ЯҢАЛЫКЛАР
12 августтан 17 августка кадәр Казан шәһәре, Родина урамы, 1 нче йорт адресы буенча урнашкан «Магнит» кибете янында 16:00 сәгатьтән 21:00 сәгатькә кадәр көн саен хәйрия нигезендә мобиль кер юдырту бүлмәсе эшләячәк. Теләге булган һәркем бирегә хәйрия максатларында үзләренә кирәкмәгән әйберләрен китерә ала. Алмашка, мисал өчен, өй шартларында юып булмый торган зур габаритлы әйберләрне алып килеп юдыртырга мөмкин. Җыелган кием-салым сортларга аеру өчен җибәреләчәк: яхшы хәлдәге әйберләр Татарстан Республикасындагы мохтаҗ гаиләләргә тапшырылачак, чүпрәк-чапрак эшкәртелүгә тотылачак.
Акция «Чиста бәхет» хәйрия программасы кысаларында уза, аны Procter&Gamble компаниясенең Tide бренды һәм «Магнит» ваклап сату челтәре бергәләшеп үткәрә. Кер юдырту Россиянең 7 шәһәре буенча оештырылачак. Элегрәк ул Тула, Воронеж, Ростов-на-Дону, Краснодар, Ставрополь һәм Волгоградта булган, ә хәзер Казанда да кием җыю чарасы уздырыла.
Россиянең тагын 8 шәһәрендә «Магнит» кибетләрендә урнаштырылган махсус контейнерларга (адреслары Instagram социаль челтәрендә Tide битендә күрсәтелгән) яисә «Полезный город» http://www.poleznygorod.ru/ картасында билгеләнгән программа партнерларының кабул итү пунктларына тапшырып, киемнәргә икенче тормыш бүләк итәргә мөмкин. Программа партнерлары арасында – #НЕМУЗЕЙМУСОРА экологик проекты, Краснодарның «Зеленый свет» иҗтимагый экологик оешмасы. Шулай ук проектны «Русь» азык-төлек фонды волонтерлары да хуплый. Акция барлыгы Россиянең 15 шәһәрен колачлый.
Хәйрия акциясендә «Магнит» кибетләрендә кер юдырту өчен Tide порошогы яки гель сатып алып катнашырга мөмкин, һәр сатып алудан 1 сум мохтаҗларга ярдәм йөзеннән хәйрия киеме җыюга юнәлдереләчәк. Социаль челтәрләрдәге акция турында сөйләүчеләрнең барысы да күп санлы призлар: толстовкалар, кер юу өчен Tide капсулалары яки сатып алу өчен «Магнит» сертификатлары оту мөмкинлегенә ия булачак. Призлар атна саен уйнатыла.
Программага танылган телетапшырулар алып баручы, Comedy Club клубында бердәнбер хатын-кыз-резидент һәм яшь әни Марина Кравец теләктәшлек күрсәткән, ул хәйрия өчен беренче булып әйберләр китергән һәм аларны юдыртырга куеп җибәргән.
12 - 14 августта www.100tatarstan.com платформасында “100% Татарстан. Мәгариф. Фән һәм технологияләр. Хезмәт базары” онлайн-форумы узачак һәм ул үз мәйданында Татарстан Республикасы Хөкүмәтен, мәгариф һәм фән өлкәсендә экспертларны, бизнесны һәм халыкны, республиканың эшлекле партнерларын берләштерәчәк.
Бүген Татарстан Республикасы сәнәгать һәм сәүдә министры урынбасары Герман Лернер видеоконференцэлемтә режимында United Jewel Company (Согуд Гарәбстаны Корольлеге) компаниясе җитәкчелеге белән очрашты. Очрашу Татарстан Республикасы Сәнәгать һәм сәүдә министрлыгында узды.
Киңәшмәдә United Jewel Limited компаниясе президенты Раҗһи Абдуллаһ Мөхәммәт, United Jewel Company компаниясе генераль директоры Мәхмүд Абү-Рәшид, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы Саба муниципаль районы башлыгы, Саба муниципаль районы советы рәисе Рәис Миңнеханов һәм республиканың нефть химиясе комплексы предприятиеләре вәкилләре катнашты.
Очрашуда яклар нефть химиясе комплексында җитештерү, сәүдә һәм инвестиция проектларын гамәлгә ашыруда киләчәк хезмәттәшлек турында сөйләштеләр.
