ЯҢАЛЫКЛАР
Халыкара космос станциясендә очыш ясаучы Россия космонавтлары Александр Скворцов һәм Олег Скрипочка, академик С.А.Векшинский исемендәге Россия вакуум җәмгыяте әгъзаларына, "Вакууммаш" АҖ хезмәткәрләренә, вакуумм тармагы белән бәйле фәнни һәм мәгариф оешмалары әгъзаларына видеомөрәҗәгать яздырып, Россиядә электровакуум тармагының 2020 елда билгеләп үтеләчәк йөз еллыгы белән котлаганнар.
"Сезгә эшчәнлегегезнең барлык юнәлешләрендә, шул исәптән ракета-космос тармагы предприятиеләре белән фәнни-технологик хезмәттәшлекне киңәйтүдә, уңышлар телибез!" – дип, космонавтлар үзләренең котлау сүзләрен төгәлләгән.
"Вакууммаш" АҖ материаллары буенча
Бүген, 28 гыйнварда, Татарстан Республикасы Сәнәгать һәм сәүдә министрлыгында Татарстан Республикасы сәнәгать һәм сәүдә министры урынбасары Алмаз Хөсәенов "Вверх!" конкурсының 3 финалисты Дмитрий Иванов, Кирилл Шевченко һәм Елена Багаева белән очрашты. Очрашуда "Вверх" конкурсы директоры Алла Кондратьева катнашты. Очрашу кысаларында Татарстан Республикасы Сәнәгать һәм сәүдә министрлыгы һәм Татарстан Республикасы Яшьләр Хөкүмәте арасында алга таба хезмәттәшлек итү планнары турында фикер алышынды, шулай ук "Вверх" конкурсы финалистлары тарафыннан "Бер-береңә елмаю бүләк ит" һәм "Уңайлы практика" социаль-әһәмиятле проектлар тәкъдир ителде.
Исегезгә төшерәбез, "Вверх" яшь лидерларның республика конкурсы 2009 елдан бирле гамәлгә ашырыла. 2019 елда конкурста катнашу өчен Татарстан Республикасының 21 муниципаль берәмлегеннән 350 дәгъва белдерүче гариза тапшырган. Конкурс Татарстан Республикасы дәүләт хакимияте һәм җирле үзидарә органнары, учреждениеләре һәм оешмалары, яшьләрнең иҗтимагый берләшмәләре өчен идарәче кадрларны әзерләү һәм стажировка механизмын формалаштыруга юнәлдерелгән. Финалга 42 кеше чыккан.
Бүген Мәскәүгә булган эш сәфәре кысаларында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов "2050.ЛАБ" сәнәгый дизайн һәм инновацияләр илкүләм үзәгендә булды.
"2050.ЛАБ" җитештерү куәтләре югары технологияле универсаль мәйданчыкта – "МИСиС" фәнни-тикшеренү университетының Югары катлаулы прототиплаштыру инжиниринг үзәгендә урнашкан.
Инжиниринг үзәге директоры Владимир Пирожков робот төзелеше, авиация, сәнәгый дизайн өлкәсендәге яңа эшләнмәләрне һәм проектларны күрсәтте.
Бүген Менделеевскида Альберт Кәримов "Аммоний" АҖ хезмәт коллективына яңа генераль директорны тәкъдим итте.
Исегезгә төшерәбез, 15 гыйнварда Мәскәүдә компания акционерларының чираттан тыш утырышында әлеге постка Макаров Дмитрий Юрьевич бертавыштан расланды.
Татарстан Республикасы Сәнәгать һәм сәүдә министрлыгы хәбәр иткәнчә, Татарстан Республикасында "Балигъ булмаганнарга составында тәмәке булмаган никотинлы продукция сатуны, Татарстан Республикасы территориясендә никотин китертүнең электрон системаларын тыю һәм Татарстан Республикасының аерым закон актларына үзгәрешләр кертү турында" 2019 елның 24 декабрендәге 106-ТРЗ номерлы Татарстан Республикасы Законы кабул ителде һәм үз көченә керде.
