ЯҢАЛЫКЛАР

"Вертолеты России"" холдингы (Ростех дәүләт корпорациясенә керә) 2019 елның 23-24 октябрендә Сочида уза торган Россия-Африка икътисадый форумында катнаша. "Сәнәгать" зонасында урнашкан холдинг экспозициясендә модернизацияләнгән Ми-35П вертолеты, корпоратив башкарылган күп максатлы граждани Ансат, шулай ук Ми-8/17 тибындагы вертолетларны ремонтлау өчен мобиль сервис үзәге күрсәтелә.

Африка илләрендә Ми-24/35 тибындагы 250дән артык вертолет эксплуатацияләнә. Холдинг барлык Африка партнерларына яңа двигательле, тагылма һәм навигация комплексы яңартылган, шулай ук коралларның киңәйтелгән составы булган яңа двигательле, модернизацияләнгән Ми-35П  вертолетын тәкъдим итә.

Африкада совет чорында һәм Россиядә җитештерелгән вертолетларының яртысыннан артыгы – ул дөньякүләм танылган төрле модификациядәге Ми-8/17 машиналары. Контейнер тибындагы мобиль сервис үзәкләре Ми-8/17 тибындагы вертолетларны капиталь ремонтлау һәм заказчылар тарафыннан авиация базалары шартларында аларның модификацияләрен башкару өчен билгеләнгән. Аларны хәтта электр челтәреннән башка да теләсә кайсы урында борырга була – алар шәхси дизель-генератор белән тәэмин ителгән.

"Вертолеты России" гражданнар линейкасыннан форумда югары уңайлыклы салоны булган корпоратив башкарудагы күпмаксатлы җиңел Ансат тәкъдим ителә. Россиядә әлеге ике хәрәкәтчән вертолет очкыч ашыгыч ярдәм сыйфатында актив кулланыла. Ул класста иң зур кабиналарга ия һәм йөк, пассажир һәм медицина максатларында ташу, эзләү-коткару операцияләре һәм патрульлек итү өчен кулланыла ала.

"Вертолеты России" холдингы матбугат хезмәте материаллары буенча, Марина Лысцева фотолары

Казакъстан җитештерүчеләре кунакчыллык индустриясе өчен халыкара күргәзмәдә үз продукцияләрен тәкъдим итү өчен Казанга киләчәк.

Казакъстан Республикасы стендында җирле алты җитештерүче чыгыш ясаячак:

• Көрік ШҚ – турыдан-туры чыгып, сок җитештерүче;
• Султан-Маркетинг – макарон һәм кондитер әйберләре;
• Елена тегү производствосы – пешекче кительләре, спорт костюмнары, футболкалар, поло футболкалар җитештерә;
• Песня Лета – табигый соклар җитештерүче компания;
• Аврора – көнкүреш химиясе һәм косметика
• NefisGroup – каһвә катнашмасы, данәле юеш салфеткалар һәм башкаларны җитештерә.

Стенд Казакъстан Республикасының Сәүдә һәм интеграция министрлыгы, КР "Атамекен" Илкүләм эшкуарлар палатасы, КР Тышкы сәүдә палатасы тарафыннан Казакъстан Республикасының Россиядәге илчелеге һәм КР Сәүдә вәкиллеге ярдәмендә оештырылган.

"Horeca by Kazan-2019" күргәзмәсе – Казанда һөнәри ресторан һәм кунакханә сегментының беренче күргәзмәсе. Чара 23-25 октябрьдә узачак һәм "Казан Экспо" үз мәйданчыгында туристлык базарының барлык вәкилләрен берләштерәчәк. Күргәзмәдә катнашучылар өчен белем бирү программасы, спикерлар чыгышы, профессиональ конкурслар һәм иң яхшы җитештерүче компанияләрнең экспозицияләре планлаштырылган.

Казакъстан Республикасының Казан шәһәрендәге Генераль консуллыгы матбугат хезмәте материаллары буенча

Татарстан Республикасына бизнес-миссия белән Чиләбе өлкәсе һәм Краснодар крае предприятиеләре делегациясе килде. Визитның максаты – Татарстан Республикасы предприятиеләре белән ике яклы элемтәләрне җайга салу һәм тәҗрибә уртаклашу.

