ЯҢАЛЫКЛАР
2021 елның 31 августыннан 2 сентябренә кадәр Казанда Россия нефть-газ тармагының иң эре халыкара чараларының берсе – Татарстан нефть-газ химиясе форумы узачак. Быел чара фән һәм технологияләр елына багышланган.
Форум Россия Федерациясе Сәнәгать һәм сәүдә министрлыгы, Россия Федерациясе Табигый байлыклар һәм экология министрлыгы, Татарстан Республикасы Президенты һәм Татарстан Республикасы Хөкүмәте ярдәмендә үткәрелә.
Татарстан нефть, газ, химия форумы «Казан Экспо» ХКҮ территориясендә узачак.
Форум кысаларында түбәндәгеләр планлаштырылган:
- «Нефть, газ. Нефть химиясе» 28 нче халыкара махсуслаштырылган күргәзмәсе – Идел буе федераль округында алдынгы тармак күргәзмәләренең берсе, икътисадны үстерү, технологик инфраструктура һәм Россиядәге нефть, газ, химия комплексы предприятиеләрен техник яктан яңадан җиһазлау өчен махсус әһәмияткә ия.
- «GEO-КАЗАН: Геологик разведка. Геодезия. Картография» 11 нче махсуслаштырылган күргәзмәсе – файдалы казылма ятмаларын эзләүнең инновацияле геологик һәм геофизик алымнарын үстерүгә һәм куллануга, яңа геомәгълүмати эшләнмәләр һәм технологияләр кертүгә ярдәм итүче уникаль проект.
- «Мессе Дюссельдорф Москва» ҖЧҖ белән берлектә оештырыла торган «Интерпластика Meeting Point Казань» төбәк проекты. Биредә синтетик материаллар һәм каучук җитештерү һәм эшкәртү өчен җиһазлар, чимал һәм ярдәмче материаллар, полимер материаллардан һәм каучуктан эшләнмәләр тәкъдим ителәчәк.
Күргәзмә экспозицияләрендә катнашучылар – Татарстан һәм Россиянең нефть химиясе, химия һәм нефть-газ комплексы өчен җиһаз җитештерүчеләр.
Форум кысаларында зур халыкара фәнни-гамәли конференцияләр һәм түгәрәк өстәлләр уздыру планлаштырыла.
2 сентябрьдә Татарстан нефть-газ химиясе форумы кысаларында Татарстан Республикасы нефть-газ һәм химия предприятиеләренең баш технологлары, механиклары, энергетиклары һәм метрологларының гадәттәге бизнес-очрашулары узачак, ул мэтчмейкинг (matchmaking) принцибы буенча оештырыла – тәэминатчылар белән сатып алучылар арасында алдан ук планлаштырылган график буенча кыска очрашулар булачак.
Күргәзмәдә катнашу өчен гаризалар кабул итү:
+7 (843) 202-29-28 өстәмә 137 яки 275
Күргәзмәгә килүчеләрне һәм эшлекле чараларда катнашучыларны теркәү https://expokazan.online/oil сайтында башкарыла.
«Процесслар фабрикасында» катнашу хокукы өчен Россиянең 35 төбәгеннән командалар көрәшәчәк. Рациональләштерү һәм җитештерүчәнлек буенча беренче кубокның тиешле конкурс трегына «Хезмәт җитештерүчәнлеге» илкүләм проектының 74 предприятиесе гариза биргән. Татарстан Республикасыннан конкурска 3 предприятие гариза биргән. Болар – «Әнәк» агрофирмасы» ҖЧҖ, «Казан дәүләт казна дары заводы» федераль казна предприятиесе һәм «АГРОСИЛА. ЧАЛЛЫ-МПК» ҖЧҖ. Исегезгә төшерәбез, чара Екатеринбургта 2021 елның 25-29 октябрь көннәрендә узачак.
Рациональләштерү буенча кубокны РФ Икътисадый үсеш министрлыгы Ворлдскиллс белән берлектә РФ Хөкүмәте Рәисенең беренче урынбасары Андрей Белоусов йөкләмәсе буенча оештыра. Чараны оештыручылар – Хезмәт җитештерүчәнлеге өлкәсендә федераль компетенцияләр үзәге.
