ЯҢАЛЫКЛАР

Бүген Татарстан Республикасы Премьер-министры урынбасары –Татарстан Республикасы сәнәгать һәм сәүдә министры Альберт Кәримов Зәй муниципаль районында булды, анда ул «Татэнерго» АҖ – Зәй ГРЭСы һәм «Завод ТЕХНО» ҖЧҖ производстволарын карады.

Зәй ГРЭСы район икътисадының флагманы булып кала. Узган елда ул 6,8 млрд кВтч электр энергиясе җитештергән. Бу – республикада җитештерелә торган электр энергиясенең 23,5%ы. Җылылык челтәрендә җылылык югалту дәрәҗәсен киметү максатында, Зәй шәһәрендә җылылык белән тәэмин итү системасы участокларын модернизацияләү предприятиенең өстенлекле бурычы булып тора.

Җылылык электростанцияләрен модернизацияләү буенча узган проектларны сайлап алу нәтиҗәләре буенча 2025 елга «Татэнерго» АҖ Зәй ГРЭСында 850 МВт егәрлекле пар-газ җайланмасын төзү планлаштырыла.

Шулай ук районның алдынгы сәнәгать предприятиеләренең берсе – «ТехноНИКОЛЬ» компаниясе филиалы ­­– «Завод ТЕХНО»ҖЧҖ. 2020 елның беренче яртыеллыгында предприятие 1066,7 мең куб. метр минераль-җылылык һәм тавыш изоляциясе материаллары җитештергән.

«Көчле икътисад Татарстанга социаль программаларга һәм инфраструктураны үстерүгә шактый акча кертергә мөмкинлек бирә. Без Татарстан Республикасында яшәүче һәр кешенең уртак тырышлыгы нәтиҗәсендә ирешелгән нәтиҗәләр белән горурлана алабыз», – диде Альберт Кәримов «Татэнерго» АҖ – Зәй ГРЭСы һәм «Завод ТЕХНО» ҖЧҖ  хезмәткәрләренә мөрәҗәгать итеп.

2020 елның октябрендә Стратегик инициативалар агентлыгы һәм Росконгресс фонды «Яңа вакыт өчен көчле идеяләр» федераль форумын үткәрә.

Әлеге күләмле вакыйга һәм икътисадны, социаль һәм технологик өлкәләрне баштанаяк яңарту буенча көчле идеяләр туплауда тиңдәшсез проект. Пандемиядән соң башланган яңа тормыш шартларында Россиянең тотрыклы үсеш стратегиясе нигезенә салыначак идеяләр.

Форумның төп шарты – киләчәктә Россия төбәкләрендә гамәлгә ашырылырга мөмкин булган кызыклы инициативаны тәкъдим итү.

Эш җиде тематик юнәлеш буенча алып барыла:

• Хәзерге икътисадый сәясәт,
• Яңа социаль сәясәт,
• Яңа технологик сәясәт,
• Яңа компетенцияләр,
• Яңа шәһәр сәясәте,
• Бизнес өчен яңа идеяләр,
• Яшьләрнең яңа көн тәртибе.

Иң яхшы 100 идея авторы Сочида презентация ясаячак һәм илнең төп үсеш институтлары ярдәмендә тормышка ашырылачак.

Гаризалар 10 сентябрьгә кадәр Стратегик инициативалар агентлыгы платформасында  https://idea.asi.ru/ кабул ителә.

3 сентябрьдә Үзбәкстан Республикасында Россия Федерациясе Илчелеге һәм Россотрудничество вәкиллеге инициативасы белән Волгоград мемориаль комплексы территориясендә Икенче Бөтендөнья сугышы тәмамлануга багышланган чәчәк салу тантанасы булды.

