнәгать һәм сәүдә министрлыгында Татарстан Республикасында кулланучылар хокукларын тәэмин итү һәм яклау мәсьәләләре буенча координация советы утырышы узды.
Роспотребнадзорның Татарстан Республикасы идарәсенең алданган кулланучылар хокукларын яклау эшчәнлеге нәтиҗәләре турында доклад белән Роспотребнадзорның Татарстан Республикасындагы идарәсе җитәкчесе Марина Патяшина һәм Татарстан Республикасы Дәүләт алкоголь инспекциясе җитәкчесе Җәүдәт Әхмәтханов чыгыш ясады.
Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт мәгълүматлары буенча, юридик фирмаларның намуссыз гамәлләреннән зыян күргән тагын 67 гражданинны яклап булган, суд тарафыннан кулланучыларга 2,2 млн сум күләмендә акча бирелгән, әхлакый зыянны компенсацияләү 147 мең сумга төшкән.
Марина Патяшина билгеләп үткәнчә, Казан шәһәрендә автосалоннар эшенә бәйле шикаятьләр алына башлаган. Автомобильләр сату-алу килешүләрен төзегәндә кулланучыларга аларның бәясе, товар комплектациясе турында дөрес булмаган мәгълүмат бирәләр, автомобильне сатып алгач, аның бәясе баштан әйтелгәннән күпкә кыйммәтрәк, ә комплект өлешләре гадирәк булып чыга икән.