Ярышларда җиңүчеләрне билгеләү өчен, газ басымы регуляторының идарә пультын җыю процессы кабатлап күрсәтеләчәк. Һәр командадан 5 оператор, 1 логист һәм яхшырту буенча 1 менеджер тәкъдим ителәчәк. 4 сәгать эчендә «Процесслар фабрикасы»нда катнашучылар, сакчыл җитештерү инструментларын кулланып, нәтиҗәле эшчәнлек корырга, иң күп табыш һәм иң аз үзкыйммәт белән 20 минут эчендә кирәкле сыйфатлы 10 әйбер чыгарырга тиеш.
Предприятиеләргә хезмәт җитештерүчәнлеге өлкәсендә төбәк компетенция үзәкләренең «Процесслар фабрикасы» базасында сайлап алу турын узарга туры киләчәк. Төбәкләр буенча график Кубокта катнашу өчен гаризаларны тикшергәннән соң төзеләчәк. Нәтиҗәләр буенча командалар рейтингы төзеләчәк, иң яхшылары чара кысаларында узачак финалга чакырылачак.
Рациональләштерү буенча беренче кубок 200 артык катнашучыны һәм экспертны берләштерәчәк. Кубок өчен кейслар «Росатом», «Роскосмос» һәм ФКҮ экспертлары тарафыннан эшләнгән. Чара нәтиҗәләре буенча иң көчле рационализаторлар берләшмәсе оештырылачак, алар Россия предприятиеләрендә җитештерүчәнлекне арттыруда үрнәк булачак.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Теләче муниципаль районына эш сәфәре кылды.
Визит кысаларында ул «Теләче» сәнәгать паркында булды, анда аның резидентлары белән очрашты, сыекландырылган табигый газ эшкәртү заводы төзелеше белән танышты, шулай ук Баландыш авыл җирлеге советы бинасын ачты.
«Теләче» сәнәгать паркы 2012 елда 36 гектардан артык мәйданда төзелгән. Сәнәгать паркы территориясендә 11 резидент эшчәнлек алып бара, аларга «Кряж+» ҖЧҖ (куркынычсыз калдыкларны эшкәртү һәм утильләштерү), «Авангард-Строй» ҖЧҖ (металл ишекләр һәм тәрәзәләр җитештерү), «ЛМР-Пласт» ҖЧҖ (башка пластик эшләнмәләр җитештерү), «СК Полимер» ҖЧҖ (пласттик плитәләр, полосалар, торбалар һәм профильләр җитештерү), «Созидание» ҖЧҖ (башка резин эшләнмәләр җитештерү), «Трейд-К» ҖЧҖ (башка резин эшләнмәләр җитештерү) һәм башкалар катнашты.
Теләче муниципаль районы территориясендә елына 12 мең тонна җитештерүчәнлеге булган сыекландырылган газ эшкәртү комплексы төзелә. Проектка инвестицияләр күләме 1 млрд.сум тәшкил итәчәк. Файдалануга тапшыру вакыты быелның 4 нче кварталында планлаштырылган.
Бүген Татарстан Республикасы сәнәгать һәм сәүдә министры урынбасары Герман Лернер «KazakhExport» экспорт иминият компаниясе» АҖнең идарә директоры Куаныш Мукажанов белән очрашты.
Очрашу барышында яклар ике яклы хезмәттәшлек мәсьәләләре буенча фикер алышты һәм экспортка дәүләт ярдәме чараларын гамәлгә ашыру тәҗрибәсе белән уртаклашты.
Кунакларны сәламләп, Герман Лернер билгеләгәнчә, Казакъстан Республикасы соңгы 5 ел эчендә тышкы сәүдә күләме буенча Татарстанның 7-топ партнерына керә. Коронавирус пандемиясе һәм 2020 елда чикләү чаралары кертелүгә карамастан, Татарстан белән Казакъстан арасында товар әйләнеше күрсәткече, 2019 ел күрсәткече белән чагыштырганда, 14% арткан һәм АКШ доллары белән 630,8 млн. булган.
«KazakhExport» экспорт иминият компаниясе» АҖ – Казакъстан Республикасының дәүләт экспорт иминият агентлыгы, аның төп эшчәнлеге экспортка ярдәм итү һәм экспорт операцияләрен яклауның иминият инструментларын гамәлгә ашыру. 2017 елның мартында илкүләм компания статусы бирелгән.