Акциядә Россия Федерациясенең Үзбәкстан Республикасындагы эшләрендә вакытлы ышанычлысы Вадим Митрофанов, Үзбәкстан Республикасында Россотрудничество вәкиллеге җитәкчесе Михаил Вождаев, Үзбәкстан Республикасында Татарстан Республикасы вәкиле Айдар Әхтәриев, Республика рус мәдәни үзәге рәисе Сергей Миронов, Ташкент шәһәрендәге Татар иҗтимагый мәдәни-агарту үзәге рәисе Ришат Нәбиуллин, З.Вәлиди исемендәге Башкорт иҗтимагый мәдәни үзәге рәисе Ринат Гуляев, Үзбәкстанда Россия ватандашлары оешмалары координация советы рәисе вазыйфаларын башкаручы Василий Костецкий һ.б. катнашты.

Бу көнне Россиядә һәм бөтен дөньяда кешелек тарихында иң канкойгыч сугышларның берсе – Икенче Бөтендөнья сугышы тәмамлану уңаеннан истәлекле чаралар уза. Үзбәкстанның Россия дипломатлары һәм җәмәгатьчелеге әлеге акцияне хуплады һәм уртак җиңүебезне яулаган сугышчыларны искә алды.

«Казан Экспо» халыкара күргәзмә үзәге мәйданчыгында киң күләмле чараларның берсе – Татарстан нефть, газ химиясе форумы-2020 узды. 

Ачылу тантанасында Татарстан Республикасы Президенты Рөстәм Миңнеханов, Татарстан Республикасы Премьер-министры Алексей Песошин, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, шулай ук Россия Федерациясе энергетика министры урынбасары Антон Инюцын, Россия Нефть-газ сәнәгатьчеләре берлеге президенты Геннадий Шмаль һәм башка дәрәҗәле кунаклар катнашты. 

«Без форумны Нефть һәм газ сәнәгате хезмәткәрләре көне уңаеннан уздырабыз. Мин ышанам ки, мондый чарага ихтыяҗ бар, һәм ул бик кирәк», — диде ачылу тантанасында ТР Президенты Рөстәм Миңнеханов. Быел Татарстан Республикасы Президенты Аппараты, Татарстан Республикасы Сәнәгать һәм сәүдә министрлыгы, «Казан ярминкәсе» ААҖ оештырган форумны халыкара күргәзмә һәм киң эшлекле программа үз эченә ала. 

Күргәзмә павильоннарында Россия Федерациясенең 18 төбәгеннән 100дән артык әйдәп баручы тармак компанияләренең эшләнмәләре һәм продукциясе тәкъдим ителгән. Күргәзмәдә нефть, газ химиясе комплексының нәтиҗәле һәм куркынычсыз эше өчен иң яхшы чишелешләр китерелгән. Форум 2-4 сентябрь көннәрендә узачак. Быел чара Татарстан АССР оешуга 100 ел тулуга багышланган. Катнашучылар арасында –  «Татнефть» ГАҖ, «ТАИФ» ДК, «ТаграС-Холдинг» ҖЧҖ, «Казанкомпрессормаш» ААҖ, «ГОРЭЛТЕХ» заводы (Ленинград өлкәсе), «Иокогава Электрик СНГ» ҖЧҖ (Мәскәү) һ.б.

2 сентябрьдә Татарстан нефть, газ, химия форумы кысаларында Россия Федерациясенең энергетика министры урынбасары Антон Инюцын һәм Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов энергоуниверситет активистлары һәм энергетика компанияләре: «ТГК-16» АҖ, «Татэнергосбыт» АҖ, «Татэнерго» АҖ, «Сетевая Компания» ААҖ яшьләре белән очрашты. «Тигез дәрәҗәле диалог» очрашуы барышында юбилейлы #ВместеЯрче фестиваленә старт бирелде. 

«2020 елда #ВместеЯрче Бөтенроссия энергияне сак тоту һәм экология фестиваленә 5 ел тула. Фестивальне үткәрү вакытында күп нәрсә эшләнде. Ягулык-энергетика комплексындагы үзгәрешләрне генә карыйк: элек ничек иде дә, хәзер ничек. Бу көзне үткәрү үзенчәлекләренә карамастан, бөтен ил буенча берничә миллион бала һәм олылар фестивальнең төрле чараларында катнашачак. Без короновирус аркасында фестивальдән баш тартмаячакбыз!» – дип белдерде АНТОН ИНЮЦЫН, яшь энергетикларга мөрәҗәгать итеп.

