ЯҢАЛЫКЛАР

2015 елның 29 июнендә Татарстан Республикасы Сәнәгать һәм сәүдә министрлыгының тәрҗемә бүлеге мөдире Исмәгыйлев Энгиль Рәүф улына 55 еллык юбилее уңаеннан истәлекле бүләк бирелде. Аны Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Зарипов Равил Хаммат улы тапшырды.

2015 елның 26июнендә Татарстан Республикасы Сәнәгать һәм сәүдә министрлыгында Таатрстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов рәислегендә «Коркмаз групп» компания җитәкчеләре белән очрашу узды. Очрашуда «Коркмаз групп», «Генерирующая компания» ААҖ, «УК «КЭР-Холдинг» ҖЧҖ һәм «КМПО» ААҖ компания вәкилләре катнашты.

Әлеге чара кысаларында «Коркмаз групп» компаниясе эшчәнлеге турында тулы мәгълүмат бирелде, шулай ук «Коркмаз групп» компаниясенең Татарстан Республикасы белән хезмәттәшлек итү юнәлешләре каралды.

24 июнь  көнне  Татарстан Республикасы Президенты вазыйфаларын вакытлыча башкаручы Р.Н. Миңнехановның Берләшкән милләтләр Азык-төлек һәм авыл хуҗалыгы оешмасы (ФАО) генераль директоры Грациано Силва белән булган очрашуда шулай ук Татарстан Республикасы сәнәгать һәм сәүдә министры ның беренче урынбасары Руслан Кәбиров катнашты. Очрашуда яклар оешма вәкаләтләре кысаларында хезмәттәшлек мөмкинлекләре турында сөйләштеләр.

Рөстәм Миңнеханов Мәскәүдә ачылырга тиешле ФАО бүлекчәсе шулай ук бердәм эшкә зур өлеш кертүенә һәм, шул исәптән регионнар белән дә, актив рәвештә хезмәттәшлек итүенә ышануын белдерде.

«Вертолеты России» Ростех Дәүләт корпорациясенә керүче Казан вертолетлар заводында 8 номерлы гуманитар гимназиянең “вертолет”физика-математика сыйныфының дүртенче чыгарылыш кичәсе узды.

Укуны тәмамлаучыларны котларга Татарстан Республикасы Мәгариф  һәм фән министрлыгы, Татарстан Республикасы Сәнәгать һәм сәүдә министрлыгы һәм А.Н. Туполева исемендәге Казан милли тикшеренү техник университеты (КНИТУ-КАИ) вәкилләре килде. Чыгарылыш кичәсендә Казан вертолетлар заводы, КНИТУ-КАИ һәм 8 гимназия арасындагы өчяклы хезмәттәшлек итү кысаларындагы эшчәнлеккә ел нәтиҗәләре чыгарылды.

23 июньдә Татарстан Республикасы Татарстан Республикасы Президенты вазыйфаларын вакытлыча башкаручы Рөстәм Миңнеханов рәислегендә фәнни-техник һәм инновацион сәясәткә багышланган Икътисадый совет утырышы узды. Утырышта Татарстан Республикасы  Премьер-министры урынбасары – Татарстан Республикасы сәнәгать һәм сәүдә министры Равил Зарипов катнашты.

Утырышны ачып, Рөстәм Миңнеханов билгеләгәнчә, бүгенге көндә заманча конкурентлыкка сәләтле продукция чыгару һәм хезмәт күрсәтү өчен алдан фәнни-техник эшләнмәләр әзерләү мөһим.

Бүген Татарстан Республикасы Президенты вазифаларын вакытлыча башкаручы Рөстәм Миңнеханов Россия буенча «Бритиш Петролеум» (BP) компаниясе президенты Дэвид Кэмпбелл белән очрашты. Очрашуда Татарстан Республикасы Президенты ярдәмчесе Ринат Сабиров, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равил Зарипов һәм Казан Федераль университеты ректоры Илшат Гафуров катнаштылар.

Яклар Татарстан Республикасы һәм BP компаниясенең Россиядәге бүлекчәсе арасында хезмәттәшлек итү мөмкинлекләре турында сөйләштеләр.

2015 елның 22 июнендә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов рәислегендә «Газпром теплоэнерго» АҖ компаниясе җитәкчелеге белән очрашу узды.

Очрашуда «Газпром теплоэнерго» АҖ компаниясе, Татарстан Республикасы сәнәгать һәм сәүдә  министрлыгы, Татарстан Республикасы төзелеш һәм торак-коммуналь хуҗалыгы министрлыгы, Татарстан Республикасы депутатлык корпусы, Татарстан Республикасы министрлар Кабинеты каршындагы энергияне саклау технологияләре үзәге, «УК «КЭР-Холдинг» ҖЧҖ,  «КМПО» ААҖ, «Генерирующая компания» ААҖ, «Сетевая компания» ААҖ, «Казанский Гипронииавиапром»ЯАҖ вәкилләре катнашты.

2015 елның 22 июнендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Зарипов Равил Хаммат улы Татарстан Республикасы сәнәгать һәм сәүдә министрлыгының корпоратив идарә бүлеге мөдире урынбасары Сагдиева Наилә Фоат кызына Татарстан Республикасы Министрлар Кабинетының фидакарь хезмәте өчен Рәхмәт хаты тапшырды.

2015 елның 18 июнендә Алматада  “Үзәк Азиянең нефть эшкәртү һәм нефть химиясе” II халыкара конференция кысаларында Татарстан –Казакъстан полимер форумы узды. Татарстан ягыннан форум эшендә Татарстан Республикасы Сәнәгать һәм сәүдә министрлыгы, Татарстан Республикасы нефть, газ химиясе комплексы предприятиеләре («Нижнекамскнефтехим» САҖ,  «Казаньоргсинтез» САҖ,«Татнефть» ААҖ, «Техстрой» ҖЧҖ, «П-Д Алабуга-Стекловолокно» ҖЧҖ) вәкилләре катнашты. 

Форум кысаларында Казакъстан һәм Татарстан предприятиеләре презентацияләр үткәрде, нефть химиясе  сәнәгате, химия продукциясе, технологияләр өчен җиһазлар һәм комплектация өчен кирәк-яракларны китертү өлкәсендә ике яклы нәтиҗәле хезмәттәшлек итү мәсьәләләре хакында фикер алыштылар,

 2015 елның 18 июнендә  XIX Петербург халыкара икътисадый форумы кысаларында Татарстан Республикасы Президенты вазифаларын вакытлыча башкаручы Рөстәм Миңнеханов Вологда өлкәсе губернаторы Олег Кувшинников белән очрашу кысаларында Татарстан Республикасы белән Вологда өлкәсе арасында сәүдә-икътисадый, фәнни-техник, социаль һәм мәдәни тармакларда хезмәттәшлек турындагы килешү имзаланды Очрашуда Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Равил Зарипов катнашты.

Очрашу кысаларында Вологда өлкәсе губернаторы Олег Кувшинников ассызыклаганча, Татарстан бүгенге көндә икътисад үсешенең ачык мисалын күрсәтә. Ул искә төшергәнчә, күптән түгел генә Вологда өлкәсе делегациясе технопарклар, индустриаль мәйданчыклар, инновацион инфраструктура өлкәсендәге эшләнмәләр булдыру белән танышу өчен Татарстанга килгән иде.