ЯҢАЛЫКЛАР

Бүген видеоконференция режимында эре предприятиеләр хезмәткәрләрен коронавирус инфекциясеннән вакцинацияләүгә багышланган киңәшмә узды. Очрашуны Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов уздырды. 

Очрашуда Татарстан Республикасы сәламәтлек саклау министрының беренче урынбасары Әлмир Абашев, республика Сәламәтлек саклау министрлыгының штаттан тыш баш эпидемиологы Дмитрий Лопушов һәм Татарстан Республикасында урнашкан иң эре сәнәгать һәм сәүдә предприятиеләре җитәкчеләре катнашты.

«Татарстан Республикасы Президенты Рөстәм Миңнеханов тарафыннан хезмәт коллективларын вакцинацияләү бурычы куелды. Чөнки хезмәткәрләрнең сәламәтлеге – предприятиеләрнең өзлексез эшләве, димәк, республиканың иминлек нигезе. Шулай ук сәүдә предприятиеләре персоналын да куркыныч инфекцияләрдән саклау мөһим, алар көн саен халыкны кирәкле азык-төлек һәм товарлар белән тәэмин итеп, бик күп кешеләр белән элемтәдә тора», – диде очрашу барышында Альберт Кәримов.

Вакцина һәм предприятиеләрдә вакцинация үткәрү мөмкинлеге, вакциналаштырыла торган урыннарга карата таләпләр һәм производствода прививкалар ясау компаниясен кертүне оештыру турында Татарстан Республикасы сәламәтлек саклау министрының беренче урынбасары Әлмир Абашев чыгыш ясады.

Тема үсешендә Сетевая компания һәм ТГК-16 вәкилләре Татарстан предприятиеләреннән катнашучылар белән эш урыннарында хезмәткәрләрне короновируска каршы вакцинацияләү тәҗрибәсе белән уртаклашты. 

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов бүген «Мессе Франкфурт РУС» ҖЧҖ генераль директоры Алес Ойген һәм «Хайв Экспо Интернешнл» генераль директоры Дмитрий Завгородний белән очрашты. Очрашу Татарстан Республикасы Сәнәгать һәм сәүдә министрлыгында узды.

Исегезгә төшерәбез, Messe Frankfurt һәм Hyve Group уртак предприятие – Россия Федерациясендә автомобиль тармагы өчен махсус оештырылган күргәзмәләр, конференцияләр һәм башка чаралар үткәрү өчен ITEMF Expo хуҗасы булып тора. Хәзерге вакытта компания портфеленә күргәзмәләр һәм конференцияләр керә, аларның һәркайсы үзенең индустриаль сегменты өчен абсолют лидер булып тора: MIMS Automechanika автозапчастьләре күргәзмәсе, Comtrans коммерция автомобильләре күргәзмәсе, Busworld автобус салоны, IMAF халыкара Мәскәү форумы.

Очрашуда катнашучылар Messe Frankfurt, Hyve Group халыкара ресурсларыннан файдаланып, Татарстан Республикасында автомобиль инвестиция форумын оештыру һәм үткәрү буенча хезмәттәшлекнең перспектив юнәлешләре, ITEMF Expo тәҗрибәсе һәм экспертизасы буенча фикер алышты.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов бүген эш визиты белән Уфа шәһәрендә булды.

Визит барышында Альберт Кәримов «ОДК-Уфа мотор төзү җитештерү берләшмәсе» ГАҖ җитештерү мәйданчыкларында булды һәм предприятиенең сәнәгать потенциалы белән танышты.

Альберт Кәримов шулай ук Башкортстан Республикасы Сәнәгать, энергетика һәм инновацияләр министрлыгының «Сәнәгать: чакырулар һәм перспективалар» темасына киңәйтелгән «Сәнәгать сәгате» форматында узган коллегия утырышында катнашты. 

Утырыш нәтиҗәләре буенча Татарстан Республикасы Сәнәгать һәм сәүдә министрлыгы һәм Башкортостан Республикасы Сәнәгать, энергетика һәм инновацияләр министрлыгы арасында хезмәттәшлек турында килешү имзаланды.

Бүген «А.М. Горький исемендәге Зеленодольск заводы» АҖдә төбәкнең пассажир флотын яңарту программасы кысаларында Ханты-Манси автономияле округы ихтыяҗлары өчен «Метеор-2020» проекты кысаларында су асты канатларында тиз йөрешле ике пассажир судносы корпусларына нигез салу тантанасы булды.