«Татарстанда фестивальне үткәрүнең күп еллык тәҗрибәсен исәпкә алып, социаль челтәрләр һәм онлайн-платформалар базасында заманча технологияләр  #ВместеЯрче чарасын файдалы һәм масштаблы итеп үткәрергә мөмкинлек бирәчәк, дип саныйбыз. Квизларны һәм тематик дәресләрне, викториналарны, энергетиклар белән очрашуларны, конкурсларны Интернет челтәрендә дә, шул исәптән туры эфирда да үткәрергә мөмкин», – дип билгеләп үтте Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов.

Бүген Татарстан Республикасы Сәнәгать һәм сәүдә министрлыгы белән Кемеровоның «Азот» АҖ арасында хезмәттәшлек турында килешү имзаланды.

Имзалау чарасы 2-4 сентябрь көннәрендә «Казан Экспо» ХКҮ мәйданчыгында уза торган Татарстан нефть, газ химиясе форумы-2020 кысаларында узды.

Имзалау тантанасында Татарстан Республикасы Президенты Рөстәм Миңнеханов, Россия энергетика министры урынбасары Антон Инюцын катнашты.

2020 елның 2 сентябрендә Татарстан Республикасы сәнәгатенә багышланган 100% Татарстан онлайн-чарасы узачак. Чара кысаларында төп сәхнәдә реаль вакыт режимында нефть-газ химиясе форумы трансляциясе узачак.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов соңгы 10 елда сәнәгать казанышлары турында сөйләячәк.

Моннан тыш, видео-экскурсияләр, шул исәптән Татарстан Республикасының алдынгы сәнәгать предприятиеләре буенча да, һәм Worldskills чемпионаты хәрәкәтен үстерү турында репортаж карый аласыз.  Чара барышында истәлекле призлар белән викторина һәм ел саен үткәрелә торган «Наше время - Безнең заман» республика эшче яшьләр иҗаты телевизион фестивале узачак.

«Хәзерге тормыш бездән партнерлар белән мөнәсәбәтләрне коруда стандарт булмаган алымнар таләп итә. Бу мәйданчык, асылда, бүген ябык чикләрне ачарга тиеш. Ә турыдан-туры онлайн эфирлар республиканың һәр кешесенә Татарстанның киләчәген төзүдә катнашу мөмкинлеге бирәчәк», – дип билгеләп үтте республика Президенты Рөстәм Миңнеханов.

Форумда бөтен дөньядан теләгән һәркем катнаша ала. Трансляциягә www.100tatarstan.com сайтында кушылырга, шулай ук эш программасы белән танышырга мөмкин.

Үзегезне кызыксындырган чыгышларны карау өчен кушылыгыз.

21-24 сентябрь көннәрендә Татарстан башкаласында «Kazan Digital Week 2020» халыкара форумы узачак, ул барлык дөньядан белгечләрне берләштерәчәк.

Чараның максаты – цифрлы технологияләр өлкәсендә иң яхшы практикалар, эшләнмәләр һәм экспертизалар тупланачак, Россиядә ел саен уздырыла торган иң эре мәйданчыкларның берсен оештыру. Вакыйгалар периметрында шулай ук онлайн-форматта DIGITAL SUPERHERO хакатон-ярышлары сериясе дә кала.

Шулай ук пленар һәм эш утырышлары, түгәрәк өстәлләр, күргәзмәләр һәм төрле мастер-класслар оештырылачак.

Форумның төп тематик юнәлешләре:

▪ ️ Интеллектуаль транспорт системалары;

▪ ️ Вәзгыяти үзәкләр;

▪ ️ Киберкуркынычсызлык;

▪️ Инновацияләр;

▪ ️ Финтех.

Форумга https://kazandigitalweek.com/ сайтында теркәлергә, шулай ук өстәмә мәгълүмат алырга мөмкин.