Шул рәвешле, Татарстан Республикасында балигъ булмаганнарга тәмәке продукциясе, суыра торган табак (снюс), насвай, шулай ук составында тәмәке булмаган никотинлы продукция сату, никотин (вейплар) китертүнең электрон системалары тыела.
Татарстан Республикасы буенча Роспотребнадзор идарәсендә "кайнар линия" эшли, аның номеры буенча тәмәкесез никотинлы продукция сатыла торган һәм аны сату кагыйдәләре бозыла торган сәүдә объекты турында хәбәр итәргә мөмкин.
Кайнар линия телефоны: (843) 272 80 33 (эш көннәрендә), ял көннәрендә: (843) 238 98 54 яки эл. почта адресы: rpn.pitanie@tatar.ru.
Сәүдә нокталарыннан читтә тәмәкесез никотинлы продукция сату фактлары билгеләнгәндә, Эчке эшләр министрлыгы органнарына мөрәҗәгать итәргә кирәк.
Бүген, 16 нчы гыйнвар көнне, Татарстан Республикасы Сәнәгать һәм сәүдә министрлыгында Кытайның Kunlun Red Star Energy Group компаниясе белән Татарстан предприятиеләренең үзара хезмәттәшлеге буенча эшче төркемнең беренче утырышы булды, анда "Татнефть" ГАҖ, "Нижнекамскнефтехим" ГАҖ, "Казаньоргсинтез" ГАҖ, "Татэнерго" АҖ компанияләре һ.б. вәкилләре катнашты. Утырыш барышында нефть чыгару, нефть химиясе һәм энергетика өлкәсендә хезмәттәшлекнең перспектив юнәлешләре турында фикер алыштылар.
Бүген, 15 нче гыйнварда, Мәскәү шәһәрендә "АММОНИЙ" АҖ директорлар советы рәисе, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов акционерларның чираттан тыш җыелышын үткәрде. Төп кредитор (Внешэкономбанк) һәм финанс эшчәнлеген алга таба савыктыру һәм җитештерүне саклап калу буенча гамәлләр программасының потенциаль инвесторы белән килешенгән кысаларда акционерлар бертавыштан компаниянең генераль директоры итеп Макаров Дмитрий Юрьевичны раслау өчен тавыш бирде.
Өстәмә:
Макаров Дмитрий Юрьевич 1972 елда туган. Предприятиеләрдә минераль ашламалар җитештерү буенча идарә итү тәҗрибәсе бар, шул исәптән "АЗОТ" КАҖ генераль директорының үсеш буенча урынбасары булып эшләгән.
2010 нчы елда электрон сәүдә операторы сыйфатында оештырылган "ТЗП Татнефть" бүген "Татнефть" төркеме предприятиеләрен генә түгел, Татарстанның "Нефтеконсорциум" кече нефть компанияләрен дә, "ТАГРАС-Холдинг" сервис предприятиеләрен дә, подряд оешмаларын да бердәм сатып алу системасына берләштерә. "Татнефть" сәүдә-сатып алу мәйданчыгында нефть-газ тармагы товарларын җитештерүчеләрнең һәм дилерларның киң даирәсе катнаша. Хәзерге вакытта Компаниянең сәүдә-сатып алу мәйданчыгында 44 000 контрагент теркәлгән.
2019 нчы елда химия продукциясе тендерына кергән тәкъдимнәрнең максималь саны 57 коммерция тәкъдиме тәшкил иткән, узган ел 59 000 көндәшлекле тәкъдим алынган.
10 ел эчендә "ТЗП ТАТНЕФТЬ" операторлары тарафыннан 150дән артык сатып алучы оешма өчен 117 меңнән артык электрон сәүдә процедурасы уздырылган, сәүдә әйләнеше 460 млрд. сумнан артып киткән.
