ЯҢАЛЫКЛАР

26 һәм 27 февраль көннәрендә TIAF 2019 күргәзмәсе кысаларында Татарстанның һәм ИФО базар профессионалларының Кытайдагы иң яхшы автога запас өлешләр һәм компонентлар җитештерүчеләр белән бизнес-очрашулары булачак, алар арасында иң эре компанияләр, беренче дәрәҗәле тәэмин итүчеләр бар.

Узган күргәзмәдә шундый 200 артык очрашу булды, әлеге чаралар Татарстан компанияләре белән Кытай җитештерүчеләре арасында партнерлык буенча яңа мөнәсәбәтләргә нигез салды.

Бизнес-очрашуларда катнашу өчен 3 сәбәп:

- Уникаль сәүдә тәкъдимнәре – компанияләр әлегә базарда булмаган товарларны күрсәтәчәк;

- Арадашчылардан һәм өченче затлардан башка гына, турыдан-туры иң яхшы тәкъдимнәр;

- Кытайның Милли павильонында иң ышанычлы җитештерүчеләр генә күрсәтелгән, аларның Татарстанга килүе КХР Хөкүмәте тарафыннан хуплана.

Бизнес-очрашуларда 1 дәрәҗәле тәэминатчылар, ягъни Кытайдагы турыдан-туры автоҗитештерү тәэминатчылары катнашачак. Алар арасында:  

Taizhou Greco Rubber Belt Co.,Ltd (продукция: чөйсыман каеш, ГРМ каешы, поликлин каеш),

Ruili Group Ruian Auto Parts Co Ltd (продукция: компрессорлар, киптергечләр, клаппанар, тормоз камералары өчен пружиналар, тарттыргыч винтлар, ABS һ.б.),

Heze OU Des Nozzle Pump Co.,LTD (продукция: форсунка),

Jiangsu Yarujie Auto Parts Co.,Ltd (продукция: капот, катлау, ишек, түбә),

Xingtai City Tight Rubber Product Co., LTD (продукция: сальник, тәгәрмәч капкачы, двигатель терәге),

Zhejiang Nessie Import and Export Trade Co.,LTD. (продукция: автомобиль иләге, фильтр),

Brother Star Auto Fittings Co.,Ltd (продукция: автофильтр, пыяла чистартучы щетка, тормоз калыбы, радиатор капкачы)

Ruili Group Ruian Auto Parts Co Ltd (продукция: һава насосы, һава киптергеч, клапаннар, пружиналы тормоз камерасы, тарттыргыч винт, ABS һ.б.)

Zhejiang Shunwo Auto Parts Manufacturing Co.,Ltd (продукция: ягулык багының муен өлешендәге фильтр)

Yueqing Hualong Mechanical Accessories Factory (продукция: кабина күтәртү насосы, кабина күтәртү цилиндры, тоташтыргыч җайланмалар)

Wenzhou Ammysun Auto Parts Co.,Ltd (продукция: автомобильдәге тәрәзә күтәртү җайланмасын эшләтә-туктата торган җиһаз)

Match-making принцибы буенча оештырылган бизнес-очрашуларда катнашуның өстенлекләре:

- алдан ук кызыксындырган продукция компаниясен сайлау һәм күргәзмәгә баруның уңайлы графигын планлаштыру мөмкинлеге;

- кытай теленнән персональ тәрҗемәчедән түләүсез хезмәт күрсәтелү.

Кытай компанияләре белән бизнес-очрашуларда катнашу турында тәфсиллерәк мәгълүматларны алу өчен безнең белән  (843) 212-21-44 телефоны буенча элемтәгә керүегезне сорыйбыз, проектның менеджеры – Светлана Гыймадетдинова.

Шулай ук сез https://expokazan-osvm.timepad.ru/event/871827/ сылтамасы буенча бизнес-очрашуларда катнашу өчен мөстәкыйль рәвештә теркәлү уза аласыз.

Күргәзмәгә килү өчен түләүсез чакыру билетын https://online.messefrankfurt.ru/?EXHIBITION_ID=358798 сылтамасы буенча алырга мөмкин.

 "Казан ярминкәсе" КҮ матбугат хезмәте материаллары буенча

Бүген ТР Сәнәгать һәм сәүдә министрлыгында "Вверх!" конкурсының финалисты Гүзәл Әмирханованың стажировка узуы кысаларында министр урынбасары Алмаз Хөсәенов белән очрашу булды. Мондый стажировкаларны конкурсларда җиңүчеләр республика министрлыкларында һәм ведомстволарында уза. Практика нәтиҗәләре буенча финалистлар кадрлар резервы составына яки ТР Яшьләр хөкүмәте составына керү мөмкинлеген ала.