Россия Федерациясе Хөкүмәтенең «Үтәкүренмәле» цифрлы технологияләр базасында булдырылган продуктларны, сервисларны һәм платформа чишелешләрен ташламалы кредитлау нигезендә икътисадның һәм социаль өлкәнең өстенлекле тармакларын үзгәртеп кору проектларына ярдәм итү кысаларында федераль бюджеттан субсидияләр бирү кагыйдәләрен раслау турында» 2019 елның 5 декабрендәге 1598 номерлы карары нигезендә, Россия Федерациясе Хөкүмәтенең 2020 елның 2 июлендәге 974 номерлы карары редакциясендә федераль бюджеттан субсидияләр бирү тәртибе билгеләнгән, алар нигезендә проектларга ярдәм итү кысаларында субсидияләр цифрлы трансформация чараларын гамәлгә ашыручы һәм мәгълүмат технологияләрен, шул исәптән цифрлы чишелешләрне, кертүче оешмаларга ташламалы ставка (елына 1% башлап 5% кадәр) буенча финанс чаралары бирү чыгымнарын каплау максатларында вәкаләтле банкларга бирелә.

Әлеге Карар таләпләре нигезендә компанияләргә, шул исәптән Россия технологик чишелешләрен (программа белән тәэмин итү һәм программа-аппарат комплексларын) сатып алуга да, ярдәм итү каралган. Проектка ташламалы (субсидияләнгән) кредитның максималь күләме 5 млрд. сумга кадәр тәшкил итә, берничә үзара бәйләнешле проекттан торган комплекслы программага, – 10 млрд. сумга кадәр.

Тулырак мәгълүмат Россия Элемтә һәм массакүләм коммуникацияләр министрлыгының «Интернет» мәгълүмат-телекоммуникация челтәрендә түбәндәге адрес буенча урнаштырылган:  https://digital.gov.ru/activity/directions/942/.

2020 елның 2-4 сентябрендә Казан шәһәрендә Татарстан Республикасы Президенты Р.Н.Миңнеханов ярдәме белән Россия нефть-газ тармагының иң эре халыкара чараларының берсе – Татарстан нефть-газ химиясе форумы узачак. Быел чара Татарстан АССР оешуга 100 ел тулуга багышланган.

Форум төбәк һәм халыкара дәрәҗәләрдә тармак предприятиеләре арасында эшлекле хезмәттәшлек чикләрен киңәйтү, заманча технологияләрне һәм җиһазларны Татарстан Республикасы предприятиеләренә таныту, шулай ук идеяләр алмашу, тармакның төп темалары буенча актуаль мәгълүмат алу, сәнәгать һәм бизнес-бергәлекләрнең эшлекле очрашулары өчен нәтиҗәле мәйданчык булып тора.

2020 елда Татарстан нефть, газ, химия форумы беренче тапкыр «Казан Экспо» халыкара күргәзмә үзәге территориясендә узачак.

Форум кысаларында узачак чаралар:

- «Нефть, газ. Нефть химиясе» 27 нче халыкара махсуслаштырылган күргәзмәсе – Идел буе федераль округында алдынгы тармак күргәзмәләренең берсе, икътисадны үстерү, технологик инфраструктура һәм Россиядәге нефть, газ, химия комплексы предприятиеләрен техник яктан яңадан җиһазлау өчен махсус әһәмияткә ия. Күргәзмә Бөтендөнья күргәзмә индустриясе ассоциациясе һәм Россия күргәзмәләр һәм ярминкәләр берлеге билгеләре белән билгеләнгән.

-  «GEO-КАЗАН: Геологик разведка. Геодезия. Картография» 10 нчы махсуслаштырылган күргәзмәсе – файдалы казылма ятмаларын эзләүнең инновацияле геологик һәм геофизик алымнарын үстерүгә һәм куллануга, яңа геомәгълүмати эшләнмәләр һәм технологияләр кертүгә ярдәм итүче уникаль проект.

- «Мессе Дюссельдорф Москва» ҖЧҖ белән берлектә оештырыла торган «Интерпластика Meeting Point Казань» төбәк проекты. Биредә синтетик материаллар һәм каучук җитештерү һәм эшкәртү өчен җиһазлар, чимал һәм ярдәмче материаллар, полимер материаллардан һәм каучуктан эшләнмәләр, 3D Fab+print, аддитив эшчәнлек тәкъдим ителәчәк.