Делегация составында: "Агротех", "Варнаагромаш", "Уральские кондитеры" компанияләре, Златоуст сәгать заводы, "Златоуст" корал фабрикасы, "Новые Тепловые Машины" җылылыкалмаш җиһазлары җитештерүче предприятиесе, шулай ук ял итү өлкәсендәге предприятиеләр – "Урал" пансионаты, "Русь" шифаханәсе, "Солнечная Долина" пансионаты һәм башкалар.

Төбәк эшкуарлары белән очрашуга Татарстанның кайбер оешмалары чакырылган иде: "Татнефть сәүдә-техник йорты", "Әлмәт җылылык челтәрләре", "Казанькомпрессормаш", "Метроэлектротранс", ТР Һөнәри берлекләре федерациясе һәм башкалар.

Бизнес-делегация әгъзалары үз компанияләренең продукциясен һәм хезмәтләрен тәкъдир итте. Алар арасында мини-сыр кайнату җиһазлары, авыл хуҗалыгы техникасы өчен җайланмалар һәм запас өлешләр, механик кул һәм водолаз сәгатьләре, кондитер эшләнмәләре, җылылык алмашу җиһазлары, шифаханә-курорт хезмәтләре бар.

Очрашу B2B форматында дәвам итте: республика эшкуарлары һәм төбәк кунаклары аралашуны үзара бизнес-мәнфәгатьләр юнәлешләре буенча дәвам итә алды.

Визит 2019 елның 24 октябренә кадәр дәвам итәчәк, делегация әгъзалары өчен Иннополис шәһәренә, шулай ук республиканың Чистай һәм Яшел Үзән районнарына бару планлаштырылган.

Татарстан Республикасына эш визиты белән Бавария Федераль җире (Германия Федератив Республикасы) делегациясе килде. Татарстан Республикасына эш сәфәре Бавария белән Россия арасындагы икътисадый элемтәләрне үстерү максатларында узды. Делегацияне Бавариянең икътисад, төбәк үсеше һәм энергетика министры – Бавария Премьер-министры урынбасары Хьюберт Айвангер җитәкләде.

Германия делегациясе составына сәнәгатьнең төрле тармакларыннан 20дән артык алман компаниясе вәкилләре кергән.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов сәламләү сүзендә билгеләп үткәнчә, республикада алдынгы Бавария предприятиеләре офислары бар: Siemens AG, Linde AG, KUKA, алар республика предприятиеләре белән уңышлы хезмәттәшлек итә. 2019 елның беренче яртыеллыгында Татарстанның Германия белән тышкы сәүдә әйләнеше 774,2 млн АКШ доллары тәшкил иткән.

Бавариянең эшлекле даирәләре, катлаулы икътисадый һәм сәяси кысалы шартларга карамастан, тотрыклы уңай динамиканы һәм ике яклы хезмәттәшлекнең яхшы потенциалын билгеләп үтә.

Айвангер әфәнде сүзләренә караганда, Германия хәзер сәнәгатьнең кайбер тармакларын трансформацияләү этабында. Аерым алганда, автомобиль сәнәгатендә технологияләрне нинди юнәлештә үстерү мәсьәләсе тора. Эчке яну двигательләрен, газ ягулыгы, аккумулятор туплагычлар яки атом энергиясен кулланыргамы, кайсы яхшырак булыр дигән сорауга җавап эзләү өчен экспертларның дебатлары уза. Шулай ук, ул билгеләп узганча, Бавариядә күмер кулланудан актив баш тартканнар, "яшел энергия чыганаклары"н үстерәләр, шул ук вакытта җылылык энергиясен күбрәк җитештергәндә энергия чыгымнарын ничек киметергә кирәк, дигән мәсьәләне дә хәл итәләр.

Шулай ук форумда Татарстанның инвестиция-сәнәгать потенциалы презентацияләнде, "Риэль Инжиниринг" ҖЧҖ компаниясеннән алман партнерлары белән хезмәттәшлек итү тәҗрибәсе турында сөйләнде һәм Бавария делегациясе әгъзалары чыгыш ясады.

"Татар-информ" фотоматериаллары кулланылды

2019 елның 19 октябрендә Казанда Татарстан Республикасы җиңел сәнәгать предприятиеләре арасында "Тегүче" белгечлеге буенча XVII республика эшче осталык конкурсы узды.

Быел иң яхшы тегүче исеме өчен Татарстанның Казан, Азнакай, Бөгелмә һәм Кукмара шәһәрләреннән 10 кеше көч сынашкан.