Татарстан Республикасы Идел буе федераль округы территориясендә газ-мотор ягулыгы базарын үстерү буенча лидер булган һәм Россия Федерациясендә иң уңышлылардан санала. Татарстан Республикасында социаль-икътисадый үсеш югары дәрәҗәдә. Биредә М-7 федераль трассасы уза, шулай ук М-12 трассасы төзелә. Төбәктә газ-мотор ягулыгы базарын үстерү буенча актив эш алып барыла. Татарстан газ-мотор ягулыгы транспорт чараларын яңадан җиһазлауны субсидияләү механизмын эшләгән һәм кулланган беренче РФ төбәге булды. Әлеге чара гамәлдә булган чорда төбәктә 2016 елдан 2019 елга кадәр 4,2 мең берәмлек техника үзгәртеп җиһазланган. Әлеге уңышлы тәҗрибә 2020 елдан транспортны метанда эшли торган итеп үзгәртүне субсидияләү буенча федераль дәүләт программа нигезенә алынган. Татарстан территориясендә газ-мотор техникасын иң эре җитештерү предприятиесе урнашкан. 2020 елда «КАМАЗ» ГАҖ һәм «РариТЭК» АҖ тарафыннан газда эшли торган 4 мең транспорт чарасы җитештерелгән. Татарстанда мотор ягулыгы сыйфатында сыекландырылган табигый газ базарын формалаштыру эше алып барыла. 2020 елның августында Россиядә газда эшли торган беренче «Чайка СПГ» — елга судносы йөздереп җибәрелде.
«2020 ел рейтингы әлеге мөһим процесста катнашкан һәркем эшенә ел саен йомгак ясау өчен нигез булып тора», – дип нәтиҗә ясаган «Газпром газомоторное топливо» генераль директоры Тимур Иванов.
Рейтинг Россия Федерациясе субъектларында мотор ягулыгы сыйфатында табигый газ (метан) куллануның хәзерге торышын объектив бәяләү максатында төзелгән.
Аналитик эш безнең илдә газ-мотор ягулыгы базарын формалаштыруның башлангыч этабы уңышлы тәмамлануын күрсәтте.
Россия Федерациясе, соңгы елларда тупланган тәҗрибәне һәм иң яхшы чит ил практикаларын кулланып, газ-мотор тармагын үстерүнең яңа баскычына чыга. Икътисадның транспорт секторын декарбонизацияләү һәм экологиягә булган басымны киметү буенча глобаль тенденцияләр ягыннан бу аеруча зур әһәмияткә ия.
2020 елда базарның үсеш дәрәҗәсен бәяләү 7 төп күрсәткеч буенча үткәрелгән: мотор ягулыгы сыйфатында табигый газ куллану күләме, газ белән тәэмин итү инфраструктурасы үсеше, метанда эшли торган автопарк, гамәлдәге региональ ярдәм чаралары, газ-мотор ягулыгын куллану динамикасы, газ белән тәэмин итү инфраструктурасын куллану нәтиҗәлелеге, «Энергетиканы үстерү» дәүләт программасының «Газ-мотор ягулыгы базарын үстерү» ярдәмче программасы индикаторлары үтәлеше.
Россия Федерациясе Хөкүмәте Рәисе Михаил Мишустин Россия Федерациясендә 2030 елга кадәрге чорга электр автомобиль транспортын җитештерү һәм куллануны үстерү буенча «Юл картасы» концепциясен имзалаган. Документлар Сәнәгать һәм сәүдә министрлыгы һәм Икътисадый үсеш министрлыгы белән берлектә эшләнгән.
Концепциянең максаты – Россия Федерациясе территориясендә электр энергиясе һәм водород белән эшли торган транспорт чараларын җитештерү һәм куллану өлкәсендә дәүләт сәясәтенең төп юнәлешләрен билгеләү.
Документны кабул итү Россия Федерациясе Президентының «2030 елга кадәрге чорга Россия Федерациясе үсешенең илкүләм максатлары турында»гы указы максатларында инвестиция активлыгын һәм сәнәгый җитештерүгә этәргеч бирү өлешендә генә түгел, ә куркыныч пычраткыч матдәләр чыгаруны киметү өлешендә экология өлкәсенә дә, шулай ук Россия Федерациясенең «Сәнәгать үсеше һәм аның конкурентка сәләтлелеген арттыру» дәүләт программасы максатларына һәм нәтиҗәләренә дә йогынты ясаячак.