Быел күргәзмәләрдә 100дән артык компания катнаша. Болар: нефть химиясе, химия һәм нефть-газ комплексы өчен җиһазлар җитештерүчеләр. Хәзерге вакытта күргәзмәдә илнең төрле төбәкләреннән эре нефть химиясе предприятиеләре, нефть машина төзелеше лидерлары, шул исәптән: В.Д. Шашин исемендәге «Татнефть» ГАҖ, «ТАИФ» компанияләре төркеме, «ТаграС-Холдинг» ҖЧҖ, «Казанькомпрессормаш» ААҖ, «Иокогава Электрик СНГ» ҖЧҖ, ВЭЛАН ҖЧҖ, ПРИВОДЫ АУМА ҖЧҖ, «Химград» технополисы, «Завод ГОРЭЛТЕХ» ҖЧҖ һ.б. үзләренең катнашачагы турында раслаган.

Күргәзмәләрдә нефть, газ, химия комплексы предприятиеләренең нәтиҗәле һәм куркынычсыз эшен тәэмин итә торган заманча материаллар, җиһазлар һәм технологияләр күрсәтеләчәк. Яңалыклар арасында:

Торбалар һәм торбаүткәргеч арматура

• «КВАРТ» АҖ тарафыннан – озын буйлы яссы борыла торган, резин металл эреткеч җиңсәләр; су- нефтьтән кабартылучы, җылыга чыдам пакерлар;
• «Теплоучет» СЙ ҖЧҖ тарафыннан – VECTOR технологиясе белән җайга салына торган KOSO клапаны;
• «УК ТМС групп» ҖЧҖ тарафыннан – пар арматуралары һәм пружиналы центраторлар.

Контроль-үлчәү җиһазлары

• «МЕТРОЛ» ҖЧҖ тарафыннан – уникаль күчмә Beamex MC6-T (-R) метрология лабораториясе;
• «Эльстер Газэлектроника» ҖЧҖ тарафыннан – газ сарыфын ультратавыш ярдәмендә үлчи торган Q.Sonic җайланмалары һәм электрон индексы булган күләмле күпфункцияле диафрагменлы газ счетчиклары;
• «ЭЛЕМЕР-УФА» ҖЧҖ тарафыннан – ЭЛЕМЕР-АИР30М басым датчиклары, электрон МТИ-100Ex манометрлары, җылылык хасил итү җайланмалары, сигнализаторлар, сыекча термостатлары, автоматлаштырылган басым калибраторлары;
• «Ризур» ҖЧҖ тарафыннан – күп нокталы ультратавышлы сигнализаторлар һәм байпаслы роликлы басым, температура индикаторлары.

Шартлаудан саклау һәм уттан яклау техникасы буенча яңа эшләнмәләр

• «Завод ГОРЭЛТЕХ» тарафыннан – ПКИВА-АВ эвакуация юлларын аварияле ачу җайланмасы, СГУ06 сериясендәге светодиод яктырткычлары;
• «Базальтовые Огнезащитные Системы» ҖЧҖ тарафыннан – вентиляция һәм төтен бетерү, һава чыгару системасы беркетмәләрен уттан саклау өчен сертификатлы комплекслы чишелеш;
• «ЭЛЕМЕР-УФА» ҖЧҖ тарафыннан – ЭЛЕМЕР-БРИЗ, БИЗ очкыннан саклау барьерлары, БП 916, БП/ИБП316 ток белән тукландыру җайланмалары.

Нефть-газ сәнәгате өчен насослар һәм насос станцияләре

• «Казанкомпрессормаш» ҖАҖ (ГМС төркеме) җитештергән газ суырту агрегаты;
• «Система-Сервис» ИК» ҖЧҖ тарафыннан – горизонталь насос җайланмалары секцияләре өчен ГНУ эш органнары.

