ЯҢАЛЫКЛАР
Татарстан Республикасы Сәнәгать һәм сәүдә министрлыгы Россия Сәнәгать министрлыгы тарафыннан Россия Федерациясе Хөкүмәтенең 2013 елның 30 декабрендәге 1312 номерлы карары белән расланган Кагыйдәләргә ярашлы рәвештә, Россия оешмаларының комплекслы инвестиция проектларын тормышка ашыруы кысаларында, әлеге оешмаларга гражданлык сәнәгатенең өстенлекле юнәлешләре буенча фәнни-тикшеренү һәм сынау-конструкторлык эшләрен уздыруга киткән чыгымнарының бер өлешен компенсацияләү өчен федераль бюджеттан субсидияләр бирү буенча оешмаларны конкурс нигезендә айлап алу турында игълан ителүе хакында мәгълүмат җиткерә.
Игътибар итегез: конкурста катнашу өчен заявкалар тапшыру расланган Регламент нигезендә Сәнәгатьнең дәүләт мәгълүмат системасында гамәлгә ашырыла. Заявкалар тапшыру турында аңлатма https://gisp.gov.ru/documents/9184111/ сылтамасы буенча Сәнәгатьнең дәүләт мәгълүмат системасының белемнәр базасында урнаштырылган.
Заявкалар 2019 елның 21 гыйнварына кадәр кабул ителә.
Белешмә өчен мәгълүмат:
Ксенофонтов Олег Викторович, тел. +7 (495) 632-88-05, Email: ksenofontov@minprom.gov.ru;
Соболевский Павел Сергеевич, тел. +7 (495) 632-84-69, Email: sobolevskiy@minprom.gov.ru.
Сезне һөнәри бәйрәмегез белән тәбрик итәм!
Энергетика - илебезнең иң әһәмиятле тармагы, сәнәгать үсешен аннан башка күз алдына китереп тә булмый һәм республиканың икътисадый үсеше, көн саен җылылыкка, утка һәм электр белән тәэмин ителүгә мохтаҗ кулланучы өчен уңайлылык дәрәҗәсе турыдан-туры шуңа бәйле.
Яңа технологияләрне кертү, җитештерү куәтләрен күбәйтү, энергетика нәтиҗәлелеген һәм экологик иминлекне арттыру тармакның төп бурычлары булып тора.
Соңгы биш ел эчендә уздырылган модернизация һәм яңа куәтләрне гамәлгә кертү аркасында Татарстан Республикасы станцияләрендә электр энергиясен эшләп чыгаруга киткән ягулыкның чагыштырма сарыфы 13%ка кимеде, ә Россия Федерациясе буенча әлеге күрсәткеч 3.1% тәшкил итте. Шул ук чорда челтәрләрдә электр энергиясен югалту өлеше 6%ка кимеде һәм Россия буенча 10,2% дәрәҗәсендә 6,8% тәшкил итте. Ел саен республиканың энергетика системасында 21 млрд кВт.сәг артык электр энергиясе һәм 34 млн.Гкал артык җылылык энергиясе эшләп чыгарыла.
Татарстан Республикасында энергетиклар тарафыннан ел саен энергия кытлыгын кыскартуга һәм кулланучыларны электр энергиясе белән тәэмин итүнең ышанычлылык дәрәҗәсен арттыруга юнәлдерелгән проектлар тормышка ашырыла. Узып баручы елда "Татэнерго" АҖнең Казан ҖЭҮ-1 филиалында ПГУ 230 МВт төзелеше буенча зур проект тәмамланды, ул тулаем алганда Казанның энергорайонындагы кулланучыларны электр энергиясе белән тәэмин итүнең ышанычлылык дәрәҗәсен арттыру мөмкинлеген бирде. "ТАИФ" ААҖ тарафыннан "Нижнекамскнефтехим" ГАҖдә пар-газ җайланмасын төзү ниятләнә, "Челтәр компаниясе" ААҖ быел "Портовая" подстанциясен үзгәртеп коруны төгәлли һәм "Яшел Үзән" подстанциясендәге масштаблы үзгәртеп коруны дәвам иттерә.
Татарстанда энергетика комплексының зур предприятиеләрендә 16 меңнән артык кеше эшли. Энергетика комплексы предприятиеләрендәге белгечләрнең үз эшенә карата новаторларча һәм җаваплы карашы катлаулы энергетика объектларын иң югары дәрәҗәдә төзергә һәм төзәтергә мөмкин итә.