Чарада "Вверх" конкурсы директоры Алла Кондратьева һәм ТР Яшьләр хөкүмәте рәисе Алла Абросимова катнашты. Очрашу кысаларында алга таба ведомствоара хезмәттәшлек итү планнары турында сүз барды, шулай ук сәнәгать предприятиеләре өчен файдалы тәкъдимнәр яңгырады.

Исегезгә төшерик, яшь лидерларның "Вверх" республика конкурсы 2009 елдан бирле тормышка ашырыла. 2018 елда анда катнашу өчен Татарстан Республикасының 9 муниципаль берәмлегеннән һәм шәһәрләреннән 146 претендент заявка тапшырган. Конкурс ТР дәүләт хакимияте һәм җирле үзидарә органнары, учреждениеләр һәм оешмалар, яшьләрнең иҗтимагый оешмалары өчен идарәи кадрларны әзерләү һәм аларны стажировкалау механизмнарын формалаштыруга юнәлдерелгән.

Халыкара күргәзмәгә килүчеләр Татарстанның төргәкләү җайланмасын югары бәяләде.

Мәскәүнең Экоүзәгендә 27 нче халыкара "Упаковка-2019" күргәзмәсе узды. Татарстанның фәнни-җитештерү фирмасы җайланмасы күрсәтелгән стенд кунакларның игътибарын җәлеп итте. Завод Казанда урнашкан һәм җитештерүнең тулы циклына ия.

Күргәзмәгә килгән берничә йөз кунак Татарстан җитештерүчеләренә мөрәҗәгать итте, алар стендның масштаблы булуын билгеләп үтте. Кондитер эшләнмәләре, снеклар, бакалея, икмәк, ит һәм балык, шулай ук көнкүреш химиясе, хайваннар өчен товарлар һәм төзелеш материаллары җитештерүчеләр өчен 6 төрле төргәкләү җайланмасы күрсәтелгән иде.

Күргәзмә эшләгән вакытта Мәскәү, Свердлау, Мурманск өлкәләренә һәм Татарстанга төргәк комплекслары китертүгә шартнамәләр төзелде.

Россиянең Сәнәгать министрлыгы белән хезмәттәшлек итеп, предприятие махсус акцияне тормышка ашыра – азык-төлек җитештерүчеләр өчен җайланма сатып алуга ташлама бирә.

Тулырак итеп Идел буе агросәнәгать форумында белергә була. Ул 13-15 февраль көннәрендә Казанның "Казан Экспо" ХКҮ узачак.

"Интеграл+" ФҖП ЯАҖ маркетинг бүлеге материаллары буенча

Кече яшьтән үк булачак һөнәреңне сайларга кирәк. Мәктәп укучылары өчен кече яшьтән үк үзеңне хезмәт процессында сынап карау өчен сәнәгать предприятиеләрендә махсус программалар һәм, асылда, "Казан аренасы" стадионында урнашкан билгеле бер рәвештә әзерләнгән территорияләр бар. Һәрхәлдә мәктәп укучысы һәм ата-аналар ахыргы карарны үзләре сайлаячак. Ләкин соңгы елларда күзәтелгән тренд – эшче һөнәрләр буенча вакансияләр профициты. Бу хакта бүген министр урынбасары Алмаз Хөсәенов һәм хезмәт министры Эльмира Зарипова матбугат конференциясендә сөйләде.

Эшче һөнәрләр арасында тармаклар буенча слесарьлар, электромонтерлар, эретеп ябыштыручылар, станок һәм җайланма көйләүчеләр, аппаратчы-операторлар, токарьлар, фрезеровщиклар таләп ителә.

Урта һөнәри белеме булган белгечләр арасында сәнәгать җайланмаларын (тармаклар буенча), автомат идарә системаларын монтажлау һәм эксплуатацияләү буенча белгечләр, электрик һәм электромеханик җайланмаларны (тармаклар буенча) техник эксплуатацияләү һәм хезмәт күрсәтү, очкыч аппаратларны һәм двигательләрне техник эксплуатацияләү белгечләре сорала.