«СервисМонтажИнтеграция» ҖЧҖ тарафыннан –

•  кабель-үткәргеч продукциясе һәм КРУ GUDIRA-5110 һәм НКУ SPASSK-89  бүлү җайланмалары;
• ПК Полигран ҖЧҖ тарафыннан – «Полисил 01К» полиэтилен композициясе һәм үзен-үзе тотып торган изоляцияле үткәргечләр һәм ток кабельләре өчен изоляция әзерләү буенча «Полисил 02» һәм «Полисил 02Ч» катализаторлары концентраты;
• «Экоресурс» АҖ тарафыннан – ПАЗ һәм АСУ ТП бурычларын хәл итү өчен билгеләнгән күп каналлы БАЗИС сәнәгый программалаштыра торган мантыйк контроллерлары.

Татарстан нефть, газ, химия форумы ел саен тармак үсешенең трендлары билгеләнә торган мәйданчык статусын раслый, гамәли характердагы мәсьәләләр хәл ителә. Форумда 1500 артык кеше катнашыр дип көтелә торган эре халыкара фәнни-гамәли конференцияләр узачак:

• Нефть-газ геологиясен үстерүнең яңа парадигмасы турында

• Нефть һәм газ ятмалары запасларын заманча тулыландыру – миф яки чынбарлык?
• Углеводород ятмаларын эзләү һәм разведкалау
• Нефть, газ һәм нефть-газ ятмаларын эшкәртү
  • Нефть-газ химиясе комплексында циркуляр икътисад
  • Геодезия һәм геомәгълүмат системаларының актуаль мәсьәләләре
  • Сыеклыклар һәм газлар чыгымын һәм күләмен үлчәүне метрологик тәэмин итүнең актуаль мәсьәләләре

Түгәрәк өстәлләр:

• «Төзелеш тармагында республика җитештергән нефть химиясе продукциясен куллануны киңәйтү»;
• «Юл төзелешендә нефть химиясе продукциясен куллануны киңәйтү»;

• «Нефть эшкәртү, нефть химиясе сәнәгате предприятиеләрендә энергия нәтиҗәлелеген арттыру мәсьәләләре», шул исәптән «Вак бүленешле энергетика һәм яңартыла торган энергия чыганаклары» секцияләре;
• «Нефть, газ, химия комплексы предприятиеләрен кадрлар һәм инженер-технологик тәэмин итү: инженерлык педагогикасын үстерү мәсьәләләре», ул 4.0 индустриальләштерү өчен инженер белемен трансформацияләү проблемаларына һәм хезмәт җитештерүчәнлеге проблемаларына багышланган.

Форумның эш программасы чаралары бөтен дөньядан: Әзербәйҗан, Германия, Казакъстан, Канада, АКШ, Швейцария, Финляндия, Япония һәм башка илләрдән спикерларны тоташтырып, заманча онлайн конференция залларында узачак. Барлык эшлекле чаралар әлеге платформада күрсәтеләчәк:  http://online.expokazan.ru/oil/

Быел Форумда «Экология» юнәлешенә аерым игътибар биреләчәк.
 Эш программа кысаларында «Экология» илкүләм проекты» буенча түгәрәк өстәл һәм А.И. Щеповских исемендәге «Сәнәгый экология һәм куркынычсызлык» ХV Бөтенроссия конференциясе узачак.

Конференциядә секцияләр буенча эшләү планлаштырылган:

• Йомык цикл икътисады, калдыклар белән эш иткәндә энергия нәтиҗәлелеге һәм экологик куркынычсызлык.
• Татарстан Республикасында биологик төрлелекне саклау һәм табигатьне территориаль саклауны үстерү.
• Чиста су.
• Саф һава.

Күргәзмәдә беренче тапкыр Татарстан Республикасы Президентының 2020 елның 24 февралендәге ПУ-115 номерлы указы белән оештырылган Татарстан Республикасының дөнья дәрәҗәсендәге фәнни-мәгариф үзәге составына керүче фәнни-мәгариф учреждениеләренең коллектив экспозициясе оештырылачак.
 Биредә Казан (Идел буе) федераль университеты, А.Н.Туполев исемендәге Казан милли тикшеренү техник университеты – КАИ, Казан дәүләт энергетика университеты, Казан дәүләт архитектура-төзелеш университеты, «Россия Фәннәр академиясенең Казан фәнни үзәге» федераль тикшеренү үзәге һәм башкалар үз эшләнмәләрен тәкъдим итәчәк. 