Тармак ветераннарына аерым рәхмәт сүзләрен белдерергә кирәк. Аларның хезмәт сөючәнлеге һәм профессионаллыгы нәтиҗәсендә зур җитештерү-техник база оештырылды, уникаль объектлар эксплуатациягә кертелде, алар бүген республиканың куәтле индустриаль потенциалын тәшкил итә!
Хөрмәтле энергетика хезмәткәрләре, сезгә барлык башлангычларыгызда уңышлар, өзлексез эшләвегезне, ныклы сәламәтлек һәм сезгә һәм гаиләләрегезгә иминлек телим!
Хөрмәт белән, Альберт Кәримов
Татарстан Республикасы Премьер министры урынбасары –
Татарстан Республикасы сәнәгать һәм сәүдә министры
Бүген Казан Ратушасының колонна залында “Татарстан Республикасының иң яхшы товарлары һәм хезмәтләре – 2018” конкурсында лауреатларны һәм дипломантларны 15 мәртәбә тантаналы рәвештә бүләкләү чарасы узды. Анда Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы Сәнәгать һәм сәүдә министры Альберт Кәримов, Татарстан Республикасының сәнәгый һәм сәүдә предприятиеләреннән, министрлыклардан һәм ведомстволардан җитәкчеләр катнашты.
Гадәткә әйләнгәнчә, алтын йөзлеккә эләккән иң яхшы товарларга нибары биш югары бүләк бирелә – быел шуның өчесе Татарстан җитештерүчеләренә эләкте:
1. “Сыйфат тәме” номинациясендә Балтач май ясау-сөт комбинатының “Арча ҖЧҖ” “Маасдам” сыры Россиядә иң яхшысы дип танылган;
2. “Сыйфат лидеры” номинациясендә “А.М.Горький исемендәге Яшел Үзән заводы” АҖнең “Яшел үзән” кече ракета корабы җиңүче булган;
3. “Инновацияләр” номинациясендә “Челтәр компаниясе” ААҖдән көчәнеш астында эшләү методын кулланып, электр энергиясен тапшыру һәм бүлү хезмәте иң сыйфатлысы дип танылган.
Быел республиканың бюджет медицина учреждениеләре конкурска аеруча зур кызыксыну белдергән, аларның 10сы конкурста лауреат булган. Шунысын истә тоту әһәмиятле, конкурста катнашу үз товарыңны күрсәтеп кенә калмыйча, аны үзенең конкурентлы тирәлегендә иң яхшысы итеп күрсәтү өчен дә уникаль мөмкинлек булып тора.
Быел конкурска 205 предприятиедән товарлар һәм хезмәтләр атамасы белән барлыгы 451 заявка кабул ителгән. “Россиянең иң яхшы 100 товары” конкурсының федераль этабына Татарстаннан 134 атамада продукция һәм товар тәкъдим ителгән, алардан 43се федераль дәрәҗәле лауреат булган. Россия Федерациясенең барлык субъектлары арасында бу иң яхшы нәтиҗәләр!
Конкурста катнашучыларның барысын да тәбрик итәбез һәм киләсе елда да катнашырга чакырабыз!
Бүген Казанда "Казан прибор төзү-конструкторлык бюросы" АҖ оешуга 60 ел тулуга багышланган тантаналы чара узды.
Узган гасырның 50 нче еллары азагында оешкан вакытыннан башлап, Казанның прибор төзү-конструкторлык бюросы илдә беренче үзгәртеп кору җайланмаларын һәм аларга туры килә торган чагылдыру чараларын эшләп чыгару буенча әйдәп баручы булып тора иде.
Күптән түгел күзәтелгән гади булмаган икътисадый шартларга карамастан, хәзерге вакытта бюрода НИОКР өлкәсендә конструкторлык бюросының әһәмиятле компетенцияләре торгызылды. Моңа электрон приборларны проектлау буенча принципларны һәм методларны үзгәртү һәм схемотехника һәм программалау өлкәсендә яңа компетенцияле хезмәткәрләрне туплау нәтиҗәсендә ирешү мөмкин булган.
Предприятиедә конструктор проектлау һәм санлы технологияләр базасында продукция җитештерү өлкәсендә компетенцияләрне үстерү буенча эшләр уздырылган. Микроэлектроника һәм ДМС өлкәсендә җитештерү куәтләренә шактый модернизация гамәлгә ашырылган. Завод үзенең юбилеен перспективалы һәм динамикалы рәвештә үсеш алучы конструкторлык бюросында каршы ала.
