Татарстанга Сергей Шойгу килде

Кичә Татарстан Республикасына эш визиты белән Россия Федерациясе оборона министры С. Шойгу килде. Аның җитәкчелегендәге делегация Горбунов ис. КАҖБ, "КВЗ" ААҖ булды.
Горбунов ис. КАҖБ ачык акционер җәмгыятьтә С. Шойгу предприятиенең аэродромын карады һәм җыю цехында булды, махсус һәм стратегик авиация очкычларын җыю барышы белән кызыксынды.

"КВЗ" ААҖтә делегация предприятиене һәм эшләп чыгарыла торган продукцияне модернизацияләү барышы белән танышты.
Россия Федерациясе оборона министры С. Шойгу "Дәүләт оборона заказын үтәү, җиңел вертолетлар сатып алу һәм аларны эксплуатацияләү мөмкинлекләре" хакында киңәшмә үткәрде. Анда Татарстан Республикасы Президенты Р. Миңнеханов, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов, Татарстан Республикасының оборона сәнәгате комплексы предприятиеләре җитәкчеләре катнашты.
С. Шойгу билгеләп үткәнчә, Россиянең хәрби һава көчләрен яңадан коралландыру буенча масштаблы программа нигезендә, 2020 елга кадәр 2 меңгә якын яңа авиакомплекслар, шул исәптән, 985 вертолет сатып алыначак. Киңәшмәдә шулай ук сатып алына торган вертолетларны эксплуатацияләү һәм аларның сыйфаты хакындагы мәсьәләләр буенча да фикер алышу булды.