Күргәзмәдә Татарстан Республикасы предприятиеләренең COVID-19 коронавирус йогышына каршы көрәш буенча тематик экспозициясе аерым блок булып тора. «Татхимфармпрепараты» АҖ, «Полиматиз» АҖ, «Глобальный Партнер» ҖЧҖ, «Айрониндастрикомпани» ҖЧҖ, «Индиго» ҖЧҖ, «Аромат» АҖ, «Эйдос Медицина» ҖЧҖ, «Татэлектромаш» фәнни-җитештерү берләшмәсе» ААҖ, «Здравмедтех-Поволжье» ГАҖ һәм башкалар түбәндәгеләрне тәкъдим итәчәк:

• вируска каршы һәм ялкынсынуга каршы дару чаралары;
• медицина битлекләре;
• бер тапкыр кулланыла торган саклагыч костюмнар;
• дезинфекция чаралары, антисептиклар;
• COVID-19 экспресс-диагностикасы өчен портатив мини-лаборатория;
• ультрашәмәхә нурландыргыч-рециркулятор.

4 сентябрьдә Татарстан нефть-газ химиясе форумы кысаларында Татарстан Республикасы нефть-газ һәм химия предприятиеләренең баш технологлары, механиклары, энергетиклары һәм метрологларының гадәттәге бизнес-очрашулары узачак, ул мэтчмейкинг (matchmaking) принцибы буенча оештырыла – тәэминатчылар белән сатып алучылар арасында алдан ук планлаштырылган график буенча кыска очрашулар булачак. Узган ел 135 очрашу узды, аларда Татарстан Республикасының 18 предприятиесеннән 50 баш белгеч, шулай ук 51 кече һәм урта бизнес белгече катнашты.

Форум эшенең беренче көнендә Татарстан Республикасы Хөкүмәтенең «2019 ел йомгаклары буенча «Татарстан Республикасында энергияне сак тоту һәм энергетика нәтиҗәлелеген арттыру» дәүләт программасын гамәлгә ашыруның барышы һәм 2020 елга бурычлар турында» утырышы булачак.

Хөрмәтле форум кунаклары!

Игътибар итегез, күргәзмә белән танышу өчен www.online.expokazan.ru/oil яки www.oilexpo.expokazan.ru/  сайтларында онлайн-теркәлү узарга һәм бейдж алырга кирәк.

«Казан Экспо» ХМҮ территориясенә керү катгый бейджлар буенча гына башкарылачак.

Чара, конгресс һәм күргәзмә эшчәнлеген башкарганда яңа коронавирус инфекциясенең (COVID-19) таралуын кисәтү буенча профилактик чаралар үткәрү буенча Роспотребнадзор күрсәтмәләре (2020 елның 26 июнендәге МР 3.1/2.1  0198-20) нигезендә уздырыла. Мәйданчыкта битлек режимы кертелгән, санитайзерлар урнаштырылган, социаль аралык саклана.

 КИЛҮЧЕЛӘРНЕ ТЕРКӘҮ – сылтама буенча монда күчегез БИРЕДӘ

ММЧ АККРЕДИТАЦИЯЛӘҮ 1 сентябрьнең 15:00 сәгатенә кадәр – сылтама БИРЕДӘ

ОЕШТЫРУ КОМИТЕТЫ

+7 (843) 202-29-28, 202-29-93, 202-29-06, 202-29-03

expokazan02@mail.ru

Сезне «Казан Экспо» ХМҮ түбәндәге адрес буенча көтәбез:

Татарстан Республикасы, Лаеш районы, Олы Кабан авылы,

Выставочная урамы, 1, Павильон № 1

Килүчеләргә уңайлы булсын өчен, «Җиңү Проспекты метросы» тукталышыннан бушлай трансфер оештырылачак. Форумның эш көннәрендә автобус-шаттллар 8.30 сәгатьтән 16.30 сәгатькә кадәр һәр 30 минут саен маршрут буенча йөриячәк.