ТР Сәнәгать һәм сәүдә министрлыгыннан чарада министр урынбасары Илдар Мингалиев катнашты. Ул хезмәткәрләргә Татарстан Республикасы бүләкләрен тапшырды, шулай ук предприятие ветераннарын сәламләде: "Сезгә илнең оборонага сәләтле булу дәрәҗәсен үстерүгә керткән шәхси өлешегез өчен махсус рәхмәт сүзләрен белдерәсем килә".
Бүген КМТТУда Татарстандагы әйдәп баручы предприятиеләренең баш технологлары советының беренче утырышы узды. Казанның милли тикшеренү технологик университеты каршында ТР Сәнәгать һәм сәүдә министрлыгы патронатлыгында эшләүче әлеге коллегиаль органны оештыру идеясе "Машина төзелеше. Металл эшкәртү" халыкара күргәзмәсе барышында Татарстан Президенты Рөстәм Миңнеханов тарафыннан хупланды.
Университетның гыйльми совет утырышлары залында химия, нефть химиясе һәм машина төзү тармакларында әйдәп баручы төбәк предприятиеләре вәкилләре җыелды. Алар арасында - "Татнефть", "Казан органик синтезы", "Нижнекамскнефтехим", "ТАНЕКО", "КамАЗ", "Элекон" заводы, КМПО кебек икътисадның чын секторы лидерлары. ТР Сәнәгать һәм сәүдә министрлыгыннан ТР сәнәгать һәм сәүдә министры урынбасары Алексей Савельчев катнашты.
Советта катнашучылар җитештерүне һәм югары, урта һөнәри белем бирүне интеграллаштыруга, тармак предприятиеләрендәге ихтыяҗларны исәпкә алып, мәгариф программалары структурасын килештерүгә бәйле темалар хакында сөйләште. Шулай ук, университет аспирантларын һәм фәнни коллективларын аларны эшләүгә җәлеп итү максатында, предприятиеләр алдында торган актуаль кулланма бурычларның исемлекләрен формалаштыру мәсьәләләре дә кузгатылды. Диалогта катнашучылар предприятиеләр белән уртак проектларны тормышка ашыру өчен университетның инфраструктур мөмкинлекләреннән файдалану перспективаларын, шулай ук федераль максатчан программаларда һәм ведомство конкурсларында катнашуның ихтимал механизмнарын бәяләде.
Беренче утырыш барышында совет алдында торган якын киләчәк бурычлар билгеләнде. Асылда, киләсе утырышка предприятиеләр университет студентларын профильләр бенча әзерләүгә кагылышлы үз төзәтмәләрен җиткерәчәк, ә университет, үз чиратында, предприятиеләргә һөнәри юнәлеш бирү, белем бирү һәм фәнни-тикшеренү эшчәнлеге мәсьәләләре буенча үз тәкъдимнәрен җибәрәчәк, дип карар ителде.
КМТТУда Татарстандагы әйдәп баручы предприятиеләренең баш технологлары советының киләсе утырышы 2019 елның мартына билгеләнгән.
КМТТУ-КХТИ матбугат хезмәте материаллары нигезендә
Бүген Татарстан Президенты Рөстәм Миңнеханов Казанга булган визиты кысаларында РФ оборона министры урынбасары Алексей Криворучко белән берлектә очкыч аппаратлар җитештерү буенча шәһәрдәге авиация предприятиеләренең берсендә урнаштырылган яңа бүлекчәне карады.
Компания вәкилләре, заманча эш урыннары, җайланмалар һәм җыю производствосы белән тәэмин ителгән конструкторлык бюросын да кертеп, заманча авиация комплексларының эшләү куәтләрен күрсәттеләр.
Казандагы предприятиенең аерымланган бүлекчәсе пилотсыз очкыч аппаратларны эшләү һәм җитештерү эшен дәвам итәчәк. Шул ук вакытта предприятие яңа заказлар белән тәэмин ителгән. Моның өчен республиканың кулда булган җитештерү инфраструктурасы кулланылачак, ул исә республиканың сәнәгый предприятиеләрен кооперация өлешендә карау, шулай ук әзерләнгән җирле авиация белгечләрен җәлеп итү мөмкинлеген бирәчәк. Бу хәл бүлекчәне ачу урынын Казанда сайлау турында карар кабул иткәндә билгеләүче ролен үтәде.
Элегрәк производствоны, квалификацияле хезмәткәрләрне җибәреп, башка төбәккә күчерү версиясе яңгыратылган иде. ТР Сәнәгать министрлыгы моңа бәйле рәвештә авиация комплексларын эшләү буенча компетенцияләрне саклау өчен мәнфәгатьле барлык якларның үзара хезмәттәшлеген оештырачагы һәм аларның республикада серияле җитештерүен үстерүне тәэмин итәчәге хакында эш позициясен белдерде.