Очрашу барышында Герман Лернер Согуд Гарәбстаны Корольлегенең Татарстан Республикасы белән хезмәттәшлекне үстерүдә мәнфәгатьле булганы өчен рәхмәт белдерде. Ул Согуд Гарәбстаны белән икеяклы хезмәттәшлекне үстерү турында сөйләде, шулай ук республиканың нефть химиясе комплексының төп предприятиеләре белән дә таныштырды.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов видеоконференция режимында Үзбәкстан Республикасының инвестицияләр һәм тышкы сәүдә министры урынбасары – Инвестиция проектларын эшләү үзәге директоры Хуррам Тешабаев белән очрашты.
Чарада шулай ук Татарстан Республикасы һәм Үзбәкстан Республикасының алдынгы предприятиеләре һәм оешмалары җитәкчеләре катнашты.
Очрашу барышында яклар хәзерге вәзгыять, перспектив юнәлешләр, шулай ук сәүдә-икътисад, инвестиция, транспорт-логистика һәм башка өлкәләрдә икеяклы хезмәттәшлекне алга таба үстерүнең проблемалы мәсьәләләре буенча фикер алышты. Мондый проектлар арасында: Үзбәкстан Республикасында «КАМАЗ» йөк транспорт чараларын җитештерү, Ташкент өлкәсендә «Химград» АҖ индустриаль паркын булдыру, IT-өлкәдә, торак-коммуналь хуҗалык өлкәсендә һәм башка юнәлешләрдә проектларны үстерү.
«Быел булып узган күп кенә чаралар, визитлар һәм очрашулар үзара файдалы нәтиҗәләргә китерер дип ышанабыз», – дип билгеләп үтте Альберт Кәримов. Ахырда ул Үзбәкстан предприятиеләре һәм оешмалары җитәкчеләренә Татарстан белән хезмәттәшлекне үстерүгә аерым игътибар биргәннәре өчен рәхмәт белдерде.
Шулай ук Альберт Кәримов Үзбәкстанның профильле предприятиеләрен агымдагы елның декабрь башында Татарстан машина төзелеше форумында катнашу өчен Татарстан Республикасына чакырды.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов «РариТЭК» АҖ компаниясе производствосында булды.
«РМЗ РариТЭК» ҖЧҖ – газ тутыру җиһазлары, автомобильләргә газ сала торган күчмә җайланмалар, RGK газ двигательләре, газлы баллон техникасы өчен сервис җиһазлары һәм махсус комплект җиһазлары җитештерә торган җитештерү-техник база. РМЗ шулай ук үзенең LOTOS бренды белән урта һәм зур класслы автобуслар да җитештерә.
Криоген ягулык системаларын җитештерүнең яңа технологияләрен һәм процессларын эшләүгә, шулай ук аларны төрле модификациядәге транспорт чараларына кертү ысулларына аерым игътибар бирелә. Сыекландырылган табигый газның кече тоннажлы заводлары өчен комплект әйберләр һәм җайланмалар җитештерү технологиясе һәм технологик процессы булдырылган.
Визит кысаларында Альберт Кәримов газ-мотор автотехникасы предприятиесе һәм модельләре белән танышты, табигый газда эшли торган тягачларны да кертеп, җитештерү блокларын карады һәм алга таба хезмәттәшлек итү турында сөйләшүләр булды.
Шулай ук «РариТЭК» компанияләр төркеменең җитештерү мәйданчыклары буенча экскурсия оештырылды, анда предприятиенең мөмкинлекләре һәм казанышлары, белгечләрнең төрле тармакларда уңышлы кулланыла торган уникаль эшләнмәләре турында сөйләделәр.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов бүген эш визиты белән «ТЭСК» ҖЧҖ – «Яр Чаллы» алгарышлы социаль-икътисадый үсеш территориясе резиденты предприятиесендә булды. Компания үзтерәкле изоляцияле үткәргеч кулланып, һава аша электр энергиясе тапшыру линияләрен монтажлау өчен линия арматурасы җитештерүгә махсуслашкан.
Предприятиенең үз конструкторлык һәм техник бүлекләре бар, үз сынау лабораториясе бар, анда материаллар һәм комплектлау детальләрен контрольдә тоту гамәлгә ашырыла. Шулай ук җитештерелә торган барлык продукциянең норматив документларга һәм тармак стандартлары таләпләренә туры килү-килмәве дә тикшерелә.
