Татарстан Республикасы Министрлыклары Татарстан Республикасы Сәнәгать һәм сәүдә министрлыгы

ЯҢАЛЫКЛАР

май, 2013 ел

чәршәмбе

2016 елга кадәр химия һәм нефть химиясе предприятиеләрендә хезмәт җитештерүчәнлеге ике тапкыр артачак. Нефть химиясе трамагын үстерү, җитештерелгән продукциянең конкурентлылык сәләтен арттыру Татарстан Хөкүмәтенең сәнәгать сәясәтенең иң өстенлекле юнәлешләренең берсе. Бүген төбәктәге керемнең 12 процентын химия һәм нефть химиясе предприятиеләре тәшкил итә. Акчага күчергәндә бу 28 миллиард сум дигән сүз.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов “Российская газета” хәбәрчесенә нефть химиясе тармагы үсеше турында сөйләде. Бу хакта мәгълүматны http://www.rg.ru/2013/05/24/biznes.html адресы буенча табарга мөмкин.

май, 2013 ел

сишәмбе

Әстерхан делегациясе – Татарстанда

28 майда Татарстан Республикасына Әстерхан өлкәсе вице-губернаторы, өлкә Хөкүмәте рәисе К. Маркелов җитәкчелегендәге делегация килде. Кунакларны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов каршы алды һәм озатып йөрде.
Әстерхан делегациясе составына өлкә Хөкүмәте Рәисе урынбасары – сәнәгать, транспорт һәм табигать ресурслары министры С. Кржановский, өлкә Хөкүмәте Рәисе урынбасары – икътисадый үсеш министры Элина Полянская, сәнәгать, транспорт һәм табигать ресурслары министрының беренче урынбасары К. Марисов кергән.
Әстерхан өлкәсе делегациясе “Алабуга” МИЗда булачак, махсус икътисадый зона резидентлары, “ЕЛАЗ” ҖБ” ААҖ, “Горький исемендәге Зеленодольск заводы” ААҖ җитештерү цехлары белән танышачак.

май, 2013 ел

дүшәмбе

Республиканың кече нефть компанияләре эшчәнлегенә йомгак ясалды

27 майда Әлмәт шәһәрендә "Татнефть" ААҖ штаб-квартирасында Татарстан Республикасы Президенты Р.Миңнеханов республиканың кече нефть компанияләре җитәкчеләре катнашында киңәшмә үткәрде. Киңәшмәдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, "Татнефть" ААҖ генераль директоры Ш. Тәхәүтдинов, Татарстан Республикасы министрлыклары һәм ведомстволары җитәкчеләре катнашты. Киңәшмәдә агымдагы елның 1 кварталында эшчәнлек нәтиҗәләренә йомгак ясалды, кече нефть компанияләренең киләчәктә үсеш перспективалары тикшерелде.
Кече нефть компанияләре хисап чорында 1639 мең тонна нефть чыгарган, бу планга караганда 3 процентка күбрәк.

Коррупциягә каршы сәясәтне гамәлгә ашыру комиссиясе утырышы

27 майда Татарстан Республикасы сәнәгать һәм сәүдә министры урынбасары Г. Әхмәдиева Татарстан Республикасы Сәнәгать һәм сәүдә министрлыгының коррупциягә каршы сәясәтен гамәлгә ашырукомиссиясе утырышын үткәрде.Утырышта түбәндәге мәсьәләләр каралды: 2012 елда коррупциягә каршы мониторинг нәтиҗәләре; «Дәүләт һәм муниципаль хезмәткәрләрне коррупциягә каршы көрәшкә җәлеп итүгә юнәлдерелгән чаралар комплексы турында» Россия Федерациясе Хезмәт һәм социаль яклау министрлыгы тарафыннан әзерләнгән методик рекомендацияләр; Татарстан Республикасы Президенты каршындагы Советның 2013 елның 12 апрелендәге «Татарстан Республикасында бюджет чараларын файдаланганда, дәүләт милкендә һәм муниципаль милектә булган мөлкәт белән эш иткәндә законнар бозуларны бетерү максатыннан үткәрелә торган кисәтү чараларының нәтиҗәлелеге турында» беркетмәсен гамәлгә ашыру чаралары планы; Татарстан Республикасы Сәнәгать һәм сәүдә министрлыгының Коррупциягә каршы программасына өстәмәләр кертү зарурлыгы турында; Граждан хезмәте үтүгә бәйле тыюларны үтәү буенча Татарстан Республикасы Сәнәгать һәм сәүдә министрлыгы хезмәткәрләренә үткәрелгән анкета нәтиҗәләре каралды.