Концепцияне тормышка ашыруның төп максатчан күрсәткечләре:
- тягалы аккумулятор батареялары өчен ячейкалар җитештерүне башлап җибәрү;
- катод һәм анод материалларын җитештерә башлау;
- 72 мең данәдән дә ким булмаган заряд станциясен файдалануга тапшыру, аларның 28 меңе – тиз заряд станцияләре;
- 1000 ким булмаган водород белән тәэмин итү җиһазларын файдалануга кертү;
- электрохимия, электромеханика, электроника һәм электротранспорт чаралары җитештерүнең барлык технологик чылбыры буенча өстәмә 39 мең югары җитештерүчәнлекле эш урыны булдыру.
«Ел экспортеры» россиякүләм премиясенең бердәм округ конкурс комиссиясе Идел буе федераль округында 10 җиңүчене билгеләгән. Федераль министрлыклар, Экспортка ярдәм итү үзәкләре, «Россия экспорт үзәге» АҖ һәм эшкуарлык берләшмәләре вәкилләреннән торган комиссия карары буенча кече һәм урта бизнес предприятиеләре дә, эре сәнәгать предприятиеләре дә җиңүче булган.
Премия чимал булмаган энергетика товарлары, эшләр, хезмәтләр күрсәтү, шулай ук интеллектуаль эшчәнлек нәтиҗәләрен экспортлауда иң зур уңышларга ирешкән оешмаларга һәм шәхси эшкуарларга бирелә.
Округ этабында җиңүчеләр 12 номинациядә билгеләнгән.
«Эре бизнес» категориясендә «Сәнәгать өлкәсендә ел экспортеры» номинациясе
«Новомет-Пермь» АҖ (Пермь крае)
- Россиядә нефть-газ җиһазлары, шул исәптән катлам басымын саклау системалары җитештерү белән шөгыльләнә торган иң эре халыкара холдингларның берсе.
«Кече һәм урта эшкуарлык» категориясендә «Сәнәгать өлкәсендә ел экспортеры» номинациясе
«Славянский двор» ҖЧҖ (Түбән Новгород өлкәсе)
- Россиядә мебель, йомшак мебель һәм карават җитештерүче иң эре предприятиеләрнең берсе.
«Эре бизнес» категориясендә «Агросәнәгать өлкәсендә ел экспортеры» номинациясе
«НМЖК» АҖ (Түбән Новгород өлкәсе)
- Россия һәм БДБ май базары лидерларының берсе, составына 12 предприятие кергән вертикаль интеграцияле холдинг.
«Кече һәм урта эшкуарлык» категориясендә «Агроәнәгать өлкәсендә ел экспортеры» номинациясе
«Юфенал Трейд» ҖЧҖ (Саратов өлкәсе)
- Компания Саратовта 1992 елда нигез салынган «Юфенал» компанияләре төркеме составына керә һәм авыл хуҗалыгы продукциясен саклау, киптерү, эшкәртү һәм сату белән шөгыльләнә.
«Эре бизнес» категориясендә «Хезмәтләр күрсәтү өлкәсендә ел экспортеры» номинациясе
«СОКОД» ДБССО (Самара өлкәсе)
- Самара өлкәсенең онкология хезмәте. Диспансер эшчәнлеге төрләре: онкология авырулары вакытында махсуслаштырылган, югары технологияле медицина ярдәменең барлык төрләрен күрсәтү.
«Кече һәм урта эшкуарлык» категориясендә «Хезмәтләр күрсәтү өлкәсендә ел экспортеры» номинациясе
Җиңүче: «ИТ профессиональ чишелешләр» ҖЧҖ ITPS (Пермь крае)
- заманча IIoT, Big Data/Smart Data, Predictive Analysis&Optimization технологияләре, үзенең шәхси ИТ-чишелешләре базасында һәм AVIST цифрлы җитештерү платформасында эре предприятиеләрне цифрлы трансформацияләү хезмәтләре күрсәтә торган алдынгы комплекслы провайдерларның берсе.
«Эре бизнес» категориясендә «Югары технологияләр өлкәсендә ел экспортеры» номинациясе
Җиңүче: «КАМАЗ» ГАҖ (Татарстан Республикасы)
- дөньяда авыр йөк автомобильләре җитештерүче иң эре ТОП-20 исемлегенә керә һәм Россия Федерациясендә һәм БДБда иң зур йөк автомобильләре җитештерүче предприятие булып санала.
