Альберт Кәримов Үзбәкстанның инвестицияләр һәм тышкы сәүдә министры урынбасары Хуррам Тешабаев белән сәүдә-икътисадый элемтәләрне киңәйтү турында фикер алышты
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов Үзбәкстан Республикасының тышкы сәүдә һәм инвестицияләр министры урынбасары Хуррам Тешабаев белән очрашты.
Чарада шулай ук Татарстан Республикасы һәм Үзбәкстан Республикасы предприятиеләре һәм оешмалары вәкилләре дә катнашты.
Очрашу барышында яклар ике яклы хезмәттәшлекнең хәзерге торышы, проблемалы мәсьәләләре, шулай ук нефть-газ, машина төзелеше, инвестиция, транспорт-логистика һәм башка өлкәләрдә перспектив юнәлешләре турында фикер алышты.
Актуаль проектлар арасында – «Химград» АҖ белән берлектә Ташкент өлкәсендә индустриаль парк булдыру. Быел проект Үзбәкстан Республикасы һәм Татарстан Республикасы җитәкчелеге ярдәме белән яңа импульс алды.
«ПОЗиС» компаниясе Үзбәкстан Республикасына медицина җиһазлары, шул исәптән коронавирстан вакциналар һәм биналарда һаваны йогышсызландыру өчен билгеләнгән медицина приборларын саклау өчен суыткыч җиһазларын китертүне алга таба арттыру белән кызыксына.
2017 елдан башлап «Эйдос-Медицина» ҖЧҖ компаниясе тарафыннан Үзбәкстанның югары медицина учреждениеләрендә симуляция үзәкләре оештыру проектларын гамәлгә ашыру буенча эш алып барыла. Бүгенге көндә Ташкент педиатрия институты базасында сынау проектын гамәлгә ашыру карала.
Шулай ук «БАРС» аяк киемнәре компаниясе белән «Узчармсаноат» ассоциациясе арасында аяк киеме җитештерү буенча уртак предприятие төзү буенча хезмәттәшлекнең уңай динамикасын да билгеләп үтәргә кирәк.
Яклар билгеләнгән барлык проектлар һәм хезмәттәшлек юнәлешләре буенча алга таба эшне дәвам иттерергә, шулай ук киләсе чараны якын арада югары дәрәҗәдә оештыру мөмкинлеген карарга килеште.