Алабуга муниципаль районының йомгаклау сессиясендә катнашу

2020 елның 21 феврале, җомга

21 нче февральдә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Әнвәр улы Кәримов Алабуга муниципаль районы советының "Алабуга муниципаль районының 2019 елда социаль-икътисадый үсеш йомгаклары һәм 2020 елга бурычлары турында"гы йомгаклау утырышында катнашты.

Шулай ук Алабуга шәһәренә ясалган визит барышында "Атлантис-Пак" ҖКФ ҖЧҖ генераль директоры Переплетчиков Игорь Дмитриевич белән очрашу кысаларында пластик колбаса тышчалары производствосын урнаштыруга бәйле инвестиция проектын гамәлгә ашыру буенча хезмәттәшлек итү турында килешү имзаланды.