«Кече һәм урта эшкуарлык» категориясендә «Югары технологияләр өлкәсендә ел экспортеры» номинациясе
Җиңүче: «Сателлит Инновация» ҖЧҖ (Пермь крае)
- Компания заманча видеокүзәтү системаларын программа белән тәэмин итү белән шөгыльләнә. Компаниянең технологик чишелешләре бизнес-процессларны оптимальләштерү, чыгымнарны киметү һәм куркынычсызлыкны тәэмин итү өчен кулланыла.
«Эре бизнес» категориясендә «Ел трейдеры» номинациясе
Җиңүче: «ПродЭкс» ҖЧҖ (Татарстан Республикасы)
- Компания «Эссен Продакшн АГ» АҖ кондитер фабрикасы продукциясен (конфетлар, снэклар, печенье, мармеладалар), шулай ук «Махеевъ» сәүдә маркасы белән җитештерелә торган продукция: джемнар, повидло, топпинглар, майонезлар һәм майонез соуслары; томат нигезендә кетчуплар һәм соуслар; тәмләткечләр (горчица, керән, аджика, маринад) экспортлау белән шөгыльләнә.
«Кече һәм урта эшкуарлык» категориясендә «Ел трейдеры» номинациясе
Җиңүче: «ТПП» ҖЧҖ (Саратов өлкәсе)
- Компания эшчәнлегенең төп төре – запас частьләр, аерым алганда, подшипникларны күпләп сату.
«Яңа география» номинациясе
«ПродЭкс» ҖЧҖ (Татарстан Республикасы)
- Компания «Эссен Продакшн АГ» АҖ кондитер фабрикасы продукциясен (конфетлар, снэклар, печенье, мармеладалар), шулай ук «Махеевъ» сәүдә маркасы белән җитештерелә торган продукция: джемнар, повидло, топпинглар, майонезлар һәм майонез соуслары; томат нигезендә кетчуплар һәм соуслар; тәмләткечләр (горчица, керән, аджика, маринад) экспортлау белән шөгыльләнә.
«Ел ачышы» номинациясе
«Сателлит Инновация» ҖЧҖ (Пермь крае)
- Компания заманча видеокүзәтү системаларын программа белән тәэмин итү белән шөгыльләнә. Компаниянең технологик чишелешләре бизнес-процессларны оптимальләштерү, чыгымнарны киметү һәм куркынычсызлыкны тәэмин итү өчен кулланыла.
Төбәк конкурсларында җиңүчеләр икенче – федераль этапта катнашачак. Федераль этап лауреатларын бүләкләү тантанасы «Россиядә эшләнгән» халыкара экспорт форумында узачак. «Ел экспортеры» җиңүчеләре Россия экспорт үзәгеннән төрле бонуслар алачак. Алар арасында Мәскәүдә Экспорт мәктәбе базасында акселерация программасы буенча укыту, шулай ук экспортерларга мәгълүмат ярдәме чараларының киң исемлеге бар.
Бүген «А.М.Горький исемендәге Зеленодольск заводы» АҖ предприятиесендә транспорт академиклары, диңгез тармагына караган ЛЕНМОРНИИПРОЕКТ һәм ЦНИИМФ институтлары директорлары хөрмәтенә «Александр Парфенов» һәм «Всеволод Пересыпкин» дип аталган BLV03 проектының ике судносын суга төшерү тантанасы булды.
Бу көнне завод хезмәткәрләрен Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, дәүләт заказчысы, «Росатом» ДК, Зеленодольск муниципаль районы администрациясе, «Ак Барс» холдинг компаниясе» АҖ, «Ак Барс» суднолар төзү компаниясе» АҖ, шулай ук проектант һәм контрагент оешмалары вәкилләре һ.б. котлады.
Альберт Кәримов үзенең сәламләү сүзендә билгеләп үткәнчә, бу – завод өчен генә түгел, ә бөтен республика өчен дә әһәмиятле вакыйга.
«Татарстан Республикасының иң эре һәм уңышлы үсеш алган, Россиянең иң борынгы оборона предприятиеләренең берсе, А.М. Горький исемендәге Зеленодольск заводы менә инде 125 ел мөһим дәүләт бурычларын уңышлы гына гамәлгә ашыра, уникаль хәрби корабльләр һәм гражданнар өчен суднолар төзи. Завод тарихында авыр вакытлар булуга карамастан, аның командасы алга таба хәрәкәт итү, дулкыннар өслегендә ныклы тыл булдыру өчен барысын да эшләде», – диде ул.