Ике «Метеор-2020» судносын төзүгә контракт «А.М.Горький исемендәге Зеленодольск заводы» АҖ, «Северречфлот» АҖ һәм «Машпромлизинг» АҖ арасында 2021 елның 26 гыйнварында төзелгән. Проектны «Си Тех» ҖЧҖ Түбән Новгород проект бюросы эшләгән.

Тантаналы митингны ачып, «А.М. Горький исемендәге Зеленодольск заводы» АҖ генераль директоры Александр Филиппов барлык катнашучыларны бәйрәм вакыйгасы белән котлады һәм Татарстан Республикасы, Ханты-Манси автономияле округы, «Ак Барс» холдинг компаниясе» АҖ, «Ак Барс» суднолар төзү корпорациясе» АҖ җитәкчелегенә хезмәт өчен мөмкинлекләр тудырганнары өчен рәхмәт белдерде. «Бүген барыбыз өчен дә чын-чынлап бәйрәм көне. Су асты канатларында суднолар төзүне яңадан башлап җибәрәбез. Узган гасырның 90 нчы елларында безнең завод «Метеорлар» белән тәэмин итүче бердәнбер завод булды, ә хәзерге вакытта без заман таләпләренә җавап бирерлек заманча «Метеорлар-2020» төзи башлыйбыз», – диде ул.

А.М.Горький исемендәге Зеленодольск заводы Россиядә 1961 елдан 2006 елга кадәр тиз йөрешле «Метеор» пассажир теплоходларын серияле төзү буенча әйдәп баручы бердәнбер предприятие булды. Завод тарафыннан барлыгы 400 берәмлек шундый судно төзелгән. Алар илнең елга флоты составына кергән, шулай ук Болгария, Вьетнам, Кытай, Нидерланд, Польша, Венгрия, Чехия, Словакия һ.б. илләргә экспортка җибәрелгән.

Ханты-Манси автономияле округы – Югра губернаторы урынбасары Андрей Зобницев завод хезмәткәрләрен бәйрәм белән котлады һәм күп еллар дәвамында Ханты-Манси автономияле округы – Югра халкы файдасына хезмәт иткән югары сыйфатлы суднолар өчен предприятие коллективына рәхмәт белдерде. «Бу бик әһәмиятле вакыйга, су асты канатларында суднолар җитештерү линиясе яңартыла. Без тагын сезнең предприятие белән хезмәттәшлек итәбез һәм заманча «Метеорлар»га заказ бирүчеләр булып торабыз. Ышанам ки, ышанычлы һәм уңайлы судноларны вакытында алачакбыз, серияне ике берәмлектә генә туктатмаячакбыз», – диде ул.

Су асты канатларында йөри торган 03830 «Метеор — 2020» проектының пассажир суднолары «Си Тех» проект бюросы тарафыннан эшләнгән, булган метеорлар белән чагыштырганда аларның берникадәр өстенлекле яклары бар һәм уңайлылыгы һәм ышанычлылыгы буенча барлык халыкара таләпләргә җавап бирәләр.

Тантаналы чара барышында Россия флоты өчен корабльләр һәм суднолар төзү һәм тапшыруга зур өлеш керткән завод хезмәткәрләрен бүләкләү булды.

Рәсми өлеш ахырында дәрәҗәле кунакларга яңа суднолар нигезенә истәлек такта салу хокукы бирелде.

Кичә Татарстан Республикасына Саха (Якутия) Республикасы халыкларының тышкы багланышлары һәм эшләре министры Гаврил Кириллин җитәкчелегендә Саха (Якутия) Республикасы делегациясе эш визиты белән килде. Очрашуны бүген Татарстан Республикасы Сәнәгать һәм сәүдә министрлыгында Татарстан Республикасы сәнәгать һәм сәүдә министры урынбасары Герман Лернер уздырды.

Очрашу барышында 2021 елның 7-11 июнендә узачак Татарстан Республикасында Саха (Якутия) Республикасы көннәрен әзерләү буенча өстенлекле эш юнәлешләре турында фикер алыштылар.

2021 елның 1-4 мартында узачак визит кысаларында Саха (Якутия) Республикасы делегациясе Татарстан Республикасы Мәдәният министрлыгына, Татарстан Республикасы Спорт министрлыгына, Казан шәһәре мэриясенә барачак. Шулай ук делегация Иннополис шәһәренә, югары технологияләр өлкәсендә эшләүче «ИТ-парк» технопаркына, Г. Камал исемендәге дәүләт академия театрына барачак.