Бүген Әлмәт районында Корея төркеме клапаннарын җитештерү буенча тармактагы лидерларның берсе - "Apollo" компанияләре заводының беренче чиратын ачу тантанасы булды.
Корея Республикасына визит йомгаклары буенча Татарстан Республикасы Президенты йөкләмәләре исемлеге кысаларында һәм республика җитәкчелеге ягыннан төрле яклы теләктәшлек аркасында "Татнефть-Актив" технопаркы территориясендә Әлмәт муниципаль районы булышлыгы белән 2016 елның октябрендә уртак предприятиене оештыру эше башланды.
Бүгенге көндә яңа "Аполло-Т" заводы, аның мәйданы 2200 м² тәшкил итә, пневмоприводлар җитештерү һәм көйләгеч һәм бүлемтекле клапаннар җыю линияләре, сынау җайланмалары белән тәэмин ителгән. Заводның җитештерү куәтләре елына 7000 берәмлеккә кадәр продукция җитештерү мөмкинлеген бирә, ә 2021 елга җитештерү куәтләрен 15000 берәмлеккә кадәр арттыру планлаштырыла. Татарстан Республикасына инвестицияләрнең планлаштырыла торган гомуми суммасы – 50 млн. $. Сервис хезмәте "елына 365 көн/тәүлегенә 24 сәгать" режимында эшли. Сервис ярдәме системасына өстәмә, гидравлик сынауны да кертеп, җитештерү клапаннарына база сынауларын уздыру, шулай ук янәшәдәге барлык нефть эшкәртү һәм нефть химиясе предприятиеләре клапаннарына сервис хезмәте күрсәтү өчен барлык мөмкинлекләр дә бар.
"Аполло-Т" заводын ачу Россия базарына уңышлы чыгу символы булып тора. Инде хәзердән үк завод продукциясеннән кулланучылар булып Татарстан Республикасының һәм Россия Федерациясенең нефть химиясе һәм нефть эшкәртүче төп предприятиеләре тора.
Бүген Татарстан Республикасы Сәнәгать һәм сәүдә министрлыгы каршындагы Иҗтимагый советның "Спорткультавтотовары" АҖ генераль директоры Мөнир Гафиятуллин рәислегендә чираттагы утырышы булды.
Чарада кадрлар бүлегенең әйдәп баручы белгече Венера Хөснетдинованың "Коррупциягә каршы Республикасы Сәнәгать һәм сәүдә министрлыгында уздырыла торган профилактика", "2015-2020 елларга Татарстан Республикасының коррупциягә каршы сәясәтен тормышка ашыру буенча Министрлыкның ведомство программасын 2018 елда үтәү" темаларына доклады тыңланды.
Моннан тыш, Иҗтимагый совет әгъзалары Иҗтимагый советның 2019 елга эш планын да карады.
Бүген ТР Сәнәгать һәм сәүдә министрлыгына Төркия Республикасыннан бизнес-делегация килде. Очрашу "Alapros" һәм "Onder Akademi" компанияләре җитәкчеләренең Татарстанга булган ике көнлек визиты кысаларында узды. Очрашуны Герман Лернер уздырды. Түбән Кама шәһәренең алгарышлы социаль-икътисадый үсеш территориясе вәкилләре булган техник һәм финанс шартлар буенча презентация уздырды.
Моннан тыш, яклар сәнәгый предприятиеләрдә һәм аграр техникасын җитештерү өлкәсендә хезмәтне саклау һәм җитештерү куркынычсызлыгы өлкәсендә хезмәттәшлек итү мәсьәләләре турында фикер алышты.
Бүген Альберт Кәримов "ФЕНИСК ТВ" кытай телеканалына персональ интервью бирде. Очрашу КХР делегациясенең Татарстанның нефть, нефть химиясе һәм газ сәнәгате өлкәсендә инвестицияләү һәм ихтимал партнерлык мәсьәләләре буенча визиты кысаларында узды.
"Күп еллар дәвамында КХР Россиянең һәм Татарстанның төп партнерларының берсе булып тора. Узган ел йомгаклары буенча тышкы сәүдә әйләнешенең күләме 550 млн доллардан артык тәшкил итте, быел без әлеге күрсәткечнең артуын көтәбез, чөнки быелның 9 аенда күләм 460 млн доллардан артып китте һәм ул узган елга караганда күбрәк", - дип ассызыклады Министр.