Конкурс комиссиясе составында – КНИТУ Җиңел сәнәгать технологияләре, мода һәм дизайн институты, Казан дизайн технологияләре көллияте, Республика текстиль һәм җиңел сәнәгать хезмәткәрләре һөнәр берлеге федерациясе һәм Татарстан Республикасы Сәнәгать һәм сәүдә министрлыгы вәкилләре.

Комиссия конкурсантларны теоретик һәм гамәли юнәлешләр буенча бәяләгән. Шулай итеп, катнашучылар мода индустриясе өлкәсендәге сорауларга җавап биргән һәм "очлары каеп тегелгән кесә тишеген эшкәртү" юнәлеше буенча үз осталыкларын күрсәткән.

Иң яхшы нәтиҗәне "Ирэн" тегү остаханәсе" ҖЧҖ (Казан шәһәре) хезмәткәре Елена Белячкова күрсәткән. Икенче һәм өченче урыннарны "БШФ" ҖЧҖ тегү фабрикасы хезмәткәре Людмила Закирова һәм "Бөгелмә тегү фабрикасы" предприятиесе вәкиле Александра Потякова алган.

Конкурста җиңүчеләргә Россия сәнәгать хезмәткәрләре һөнәр берлегенең Татарстан Республика оешмасы Мактау грамоталары һәм акчалата бүләкләр тапшырылган. Моннан тыш, конкурста катнашучыларның барысына да кыйммәтле бүләкләр тапшырылган.

Республика җиңел сәнәгать предприятиеләре арасында эшче осталык конкурсы 2003 елдан башлап ел саен үткәрелә. Мондый чараны оештыру эшче һөнәрләрнең абруен күтәрергә һәм популярлаштырырга, яшьләрне эшче һөнәрләргә өйрәтү һәм эшкә урнаштыру өчен җәлеп итәргә ярдәм итә.

Чараны Татарстан Республикасы Сәнәгать һәм сәүдә министрлыгы, Россия сәнәгать хезмәткәрләре һөнәр берлегенең Татарстан республика оешмасы белән берлектә оештыра.

Татарстан Республикасы Сәнәгать һәм сәүдә министрлыгы барлык предприятиеләргә һәм чарада катнашучыларга рәхмәт белдерә һәм киләсе елда конкурста актив катнашырга чакыра.

"Химград" технополисы "Иң яхшы архитектура-шәһәр төзелеше концепцияләре" дигән россиякүләм һөнәри конкурсның "Сәнәгать функциясен саклап калып, гамәлдәге сәнәгать территорияләрен үстерү (Industrial Park Design.Brownfield)" номинациясендә җиңүче булган.

Бүләкләү тантанасы 2019 елның 18 октябрендә Мәскәү шәһәренең Кунак сараенда РФ субъектлары һәм муниципаль берәмлекләре баш архитекторлары советының 45 нче утырышы кысаларында узган.

Конкурсның төп бурычы – комплекслы үсешнең дөньякүләм максатларын исәпкә алып, Россиянең баланслы һәм алгарышлы үсеше өчен кирәкле перспективалы комплекслы шәһәр төзелеше чишелешләрен эзләү.

Иң яхшы шәһәр төзелеше практикаларын ачыклаганда, төбәк үзенчәлекләрен исәпкә алып һәм норматив хокукый актларга таянып, инновацияле алымнар мөһим критерийлар булып торган.

Тәкъдим ителгән архитектура-шәһәр төзелеше концепцияләре БМО тотрыклы үсеш максатларына туры килә торган территорияләрне үстерү инструменты буларак бәяләнгән.

Конкурста катнашуга илнең 34 шәһәреннән һәм 7 төбәгеннән проект командаларыннан, девелопер структураларыннан һәм муниципаль хакимият органнарыннан 63 заявка бирелгән булган.

Конкурсның жюри составына әйдәп баручы архитектура, инжиниринг, консалтинг һәм иҗтимагый оешмалар экспертлары кергән.

Конкурста барлыгы ун индустриаль парк катнашкан, шуларның алтысы – Россиянең индустриаль парклары ассоциациясе әгъзалары:

• "Химград" Технополисы, Татарстан Республикасы
• Про-Бизнес-Парк, Свердлау өлкәсе,
• "Кашира - парк" МИЗ, Мәскәү өлкәсе,
• "Кольцовский" логистика паркы, Свердлау өлкәсе,
• "Храброво" индустриаль паркы, Калининград өлкәсе,
• "Феникс" индустриаль паркы, Смоленск өлкәсе.