Татарстан Республикасы территориясендә гарантияле бердәнбер тәэмин итүче «Татэнергосбыт» АҖ «ЭнергоНьюс» тармак интернет-порталы үткәргән «Россиянең иң яхшы энергия сату компаниясе» XI Бөтенроссия конкурсы нәтиҗәләре буенча янә беренче урын яулаган.

«Татэнергосбыт» АҖ «Максималь клиентларга юнәлтелгән энергия сату компаниясе» номинациясендә беренче урын алган, анда юридик һәм физик затларга хезмәт күрсәтүнең база принциплары һәм практикасы бәяләнгән.

«Татэнергосбыт» АҖдә энергия сату компаниясе функцияләрен һәм торак-коммуналь хезмәтләр өчен исәп-хисапларны берләштерү» компаниясе проекты «Елның энергия сату проекты» номинациясендә икенче урын алган. Барлык торак-коммуналь хезмәтләр буенча бердәм түләү документы һәм «бердәм тәрәзә» булдыру компания чыгымнарын оптимальләштерергә мөмкинлек биргән. Проект кысаларында «Коммуналь түләүләр» ПК базасында үзәк сервер егәрлекләренә 47гә бүлгәләнгән мәгълүматлар базасын күчереп, бердәм биллинг системасы булдырылган. Бер ел эчендә шәхси счетларның саны 880 меңнән 1,7 миллионга кадәр арткан.

«Социаль җаваплы энергия сату компаниясе» номинациясендә «Татэнергосбыт» АҖ шулай ук икенче урынны алган. Жюри эшчәнлекнең социаль яктан әһәмиятле юнәлешләре турында хисапларны югары бәяләгән, алар арасында: персоналны укыту һәм квалификациясен күтәрү, аңа ярдәм итү һәм яраклаштыру, хезмәт сагы, һөнәри осталык конкурслары, спорт, мәдәни, экологик чаралар, хәйрия эшчәнлеге.

«Мәгълүмат ягыннан иң ачык энергия сату компаниясе» номинациясендә «Татэнергосбыт» АҖ жюриның махсус дипломы белән билгеләп үтелгән — кулланучылар белән эшләүнең аерым аспектлары буенча күренекле күрсәткечләр өчен, аерым алганда: компания басма массакүләм мәгълүмат чараларында мәкаләләр саны буенча абсолют лидер булган.

2020 ел нәтиҗәләре буенча иң яхшы энергия сату компаниясе исеме өчен көрәштә дүрт конкурс номинациясендә 64 РФ субъектыннан 58 компания көч сынашкан. Катнашучыларны 16 регионнан электр энергетикасы белгечләре, шулай ук «ЭнергоНьюс» редакциясе хезмәткәрләре кергән экспертлар жюрие бәяләгән.

Сәнәгатьне үстерү фонды (СҮФ, ВЭБ.РФ төркеме)  заемчысы – «Татнефть-Пресскомпозит» ҖЧҖ Татарстан Республикасының Алабуга шәһәрендә предприятие белән идарә итүнең бердәм мәгълүмат системасын кертеп бетергән. Ул бракларны киметергә, калдыклар күләмен киметергә һәм хезмәт җитештерүчәнлеген арттырырга ярдәм итәчәк.

2019 ел башында Сәнәгатьне үстерү фонды (ВЭБ.РФ төркеме) Алабуга композит материаллар заводына «Сәнәгатьне цифрлаштыру» программасы буенча 25 млн.сум күләмендә ташламалы займ биргән. Проектның гомуми бюджеты 31 млн сумнан артып киткән.

«Татнефть-Пресскомпозит» тулы булмаган полиэфир сумала, пыяла җепселләре һәм минераль тутыргычлар нигезендә композиция материаллары җитештерә. Җитештерелә торган продукция арасында төзелеш профильләре, пыяла-пластик торбалар һәм коймалар, композит эскәмияләр, композиттан юл люклары бар.

СҮФ акчаларын җәлеп итеп, компания предприятие эшен идарә итүнең бердәм мәгълүмат системасын кертү ярдәмендә автоматлаштырган. Аңа өч аерым цифрлы система кертелгән: җитештерү процесслары белән идарә итү (MES), җиһазлар эше турында мәгълүмат җыю системасы (SCADA) һәм предприятиедә барлык бизнес-процессларны берләштерү буенча программа ресурсы (ERP).

Өч системаны гамәлгә кертү һәм төп җитештерү процессларын цифрлаштыру станокларны бер сәнәгать челтәренә берләштерергә мөмкинлек биргән. Бу чимал чыгымын – 5 процентка, технологик калдыкларны 20 процентка киметәчәк һәм җитештерүчәнлекне 5 процентка арттырачак.