Әлеге суднолар «Гидрографик предприятие» ФДУП өчен гидрографик флот төзү һәм модернизацияләү буенча «Росатом» дәүләт корпорациясе программасы буенча «Төньяк диңгез юлы» федераль максатчан проекты кысаларында төзелә. Программа 2024 елга кадәр 5 яңа судноны төзү һәм гамәлдәге 3 судноны модернизацияләүне күздә тота. Судноларны Төньяк диңгез юлы портлары акваториясендә диңгездә йөзүнең куркынычсызлыгын тәэмин итү һәм порт инфраструктурасын үстерү максатларында эшләр башкару өчен җәлеп итү планлаштырыла.
Тантананың рәсми өлешендә шулай ук суднолар төзү тармагын үстерүгә шактый өлеш керткән завод хезмәткәрләрен бүләкләү чарасы да булды. Мөхтәрәм кунаклар завод хезмәткәрләренә ведомстводан һәм истәлекле бүләкләр тапшырды.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Озерная һәм Новостроительная урамнарында яңартылган юлүткәргечне ачуда катнашты. Ул 2019 елда үзгәртеп корыла башлаган иде.
Проектның гомуми бәясе 700 миллион сумга якын. Бу акчалар республика бюджетыннан бүлеп бирелгән.
Юлүткәргечне үзгәртеп корганда инновацияләр дә кулланылган. Аерым алганда, биредә Sika фирмасыннан күпер катламын гидроизоляцияләүнең яңа төре кулланылган. Мондый материалны төшерү системасы тимер корылмаларны дым үтеп керүдән, өстәвенә коррозиягә каршы да бик озак вакытка саклап тора.
Моннан тыш, юлүткәргечтә тимер юллар кисешкән вакытта куркынычсызлык буенча барлык таләпләр дә тәэмин ителгән: тотып тору үзлеге югары булган цинкланган барьерлар һәм ян-як коймалар урнаштырылган, цинклы тимер баганаларга тышкы яктырткычлар урнаштырылган, күпер астыннан чыгару өчен тимер юл норматив документларында таләп ителгән габарит тәэмин ителгән.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Бөгелмә муниципаль районында эш сәфәре белән, анда ул «ИПЦ Бугульма» ҖЧҖ, «НТЭС» ФҖБ ҖЧҖ һәм «Master Klein» предприятиеләренең хезмәт коллективлары белән очрашты.
Альберт Кәримов үзенең чыгышында билгеләп үткәнчә, Татарстан Республикасы төп макроикътисадый күрсәткечләр буенча, гадәттәгечә, Россия Федерациясенең алдынгы төбәкләре арасына керә.
Узган ел нәтиҗәләре буенча тулай төбәк продукты (ВРП) 2,6 трлн. сум дип бәяләнә.
2021 елның гыйнвар-июнь айларында Татарстан Республикасында җитештереп төяп озатылган товарлар, башкарылган эшләр һәм күрсәтелгән хезмәтләр күләме 1,8 трлн.сум булган, сәнәгый җитештерү индексы – 104,8%.
Ярты ел эчендә республикада 16,7 млн.тонна нефть чыгарылган, 32 мең 650 йөк машинасы һәм 387 җиңел автомобиль, 6,77 млн. шин, покрышкалар, камералар, 336,7 мең тонна синтетик каучук, 13,1 млрд.кВт/сәг электр энергиясе, 30 млн.Гкал пар һәм кайнар су җитештерелгән.
Быелның 6 аенда нефть, газ, химия комплексы предприятиеләре тарафыннан 1,15 трлн.сумнан аз гына артык ягъни барлык республика күләменең 63% чамасында продукция җитештерелгән.
Бөгелмә районының сәнәгать потенциалын «ТНГ-Групп», «Бөгелмә механика заводы», «Татнефть» ГАҖ, «Бөгелмә электр насослары заводы», «Скважиналарны эксплуатацияләүнең яңа технологияләре» ФҖБ һәм «ГКС» фәнни-җитештерү предприятиесе тәшкил итә.
Быелның гыйнвар-июнь айларында Бөгелмә муниципаль районы предприятиеләре тарафыннан төяп җибәрелгән товарлар күләме 16,7 млрд.сум булган. Бу күрсәткеч буенча район республиканың иң яхшы ун районы арасына керә (9 нчы урын).