Республикада яшьләрне предприятиеләргә җәлеп итү өчен күп нәрсә эшләнә. Асылда, ТР Сәнәгать министрлыгы линиясе буенча түбәндәгеләр оештырыла:

- талантлы яшьләрне төбәккә һәм машина төзү тармагында соралучы һөнәргә җәлеп итү максатында мәктәп укучылары һәм белем бирү учреждениеләре студентлары өчен "PROFДвижение" яшьләрнең профюнәлеш форумы;

 - мәктәп укучыларын, студентларны республика территориясендә урнашкан барлык икътисад тармакларының эше белән таныштыру максатында "Россиядә эшлә" россиякүләм проекты кысаларында "Турникетларсыз атна" россиякүләм акциясе;

- республикада балаларның техник иҗаты буенча хезмәттәшлек итү һәм аны үстерү буенча Татарстан Республикасы сәнәгать предприятиеләре рейтингы формалаштырыла һәм башка чаралар уздырыла.

"Ләкин без белгечне җәлеп итеп кенә калмыйча, аның предприятиедә беркетелүен, барлык яктан ачылуын да телибез. Асылда, ел саен "Наше время - Безнең заман" эшләүче яшьләрнең ачык республика телевизион иҗат фестивален уздырабыз. Команда рухын саклау өчен ел саен "Корпорацияләр кроссы" корпоратив чабышлары оештырыла. Яшьләрнең World Skills халыкара хәрәкәте зур уңай йогынты ясый һәм бу эшкә кушылган барлык предприятиеләргә рәхмәт белдерәбез", – дип ассызыклады Алмаз Хөсәенов.

Бүген ТР Сәнәгать министрлыгында Альберт Кәримов Кулланучыларның хокукларын яклау буенча координация советының беренче утырышын уздырды.

Совет эшендә сәүдә һәм кулланучылар базары өлкәсендәге күзәтчелек органнары җитәкчеләре катнашты.  Чара ВКЭ режимында республика муниципаль берәмлекләренең Башкарма комитетларыннан 44 вәкил катнашында узды.

ТР Кулланучыларның хокукларын яклау өлкәсендә күзәтчелек буенча федераль хезмәт идарәсе җитәкчесе Марина Патяшина кулланучыларның хокукларын яклау буенча вәкаләтләрне тормышка ашырганда җирле үзидарә органнарының роле артуы турында һәм халыкка оператив мәгълүмат җиткерү һәм даими рәвештә мәгълүмат эшен алып бару зарурлыгы турында сөйләде.

ТР Дәүләт алкоголь инспекциясе җитәкчесе Җәүдәт Әхмәтханов 6. "2014-2020 елларга Татарстан Республикасында кулланучыларның хокукларын яклау буенча комплекслы системаны үстерү" кече программасы чараларын гамәлгә ашыру йомгаклары турында җиткерде, халыкның барлык яшьтәге төркемнәре белән эшләүнең әһәмиятле булуына, кулланучыларның үз хокукларын нәтиҗәле яклау мөмкинлекләрен популярлаштыруга басым ясады.

Ведомство яшь буын белән актив эшли, шуңа күрә дә ел саен "Кулланучыларның хокукларын яклау" темасына олимпиада хәрәкәтендә катнашучы мәктәп укучыларының саны арта бара.

"Төп бурыч – хәзерге вакытта республиканың барлык торак пунктларында алып барыла торган шул эшне системага салырга", – дип билгеләде министр.

Бүген Альберт Кәримов Татарстан Республикасы предприятиеләре һәм сәнәгатьчеләре ассоциацияcе советының киңәйтелгән утырышында катнашты.

Республикадагы иң зур предприятиеләрнең җитәкчеләре алдында чыгыш ясап, министр 2018 ел өчен тармаклар буенча сәнәгать эшчәнлегенең кыска нәтиҗәләре турында сөйләде, дәүләт ярдәменең гамәлдәге чаралары турында җиткерде. Әйтик, 2018 елда 69 предприятие гомуми 49,9 млрд. сумлык дәүләт ярдәмен алган. Сәнәгатьне үстерү фонды линиясе буенча, төбәк фондын да кертеп, 13 проект гомуми 3,48 млрд. сумга финансланган.

 Чара азагында "Ак Барс" суднолар төзү корпорациясе" АҖ һәм Татарстан Республикасы Сәнәгать һәм сәүдә министрлыгы арасында тышкы икътисадый эшчәнлек өлкәсендә хезмәттәшлек итү турында Килешү имзаланды.

Татарстан Республикасы кысылган табигый газ инфраструктурасын һәм аны куллануны үстерү буенча алдынгы позицияләрне били, бу хәл республикадагы министрлыкларның, ведомстволарның һәм предприятиеләрнең җайга салынган эшчәнлеге, шулай ук "2013-2023 елларга Татарстан Республикасында газ-мотор ягулыгы базарын үстерү" дәүләт программасын уңышлы тормышка ашыру нәтиҗәсе булып тора.