Татарстан Республикасы Президенты Рөстәм Миңнеханов Complant (Кытай) компаниясе җитәкчелеге белән онлайн-очрашу уздырды. Очрашуда Премьер - министр урынбасары-ТР Министрлар Кабинеты Аппараты Җитәкчесе Шамил Гаффаров, Татарстан министрлыклары һәм ведомстволары җитәкчеләре катнашты.

Complant – транспорт, электроэнергетика, экология, металлургия, сәнәгатьнең төрле төрләре буенча дөньяның төрле илләрендә үзенең подрядчы проектлары белән танылган эре Кытай корпорациясе.

Рөстәм Миңнеханов ассызыклаганча, республика Кытай белән элемтәләрне киңәйтүгә зур игътибар бирә, алар Россия-Кытай мөнәсәбәтләрен ныгытуга юнәлдерелгән.

«Татарстан КХР партнерлары белән актив хезмәттәшлек итә. Соңгы елларда безнең элемтәләр аеруча интенсив булды. Республикада Хайер, Вейчай, Хуавей, ДиДи, Сычуань Голден Элефант һәм башка эре компанияләр белән берничә уртак икътисадый проект гамәлгә ашырыла», - дип ассызыклады Президент.

Рөстәм Миңнеханов билгеләп үткәнчә, республика Complant белән, шул исәптән экология өлкәсендә дә, хезмәттәшлекне үстерү белән кызыксына. Перспектив проектларның берсе – Идел елгасы бассейнын сәламәтләндерү. Шулай ук планнарда – каты калдыкларны эшкәртү һәм электр энергиясе эшләп чыгару өлкәсендә хезмәттәшлек, явым-төшемнәр өлкәсендә, агып чыгучы суларны чистарту буенча эш. «Безнең өчен әлеге мәсьәләләр бик актуаль, без барлык бу юнәлешләр буенча да хезмәттәшлек итәргә әзер», - дип өстәде ТР Президенты.

ТР Президенты Матбугат хезмәте

Казан дәүләт энергетика университеты базасында «Тотрыклы энергетика һәм энергомашина төзелеше – 2021: SUSE-2021» халыкара симпозиумы узды.

Чара катнаш һәм турыдан-туры очрашып һәм читтән торып узды. Катнашучыларның гомуми саны – Россиянең 14 төбәгеннән, шулай ук чит илләрдән, шул исәптән Казакъстан, Таҗикстан, Кыргызстан, Италия һәм Болгариядән 800дән артык вәкил. Докладчылар энергетика өлкәсендә фәнни һәм гамәли тикшеренүләрне тәкъдим итә һәм халыкара хезмәттәшлек перспективалары турында фикер алыша. Симпозиум икътисадның энергетика секторы тарый торган төп каршылыкларны җиңеп чыгу һәм энергиягә чыдамлылык һәм энергомашина төзелеше буенча гамәли чишелешләр эшләү мәйданчыгы булырга тиеш.

- Мин сезне Казан дәүләт энергетика университетында каршы алуыма шат. Бу безнең өчен истәлекле вакыйга, оештыручылар ягыннан зур дәрәҗә һәм ышаныч билгесе, – дип билгеләп үтте КДЭУ ректоры Эдвард Абдуллаҗанов, чараны ачып. – Симпозиумның безнең университетта фән һәм технологияләр елында узуы аеруча күңелле. Мондый чараны үзендә кабул итү мөмкинлеге – бу безнең югары уку йортының фәнни потенциалын күрсәтү, сезне безнең галимнәр белән якынрак таныштыру мөмкинлеге.

Татарстан Республикасы сәнәгать һәм сәүдә министры урынбасары Марат Миңнебаев ассызыклаганча, әлеге тема бик актуаль, чөнки хәзер бөтен дөньяда энергетика цифрлы трансформация процессын уза, яңа төрләр, аерым алганда, водород энергетикасы барлыкка килә һәм Татарстан бу процесска актив кушыла.

– Без Эдвард Юнысовичка һәм искиткеч әйдәп баручы энергоуниверситет коллективына хезмәттәшлек өчен бик рәхмәтле, – дип өстәде министр урынбасары. – Без яңартыла торган энергия чыганаклары өлкәсендә күп кенә уртак практик проектларны гамәлгә ашырабыз. Хәзерге вакытта республикада җил парклары төзү буенча халыкара инвесторлар катнашында эре проект гамәлгә ашырыла. Монда Казан Энергоуниверситеты зур ярдәм күрсәтте, ул бөтен җил үлчәмнәрен гамәлгә ашырды. Хәзер без республиканың тулы кыйммәтле җил картасына ия, аны башка инвесторларга да тәкъдим итә алабыз.