Татарстанга Россия-Британия Сәүдә Палатасының России җитәкчесе килде

27 майда Татарстан Республикасы Сәнәгать һәм сәүдә министрлыгында Россия-Британия Сәүдә Палатасының Россия буенча җитәкчесе Алан Томпсон әфәнде белән очрашу булды. Очрашуда Татарстан Республикасы сәнәгать һәм сәүдә министры беренче урынбасары Р.Кәбиров Татарстан Республикасының сәнәгать һәм инвестиция потенциалына презентация үткәрде.
Россия-Британия Сәүдә Палатасының Россия буенча җитәкчесе Алан Томпсон әфәнде РБТП максатлары, бурычлары һәм эшчәнлегенең төп юнәлешләре белән таныштырды. Чарада Татарстан Республикасы Сәнәгать һәм сәүдә министрлыгы, Татарстан Республикасы Икътисад министрлыгы, Татарстан Республикасы Сәүдә-сәнәгать палатасы вәкилләре катнашты.

Казан дары заводына – 225 ел

24 майда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Казан казна дары заводы ветераннарын, хезмәткәрләрен заводның 225 еллык юбилее белән котлады.
Министр сүзләренчә, “1788 елда сафка баскан предприятие тарихы дәүләтебез оборонасын ныгыту, Россиядә дары җитештерә башлау һәм дары җитештерүне арттыру тарихына тыгыз бәйләнгән. Казан дары заводы Бөек Ватан сугышында җиңүгә үзеннән саллы өлеш кертте. Ул елларда фронт өчен дары, “Катюша” өчен реактив снарядлар җитештерелде, фронтка өзлексез сугыш кирәк-яраклары озатылып торды”.

май, 2013 ел

җомга

Эшләүче яшьләрнең республика иҗат фестивале гамәлгә куелды

24 майда Татарстан Республикасы Сәнәгать һәм сәүдә министрлыгында эшләүче яшьләрнең республика иҗат фестивален оештыру һәм үткәрү буенча киңәшмә узды, аңа Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов рәислек итте.

май, 2013 ел

чәршәмбе

Татарстан Химиклар көнен бәйрәм итте

23 майда Химиклар көне уңаеннан Түбән Кама шәһәренең "Нефтехимик" Боз Сараенда тантана үткәрелде. Бәйрәм чарасында Татарстан Республикасы Президенты Р.Миңнеханов, Татарстан Республикасы Дәүләт Советы Рәисе Ф. Мөхәммәтшин, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Түбән Кама муниципаль районы башлыгы А. Метшин, Татарстан Республикасы сәнәгатенең химия тармагы хезмәткәрләре һөнәр берлеге, Татарстан Республикасы нефть, газ химиясе предприятиеләре җитәкчеләре, Казан милли-тикшеренү технологик университеты, Казан федераль университеты, Түбән Кама химия-технология институты укытучылары һәм студентлары, Бөтенроссия һәм республика олимпиадаларында җиңү яулаган мәктәп укучылары, республиканың иң яхшы химия укытучылары катнашты.

май, 2013 ел

сишәмбе

Кораб төзелеше үзәге ачылды

21 майда КНИТУ-КАИда Кораб төзелеше үзәген ачу тантанасы булды. Әлеге чарада Татарстан Республикасы Премьер-министры И. Халиков, Татарстан Республикасы сәнәгать һәм сәүдә министры урынбасары Г. Әхмәдиева, КНИТУ-КАИ һәм Горький исемендәге завод җитәкчеләре, КНИТУ-КАИ попечительлек советы әгъзалары, сәнәгать предприятиеләре җитәкчеләре, университет укытучылары катнашты.

Үзебезнең җитештерүчеләргә ярдәм

20 майда Татарстан Республикасы Сәнәгать һәм сәүдә министрлыгында "Техстрой" ЯАҖ белән берлектә техник семинар оештырылды. "Су белән тәэмин итү, канализация һәм газ белән тәэмин итү буенча полиэтиленнан эшләнгән торбаларны монтажлау һәм ремонтлау" темасына багышланган семинарда Татарстан Республикасы Сәнәгать һәм сәүдә министрлыгы структур бүлекчәләре җитәкчеләре, бу тармакта хезмәт куючы башка оешмалардан вәкилләр катнашты.
Нефть, газ химиясе комплексы Татарстан Республикасы икътисадының иң мөхим секторларының берсе. Бүген бу предприятиеләрдә эшләнгән продукцияне республика күләмендә куллануны арттыру бурычы тора. Үзебездә җитештерелгән прродукциягә игътибарны җәлеп итү өчен Татарстан Республикасы Сәнәгать һәм сәүдә министрлыгында берничә семинар үткәрү планлаштырыла.
Кичә үткән семинарда полиэтилен торбаларны җитештерү, саклау һәм ташу шартлары, аларны монтажлау һәм тапшыру-кабул итү эшләрен үткәрү үзенчәлекләре хакында сүз барды. "Техстрой" ЯАҖ белгечләре семинарда катнашучыларга предприятиенең яңа проектлары хакында мәгълүмат бирде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