ТР сәнәгать һәм сәүдә министры урынбасары Алексей Савельчев бүген матбугат конференциясендә газ-мотор ягулыгы инфраструктурасын үстерү һәм транспорт чараларын газ-мотор ягулыгына үзгәртеп җиһазлау буенча уздырылган чаралар турында сөйләде.

2018 ел нәтиҗәләре буенча кысылган табигый газ сату күләме 35 млн.куб.метр тәшкил итә, бу күрсәткеч узган ел белән чагыштырганда 23%ка күбрәк. Автомобильләргә газ тутыра торган 19 компрессор станциясе һәм 1 ПАГЗ эшли.

"2013-2023 елларга Татарстан Республикасында газ-мотор ягулыгы базарын үстерү" программасын үтәү кысаларында, үзгәртеп җиһазлау пунктларына һәм транспорт чараларын үзгәртеп җиһазлаганда техник хезмәт күрсәтүгә тотылган чыгымнарның бер өлешен субсидияләү юлы белән, техниканы кысылган табигый газда эшли торган итеп үзгәртеп җиһазлау проектларына ярдәм күрсәтелә. Субсидия күләме үзгәртеп коруның номинал бәясенең 30%ына кадәр тәшкил итә. Болар белән беррәттән, машина йөртүчеләр өстәмә рәвештә "Газпром газомоторное топливо" ҖЧҖдән 1500 кубик метр газ (метан) күләмендә карта ала.

2018 ел нәтиҗәләре буенча 1277 берәмлек төрле транспорт чарасы газ-мотор ягулыгына үзгәртеп җиһазландырылган.

2018 ел йомгаклары буенча сатып алынган газ-мотор ягулыгында эшләүче техника саны 410 берәмлек тәшкил итә, ул планлаштырылган күрсәткечләргә туры килә. Республикада программаны тормышка ашыру вакытында барлыгы 2327 берәмлек транспорт сатып алынган.

Татарстан Республикасында кысылган табигый газда (метанда) эшләүче барлыгы 5200 берәмлектән артык транспорт чарасы эксплуатацияләнә.

Бүген ТР Сәнәгать министрлыгы вәкиле – коррупциячел һәм башка төр хокук бозуларны профилактикалау өчен җаваплы зат Татарстан Республикасы Юстиция министрлыгында керемнәр, чыгымнар турында, мөлкәт һәм мөлкәти холыклы йөкләмәләр турында белешмәләр тапшыру буенча гамәли семинарда катнашты, анда министрлыкларның һәм ведомстволарның вәкилләре катнашты. Семинар видеоконференция форматында узды.

2018 ел йомгаклары буенча тиешле белешмәләрне тапшырганда килеп туган иң актуаль сорауларны яктырту максатларында семинарда катнашучылар алдында Татарстан Республикасы прокуратурасы, Татарстан Республикасы Президентының Коррупциягә каршы сәясәт мәсьәләләре идарәсе, ТР буенча Федераль салым хезмәте идарәсе, ТР буенча ЭЭМ ЮХИДИ идарәсе, Татарстан Республикасы Президенты каршындагы Дәүләт хезмәте һәм кадрлар департаменты һәм Татарстан Республикасы буенча Россиянең федераль социаль иминиятләштерү фонды төбәк бүлеге вәкилләре чыгыш ясады. 

Бүген ТР Сәнәгать һәм сәүдә министрлыгында кулланучылар бәяләре динамикасына анализ ясау, Татарстан Республикасы товар базарларында бәя билгеләү сәбәпләрен һәм факторларын ачыклау буенча ведомствоара эш төркеменең утырышы булды. Чараны Герман Лернер уздырды.

Эш төркеме составына Икътисад министрлыгы, ТР буенча Милли банк, ТР Икътисадый һәм социаль тикшеренүләр үзәге, ТР МФХИ, дәүләт статистикасы хезмәте вәкилләре керде. Очрашуның әһәмиятле вәкилләре буларак "Бәхетле" ДК, "Арслан" ҖЧҖ, "Тандер" АҖ, "Агава" ҖЧҖ, Metro cash and Carry һәм Selgros Cash and Carry кебек сәүдә үзәкләренең вәкилләре катнашты.

Сөйләшү эчтәлекле килеп чыкты һәм конструктив диалог форматында төзелде. Асылда, экспертлар ихтыяҗ динамикасы һәм ихтыяҗ үзгәрүгә китерә торган факторлар турында, шулай ук сәүдә челтәрләрендә җирле товар җитештерүчеләрнең продукцияләре куелуы һәм Татарстанда челтәрләрне үстерү киләчәге турында фикер алышты.