Марат Миңнебаев шулай ук КДЭУ мәйданчыгында республикада җылылык балансын булдыру, җылылык челтәрләре белән идарә итүнең яңа методларын кертү һәм аларны эксплуатацияләүнең сыйфатын арттыру максатларында җылылык белән тәэмин итү буенча вәзгыятьләр үзәге оештыру планнары турында да сөйләде. Министр урынбасары, республика предприятиеләре симпозиумда катнашучыларның барлык файдалы инновацияле идеяләрен һәм эшләнмәләрен тормышка ашырырга әзер, дип ышандырды.

Мәскәү энергетика институты ректоры Николай Рогалев үзенең кыскача чыгышында шулай ук тиз үзгәреп торучы энергетика парадигмасы шартларында югары уку йортларының уртак фәнни эшенең мөһимлеген ассызыклады.

Чарада катнашучыларны Татарстан сәнәгать секторы исеменнән «Татэнерго» АҖ генераль директорының беренче урынбасары Айрат Сабирҗанов сәламләде.

Симпозиум кысаларында Россия Федерациясе һәм Казакъстан Республикасы арасында хезмәттәшлек буенча Хөкүмәтара комиссия кысаларында һөнәри югары техник белем бирү өлкәсендә нәтиҗәле платформа оештыру өчен ике илнең техник университетларын берләштерүче иҗтимагый оешма – Россия һәм Казакъстан техник белем бирү консорциумы эшче төркеменең беренче утырышы узды. Хәзерге вакытта консорциумга Россиядән 12 һәм Казакъстаннан 6 югары уку йорты керә.

Эшче төркемнең беренче утырышының төп өлешендә яклар хезмәттәшлек юнәлешләре буенча фикер алышты, үз тәкъдимнәрен һәм теләкләрен белдерде, аерым алганда, күбрәк югары уку йортларын һәм илләрне җәлеп итеп, сәүдә-сәнәгать палаталарының географиясен киңәйтергә.

Тагын ике көн – 19 нчы һәм 20 нче февральдә форум семинарлар форматында, шулай ук 9: «Турбомашиналар һәм катнаш җайланмалар»; «Хәзерге энергетиканың экологик аспектлары»; «Цифрлы һәм интеллектуаль энергетика системалары»; «Энергия җиһазларын локальләштерү: глобаль базар шартларында энергетика иминлеген тәэмин итү»; «Водород һәм яңартыла торган энергетика»; «Энергетикада ышанычлылык һәм диагностика»; «Нефть-газ сәнәгатен фәнни-технологик үстерү – ягулык-энергетика комплексының нәтиҗәлелеген арттыру нигезе»; «Җәмгыятьнең һәм энергетика секторының цифрлы трансформациясе» һәм «Җылылык-энергетика җайланмаларының энергетика нәтиҗәлелеге» секцияләре буенча эшләячәк.

2021 елның 22 февралендә Татарстан Республикасының Үзбәкстан Республикасындагы вәкиле А.А.Әхтәриев Үзбәкстан Республикасы Сәүдә-сәнәгать палатасы рәисе А.И.Икрамов белән очрашты. Очрашу барышында Татарстан Республикасы белән Үзбәкстан Республикасы арасында сәүдә-икътисадый элемтәләрнең торышы һәм перспективалары, шулай ук 2019 елда Татарстан Республикасы Президенты Р. Н.Миңнехановның Үзбәкстан Республикасына визиты барышында сөйләшенгән уртак проектларны гамәлгә ашыруның барышы турында фикер алышынды.

А.А Әхтәриев һәм А.И.Икрамов Татарстан Республикасы делегациясенең 2021 елның 5-7 апрель көннәрендә Ташкентта узачак  «Иннопром. Үзбәкстанда зур сәнәгать атнасы» халыкара күргәзмәсендә катнашуы турында сөйләште. Үз чиратында, Сәүдә-сәнәгать палатасы әлеге күргәзмә кысаларында Татарстан һәм үзбәк эшкуарларының бизнес-очрашуын үткәрүдә һәртөрле ярдәм күрсәтергә әзер булуын белдерде.

Очрашу дустанә һәм конструктив шартларда узды.