Предприятиенең техник директоры Фәнил Динмөхәммәтов Альберт Кәримовны «ТЭСК» компаниясе продукциясен җитештерү технологиясе белән җентекләп таныштырды.
Предприятие чыгара торган продукция монтаж һәм эксплуатация оешмалары тәкъдимнәрен исәпкә алып проектланган, сыйфат буенча чит ил аналогларыннан калышмый һәм әйләнә-тирә һаваның температурасы -60 башлап +50 градуска кадәр булганда, диңгез дәрәҗәсеннән 1000 метрга кадәр биеклектә, пычрану дәрәҗәсе 1-4 булган районнарда, җил һәм бозлавык күзәтелгән барлык районнарда да кулланылачак.
Моннан тыш, бүгенге көндә «ТЭСК» ҖЧҖ җитештергән линия арматурасын аттестацияләү буенча «ФТЦ ЕЭС» АҖ белән актив эш алып барыла. Бәйсез сынау лабораториясеннән уңай сынау протоколлары алынган, ЗАК төзелгән һәм килештерү өчен «Россия» ГАҖ җибәрелгән.
«ПОЗиС» АҖ компаниясендә (Ростех дәүләт корпорациясенең «Технодинамика» холдингы идарәсе контурына керә) вакцинацияләү дәвам итә. Сентябрьгә хезмәткәрләрнең 60%ына кадәр прививка ясау планлаштырыла.
Бүгенге көндә 600 артык кешегә «Спутник V» беренче компоненты һәм 1400дән артык кешегә икенче компоненты белән прививка ясатылган, бу барлык хезмәткәрләрнең 45%ын тәшкил итә. Шулай ук альтернатив препарат – «Спутник Лайт»ны вакциналаштыру мөмкинлеге дә барлыкка килгән.
Завод хезмәткәрләренә хезмәт күрсәтү оешмалары һәм бүлекчәләрдәге җитәкчеләр, шул исәптән «ПОЗиС» АҖ компаниясе генераль директоры Радик Хәсәнов да үрнәк күрсәтә.
Хезмәткәрләргә эшчәнлектән аерылмыйча гына вакцинация узу өчен оптималь шартлар тудырылган. Суыткыч приборларын һәм сәүдә медицина җиһазларын җитештерүнең контактлы эретеп ябыштыручысы Галина Осокина билгеләп үткәнчә, заводта вакцинация пункты оештырылган. Бу хезмәткәрләр өчен бик уңайлы – беркая да барырга кирәкми. Ул, прививка ясатырга кирәк, дип саный, чөнки бу бит шәхси иминлек кенә түгел, ә тирә-юньдәгеләрнең дә иминлеге.
Предприятиенең фельдшер пунктларында POZIS конструкторлары эшләгән вакциналарны саклау өчен медицина суыткычлары белән җиһазландырылган махсус кабинетлар булдырылган.
Процедура Зеленодольск үзәк район хастаханәсенең квалификацияле белгечләре тарафыннан үткәрелә.
Предприятие хезмәткәрләрне COVID-19 саклану буенча кирәкле чаралар комплексын гамәлгә ашыра, шул исәптән эшчәнлек башкару биналарын, гомуми файдалану урыннарын даими эшкәртү һәм хезмәткәрләрне шәхси саклану чаралары белән тәэмин итүне дә кертеп.
Ми-17В-5 һәм «Вертолеты России» холдингының Казан вертолет заводында җитештерелгән Ми-17В-5 һәм Ансат очкычлары ел саен үткәрелә торган «Мин күкне сайлыйм» авиация бәйрәменең Россия һава флоты көненә багышланган җәйге программасында катнаша. Чара кунаклары өчен КВЗның һөнәри юнәлеш бирү мәйданчыгы ачылачак, анда предприятие вакансияләре белән танышырга мөмкин булачак.
Казан өстендәге күктә күрсәтмә очышлар вакытында Ми-17В-5 һәм Ансат вертолетларының парлы һәм индивидуаль программаларын күрергә мөмкин булачак. Техника бик түбән – 50 метрлы биеклектә очып узачак. Вертолетлар берничә пилотаж фигурасы: борылышлы тау, вираж, ирекле хәрәкәтләр ясаячак. Шәхси очышлар вакытында тамашачылар эленеп торган, борылыш ясаган, бер урыннан икенче урынга күчкән, «таулар» ясаган, кисәк аска төшә башлаган һәм «баш ия белгән» канатлы машиналарны манзара кылачак.