2012 нче елдан башлап "Татнефть" ГАҖ сәүдә-сатып алу мәйданчыгы" инглиз телендә дә эшли. Бүген "ТЗП ТАТНЕФТЬ" — РФдә көндәшлекле процедураларда катнашу өчен бердәнбер түләүсез мәйданчык. "Татнефть" сәүдә-сатып алу мәйданчыгының киң функционалы, контроль һәм аналитик инструментларның уңайлылыгы һәм мөмкинлекләре, өстәмә сервисларның киң һәм сыйфатлы булуы, техник тотрыклылыгы һәм эштәге тизлеге, клиентлар һәм техник ярдәм сыйфаты, сайт буенча навигация уңайлылыгы белән аерылып тора. Платформа төрле компанияләрнең төп процессларын үз эченә ала, шул исәптән сатып алулар, контрагентлар эзләү, гамәлгә ашыру, ТТУ базасы, контрагентлар белән хезмәттәшлек тарихы һәм тикшереп торучы хезмәтләр кабинеты.
"Татнефть" сәүдә-сатып алу мәйданчыгы операторлары электрон сатулар үткәрү процессы дәвамында квалификацияле техник ярдәм күрсәтә. Җентеклерәк: https://etp.tatneft.ru
"Татнефть" ГАҖ матбугат хезмәте материаллары буенча
Татарстан Республикасы Сәнәгать һәм сәүдә министрлыгында Татарстан Республикасы Халыкара медицина кластеры концепциясе проектын карау буенча киңәшмә узды.
Мондый проектны гамәлгә ашыру фәнни-тикшеренү клиник һәм белем бирү мәйданчыгы булдырудан гыйбарәт, анда инновацион медицина технологияләре кертеләчәк.
Татарстанда потенциаль медицина кластеры мәгариф, фән, шулай ук республика потенциалын исәпкә алып, медицина хезмәтләрен иң яхшы инновацион дөнья тәҗрибәләренә таянып киңәйтү мөмкинлеген бирәчәк.
Киңәшмәне К(И)ФУ ректоры Илшат Гафуров, ТР сәламәтлек саклау министрының беренче урынбасары Әлмир Абашев, "ФармМедПолис РТ" вәкилләре һәм башкалар катнашында министр урынбасары Алексей Савельчев үткәрде.
"Хезмәт җитештерүчәнлеге һәм эш белән тәэмин итүгә ярдәм" илкүләм проектында катнашучы предприятиеләр өчен "Татарстан Республикасында остазлыкның иң яхшы практикалары – 2019" конкурсында катнашу мөмкинлеге бар.
Конкурсның максаты – хезмәт җитештерүчәнлеген арттыру, остазлыкны үстерүгә һәм Татарстан Республикасында нәтиҗәле остазлык тәҗрибәсен таратуга һәм үстерүгә шактый өлеш керткән остазларны ачыклау, тану һәм бүләкләү.
Конкурс түбәндәге номинацияләрдә үткәрелә:
- "Хезмәт җитештерүчәнлеген арттыру өлкәсендә остазлык";
- "Һөнәри үзбилгеләнештә остазлык";
- "Яшьләрнең һөнәри үсешендә остазлык";
- "Алдынгы технологияләр өлкәсендә остазлык".
Конкурста катнашу өчен 2020 елның 17 гыйнварына кадәр Татарстан Республикасы Сәнәгать һәм сәүдә министрлыгына шәхси мәгълүматларны эшкәртүгә гариза һәм ризалык җибәрергә кирәк. Гаризаны электрон почта адресына электрон рәвештә тапшырырга мөмкин: mpt@tatar.ru яки басма рәвештә әлеге адрес буенча: 420111, ТР, Казан шәһәре, Островский урамы, 4 нче йорт.
Конкурста җиңүчеләрне бүләкләү тантанасы Татарстан Республикасының югары вазыйфаи затлары катнашында тантаналы шартларда уздырылачак.
Игътибар итегез, шәхси мәгълүматларны эшкәртүгә ризалык конкурста катнашучы оешманың һәр катнашучысына һәм элемтә өчен җаваплы затына тутырыла.
Конкурс турында тулырак мәгълүмат һәм гариза формасы сылтама буенча урнаштырылган