ЯҢАЛЫКЛАР

“Ел инженеры” XIII Бөтенроссия конкурсы йомгаклары буенча “Һөнәри инженерлар” номинациясендә “Түбән Кама нефтехим” ачык акционер җәмгыятьнең автоматлаштыру үзәге идарәсе башлыгы И. Дәүләтшин һәм компаниянең фәнни-технологик үзәге башлыгы Р. Шәрифуллин лауреат исеменә лаек булдылар. Предприятиенең тагын җиде хезмәткәренә “Россиянең һөнәри инженеры” мактаулы исеме бирелде.
“Яшьләрнең инженерлык сәләте” номинациясендә заводның дивинил һәм углеводород чималы бүлеге башлыгы урынбасары А. Буркин лауреат булды. Предприятиенең ике яшь белгече бу конкурсның беренче турыңда җиңү яулады.

14 февральдә Татарстан Республикасы Сәнәгать һәм сәүдә министрлыгының һәм Татарстан Республикасы Икътисад министрлыгының уртак коллегиясендә Татарстан һәм ЧТПЗ компаниясе арасында “Татарстанның киләчәге колледжы” проектын гамәлгә ашыру мәсьәләсе буенча хезмәттәшлек итү турындагы килешүгә кул куелды. Документны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов һәм “ЧТПЗ” ААҖ Директорлар советы Рәисе Александр Фролов имзалады.

Кичә Татарстан Республикасына эш визиты белән Россия Федерациясе оборона министры С. Шойгу килде. Аның җитәкчелегендәге делегация Горбунов ис. КАҖБ, "КВЗ" ААҖ булды.
Горбунов ис. КАҖБ ачык акционер җәмгыятьтә С. Шойгу предприятиенең аэродромын карады һәм җыю цехында булды, махсус һәм стратегик авиация очкычларын җыю барышы белән кызыксынды.

"КВЗ" ААҖтә делегация предприятиене һәм эшләп чыгарыла торган продукцияне модернизацияләү барышы белән танышты.

2013 елның 29 гыйнварында Чаллы шәһәрендә автокомпонентлар җитештерү өлкәсендә хезмәттәшлек итү буенча Татарстан-Төркия эшлекле форумы башланды. Форум ике республика президентының 2012 елның октябрендә Төркиядә очрашуы вакытында ирешелгән килешү кысаларында үткәрелә. Татарстан-Төркия эшлекле форумын ачу тантанасында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов, Төркия Республикасының Икътисад министрлыгы Экспорт идарәсе генераль директоры урынбасары Явуз Озатку, “КАМАЗ” ААҖ генераль директоры урынбасары Ирек Гомәров, «Джошкуноз Метал Форм» генераль директоры, Автомобиль сәнәгатен экспортка чыгаручылар ассоциациясенең идарә әгъзасы (OİB), Төркиянең экспортка чыгаручылар берлегенең Россия юнәлеше координаторы Шөкри Тетик, Чаллы шәһәре мэры Васил Шәйхразиев, Төрек Республикасының Казан шәһәрендәге Генераль Консулы Сабри Тунч Ангылы чыгыш ясады.

Җиңел сәнәгатькә ярдәм итү ысулларының берсе – мәктәпләрдә мәҗбүри форма кертү. Бу фикер Россия Федерациясе сәнәгать һәм сәүдә министры Д.В. Мантуровның Россия Федерациясе Президенты В.В. Путин белән очрашуы вакытында әйтелде.

7 гыйнварда “ЦФ КАМА” компаниясендә (“КАМАЗ” ААҖ һәм Zahnrad Fabrik немец компаниясе уртак предприятиесе) кырык меңенче Ecosplit Ecosplit тизлек үзгәртү тармачыгы ясалды. 16 тизлеккә ия әлеге тартмачыклар йөк күтәрүчәнлеге 40 тоннага кадәр булган машиналарда кулланыла.

25 декабрьдә Татарстан Республикасы Сәнәгать һәм сәүдә министрлыгы “Горький исемендәге Зеленодольск заводы”нда республика предприятиеләренең кадрлар хезмәте җитәкчеләре катнашында киңәшмә үткәрде. Киңәшмәдә министр урынбасары Г. Әхмәдиева, заводның генераль директоры беренче урынбасары А. Карпов, республиканың 30 сәнәгать предприятиесе вәкиле катнашты.

25 декабрьдә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Татарстан Республикасында Халыкара конгресс-күргәзмә үзәген (ХККҮ) булдыру буенча эшче төркем утырышы үткәрде. Утырышта ХККҮ булдыру концепциясе, проектны дәүләти-хосусый партнерлык принципларында гамәлгә ашыру мәсьәләләре каралды.
Татарстан Республикасы Министрлар Кабинетының 2012 елның 23 июлендәге 1250-р номерлы Күрсәтмәсе нигезендә Эшче төркем төзелде. Аның составына республика министрлыклары һәм ведомстволары, оешмалары һәм уку йортлары вәкилләре керә.
Эшче төркемнең максаты Россиядә һәм чит илләрдә халыкара күргәзмә үзәкләрен төзү тәҗрибәсен өйрәнеп һәм мондый үзәкләрне проектлау һәм эксплуатацияләү белән шөгыльләнүче компанияләр белән киңәшеп, ХККҮ булдыру концепциясен эшләү.
ХККҮ концепциясе Татарстан Республикасының махсус күргәзмә мәйданчыгын булдыруны күздә тота. Ул бер мәйданчыкта күргәзмә эшчәнлеге инфраструктурасын һәм югары хезмәт күрсәтү дәрәҗәсен берләштерәчәк күпфункцияле, мультимодаль комплекстан гыйбарәт булачак. ХККҮ төзелү Татарстан Республикасында күргәзмә бизнесын, республика имиджын үстерүдә җитди адым булыр дип көтелә.

25 декабрьдә Татарстан Республикасы Сәнәгать һәм сәүдә министрлыгында “Көпчәкле транспорт чараларына карата утильләштерү җыемы турында” Россия Федерациясе Хөкүмәтенең 2012 елның 30 августындагы 870 номерлы карары белән расланган Көпчәкле транспорт чараларына карата утильләштерү җыемын алу һәм түләү кагыйдәләрен куллану мәсьәләләренә багышланган киңәшмә үткәрелде.
Киңәшмә эшендә министр урынбасары Г. Әхмәдиева, һ.б катнашты

25 декабрьдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Архангельск өлкәсе Губернаторының инфраструктура үсеше буенча урынбасары А.Алсуфьев җитәкчелегендәге делегаңия белән очрашты. Делегация составында Архангельск өлкәсенең төзелеш һәм торак-коммуналь хуҗалык министры И.М. Войстратенко, өлкәнең сәнәгать һәм сәүдә министры А.Г. Шестаков һ.б бар иде.
Очрашу вакытында регионара хезмәттәшлек итүнең перспектив яклары, Татарстан Республикасы һәм Архангельск өлкәсе арасында хезмәттәшлек итү турында Килешүне гамәлгә ашыру кысаларында башкарылырга тиешле эшләр хакында фикер алышу булды.
Архангельск кунаклары “Горький исемендәге Зеленодольск заводы” ААҖтә, “Елаз” ҖБ” ААҖтә, “Алабуга” махсус икътисадый зонасында булачаклар.