"Химград" АҖ матбугат хезмәте материаллары буенча

Үзбәкстан сәнәгатьчеләре делегациясе резин техникасы эшләнмәләре заводы директоры Гуломжон Ибраһимов җитәкчелегендәге делегация Татарстанга визит белән килде. Визитның төп максаты – газ-мотор техникасы, авыл хуҗалыгы һәм башка уртак проектлар өлкәсендә ике яклы хезмәттәшлекне киңәйтү.

Аерым алганда, Татарстан Республикасы Сәнәгать һәм сәүдә министрлыгында узган киңәшмәдә Үзбәкстан ягы вәкилләре республиканың газ-мотор ягулыгы базарын үстерү программасында катнашу белән кызыксынды.

Очрашуда "Global Gaz Montaj" ҖЧҖ (Үзбәкстан) генераль директоры Баһадир Мирзакәримов Үзбәкстанда гына түгел, Казакъстанда да проектларны тормышка ашыруда компания тәҗрибәсе турында сөйләде.

Киңәшмәдә шулай ук "Газпром-газ-мотор ягулыгы", "Раритэк", "Яшел Үзән заводы" предприятиеләре вәкилләре катнашты. "Горький исемендәге Яшел Үзән заводы" ААҖ һәм Үзбәкстаннан килгән белгечләр компетенциясендә кызыксынучы Татарстан предприятиеләре – АЗС операторлары катнашты.

Киләчәккә Үзбәкстанның газ-мотор базары структурасын җентекләп өйрәнү максатыннан Татарстан предприятиеләре вәкилләре белән делегация визитлары планлаштырылган.

"Нижнекамскнефтехим" ГАҖнең олигомер һәм гликоль заводында каты полиэтиленгликоль (ТПЭГ) чыгаруга керешкәннәр.

Бүген бу продукция күп кенә тармакларда кулланыла һәм һәр Россия гаиләсе тормышына үтеп керә. ТПЭГ үзлекне көйләүче, антистатик, йомшарткыч сыйфатында, җилем, гранула һәм төймә ясый торган ярдәмче матдәләрдә, керамика, резин техникасы сәнәгатендә кулланалар.

Каты полиэтиленгликольне шулай ук фармацевтика сәнәгатендә дә кулланалар – сыек дару препаратларын эретү, суппозиторияләр, майлар һәм дару төймәләрен җитештерү өчен.

Моннан тыш, ТПЭГ косметик чаралар, аерым алганда, тирене карау өчен кремнар, юу чаралары җитештерү өчен нигез булып тора. ТПЭГ кулланучылар – Россия һәм чит ил компанияләре.

"Нижнекамскнефтехим"да ТПЭГ алу өчен яңа уникаль җиһазлар – кристаллаштыру узелы, шулай ук продукция төргәкләүнең роботлаштырылган линиясен файдалануга тапшырганнар.

Әзер ТПЭГ 25 кг сыешлы тыгыз өч катлы кәгазь капчыкларга төрелә. Киләчәктә каты полиэтиленгликоль төргәкләү өчен завод кешеләре 1000 кг га кадәр күләмдә полипропилен тараны – биг-бэглар кулланырга планлаштыра.

"Нижнекамскнефтехим" ГАҖ матбугат хезмәте материаллары буенча

Татарстан Республикасына эш визиты белән Бавария Федераль җире (Германия Федератив Республикасы) делегациясе киләчәк. Делегацияне Бавариянең икътисад, төбәк үсеше һәм энергетика министры – Бавария Премьер-министры урынбасары Хьюберт Айвангер җитәкләячәк. Бавария белән Россия арасындагы икътисади элемтәләрне үстерү максаты белән Татарстан Республикасына бару планлаштырылган.

Бавариянең эшлекле даирәләре, катлаулы икътисадый һәм сәяси кысалы шартларга карамастан, тотрыклы уңай динамиканы һәм ике яклы хезмәттәшлекнең яхшы потенциалын билгеләп үтә. Бавария делегациясе составында – рәсми затлар, хакимиятнең тармак органнары вәкилләре, шулай ук компанияләрнең җитәкчеләре һәм белгечләре.

