ТР Сәнәгать һәм сәүдә министрылыгында Санкт-Петербург һәм Ленинград өлкәсе эшмәкәрләре белән очрашу узды

2015 елның 31 июлендә Татарстан Республикасы Сәнәгать һәм сәүдә министрылыгында Татарстан Республикасы Сәнәгать һәм сәүдә министры урынбасары Рашат Фәттахов Санкт-Петербург һәм Ленинград өлкәсе эшмәкәрләре белән очрашты.

Делегация составына Санкт-Петербургның  һәм  Ленинград өлкәсенең 20 компания вәкилләре керде. Очрашу барышында Татарстан Республикасының сәүдә-икътисадый потенциалы презентациясе узды, регионара хезмәттәшлекне үстерү мәсьәләләре хакында фикер алыштылар. Визит Санкт-Петербургта һәм Ленинград өлкәсендәге Татарстан Республикасы Даими вәкиллеге катнашында оештырылды.

Мәгълүмат өчен:

Татарстан Республикасы предприятиеләре Санкт-Петербург һәм Ленинград өлкәсенең түбәндәге предприятиеләре белән хезмәттәшлек итәләр: «КАМАЗ» ААҖ, «Нэфис Косметикс» ААҖ, «ТАНЕКО» ААҖ, «Казанский маслоэкстракционный завод» ААҖ, «ПОЗиС» ААҖ, «Әлмәт торба заводы» ААҖ, «Казан синтетик каучук заводы» ААҖ, «Нижнекамскнефтехим» САҖ, «Кама» Сәүдә Йорты» ҖЧҖ, «Татспиртпром» ААҖ, «Пивоварня Москва-Эфес» ЯАҖ Казандагы филилалы, «Булгарпиво» ААҖ, «Эссен Продакшн АГ» ЯАҖ, «Мамадышский сыродельно-маслодельный комбинат», «Бөгелмә сөт комбинаты», «Холод» ААҖ, «Арча» ҖЧҖ, «Экопродукт» ҖЧҖ.