2018 ел өчен банк аналитиклары белешмәләренә караганда, Татарстанда инфляция дәрәҗәсе ИФО төбәкләре буенча уртача алганда тотрыклы рәвештә түбән һәм 3,5% тәшкил иткән.  Азык-төлек товарларына кулланучыларның бәяләре индексы һәм азык-төлек булмаган товарларга кулланучыларның бәяләре индексы – тиешенчә +3,3% һәм +4,2%, ә халыкка түләүле хезмәтләр күрсәтү буенча кулланучылар бәяләре индексы +3,6% тәшкил итә.

Сәүдә челтәрләре вәкилләре бәя билгеләүгә йогынты ясаучы төп факторлар булып ягулыкка бәяләрнең артуы түгел, ә азмы-күпме дәрәҗәдә НДС артуның һәм товарларның билгеле бер категорияләренә валюта курсының үзгәрүе кебек башка факторларның сәбәпче булуы мөмкин дигән фикерне җиткерделәр.

Тулаем алганда, сәүдә челтәрләрендә җирле товар җитештерүчеләрнең товарлары куелуы мәсьәләсендә экспертлар билгеләп узганча, товарларның төрле категорияләре буенча төрле күрсәткечләр күзәтелә, мисал өчен, сәүдә челтәрләрендә җирле җитештерүдәге сөт һәм икмәк продукцияләренең өлеше 50% кадәр җитә һәм аннан да арттып китә.

Очрашу азагында белгечләр быел Татарстанда сәүдә ритейлы базары структурасын кардиналь үзгәртүнең  көтелмәве, ә бәяләрне арттыруга таба үзгәртү быелның икенче кварталына якынрак вакытта фаразлана, дигән фикергә килделәр.

Эш төркеменең киләсе утырышы март аенда ТР Авыл хуҗалыгы министрлыгында җирле Татарстан җитештерүчеләре катнашында планлаштырыла.

Бүген ТР сәнәгать һәм сәүдә министры Альберт Кәримов Татарстан Республикасы Министрлар Кабинетында "2018 ел өчен сәнәгать һәм сәүдә эшчәнлегенең йомгаклары, 2019 елга бурычлар" темасына матбугат конференциясе уздырды.

Матбугат конференциясен уздырыр алдыннан массакүләм мәгълүмат чараларыннан Министрлыкка Татарстан Республикасында сәнәгать һәм сәүдә торышы һәм аны үстерүгә кагылышлы 20дән артык сорау җибәрелгән иде. Очрашуга җирле һәм төбәк ММЧ чараларыннан 30 артык вәкил: эшлекле порталлар, мәгълүмат агентлыклары, социаль-сәяси басмалар килде.  Матбугат конференциясендә Министр 2018 ел өчен сәнәгать тармакларының төп нәтиҗәләрен җиткерде һәм 2019 елга планнар билгеләде.

Статистика мәгълүматларына караганда, узган елда сәнәгый җитештерү күләме 2 трлн. 818 млрд. сум тәшкил иткән, сәнәгый җитештерү индексы 2017 ел белән чагыштырганда үсешен саклаган һәм 102,2% тәшкил итә.

Сәнәгатьтә эшләүчеләрнең уртача исемлек саны 2018 елның 11 аенда 336,8 мең кеше тәшкил иткән, сәүдәдә – 148,6 мең кеше.

Тулай төбәк продуктында сәнәгать өлеше (бәяләү буенча) – 44,6%, сәүдә өлеше 16,4% тәшкил итә.

Сәүдә тармагы ТТТ кертүче әйдәп баручы тармакларның берсе булып кала бирә (сәнәгать һәм авыл хуҗалыгы белән берлектә) һәм сәүдә әйләнеше күләме буенча Татарстан икътисадындагы иң динамикалы рәвештә үсүче тармак, халыкның җан башына исәпләгәндә ваклап сату әйләнеше буенча Идел буе федераль округы төбәкләре арасында беренче урында тора. 2018 ел йомгаклары буенча республикада ваклап сату әйләнеше 917 млрд.сум тәшкил итте, 2017 елның аналогик чорына 106,1% тәшкил итә.

Йомгаклап, министр ММЧ сорауларына җавап бирде. Журналистларны төрле темалар кызыксындыра иде, пилотсыз очкыч аппаратлар һәм пилотсыз автомобиль технкикасы комплексын җитештерү, нефть эшкәртү сыйфаты һәм саны буенча, полимерлар базары, зур дәүләт корпорацияләре белән үзара хезмәттәшлек итү турында, газ-мотор техникасына бәйле программасын үстерү һ.б. кагылышлы сораулар бирелде.

Матбугат конференциясенә кагылышлы видеотрансляцияне монда карарга була.