Визитның эш программасы 22 нче октябрьдә, сишәмбе көнне, Татарстан Республикасы Премьер-министры Алексей Песошин белән очрашудан башланачак.

2019 елның 22 октябрендә "Корстон" КСККның "Толстой" залында сәг. 10.30 узачак "Татарстан-Бавария" икътисадый форумы төп вакыйга булачак.

Татарстан Республикасыннан форумда Татарстан Республикасы сәнәгать һәм сәүдә министры Альберт Кәримов, республиканың тармак сәнәгать предприятиеләре һәм югары уку йортлары вәкилләре катнашачак.

Форум программасында Татарстанның инвестиция-сәнәгать потенциалын тәкъдир итү, алман партнерлары белән хезмәттәшлек итү тәҗрибәсе һәм Бавария делегациясе әгъзаларының чыгышлары планлаштырылган.

Форум ахырында ФГР һәм Татарстан Республикасы эшлекле җәмәгатьчелеге вәкилләре B2B форматында үзләрен кызыксындырган мәсьәләләр буенча фикер алыша алачак.

2019 елның беренче яртыеллыгында Татарстанның Германия белән тышкы сәүдә әйләнеше 774,2 млн АКШ доллары тәшкил иткән.

ММЧ вәкилләрен катнашырга чакырабыз. Аккредитация өчен: Мария Дольникова, maria.mpt@tatar.ru , тел. 567-36-98

Бүген министр Альберт Кәримов җитәкчелегендәге Татарстан Республикасы делегациясе К-Messe пластик һәм каучук халыкара күргәзмәсендә катнашу өчен Дюссельдорфка (ФРГ) килде.

Дөньяда иң зур һәм әйдәп баручы мондый продукция күргәзмәсе өч елга бер тапкыр, быел – 16-23 октябрь көннәрендә уза.

"К – 2019" күргәзмәсенең төп бүлекләрендә чимал һәм өстәмә материаллар, ярымфабрикатлар, техник элементлар, югары ныклы пластмасса эшләнмәләре, каучук һәм пластмасса җитештерү өчен машиналар һәм җайланмалар, шулай ук төрле шуңа бәйле хезмәтләр тәкъдим ителгән.

Күргәзмә кысаларында төрле экспозициягә өстәп, "First Choice of Winners – спорт һәм ял итү өчен пластмасса эшләнмәләре" дип аталган махсус шоу күрсәтү планлаштырылган.

Татарстан Республикасы делегациясе составында – Татарстан Республикасының Инвестицияле үсеш агентлыгы җитәкчесе Талия Миңнуллина, ГФРда Татарстан вәкиле Таһир Гатауллин, шулай ук тармакның сәнәгать предприятиеләре вәкилләре.

Күргәзмәгә үз продукциясе белән Татарстанның полимер тармагы предприятиеләре дә килгән: Казан Оргсинтезы, "Нижнекамскнефтехим" һәм "Пласт-ТЕК". Моннан тыш, Кама полимер материаллар заводы, Орион-пласт һәм ТатхимПласт компанияләре продукциясе Берләшкән Россия стендына куелган.

Күргәзмәне оештыру һәм К-2019да Берләшкән Россия стендының эше турында Татарстан Республикасы сәнәгать һәм сәүдә министры Альберт Кәримов тармак басмасы журналистларына сөйләде:

"Безнең компанияләрнең "К" күргәзмәсендә катнашуы гадәти күренеш. Быел республиканың әйдәп баручы предприятиеләре күргәзмә эшендә катнашу өчен үз вәкилләрен җибәрде – алты Республика компаниясе күргәзмә эшендә катнаша. Әлеге чара белән кызыксыну халыкара дәрәҗәгә чыгучы һәм продукцияне генә түгел, полимерларны эшкәртү өлкәсендә дә үз компетенцияләрен экспортларга әзер булган компанияләребез үсешенә бәйле".

Интервью ахырында Альберт Кәримов күргәзмәдә катнашучы республика компанияләренә рәхмәт сүзләрен җиткерде һәм аларга уңышлы һәм нәтиҗәле эш теләде.

Төшке аштан соң Германия эшлекле даирәләре белән түгәрәк өстәл узды, анда Татарстан делегациясе вәкилләре республиканың инвестицияле-икътисадый потенциалын тәкъдир итте.