Казанның Гаилә үзәге каршындагы мәйданда предприятиенең интерактив экспозициясе эшләячәк. Киртәләп алынган мәйданчыкта беренче тапкыр дроннарның очыш зонасы оештырылачак. Теләге булганнар махсус күзлек һәм пульт ярдәмендә квадрокоптерда үз көчләрен сынап карый алачак. Килгән кунакларга МАКС-2021 күргәзмәсе кысаларында «Кибердром» конкурсы ярымфиналында җиңгән КВЗ һәм КНИТУ-КАИ «Дедал» командасы ярдәм итәчәк.
Шулай ук кунакларны музей экспозициясе дә көтә, анда КВЗ тарихы, чыгарыла торган вертолетларның төрләре, аларның модификацияләре һәм характеристикалары белән танышырга мөмкин булачак. Янәшәдә генә Ансат вертолеты урнаштырылачак фотозона оештырылачак.
Һөнәри юнәлеш бирү зонасында эш эзләүчеләргә предприятиедә вакантлы вазыйфалар турында белү һәм персонал буенча дирекция вәкиле белән әңгәмә узу мөмкинлеге биреләчәк.
Балалар өчен күңел ачу мәйданчыгы эшләячәк, Завод яшьләре берлеге вәкилләре вертолет тематикасына уеннар һәм конкурслар үткәрәчәк. Янәшәдә генә очыш симуляторлары урнашачак, килүчеләр өчен ял итү урыннары да каралган.
«Казан» гаилә үзәге янындагы мәйданчыкта 2021 елның 7 августында 15.00 сәгатьтә Россия һава флоты көненә багышланган «Мин күк йөзен сайлыйм!» авиация бәйрәме узачак. Чараны Татарстан Республикасы Сәнәгать һәм сәүдә министрлыгы, «Казан ярминкәсе» ААҖ оештыра.
Бүген Татарстан Республикасы Сәнәгать һәм сәүдә министрлыгында Казан федераль университетыннан энергетика хокукының актуаль проблемаларына багышланган лекцияләр циклын оештырып уздырган өчен рәхмәт хатлары тапшыру тантанасы һәм йомгаклау киңәшмәсе узды.
Рәхмәт хатларын КФУ юридик факультетының эшкуарлык һәм энергетика хокукы кафедрасы мөдире, фәннәр кандидаты (доцент) Андрей Михайлов һәм фәннәр кандидаты, КФУ юридик факультетының эшкуарлык һәм энергетика хокукы кафедрасы доценты Павел Иванишин тапшырды.
Энергетика хокукының актуаль проблемаларына багышланган лекцияләр циклын оештыруда һәм үткәрүдә актив катнашканы өчен Татарстан Республикасы сәнәгать һәм сәүдә министры урынбасары Марат Миңнебаевка тапшырылды.
Татарстан Республикасы Сәнәгать һәм сәүдә министрлыгының юридик бүлеге җитәкчесе Раилә Гыйльфановага – Россия Федерациясендә энергетика үсешенең актуаль проблемаларына багышланган «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.
«СО ЕЭС» АҖ филиалы – Татарстан Республикасы Энергетика системасы төбәк диспетчерлык идарәсендә административ төркемнең әйдәп баручы эксперт Татьяна Матюхинага – «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.
«Сетевая компания» АҖнең электр һәм җылылык энергиясе базарларында эшләрне хокукый тәэмин итү җитәкчесе Регина Хөсәеновага – «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.
«Татэнерго» АҖнең электр һәм җылылык энергиясе базарларында эшләрне хокукый тәэмин итү бүлеге җитәкчесе Гүзәл Газизуллинага – «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.
«Татэнергосбыт» АҖнең күпләп сату базарында электр һәм егәрлек сатып алу бүлеге җитәкчесе Эльдар Майнакскийга – «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.
«ТГК-16» АҖ юридик бүлеге җитәкчесе Игорь Галимовка – «Энергетика хокукы» курсы буенча лекцияләр циклын оештыруда һәм үткәрүдә актив катнашканы өчен.